泰基隆

營業中

休息中

我走入這間位於基隆街的一間低調泰國菜黃店食午餐。點解話佢係低調？因為行多幾步就會見到高調、多人排隊的蕃茄師兄和蘇媽．蘇媽啦。雖然這間泰國餐廳比較低調，不過我覺得呢度嘅午餐好抵食，價錢由HK$42~HK$48，包一杯青檸水或洛神花茶，或加錢轉其他飲品，仲要免收加一㗎！老闆和店員好好人，廚師煮嘅嘢食又正，因為是由正宗泰國人嚟煮，唔怪之得好似係曼谷食泰國菜一樣咁好味啦，一定要多啲幫襯😋👍🏻 泰式炒金邊粉 (HK$45)大碟又靚賣相，鑊氣十足但又不太油膩，金邊粉炒得條條分明，唔會黐埋一舊舊。這個配雞肉，軟滑多汁，好味道，同我係曼谷食過嘅炒金邊粉一樣好味。泰式海南雞配油飯 (HK$48)雞肉，大大件、啖啖肉、無骨、有香濃雞味，雞皮都係滑捋捋㗎！叫咗少飯嘅油飯份量仍然好多，有雞油香但不太油膩，煮得啲飯晶瑩剔透，粒粒分明，加些酸辣汁一齊食，味道升華了。還有一碗多料嘅冬瓜湯飲，正呀～泰式凍咖啡 (跟午餐+HK$3)我喜歡少甜少冰，咖啡一大杯，咖啡味道濃郁，奶和咖啡各一半一半，正！呢度，原來外賣係有85折優惠㗎！睇吓餐牌有什麼可以點埋帶回家做晚餐先💛芒果糯米飯 (堂食HK$48，外賣HK$41)找勻全個

在禁堂食前幾日同朋友去了深水埗食泰國菜，這家都是黃店呀，聽聞很抵吃，過來試試看。點了一份青咖喱豬飯、炒金邊粉、柚子大蝦沙律和薄餅。柚子大蝦沙律好好食！醬汁好特別，是甜辣，較甜的，多蒜又好夠香同惹味～不過柚子好冰凍，似乎未解好凍呢。炒金邊粉都不錯，都是較甜的，再炒乾身一點就好。

其實佢同番茄師兄同蘇媽蘇媽同一條街，不過呢間泰國菜就可能比較少人留意到佢。🤣 見難得出深水埗就支持下。💛🙏🏻 呢啲抗疫時期，真香港人店更需要大家嘅支持。--🔥 泰式炒金邊粉 HK$45炒金邊粉份量好足，材料有雞同豆干，炒得比較濕身，少少甜，無乜辣味。.🍳 泰式燒豬頸肉煎蛋飯 HK$48呢個價錢黎講，燒豬頸肉分量都幾多，而且燒得幾香。配埋個酸酸辣辣嘅配醬同煎蛋撈飯不錯。.🌶 泰式鳳爪沙律 HK$32 (下午茶套餐)鳳爪勝在唔會為咗遷就香港人口味以整到好甜，味道少少辣辣地咁，但可惜鳳爪嘅份量真係相對比較少。.🥛 泰式奶茶 (套餐轉配+HK$3)點咗少甜少冰，雖然都仲係偏向甜，但係係接受嘅程度，而泰式茶味道都算幾重嘅。.🍋 青檸水 (套餐)--📌 以上套餐連飲品📌 免加一服務費

【💛 黃店 #GF_List 】​🉑：外賣自取​ ⭐評分: 8/10​——————————————————​之前介紹過一次🥰今次試嘅嘢食都差唔多，不過串燒真係好正🤤——————————————————​▪️串燒拼盤 (雞牛豬雞腎 各3串) ($168) ▪️炭燒豬頸肉 ($78) | 泰式木瓜沙律 ▪️馬拉盞炒芥蘭 ($58) | 泰式炒金邊粉 ($▪️青咖哩雞 加薄餅 ($​串燒大大串，即叫即燒，每款肉都燒到皮脆肉嫩，又唔會太鹹！沙嗲醬好香花生味，甜酸醬都好夾！一路食一路瘋狂查醬😂豬頸肉油脂感重，厚切、咬落爽口鬆化。木瓜沙律好撚辣，小pin食咗一條就收咗皮，要嗌嘢飲😇辣殺不要試 炒芥蘭都落咗辣椒，不過都係接受範圍嘅辣。炒金邊粉今次無乜鑊氣，痴埋一嚿，但個味酸酸甜甜，都算幾好食。青咖喱椰奶味重，甜甜地勁啱點薄餅，酥皮薄餅應該係來貨再烘翻熱，不過都幾香口，又唔會話成口油。雞肉比較鞋，而且係似雞皇飯嗰種雞😂 好彩濃咖哩遮住咗雪雞味！今次埋單每人都係90蚊左右，勁抵食🥰✨ 泰基隆 ✨📍 深水埗基隆街241號地舖⏰ 1200-0000 | 星期三休息

同朋友七點左右嚟到，排咗一個鐘左右就入得去，非常受歡迎！可能太遲入座，想叫既野食都賣晒，例如蝦餅、燒魷魚⋯呢度食物價錢合理，而且免收加一服務費👍🏻 除咗多人黎食同排隊之外，其他都幾好！如果想黎試既話最好早啲黎，或者打定底黎排隊，因為都等入去同上菜幾耐。.泰式醉貓炒河呢個都幾辣，其實唔係好分到同普通泰式炒河有咩分別，不過幾惹味🌶.青咖喱雞配薄餅幾好味，都係偏小辣，辣度可接受.泰基隆🍴基隆街241號地下

朋友介紹呢間係深水埗嘅泰國菜，佢話啲嘢食唔錯同埋價錢都唔係太貴，分量算多所以就試下。咁我哋就去食夜晚， 大概七點左右到，太基隆入邊坐嘅位置唔算多， 剛剛去嘅時候仲未有好多人入，但大概7:30開始就已經錯門左好多人等位。咁我同朋友都因為唔太餓所以就嗌小食食。咁我哋嗌左沙嗲，木瓜沙律，豬頸肉炒菜心同埋兩隻雞翼。咁佢啲嘢食嘅味道來講我覺得算係不過不失，咁嘅價錢我覺得都OK。不過佢嘅沙嗲就真係好好食嘅，豬牛雞各叫咗2串但啲肉都唔會好鞋，個沙嗲醬撈得啱啱好好重花生味。個沙嗲醬撈得啱啱好好重花生味。 咁我哋兩個人大概食咗三百幾蚊左右，雖然冇主食但係都食到好飽因為其實嗰個菜心炒豬頸肉好大份。推介👍🏼👍🏼

基隆街不枉為美食革命街，間間都黃到爆哂人，本身想食蕃茄師兄/蘇媽但都長龍到呢，點知意外發現佢哋隔離仲有間黃泰菜💛好彩我早一步排隊，因為後尾同樣超多人🤣星期六約兩點去食，排左15分鐘，但可能太晏所以金邊粉海南雞飯菠蘿炒飯都冇晒☹️.1100-1730 有泰式即炒套餐同午市套餐，價錢差不多，並奉送青檸水/洛神花茶。👓泰式豬手飯 $42豬手份量都幾大隻，冇羶味，肉質中等唔韌但亦唔算真係好軟淋淋，皮都好厚骨膠原好軟身吾油膩。肉都算入味夠醬汁不過唔算真係非常入味。並配上一隻煎蛋。評分：7/10👓泰式乾炒河(豬/牛/雞) $45叫咗豬，豬肉片唔韌，有醃過調味夠。炒乾河但又唔會太乾帶點濕潤，夾雜着芥蘭和蛋絲。評分：7/10👓豬頸肉湯河 $32普通湯可配上清湯，豬頸肉切條狀，厚身，但略嫌燒得唔夠香口，整體比較普通嘅一個湯河。評分：6/10🥂青檸水味道較酸吾算甜，夠冰凍。🥂洛神花茶好夠洛神花味，味道偏酸帶點甜，少少似山渣味，夠冰凍。

以家香港既小店一定支持，12點45已到，但店舖要1點先開就等左陣之後放人入去，老闆態度亦平易近人，同我地客人解釋今日廚房得一人返工希望唔好介意要等，咁我同朋友都唔趕時間，無問題~我地叫左豬頸肉煎蛋飯同乾炒雞河等左比較長既時間之後黎到，我見D豬頸肉比較乾身以為食落會好硬點知完全相反，好淋好有肉汁，好有驚喜，我好快就食哂成個飯朋友既炒河都好香好有鑊氣，佢話有泰國既味道，因我朋友成日去泰國佢咁講都好高評價，好可信佢再話廚師係泰國人，所以特別有風味呢餐好滿意，希望可以生意興隆!

琴日Lunch難得經過深水埗，當然要去懲罰下D舖頭！🙂見基隆街咁好黃店，就隨意入左呢間。首先，呢度服務真係好好，老闆講野又好有禮貌👍🏻！呢度賣既係泰式海南雞，雞帶少少油、又滑又嫩！仲要係雞脾同雞翼位☺️！海南雞醬汁就用左雞油，薑蒜，🌶，醋，好有泰國酸辣風味！就算食哂D雞，直接配飯都一流！飯就用雞油炒過既泰國米，有雞油同薑既香氣，油而不膩！因為呢個係lunch set, 仲免費附送埋冬瓜湯同青檸水。冬瓜湯本身味道一般，味有少少清甜味，因為落左雞油所以比較香。凍青檸水就真係真材實料😂，因為飲落有點酸，飲唔慣可以加少少糖水，我覺得都ok！Lunch set 嚟講真係好抵又好食，我覺得呢間就真係唔錯！大家去開深水埗就去試下啦！

雖然我分開咗兩次嚟食，但係食物嘅質素係冇改變㗎，一樣係我人生係香港食過最好食嘅泰國菜！我要即刻介紹一下俾大家！首先要介紹嘅係香葉肉碎炒飯，炒得超入味之餘，包你食到佢嘅鑊氣味，會越食越辣，同時亦都越食越開胃！唔知點樣可以形容到佢嘅好食，你哋去食吓就知😂如果唔鍾意炒飯嘅話都可以試吓佢嘅香葉肉碎煎蛋飯，如果轉左呢一隻嘅話佢嘅肉碎其實係有少少濕潤，配埋飯食就冇得彈，加上煎到半生熟嘅流心蛋，真係打字打到我想即刻去食返一碗。另外我分別係午市同埋晚市都食過炒金邊粉，佢嘅金邊粉每條分明，唔會黐埋一舊，午市就係雞肉金邊粉，晚市就係蝦金邊粉，而且佢嘅酸度同埋甜度都好合我嘅心意，炒出嚟嗰一刻熱到你放唔到落口，又係好食到不得了。除咗煮食之外我都試過唔同嘅小食，好似晚市佢就會有生蝦，啖啖肉之餘中間條辣椒真係辣到不得了，勁過癮！另外佢嘅泰式沙律都非常嘢味，辣得黎之餘又好清新。另外叫咗個螄蚶，勁多勁抵食，勁入味，搞到唔食得辣嘅我都越食越多，我哋四個人share大約一人都食到10幾隻！最重要係咩呀？最重要係佢夠晒平！我哋四個人晚市食除翻開都係一人$100😂佢炒餸嘅鑊氣真係令到人哋好想日日食！大家想試吓泰國嘢不妨去呢一

深水埗泰基隆連續四天公眾假期，久久未正式出過街食飯嘅我哋終於出關啦～🤗 好開心呀～ 呢間我book mark咗好耐，今日經過深水埗一定要試吓！我地非常之推介俾大家，一定來要來！ 超抵食！ 又好味！ ⭐️⭐️⭐️⭐️⭐️超抵食！ 冬陰功湯 $68 細⭐️⭐️⭐️⭐️⭐️分量超足！ 細冬陰功湯可分成4小碗，而且有兩隻大蝦🦐同埋好多菇菇🍄！ 大蝦肉質彈牙有咬口！ 食落唔似雪藏蝦～ 值得一讚👍🏻泰式木瓜沙律 $58⭐️⭐️⭐️⭐️好多花生粒🥜，配合泰式醬料，食落酸酸地，很清新很開胃！ 木瓜爽脆，有營養！ 推介推介泰式沙嗲串燒 （雞牛豬 6串）$88⭐️⭐️⭐️⭐️好似話係即叫即燒～ 肉質鮮嫩，唔會燒到乾爭爭！ 調味方面唔會太鹹～剛剛好～ 再點少少沙嗲醬超正！ p.s 沙嗲醬好好味，混入咗好多花生粒！，我哋直程拎咗嚟撈飯😂泰式豬頸肉炒飯 $78⭐️⭐️⭐️非常足料了，混入左好多豬頸肉粒！ 😋食落每一啖都有豬頸肉粒！ 但略嫌飯粒比較濕～ 唔夠乾身！ 後記：因為疫情關係，兩個人可以獨霸是4人座位！ 坐得好舒服呀～ 如果係以前，一定會坐到迫迫夾夾🤣

📍泰基隆 🌟深水埗屬於香港人既黃金週is coming soon lah 不妨跟住我地一齊支持黃店🤚🏻☝🏻fighting 💪🏻⁣⁣⁣🔶 沙嗲串燒 必食🤩⁣💰88⁣👅8.5/10⁣豬肉串好軟 燒得非常香口！😍 雞串一般般 建議叫晒豬肉😋⁣⁣🔶 青木瓜沙律⁣💰58⁣👅7/10⁣辣既沙律真係好開胃ah 😚仲加入左櫻花蝦！無論口感定味道都更豐富➿⁣⁣🔶 香葉肉碎炒飯⁣💰68⁣👅7.5/10⁣又香又惹味🌶，飯粒炒到夠曬乾身⚪️⚫️🟤粒粒分明😋份量都幾多！兩個人都爭啲食唔晒⁣⁣⁣🧞‍♂黃店當然比較多人 👏🏻如果唔想排咁耐隊 👯‍♀️👬👭不妨早啲去食 對身體都有益添🤣⁣⁣😋大家快啲去試下！試完同我分享下你地既食評喇😋

政府實施餐廳座位禁令既第一晚，餐廳堂食座位數目大減。唔係好想等位，就叫外賣試下佢個海南雞飯落單後大約5分鐘就有得攞雖然我只係叫外賣，但所有員工態度親切雞肉嫩滑有包酸辣醬，唔食得辣既落少少都冇問題期待再去幫襯

經過好几次都好多人等，今晚行過竟然無人等位所以入去食。*此店逢星期三休息*叫左四樣野·泰式串燒$88（共六串，可選牛/雞/豬） 今日無牛，所以只叫雞，豬各三。好快就上所以唔係即燒，雞肉燒得有d乾,麻麻地，豬肉就滑溜得多，几好味。·生菜包$88 好食有泰國風味，肉粒肥瘦均勻，分量多，生菜都多洗得好乾淨，唔錯。· 燒茄子$48 調味得個辣醬，好辣。唔食辣醬個茄子沒有調味·冬陰功湯（細）$68 材料足料又多，有蝦又菇，新鮮。湯味唔錯鹹辣適中。餐廳唔加一，呢個價錢質素都ok呀，值得試!

今日同男朋友相約食這間的泰國餐廳，放工就來品嘗個下午茶。有午餐、下午茶套餐選擇，也可單點。我選了下午茶泰式滷水無骨豬手湯河粉大碗又香噴噴，湯唔會好咸，滷水無骨豬手好入味又軟腍口感，河粉好滑份量唔少，但油份多了點，不過都好滿足！午餐：泰式海南雞飯這個男朋友話好食，雞肉好香軟好滑溜，唔肥的雞，配有油飯（軟硬剛好）青瓜、番茄片；更有冬瓜湯，泰國菜是比較油了點，但都好美味！無糖凍檸茶檸檬是用以青檸，茶是泰國特色茶葉，比較特別支持香港人小店！