泰地道 (已結業)

今日同朋友揀左呢間泰國野食。佢位於屈地街附近一條小巷入面，唔係因為我地突登搵都好難入去條巷到搵食呀😂我地三個人叫左好多野食，因為太肚餓，我地都唔記得左要影下相🙈1. 包生菜佢個肉炒得好香，偏辣好惹味。每人大概食到3-4包，生菜大小不一2. 豬頸肉普普通通，偏細碟，有個酸酸辣辣嘅汁點下3. 炸蝦餅舊舊都好大件，炸到外皮好脆，肉質偏淡，有個甜酸醬4. 青檸辣汁蒸烏頭魚佢會比個電爐你keep住煮個魚，勁大碟勁大條，條魚keep住煮得耐會鞋。湯好清新幾特別5. 冬蔭公蝦湯⭐️我覺得最好味，同其他我食過嘅冬蔭公湯好唔同（不過我都試得少嘅🙈只代表個人立場炸）佢好濃郁。酸、辣、椰汁配得岩岩好，唔會某一種搶晒啲味。6. 馬拉盞炒通菜好惹味，正正常常7. 炒金邊粉個人認為差啲鑊氣，但用料正宗。有落豆干，辣粉同炸蒜會擺係一邊8. 青咖喱炒飯（雞）偏濕9. 珍多冰椰奶味重，偏甜。有啲濟每碟份量都多，我地見啲人食唔晒都會打包走。場內唔多位，同埋好多都坐好耐同朋友吹水。上菜速度慢少少，但因為逐碟逐碟咁上，所以keep住都有野食，唔會話覺得要等好耐。環境方面，得一部冷氣同幾部風扇，係會愈食愈熱🤣所以我地都忍唔住叫左

泰地道行到好熱隨便去咗一間餐廳食嘢，入面完全冇客人，得我哋一台，食物反映咗原因，應該不會再光顧串燒 要咗三串雞肉三串豬肉，普普通通，正常味道，但份量真係好細，而且冇咩味道。炒雜菜完全沒有泰式風味，感覺自己喺屋企炒可能會更加好食。但係份量真係好大，類似平時泰式餐廳嘅一倍。有幾隻蝦都算大隻，雜菜種類豐富。香蘭肉碎炒麵同炒雜菜係一樣味道，加多咗少少辣椒。而且啲麵黐埋一舊舊，好似一pat腸粉。而且完全沒有辣味，不太好食。

我同太太喺泰國各自工作時認識, 拍拖, 到有小朋友. 一齊到處喺曼谷搵嘢食. 之後因生活離開了... 也一路想找回從前吃過的味道.. 在多倫多同香港一直搵... 誤打誤撞搵到黎呢間'泰地道'!!首先我要講聲唔好意思... 啲嘢食黎到真係冇停過手/口.. 完全唔記得影相..Order 左個 Tom Kha Gai (椰子雞湯), 蝦膏炒飯, 同主角燒烤魚. 我記得影相時已差不多食完 😅有潔癖嘅人唔洗唸, 呢度好地道同好明顯係做街坊生意. 老板娘超好人 係咁搭爹 仲話下次黎請啤酒 😂Anyway, 想食好食抵食正中嘅泰國野, 住港島嘅人唔洗去到九龍城 (何況我完全覺得呢度好過 KL 果間 Orange Elephant).會一路支持支持~~ Su su krup!

呢間泰味道 由於係西環住 一直都有幫襯開2年前食 泰味道既炒飯及金邊粉都好好味之前一直都覺得味量多 又有煱氣 味道又地道一個月都有食1-2次 但最近.....真心差到好離譜1.金邊粉 份量少左好多 同時味道又無鍋氣 求奇到D炒粉麵都唔入味 配料都唔太新鮮 之前仲食到好頭髮😫2.第一次叫甜酸排骨 配料洋蔥酸宿 搞到成碟野都嗅晒 果碟野仲要78蚊 食左一啖都食唔落 真心離譜失望先打呢遍文 宜家既市道好差 生意儲熟客好難講真連麥當勞既炸雞都好食過佢既甜酸排骨起碼都唔會宿嗅啦！

泰式拼盤（小）$98份量好多， 有蝦餅魚餅春卷雞翼蝦餅同雞翼特別好 😋海鮮粉絲沙律 $78好辣， 有唔同海鮮但就唔新鮮泰式炒粉絲 $68好少見有泰式炒粉絲，所以就冇試到炒金邊粉，都算幾有鑊氣

今日黎到西環食泰國🇹🇭菜啦，呢間泰地道位於金陵大廈後面，有少少難搵😂😂但黎到有驚喜❗️❗️❗️老闆係地道泰國人，所以有好多泰菜係平時未必有機會食到既🥰🥰泰式炒粉絲，好惹味，好食👍🏻👍🏻👍🏻芽菜，蔥等令到口感好豐富，值得推薦炸蝦🍤餅，蝦肉好豐富，食落啖啖肉，好出，炸得又唔會太老，唔錯😍😍最後就到泰式燒雞，泰色燒雞唔係度度有得食，即刻衝，燒得岩岩好，仲留有少少炭味，好有風味，燒雞又多肉汁，正整不錯，可以一試

每次來都有驚喜，除了冬陰功湯必嚐之外，我最愛一定是泰式鮮蝦.需要提早預約.今天的豬手炸到脆卜卜，配菜的沙律也好fresh，超大碟. 老闆娘也超好服務.笑咪咪～ 泰地道

石塘咀 揾黃店食：）只係某社交平台見到有人話 呢間泰菜係黃的，app同某網站都有見唔到介紹佢，所以寫下食評，希望大家都留意到佢喇！喺巷仔入面，附近都有幾間餐廳，裝修比較簡陋泰式， 老板娘 好有禮貌有善，佢應該係泰國人 用泰文寫單的。首先上菜 第一個係泰式炒金邊粉 ，個味幾特別 同平時唔同，唔會覺得係茄汁味，可能因為咁覺得佢應該係好正宗，有好多芽菜蛋同 好似硬豆硬（唔識正確叫咩），好味推介。 之後上左個小食，炸雞棗，又係新鮮熱辣上枱，配甜酸醬，外面脆，但入面係軟的，幾有咬口，感覺冇咁熱氣 。最後上嘅係蝦醬炒飯， 有肉鬆，蛋，同炸香腸，蒜頭做配料 。 呢個飯濕濕地的，好大份 （食唔哂 自己同盒裝走左），蝦醬味 未至於好重，但淡淡的，都好味。呢間鋪頭人流唔多，裝修比較簡陋，但食物質素好，所有食物都熱辣辣上，老板娘 都好好人。 值得大家一試！

本来想去phit但是不巧关门，往里面走点，遇到这家店，很好吃，价位合适！四个人点了六道菜，味道很正宗！推荐干炒牛河和冬阴功虾汤；糯米饭稍微分量少了点，炒海鲜分量蛮大！

今日去咗西環食泰國菜, 轉入後街, 唔太起眼, 冇豪華裝修, 但坐入去感覺親民舒服, 亦好乾淨企理叫咗個冬蔭功湯, 夠香夠辣, 亦足料, 好味另外叫左半隻泰式燒雞試吓, 原本冇乜期望會有咩特別, 點知一試雞超嫩滑, 亦醃得好入味, 沾埋甜酸醬襯到一絕, 超級喜歡呢個燒雞最後飲埋杯洛神花茶, 少甜, 夠味！好飲老闆娘係泰國人, 好好笑容同態度！令人感覺舒服

係西環住左咁多年，要搵一間好食既野已經唔容易，之前其實已經食過一次，今晚晚餐決定再試下呢間係巷入面唔起眼既泰國餐，天寒地凍，所以提早打電話落去叫定第一個冬蔭功炒飯 香料十足，份量多，有好多種唔同既蔬菜，味道好好味！暫時係食過咁多次冬蔭功炒飯最好食既一間第二叫左泰式炒豬頸肉河味道ok , 豬頸肉陣味有d似泰式臘腸而前一次叫左個香辣海鮮乾炒河都非常好食

去西環碼頭逛逛前想食餐飯, 隨意搵, 比較難發現, 響小巷入面, 所以周五晚都唔多人唔使等老闆娘超友善, 夥計都態度親切, 會同你傾計食物價錢非常相宜, 比較貴ge海鮮都係13x-16x左右, 其他都係5x-7x,食物係叫即煮, 熱辣辣而且份量超!大!份! 兩個大男人食到飽到捧住肚走都係總共$346叫左豬手. 柚子沙津. 紅咖哩雞, 炸雲吞, 蒜蓉包咖哩夠濃, 唔會食食下變左稀ge 水, 夠辣, 雞滑, 入面多款蔬菜豬手, 個汁幾特別, 炆得都好冧, 但略嫌膠質唔太夠炸餃子超香脆, 52蚊有11定12隻, 抵食柚子沙津不過不失, 足料得滯, 青菜比較少, 好多nuts 同柚子肉, 本來想清清地但佢個汁都好有味XD蒜蓉包都ok, 有5大塊, 蒜味香總括尼講, 值得推介, 好開心ge 一餐飯(食得太開心, 無影好多相)

復活節假期，媽咪忽然話想食泰國菜，於是爸帶我地嚟試呢間小店食泰國嘢梗係要嘆返枝冰凍泰啤椰青清甜，椰肉嫩滑先食個泰式鳳爪開一開胃3個人所以點個細冬陰功，蝦新鮮，湯好飲串燒豬&雞各3串馬介休炒通菜，爽泰式豬手，夠淋夠入味泰式烤魚，燒得啱啱好，肉質新鮮嫩滑，點唔點汁都咁好味，重點推介已經無位置食炒粉麵，所以點咗客蒜蓉包，即燒真係唔同d，香脆可口，飽都要食多塊老闆娘好人又細心，如果唔太食得辣嘅朋友，可以落單時同老闆娘講定

呢間泰地道前身係士美菲路街市入邊一間泰國嘢本身都好多人幫襯最近執搬咗去巷入邊做嘅都係街坊生意老闆同事頭婆都係泰國人不過就嚟咗香港生活左十幾20年。佢哋嘅嘢食非常之有泰國風味但係價錢就比一般嘅小店更加平所以我同我嘅朋友經常都會嚟食今次同朋友來就叫左蝦膏炒飯，生菜包同埋串燒串燒個汁都幾香而且肉幾渦食落去送走一流生菜包就有醃過加埋啲洋蔥一齊炒食落去小小辣有香香地最後最值得推薦嘅就係蝦膏炒飯其他泰國菜嘅鋪頭好少食到咁好食嘅蝦膏炒飯，佢會配搭一啲泰國臘腸同埋肉鬆成個炒飯係好有蝦膏味食落去真係好香我同D朋友每次都一定要叫呢個蝦膏炒飯食