泰地道 (文苑樓) (已結業)

老友叫食飯，又剛好元宵佳節，同埋女友一同出席。諗住食中菜，點知佢話要試新嘢，仲話要去 渡船街試泰菜 (心諗又捉我做白老鼠⋯😓)老友話 話這個 泰地道，由正宗 地道 泰國人主理，可以放心試。剛剛到 覺得裝修不是很豪華，但我覺得很舒適自在，合我的心水(女友時常投訴我是食裝修的)。老闆娘親切推介，泰式三文魚 配特製醬汁 及 泰地道燒牛肉。最後試了燒牛肉，牛肉可選成數，這次選了5成，配上特製醬汁，美道不錯。當然，泰菜選了我喜愛的 生蝦，椰汁鷄湯，香辣豬肉碎生菜包等⋯先講 椰汁湯，我覺得酸甜度剛好，易入口，比我在泰國旅行時的還好飲；生蝦就Standard 水準，其實可以叫推介的 三文魚，不過咁啱我地想食蝦；生菜包的香辣真是又香又辣，剛剛好，能做到入口香辣，過後留香，又不太辣，本人不嗜辣也覺不錯。及後再加 泰式咖哩海鮮+6件麵包，味道不錯，可惜掛住食忘記拍照⋯😋特別推介泰啤LEO，非常見的 Singha，味似青島，易入口，配辣一流。仲有好多菜式未試，可以返啅。環境舒適，不迫夾，老友今次終於做到嘢。👍🏻🤣

突然想食泰國菜，於是又約左班為食鬼去食野，一大班人食飯真係好正，人多食野冇得頂，食食食，今次就試下新開既泰地道，見個名咁地道，一於去試下係咪店如其名泰地道係佐敦文苑街，未入去就見到門口都好易搵，簡約裝修，睇落好舒服，入到店內，都好四正，坐位都坐得好自在坐底第一時間睇餐牌，侍應都有介紹佢地既特色菜，我地人多，都點左好多，泰式生蝦，三文魚泰式沙律，鴨肉生菜包，沙爹豬牛雞，老水豬比，咖哩海鮮配蒜蓉包，泰式燒雞，炒馬拉盞😂😂😂都真係幾多！先上生蝦同三文魚沙律，因見到生蝦太開心兼肚餓，唔洗10秒已經冇晒，沒有影相，真係好好好食，必叫！三文魚沙律都好有驚喜，佢地既醬汁都好特別，好fresh，食唔停口跟住就陸續上沙爹串燒，炒菜，咖哩海鮮；沙爹即燒好鬼好食，乾身得黎又好鬼多汁，燒得岩岩好；咖哩海解配蒜蓉包又好夾最後上燒雞同豬比，堅有水準，泰國燒雞超惹味，老水豬比又超入味，冇得彈！整體全部都好有水準，醬汁方面都好獨特，美味侍應服務都好好，讚！

今日同老公，奶奶，哥哥，啊媽，五人行去左食呢間，因為好多都吾食得辣，所以只好盡量叫吾辣啦1） 叫左豬頸肉。 配埋醬食真系超正啊，吾食得辣呢個可以選擇喔，吾會覺得太肥2）串燒。 個醬真系配得超正，一家大細最岩食3）菠蘿飯。 甜甜地好香口好好食啊，我奶奶都讚吾停口呢⋯⋯4）鹽燒魚。 d魚肉滑滑溜真系入口即溶既感覺，配埋佢地既醬真系冇得頂啊⋯⋯5）燒雞。 上碟已經超靚，見到都吾捨得食，真系燒得好脆，吾系炸架喔⋯⋯6）吾記得左咩菜哈哈。 辣辣地好惹味，菜亦好鮮甜新鮮7） 椰青。好新鮮啊超清甜，仲有睡朵靚花伴邊，飲到我奶奶停吾到口添啊⋯⋯ 8）冬陰公。真系好似去左泰國親身食甘，太地道啦，好好飲，又足料，夠酸夠辣，比足100分9）甜品。 玫瑰千層糕。吾記得影相，好好味，不過我覺得可以再硬身d，有點兒太軟了本身哥哥同啊媽，奶奶佢地都想食蠔餅，但老闆娘話蠔吾夠靚，所以停左吾出得街，不間有水準有質素既餐廳，連對食物品質都有要求點可以吾再去幫襯啊，裝修亦都好舒適坐位寛倘，值得推介！

夜晚同屋企人（4大2小）試左呢新開嘅泰國餐廳，裝修幾靚又坐得舒舒，唔錯唔錯！我地叫左好多野食，真係全部都好味呀😋😋- 泰式生蝦（好鮮味好彈牙，又夠大隻，同平時食啲生蝦唔同，最衰忘記相機食先😅）必食推介😋- 炸蝦餅（好味，新鮮即炸，我個小朋友食不停😆）- 泰式三文魚沙律（好特別，原來三文魚整泰色沙律咁好味👍🏻👍🏻）- 咖哩海鮮配蒜蓉包（好香咖哩味，唔辣，小朋友啱食，點咖哩嘅蒜蓉包好味到要叫兩碟🤣）- 泰式燒牛肉（好有牛味，配埋個汁好正，如果啲牛可以生少少就perfect喇）- 蟹肉炒飯（夠香足料，好味😋）- 仲有冬陰公湯（又係忘記影相，好香好味，夠正宗）勁滿足嘅一餐，今次同屋企人食唔敢叫太辣，下次一定同啲朋友再嚟食啲辣嘅菜式✌️

知道屋企附近開左間新泰國菜館，收工同老婆去試左，點知有驚喜！即刻上黎贊賞下，希望多d 人可以試到好野，畢竟依家經濟唔好，唔好埋沒左好多美食！言歸正傳，第一樣叫左個頭盤，係老板娘推介嘅泰式生文魚，聽聞仲得過獎，梗係要試下啦，三文魚新鮮，搭配埋洋蔥，蒜頭等濃味材料混合泰式醬汁撈埋一齊食，真係味覺嘅一大享受，好多層次係口內慢慢揮發，作為前菜真係非常醒胃！第二樣係泰式生菜包，又係味道非常強列嘅一道菜，材料雖然簡單，但肉碎加上微辣嘅醬料配生菜，生菜廚房切到每塊大少適中，睇得出非常細心，又係我地非常喜愛嘅菜。第三樣係咖哩海鮮，咖哩唔太辣但好香濃，海鮮最緊要新鮮，配熱嘅蒜蓉包，真係食到停唔到口。本身想試埋甜品，但真係太飽唯有下次再試。p. s.特別推介有杯特飲蝴蝶碗花(好似係咁寫，除非唔係) ，呢個我真係只係在泰國飲過，香港嘅泰國菜館末見過有，有興趣可以一試。

特色菜有泰式三文魚，咖喱蟹好香好好味，蟹肉炒飯啲米係一粒粒，還有甜品-椰汁糕，千層糕，不會太甜，軟硬度剛剛好，全新裝修，泊車方便，四個人去大約每位消費HK$200左右

緊推薦！！太正宗啦！！好味到每一啖都令我地回憶番pai 清邁 曼谷 嘅點點滴滴⋯好耐冇遇到正宗泰餐，好滾動連Thai ice tea都係嗰陣味👏🏻👏🏻👏🏻會再嚟！啊啊啊啊啊點解要200字先至可以評分？我好懶啊⋯copy and paste喇强推这家新开的泰餐，好吃到每一口都勾起pai县清迈曼谷大街小巷的味蕾记忆…难得一遇的正宗味道好感人😭…Thai ice tea也有那股味道👏🏻👏🏻👏🏻還會再來的！

平時都會係呢區食野，見最近開左間泰國菜，一於拉男友試試，見門面裝修幾靚，坐低打開餐牌幾多選擇，不過2個人食唔多，店主就介紹招牌泰式三文魚沙律，好開胃👍🏻出面未食過呢種醬汁好特別。泰式生蝦用既係靚蝦肉厚爽彈，比其他泰國餐廳差好遠🍤仲有燒牛肉好惹味，肉汁豐富個醬汁調味啱啱好唔會搶左肉味，好似未夠喉但又怕太飽，店主就推介咖哩海鮮配蒜蓉包，海鮮好足料咖喱香濃，配外脆內軟的蒜蓉包真係十分夾😋最後食埋個芒果糯米飯就完滿結束了。整體味道好好，尤其醬汁調味方面拿捏得好，唔會隻隻都一樣味，而且食材新鮮足料，係而家出街食飯黎講，足料已經好難得😪服務方面上菜收碟有效率，而且店主超nice,見佢不斷問在座人客滿唔滿意，有咩意見，睇得出真係好有誠意既小店，我以後食泰國菜一定番黎呢度。

一行七人，叫左11樣野，小食拼盤每份量足，豬頸肉爽脆，虎蝦刺身夠大隻，豬手好入味，平時唔太食豬手既我都食左幾塊三文魚沙律好味道好鮮，甜酸魚炸得好透，但不會太鞋口，冬陰公湯味道正中，唔會太酸或太淡，咖喱蝦除左蝦大隻之外個咖喱都好好味，配蒜蓉包一流，菠蘿炒飯味道剛好，岩晒小朋友食~仲有個炒菜都好入味，另外仲有自制甜品送，總之就。。。。。雖然今晚好爆場，但上菜速度都好快，每樣野食都好好，沒有失準，老板及店員態度有禮親切，值得一試同推薦朋友~差點講漏左依道既自制醬料都好好味，可惜無得賣