泰太廚房

營業中

休息中

一行七人慶祝生日整體好食但價錢略貴乳豬，泰式生蝦及蝦膏炒飯係必食之選乳豬及生蝦要預早預訂乳豬係即燒的皮脆非常惹味🤤配有兩個醬汁泰式生蝦肥美新鮮，生蝦醬有點辣！蝦膏炒飯飯係炒到一粒粒味道岩岩好蝦多士蝦薄餅大大件好脆足料蝦肉💕咖哩蟹包都好出色😊炒蛋蠔餅味道好淡好普通炸軟殼蟹都係味道比較淡普通海南雞好滑身👌兩個菜都可以

唔會再去。1）質素真係唔高，打個比喻，出面普通泰國餐廳$80既菜色，佢賣到$140（仲未計加一）。一杯珍多冰$45-55，都係普通野，搵唔到原因點解要幫襯佢。真係預埋單比起出面食同一個質素貴50%左右，物非所值。食1x炒飯，1x炒貴刁，1x咖哩飽，1x皮蛋蝦膠，1x甜酸豬肉，計埋加一，要接近$900落樓.....2）馳名咖哩蟹。要訂架，因為得4隻（我7:00去到）。呢樣食唔到啦，唔知馳名到要訂同埋得4隻，可能佢「馳名」就係因為咁。3）連餐具都無特色，同茶記無幾大分別。個膠碟同膠碗拎到黎，摸上手「痴笠笠」，唔知係膠溶左定係洗唔乾淨。講真，大元邨平台果間泰國菜都仲好過佢.....咁駛鬼走咁遠咩......

已經嚟呢度食過四五次。今晚星期五7:00嚟到，只有三四位客倒。佢好多海鮮嘅食物都係時價。 好似一個蟹肉粉絲煲就要七百幾蚊，真係唔捨得食。所以只係叫咗一個大蝦粉絲煲$398，有六隻大蝦，而且個粉絲煲都係好大嘅。其實佢個煲都唔太夠味，我都叫佢左店員俾咗啲辣汁我地掂。另外佢個豬頸肉係用炭爐燒所以都好好食，正，$140幾。我地鍾意坐出面，空間大啲，環境都唔錯。入面雖然有冷氣但係感覺比較擠迫，又聽到其他食客講嘢。呢度嘅店員有啲係泰國人，佢哋比較hard sell。 例如問你要唔要燒乳豬，生蝦刺身等。但係服務都好嘅。呢間餐廳座位唔太多但都幾多人食，九成人都係揸車嚟。所以建議要先訂位，但車位就無得訂。成日都會亂泊，食食吓要倒車比其他客人既車出入。P.S.今晚有live Band，食過咁多次都係第一次有。

北京朋友過左來香港玩，專程帶佢o黎呢度食野，本身無訂乳豬，待應話有1/4所以就試，其實我幾個月前都食過今次諗住試下其他，但朋友話想試試泰式燒豬所以就食。我地三個人點左冬蔭功湯，酸辣平均！好味咖哩蟹包：淡淡蟹肉，可惜咖哩唔辣，下次試試加辣可能會更好食生蝦刺身好特別，新鮮蝦好爽每樣食物都好有水準，最後西米糕待應比多兩件我地朋友原來未食過泰國菜，佢從此愛上，好滿足，埋單都唔洗每人300坐外面有小小蚊，記得叫待應比蚊香

為左隻定春松鼠可以去得幾盡？定春平日只在家附近走走，但每逢假期定必遠足一番大尾篤、西貢、塔門、大澳、等等，都留下不少狗毛！大尾篤可帶寵物食肆翏翏可數，已幫襯幾次芭堤雅小廚有點悶，想找找新意思，發現泰太廚房。室外座位長木檯加長木櫈，夠大夠寬敞坐得自在舒服，還可以讓寵物一起用膳呢。研究一下有什麼佳餚美饌，還要點條魚比定春少爺享用，真係隨時伙食比我還要好。別出心裁的安排，報紙形菜牌、CD 盒 cocktail menu，趣味性十足。以泰菜館來說，菜色種類多得誇張，就算幫襯 10 次都未必試得完呢！泰象啤，甘苦味偏濃，其實感覺一般，飲得星霞多想轉轉口味。食韓菜飲真露、食日菜飲清酒、食燒烤飲啤酒，食泰菜梗係飲泰啤。辣無骨鳳爪，要撈勻等段時間先夠入味。酸辣並重，清涼爽脆，越食越辣追住食，加上新鮮即切蔥絲滲著蔥油特別香口，清新獨特，另類享受。魚露生蝦，專登預訂的，因爲經常沽清無得食。似乎期望過高，蝦肉雪到乾乾的，蝦爽不過完全無蝦味，搭上蒜片辣椒苦涼瓜片再浸埋偏甜泰汁，味道好多了。肉鬆生菜包，豬肉味濃郁清甜，鬆軟多汁不乾鞋，酸度高，辣度低。生菜爽脆夾大量香料，還可以。辣酒煮花螺，個汁杰杰厚厚像黑椒汁一

話說星期日晚訂左7：30兩位dinner ，因為有狗仔，所以問左可唔可以帶狗。訂嘅時候個staff話冇問題，坐室外就得，幫你地留室外枱啦，咁我地仲訂埋餸添。點知7：25 去到間餐廳好爆，d staff 亂曬龍。 walk-in客就自己坐，訂枱客就等下啦。 等到50分左右，個staff同我講有位，入面啦。我同佢講我訂左坐室外有狗，之後佢叫我再等等。 endup 佢當然冇位啦，佢就叫左枱外國客坐迫d, 叫我地搭枱。 我地咀都 o 埋，個staff就話唔係搭枱啊，佢地（外國客）坐左過黎之嘛....當時心諗你咁都講得出？？？大尾督又吊腳，我地又訂左餸唯有焗住食啦。一張8人長枱，人地7個人坐緊我地2個坐落去都唔算搭枱，我都唔知搭枱嘅定意係咩啦~所以係度提醒如果諗住帶狗嘅朋友，唔好諗呢個地方啦，因為哪怕你訂左位都唔一定有位，一陣帶住狗仔都唔知可以去邊食。如果諗住訂位有privacy dd 嘅朋友你地都唔好諗啦，因為係會隨時有d “坐左過你張枱”嘅客人。如果諗住訂左枱就可以準時開飯嘅朋友，訂枱要等半個鍾是常識吧。

大尾篤小泰國賞月今日係超級滿月，專程搭車入去大尾篤食飯，都勁耐冇入大尾督，細個都係bbq，而家變到好靚，經朋友介紹之下去左泰太廚房，因為有outdoor同埋我有隻狗仔因為兩個人既關係，侍應提醒我地條魚好大條，所以我地無特別再叫好多野食。好窩心既待應。驚我地叫太多食吾哂。生蝦刺身：其實我上網睇過都好靚所以叫個影下相，哈哈，真係好特別，好靚，點埋汁好開胃椰菜仔：出面好小食，都唔錯爐魚：真係好大條烏頭，有個海鮮汁跟埋，最後我地兩個人都清哂，臨尾整杯泰式凍檸茶，不過同普通檸檬茶無太大分別

年初二入左大尾篤同親戚拜年，夜晚姨媽姨丈帶左我地去食泰國菜，話呢間唔錯，我地一行6人7點幾去到已經係坐滿，好彩姨媽訂左位所以我地去到只係等左一陣就安排到位比我地，呢到環境真係好舒服好有泰國feel...仲有兩架篤篤車係到，我地傾下講下嘢食就黎喇，我地叫左唔記得幾多樣喇，最快上既係冬蔭湯，我想講真係好好飲，我地叫左小辣，岩岩好，大蝦啖啖肉好爽，跟住生蝦，擺盆好特別成架車仔出黎，係新鮮既😁泰式燒乳豬又係好好食，皮脆肉嫩，聽姑媽講一定要訂唔訂又係冇得食🤣最後我要介紹既係佢地馳名既咖哩炒蟹，成個木桶上，咖哩好香好多料，忍唔住叫左個飯撈咖哩汁😋蟹好新鮮好靚🙈🙈可能我本身好鐘意食蟹真心覺得超好味，成餐飯都好滿意，如果要挑剔既話就係個湯唔夠熱，如果熱d會更好，炒飯都略為咸左小小，所以我決定下次帶朋友再黎試下其它菜🤣

We choose this place for our boss birthday lunch treat ,and we were not disappointed we were greeted warmly by the waitress who guide us to the menu , we started with the shrimp it was fantastic, and follow by the Tom yum Kung soup , soup Taste very delicious and we do love the dessert which is mango with sticky rice the sauce have nailed it,the value was excellent

大年初七要返工，辛辛苦苦開完工，同同事去搵下好地方食餐好，我第一次黎，環境好舒服，都幾多人去，坐到冇晒位，所以要坐出邊，有少少凍，唔緊要最緊要一大班人開開心心。見到個生蝦車好靚，蝦好新鮮鮮甜。蒜蓉炒椰菜，菜幾新鮮，蒜蓉味夠香，炒落夠鑊氣，夠火喉。咖哩炒蟹是肉蟹，入面有椰青肉，好香椰味！這個咖哩都是必吃！同堆夠哂好大份，好岩一大班人食。皮旦蝦餅：幾得意，未食過，外脆內軟。明爐烏魚：又係好大條😱另有酸辣汁點，個酸辣汁好辣好正。最後個肉碎飯真係食唔落，留番明天番工食，埋單6個人1700$，如果出面唔係咁凍，坐出面好舒服。

本身都諗住食中菜但係唔知食咩,姑姐又搬左去大尾篤, 佢話呢間好食就一於試下,但係因為前一日訂,已經冇哂乳豬了.訂左8:00.門外車場冇哂位.泊車去前面停車場.都好近第一次食生蝦既裝飾咁特別,好新鮮.個汁超好味不過辣左小小炒雜菜.無特別蠔仔蛋.超多蠔仔.點埋辣椒醬超正牛仔骨.估唔到原來泰式牛仔骨咁好食,不過唔知佢點醃,唔似平時出邊BBQ個d味檸檬蝦.只是炸蝦配上檸檬汁.冇咩特別肉碎炒飯. 真係好好食! 個飯炒得好靚!撈埋隻蛋真係好幸福!價錢都算合理,每人$200到,唯一失望是乳豬無得試!早一日打電話都已經被訂哂!

本身很愛這店，但經過年初二電話預約十分失望，年三十晚開車經過店很像沒營業，打算年初二碰碰運氣看看有沒有營業，所以致電book 位，結果受氣到不得了（利申：我不是那種隨便打負評的人，但真的很生氣）打去禮貌地問職員今天會否營業，女員工用臭串態度回答佢聽電話點會冇開門，問我幾多位，我答兩大一細，佢用極不禮貌既語氣答甘即係三位啦，問我坐出面定入面，我禮貌答冇所謂（我怕佢地太多客，由餐廳安排更好），女員工竟然用鬧人語氣，係鬧人既語氣話，甘outdoor 定indoor 吖個一刻我真係用o嘴黎形容，如果泰太個老闆會睇到呢到評價，麻煩好好管理一下年初二下年5:27 分接聽電話個位女員工.

腦海忽然想食泰國菜，又唔想太迫🤨，於是約埋幾個朋友👫👫👫揸車入大尾篤揾食。通常大部份人都會去忠X，但男朋友就揀左去泰太廚房。😋去到第一眼裝修格局幾地道，環境幾好！我地一行六個人，order左生蝦🍤，咖哩蟹肉焗麵包🥧，泰式燒雞🍗，冬陰公🍲，蒜蓉炒椰菜苗🥦，皮蛋，啤酒🍻。生蝦🍤: 有八隻，賣相幾特別幾有心思，d蝦放曬響架車仔🚘上面。生蝦幾大隻幾鮮，味道唔錯。咖喱蟹肉焗麵包🦀: 咖喱幾好，唔太辣。麵包岩岩好，唔太淋，面夠脆。但我地幾個都無乜食到蟹肉。燒雞🐥: 因為即燒既關係，熱辣辣，又好香！同埋因爲之前已經醃好，所以唔洗點醬已經夠曬味。冬陰公: 味道岩岩好，唔會太酸又唔會太辣。蝦比想像中多，新鮮又多肉。個人意見，如果加個蠟燭仔喺下面加溫保溫會仲好，好快凍曬！蒜蓉炒椰菜苖🥦: 味道個人覺得鹹左少少，但椰菜苖夠爽口，蒜蓉都炒得好香。炸皮蛋: 唔會炸得好燶，香口得黎皮蛋既口感又唔錯。啤酒🍺: 因為我病左，男友揸車，所以無得飲。唯一美中不足係，可能因為平日無乜人，所以落完單d餸好快就到。我地第一樣都未準備食第二樣又煮好上枱，搞到食得好急，加上我地坐露天位，所以d野食好快凍🌬🌪。但整體黎講係唔差的！😋

今天和孩子們到了大尾督踏車、放風箏，優優悠悠地”反”了一整天，大家都開心😃晚上決定食乜，兒子揸主意，拒絕了一貫的BBQ ，迎來泰國菜🇹🇭，算是出人意表的選擇🤷🏻‍♂️孩子們點了他們喜愛的食品，只要他們肯吃，原全沒有任何問題。👍🏻個人就最喜愛戶外風情，尤其秋高氣爽🍂🍁，自由自在，無拘無束。此地還算泰式風情，所有食物環境頒預計之內，雖冇驚喜，也冇過失。👌🏻畢竟兒子👦🏻自己揀的，做老豆嘅，有乜所謂😇🇹🇭

擁有大埔小泰國之稱既大尾督內有幾間好味既泰國餐廳而且附近風景不錯，好適合weekend 入去行下食下野！今日黎到呢間泰太廚房位置比較入而且又暗暗地，之前一直以黎都未有機會試試佢 今次一試好驚喜因餐廳環境設計同味道都做到十分泰式🍴食物味道不錯份量比真正泰菜大碟少少唔洗驚唔夠食！ 泰式燒雞（半隻） （$138）即叫即刻係門口個燒烤爐度燒好香！好好味！隻雞本身醃左先拎去燒唔洗點醬都夠唒味！但雞皮就太肥，食唔到🙈3個人食左半隻，份量非常足夠 泰太咖哩蟹肉焗麵包（小霸王） $168呢道菜我係泰國未食過😂所以唔知正唔正宗，但係就非常好味！一上枱侍應就會幫你切開佢咁個包就唔會太腍喇食落去仲係脆卜卜的，但又唔會太硬咬唔開！👍🏻👍🏻👍🏻入面既咖哩蟹肉非常足料食到尾都仲食到好多蟹肉😍😍😍 蒜蓉炒泰國椰菜苗（$98）味道係ok 的，不過就偏咸蒜味夠香，椰菜苗都好爽口不錯既但炒菜黎講呢個價錢有少少貴 最鍾意呢間餐廳既環境氣氛做到真係好似去左泰國小店咁無論擺設同裝飾，甚至播埋泰國電視劇 忍唔住講返句I ♥️ Thai 😂😂