影片
開飯介紹
泰妃雞主打為正宗泰妃海南雞除此之外其特色沙律、小食拼盆都徝得一試。
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
招牌菜
泰妃雞優惠河粉 ($22)一向份量極少今日路過買外賣晩餐, 問職員買晚餐正價河粉($32)份量會否比優惠河粉多. 職員話"一定會多". 到取食物時見只用優惠河粉 的外賣盒, 打開也只有優惠河粉的份量.我跟剛才職員對質, 職員說"挑, 係咁嫁o拉! 唔係優惠時段就無優惠嫁o拉"問題唔係價錢或份量, 係商譽.
繼續閱讀
今日心血來潮想食海南雞飯呢間既海南雞飯之前我係上環食過一次佢既雞肉係幾嫩,同埋去左骨, 食起黎好方便不過個飯真係唔得,我覺得太過乾身,無左油飯既感覺杯野飲好多冰,好快就飲完
繼續閱讀
今日去左灣仔買野,之後朋友就叫我食飯喇,去左依到,雖然依到細細間,得唔多張枱,但味道嬴左一切。我地得兩個人就唔洗點等位都好多有得食。首先叫左豬頸肉湯河,佢個河粉夠哂滑,而主角豬頸肉就好香依個香茅味,醃得非常有味, 另外仲可以轉做冬蔭功湯底,一湯兩味,冬蔭功就唔夠味喇,得個辣味,不過都算唔錯既,另外就係一個海南雞湯河,都係河粉夠滑,反而本身個湯底幾好味,雞皮好薄得又唔太多肥膏,賣相唔錯,好吸引,另外一個無骨既雞，啖啖肉最開心,而且雞肉好嫩好滑,仲有瓜做配菜, 賣相靚之外仲係一個好配搭。最後有一個豬脾,不過唔係人人都岩食,因為肥膏可能已經嚇親你, 但肉加肥膏係絕配, 肉夠又夠軟,加埋個膏好香,不過唔可以成日食喇當然
繼續閱讀
中午約了同事在外辦事，中午飯時看見了《泰妃雞》這一個名字，突然地令我感覺到我要食海南雞，因為，的確好耐沒有食過《泰妃雞》的出品啦。本想去三角街的分店，但不舍為何，我們最後都是來到位於活道的店。據說，活道的《泰妃雞》是總店，未開始寫食記時已有朋友時常帶我來食。距今，已經很多年了，若不是今天突然想起了海南雞，相信我也不會來回味一下，畢竟，周遭的其他食肆，比起《泰妃雞》更誘惑。《泰妃雞》既然是海南雞飯專門店，久別重來，當然也是食海南雞飯啦。《泰妃雞》的海南雞飯，是祛骨的海南雞，沒有骨，總會吃得更開心，這雞肉，十分嫩滑，亦有足夠的香味，由於是凍食的雞，雞的酒脂豐滿地以膏的狀態停留在皮與肉之間的夾層，雖聞不出香味，但食得出雞肉同雞油的香，多年來的水準沒變。油飯一點也不肥膩，入口後慢慢地滲出雞油的香，而且飯粒香軟香滑，不錯。《泰妃雞》多年沒來，這一天重來小試，這依然是美好的海南雞飯。
繼續閱讀
灣仔活道1號地下2號舖VTC上完2個小時的堂, 就要好好醫肚祭五臟廟。附近見到間食泰國食身的小店, 都不想四圍找就入內試了。見出名是海南雞飯同豬肶飯,環觀8成店客都是叫這兩道 ,因我不愛吃白切雞, 就好自己點了豬肶飯$48,再叫了個半份的小食併盤 $36兩人share。以碟頭飯的形式上, 豬肶飯飯量不是太多,見到其實是瀂腳手/腳啦,顏色也滲入了豉油的咖啡色。豬手已起了骨吃時更方便, 豬皮及肉腍得入味, 豬皮入口即溶化似是jelly, 不用牙齒咬也已滑進喉嚨裡, 與吃開的炆豬手皮仍是煙韌有分別。難得是絲毫不覺油膩, 白飯上淋上瀂的汁豉油, 豉油汁多了點, 弄得飯帶點濕溼及偏鹹, 總括來充說令我驚喜,可以加點青綠蔬菜平衡一下就更好。小食併盤有雞肉串, 燒得好乾身沾了沙嗲醬也於是無補,不過大串多肉。把視線轉丁外表好似donut中間個空心圈的東西,炸得金黃的炸蝦餅但表皮不脆,彈牙及鮮度都略為邈色。炸荷葉包雞,先加了香料醃好再下窩炸, 香味夠而雞肉保有肉汁,尚算合格。春卷即是預先製作好之物, 皮開始放久了變軟, 也放涼了不好吃。
繼續閱讀