泰基隆

營業中

休息中

深水埗基隆街有3間黃店💛今日黎到呢間泰基隆懲罰下佢之前有幾次試過黎到排長龍無等到難得平日下午茶時段終於食到😌小店內座位唔多，目測大約40個位左右牆身貼滿文宣同poster，老闆超nice服務態度好好由於係下午茶時間關係，menu d野食好平好抵食叫左個冬陰功湯河🍜份量算好大碗，佢用新鮮蝦整，食落好爽好彈牙👍🏻👍🏻👍🏻冬陰功湯底味道好味，幾正宗😋另外加配左杯洛神花茶，好少泰國餐廳有得飲計劃定下次會再黎食晚飯，因為見到佢有爆炸蟹同炭燒鯛魚d賣相都好吸引🤤🤤

短短一條基隆街唔知受咗咩刺激，沿住成條街都係黃店。 除咗黃到通晒天嘅蕃茄師兄同埋蘇媽蘇媽之外，仲有兩間改名都懶、直接用街名嘅基隆街5號同泰基隆。作為專業分散懲罰師，衝左入近乎冇人嘅泰基隆都懷疑味道會唔會出咗事，不過見貼滿晒文宣同非建制選舉候選人海報都俾個機會啦，估唔到好有驚喜。接近5:30想快食個early dinner，驚喜地發現午市由11點去到5:30先完，趕得切叫個$48有湯有嘢飲、有今生無來世嘅海南雞飯。 雞肉一食就知新鮮浸起，未至於雞皮呈啫喱狀嘅程度，但連雞胸都好嫩滑有雞味，去埋骨啖啖肉，呢個價錢冇投訴。 油飯粒粒分明，重點係酸辣醬好味到用嚟撈飯，好無恥咁r多碟醬，老細好好人親自入廚房拎又吹下水咁，感覺好窩心。 連送嗰碗湯都好鮮甜，入面仲有幾舊好冧嘅冬瓜，好有誠意。鍾意冬陰公嘅人應該明白，癮起嗰時食碗唔夠正宗嘅冬陰公仲慘過冇食。 冬陰公湯飯($45)首先好足料，成碗都係蝦同秀珍菇，味道幾正宗，朋友過足口癮，未食完已經講緊下次夜晚嚟打冬陰公邊爐。星期六下晝時段都係得兩成入座率，要人呀喂！！！💛 良心行為：- 10月官方表態，11/11 罷市 - 只招待有良知同路人，拒絕做寶福山

《🌟基隆街上黃金三寶—💁🏻‍♀️泰基隆篇》******************************去到深水埗，想見識下蕃茄師兄啦，果然女長龍！再見到蘇媽蘇媽都係爆人龍～ 於是乎就去試依間先～好彩早兩步，坐低無耐又爆人龍******************************- 青木瓜沙律🥗,好食，但都幾辣下，食到爆哂汗！- 生菜🥬包豬肉，好正！ 香料令成碟肉碎都勁香，生菜夠新鮮，好食！👍- 青咖喱雞🐓配薄餅，薄餅好好食！同埋個咖喱勁香椰汁🥥～巧正！- 炒金邊粉，夠鑊氣🔥，的確正！- 最後我地太飽，就打包左個🥭芒果糯米飯返去食～甜品水準都不錯，絕對值得食多次！

本人十分喜愛食泰國菜，亦假假地算係泰國菜嘅expert。見到呢間泰國菜完全冇負皮，加上係黃店，當然要來懲罰一下。但只可惜真係唔掂。晚上8點幾黎到店舖，眼見依然多人等位。入到去先發覺好多野都冇得嗌，想叫芝士法包，冇！想叫冬陰公炒飯，冇！店員一句話，「已經冇架啦」就算，唔知究竟係賣晒定係本身冇再賣，再問佢究竟有邊啲係有嘅，或者好推薦，店員好唔耐煩求其介紹一個餸就行開咗。最後只叫左個肉碎生菜包、串燒、泰式炒芥蘭第一個上嘅串燒有豬牛雞，肉燒出嚟算係唔錯，但可惜沙嗲醬太稀，對比起其他泰國菜實在好一般。第二個係泰式炒芥蘭以賣相還可以，但食落完全冇鑊氣，碟底水汪汪，二一間餐廳嘅水平來講，佢嘅炒菜係失敗。過咗超過半個鐘之後，個生菜包完全未黎，要催一催單先有。賣相其實都好唔錯，但係當拎起塊茶嘅時候，先發覺啲菜全部都散開嘅，我唔知道以為自己食緊沙律，都算數，唯有硬着頭皮咁搵辦法包住啲肉碎，點知啲肉碎入口，好大陣燶味係口度散開。只好即刻叫店員同佢講聲，佢就好唔耐煩sorry都唔講，大大聲一邊行返入廚房一邊嗌「個生菜包燶喎！」嗌到全店都聽到。最後真係吞唔落啖氣，只好取消。總括來說，呢度食物嘅味道真係唔得，服務

基隆街又係一條革命食街😂 呢間「只招待同路人」，出面超多人排隊（當然唔夠格離蕃茄師兄多）～—————————————————🔹炭燒豬頸肉($78)| 炭燒串燒 ($88) | 炭燒雞腎 ($16) | 馬拉盞炒通菜($58)🔹冬陰功海鮮湯 ($138) | 咖哩炒軟殻蟹 ($148)🔹蝦膏炒飯 ($58) | 泰式炒金邊粉 ($68).好耐無係泰菜舖食到真係燒出嚟嘅串燒 😍 雞肉燒得幾嫩滑，雞腎超級正，豬肉就乾咗啲，重點係佢唔係縮水bb串燒，每串都大大串！炭燒豬頸肉好大份，切得有厚度，燒得外脆入面軟稔，個秘製醬汁辣辣地好夾！🥰.冬陰功湯好大煲，落足青口、蝦、魷魚等海鮮，飲落香葉味極出，傳嚟嘅酸味會刺激你分泌口水，好似羅宋湯，但又有帶微辣，所以食到係咁流口水同鼻水🤣 軟殻蟹有3小隻，唔算肥美所以無creamy感覺，但墊底嘅咖喱幾好食，係加咗蛋個種椰香黃咖喱，一定要加包/薄餅點！🥖.炒金邊粉被麻煩朋友走韮走芽🤏🏻，想講我好欣賞佢嘅麵質！比較煙靭有咬口，撈埋花生粒碎好正！蝦膏炒飯就食唔出有蝦膏香，算有鑊氣但唔會再叫～🤣.🤙🏻價錢都幾平，6個人食每人都係$110左右，又好好人咁問食物味道點，大

難得放半晝的一天，一心想到基隆街的「番茄師兄」或者「蘇媽蘇媽馬來西亞茶餐室」大大力地用金錢懲罰它，誰不知來到基隆街，兩間店舖門前都排了長長的人龍，香港人果真齊心，在這艱難時期，不是三分鐘熱度，而是 Keep on fighting。不想大排長龍，決定到別處覓食，來到只隔數個舖位的這間「泰基隆」，見好一段日子沒吃過泰國菜，便決定入內一試。本來我是要等位的，幸運地在這我前面等候的是一行四人的顧客，而我只得一人，店內又剛好有一張二人桌，所以可比他們先行一步，入內用餐。才剛坐下，我便發覺在我左邊的牆壁上，竟貼滿了一張張美麗的海報，而且在收銀櫃位背後還有一張寫著「由即日起，本店只招待有良知的同路人，其他意見不同者恕未能招待，敬請見諒」的字句，令我覺得「有意栽花花不發，無心插柳柳成蔭」所言非虛。簡單地點來一個「泰式海南雞配油飯」+「青檸水」的午餐（$48）。「青檸水」先到，有別於青檸梳打的青檸水，沒有了梳打水有氣的舒暢感，味道雖顯得平凡多了，仍然比其他帶甜味的飲品來得清新，不過下得太少冰塊的青檸水就不太夠凍，喝來有點不夠暢快。「泰式海南配油飯」是有湯奉送的，「冬瓜湯」雖只得一塊冬瓜，都算幾腍，味道

這間位於深水埗的泰國菜，夜晚6點開始已經好多人幫襯，所以我提早一日已經book定位。呢度有好多泰國菜揀，我地點左7個菜share，其中冬陰公湯同串燒特別好食，但我個人覺得佢價錢同份量唔成正比，有啲菜貴但份量好少。不過整體都ok, 但間鋪有啲焗。

深水埗基隆街有好多唔同嘅食店，今日同朋友兩個人去試泰基隆😎呢間主要食泰國菜， 距離地鐵站兩三個街口，所以都方便就腳。我地大約夜晚7點左右就到，一入去就有位坐。 我地一共點左兩個飯，加一甜品share 食😋第一個飯 - 泰式海南雞配油飯($45)，油飯既份量比相像中多，雞肉肉質嫩滑🐔，配上酸辣汁一流😋第二個 - 泰式炒金邊粉($42)，惹味可囗，炒得很香，而且配料十足。唯一不足之處是金邊粉口感偏油，但整體來說這味也值得一試。最後甜品 - 芒果糯米飯，幾乎是泰國菜必吃的甜品。份量有大半個芒果完整放在碟上，芒果很甜。椰汁份量也很多，足夠送每啖糯米飯。😋是次晚餐感覺良好，上菜速度正常，食物滿意，價格合理，值得再來一試其他款式。

係基隆街都有好多食店，今晚經過依間泰菜好似望落唔錯，一於試下！首先要讚下貌似老闆的人好好態度，我地由係門口等位、到落單、上菜，一直都好有禮貌同好有耐性，係今時今日已經好難得啦有時候有啲餐廳係值得等位的，唔好為左慳個十幾廿分鐘而去左唔岩食既地方講返野食，生蝦($88)爽脆，食泰式生蝦除左蝦要新鮮，點蝦既汁都同樣重要，依間舖個汁調得好，辣度適中。叫左個細既冬蔭公湯，應該都分到三至四碗，入面有兩隻蝦同埋好多菇，辣度同酸度配合得岩岩好 ，好味！馬拉盞炒通菜正常發揮，有鑊氣。仲有叫左香葉炒豬肉，豬肉有點林，豆角有少少青味，未算好好食。串燒叫左串雞腎，都有好多粒，有炭火味。總的來說，價錢合理，份量足夠，冬蔭公湯同生蝦係要encore!!

深水埗而家真係有好多野食, 但真係要簡又有d花多眼亂。今日黎到深水埗, 撞正食晏時間想搵地方食野, 但周圍都好多人好長龍。 後尾係基隆街發現一間細細既泰國餐廳，剛好有位就入去試下。見好多人都有點海南雞飯, 冬陰功河。我朋友就試下佢既海南雞飯, 我就點左炒泰式金邊河。佢地既餐仲跟杯特飲: 青檸水, 啱晒而家咁乾熱既天氣。這間泰國餐廳廚房都係搵返泰國人做廚，口味拍得住九龍城。我喜歡佢連炒金邊河都唔太油膩。而且帶酸甜, 係好醒胃的。而海南雞飯, 雞都夠滑, 冇骨, 個油飯都好啱味。真係一個新發現, 深水埗小多一樣美食。

深水埗咁多好西，今日就食泰國嘢。呢間餐廳係A出口行幾條街就到，一d都唔難搵。泰式酸辣鳳爪：鳳爪數量唔算好多，不過個汁好開胃，亦都好辣，鍾意食辣既一定覺得好正泰式炒金邊粉：炒得好好食，唔乾唔濕岩岩好。味道都超正，酸酸甜甜好惹味。生菜包：D肉係有陣醋定唔知青檸既酸味，唔係得個鹹字，好開胃！d生菜都好新鮮馬拉盞炒通菜：佢落既辣椒都幾多，唔食得辣既應該會覺得好辣。炒得好香，不過就唔係她矮到有馬拉盞既味道。

今日午餐叫了冬陰公湯飯，正正合適不想食太多肉汁嘅碟頭飯嘅我，湯嘅辣味不太重，唔食慣辣嘅朋友都唔洗驚飲唔到湯，餐飲叫了熱洛神花，怕酸味可以加糖，餐後飲咗可幫助消化㖭。

香港人加油 <懲罸泰基隆，燒雞腎必試！ >😂深水埗 估唔到都幾多黃店 繼蘇媽同蕃茄師兄後 呢間同樣喺基隆街既泰基隆一樣， 其實1 年前我都食過一次 印像中係幾正 但今次心態唔同😂 由於太肚餓既關係 6 個朋友點左11 樣野 6,7 枝大啤 , 差唔多十杯泰式野飲 都係每人 24x, 一般人應該百零蚊 所以係十分抵食 👍🏻🍴海南雞半隻🐤半隻份量正常 個雞整得相當滑 雞胸都 ok如果凍多少少會更好 點 d辣醬 酸辣香 🌶都幾惹味 🍴生蝦 🦐生蝦都算厚肉生鮮 加生蒜 辣椒 我鍾意連埋底下既青瓜一齊食🥒大家要記得生蝦通常粒辣椒都有番甘上下辣 再點埋酸辣醬夠哂過癮😍 🍴燒鰂魚 🐟🔥鰂魚大大條 個皮唔食得 上層皮既鹽香落哂魚肉 魚肉比較煙靭彈牙 入面有好多香草增加香味🌿 點埋酸辣汁 襯啤酒正 🍴小食拼盤🔥春卷好香脆。入面有木耳蘿蔔粉絲 出面夠鑊氣 入面有口感 推介👍🏻蝦餅 出面可以再脆 d . 其實都夠脆 入面既蝦膠夠彈牙 都十分唔錯 🦐 札肉偏咸 肉質帶 d爽彈 要點蜜糖汁先得🍯最尾嗰個應該類似炸咸豬魚甘 都幾濃味 同香脆 點少少甜酸汁會好 d .🐽 🍴泰式椒鹽鮮魷🦑港式鮮

同男朋友撐枱腳，佢話嗰條街多咗好多餐廳所以拉我去食。一入到去右手邊見到泰國嘅佛像，一條細小嘅走廊，入到鋪入邊都幾大，光猛，乾淨。我哋都算早過去所以冇乜人。坐咗喺左手邊靠牆嘅四人枱。我哋叫咗海南雞飯，馬拉盞炒通菜，沙嗲串燒，同一罐可樂。海南雞飯啲雞都幾滑，但係冇乜雞味，男朋友話啲飯見到有白色嘅米唔合格，我食到有一舊雞有骨，可能係靠近軟骨位所以佢哋冇發現。附送嘅嗰個節瓜湯都幾甜。馬拉盞炒通菜有啲辣，但係幾惹味，出邊街多數馬拉盞都會有過鹹，佢就啱啱好。串燒叫咗豬/牛/雞各兩串，串燒配嘅嗰個沙嗲醬為串燒加咗分，食到粒粒嘅花生，牛就係醃左嘅，串燒黎講我就麻麻地。服務質素唔錯。

呢度嘅泰國菜只可以話正常， 我哋一共叫咗幾個菜包括泰式冬陰功湯，生菜肉碎包，燒豬頸肉，同埋雞肉炒河。先講雞肉炒河，味道一般，炒得唔夠乾。生菜肉碎包係最好味嘅燒豬頸肉嚟講應該係最差 笑得太乾懷疑係一早燒定然後再翻熱最後冬陰功湯味道都係一般