泰妹餐廳 (已結業)

平時都會間唔中去黃埔食飯，因為黃埔真係好多餐廳選擇。而且有咗地鐵之後真係好方便，今次同朋友係附近行完街就順勢去食呢間泰國餐廳。餐廳環境都相當舒適，餐牌就有不同嘅泰國菜式或者套餐可供選擇。泰式青木瓜沙律先來賣相精緻嘅前菜沙律，青木瓜相當爽脆，加相酸酸甜甜嘅沙律汁相當醒胃。 香葉肉碎煎蛋飯肉碎嫩滑，配埋醬汁一齊食真係好有風味，煎蛋蛋汁都很香，相當地道。 串燒拼盤呢個串燒拼盤整得相當出色，味道剛好，而且分別有豬、牛、雞肉。加埋醬汁一齊食相當惹味。 蒜蓉炒芥蘭最後當然要食啲蔬菜，而呢個炒芥蘭亦炒得不錯，好滿足了。

話說, 我好耐都冇食過泰菜啦, 今晚同家人一直都為今晚嗰餐頭痛緊時, 我就提議不如去食泰國菜, 自己住嘅附近有兩間選擇, 最後決定試吓黃埔嘅"泰妹"今晚試咗佢地嘅二人套餐, 有泰式拼盤有炸蝦餅, 魚餅, 泰式春卷同埋香葉包雞, 冬陰公海鮮湯 ,泰式炒雜菜, 蝦醬肉碎炒飯, 兩杯飲品叫咗青檸梳打, 同埋甜品要椰子味雪糕同埋芒果味雪糕. 另外再叫多一碟"泰式豬頸肉" overall 所有嘅味道都唔錯, 最好味係碟"蝦醬肉碎炒飯", 好入味, 小朋友都啱食! 店內環境算唔錯, 遲d 突然間又想再食泰菜都可以再去幫襯!

同個朋友行完黃埔咁就嚟咗食啦叫咗個泰式人套餐入面包括有我就叫咗葉肉垂生菜包生菜包肉碎多 帶辣 小食我就揀咗魚餅煎得啱啱好主菜我就叫咗海南雞半隻雞嘅味道正常肉質略嫌鹹咗少少

今日同同事食lunch，同事問我食呢間好無，其實我之前食過覺得麻麻地，不過諗住之前食嗰陣佢新開，而家都開左一排諗住應該okay，點知我真係太天真，我叫左個泰式蝦炒金邊粉，同事叫左個冬蔭公海鮮湯金邊粉，等左25分鐘，勁肚餓，我同事食完，我嗰個先黎到，最搞笑係廚房一出就出四個，即係夾齊單先炒，唔怪得之要等咁耐，如果趕時間真係唔好叫炒粉類。炒金邊粉個外表都唔錯，色水都正常，食第一啖...頂...金邊粉無味既...三隻蝦食落口仲有好重既雪味，最後我食淨三分一無再食，我可以食到三分二真係為左醫肚，唯一可取既係炒粉類一定夠熱囉，不過真係可一不可再！

今天約了一個住在黃埔的朋友，因為上次食過觀塘泰妹印象不錯，而黃埔也有分店，做相約到此餐廳吃晚餐。兩個人簡簡單單點了前菜，湯，炒河粉及飛天通菜！前菜泰式小食拼盤包括了炸蝦餅，班蘭葉包雞，春卷，魚餅！一次過滿足了我所有想吃的小食呀！另外我和朋友也是好辣之人於是便點了一個大的冬蔭海鮮湯！這個冬陰公辣到喊到剛剛好而且十分足料，包括了兩隻大蝦及雜菇等！由於上次對這個泰式豬乾炒河粉印象不錯，很喜歡那口感，今次也有再點每次吃泰國菜也是必點的炒飛天通菜，這間餐廳的飛天通才真的很有水準和在泰國吃的沒什麼分別

是日同男朋友同另一對情侶double date，揀咗呢間位於黃埔嘅泰國餐館，早前朋友試過佢哋位於觀塘嘅分店，覺得非常好味，就介紹我哋嚟呢度食啦。一行四人，可以叫各式各樣嘅嘢食，部份仲令我哋回味無窮。冬蔭海鮮湯（大）：食泰國嘢又點少得飲冬蔭公湯呢？鍾意食辣野既我，冬蔭公係我去到泰式餐廳必叫既菜式之一。呢度嘅冬蔭公有兩個size，我地四個人叫左個大嘅，一客大約有六碗左右，以明爐送上，有明火保持溫度，只係賣相已經非常震撼。呈橙紅色嘅冬蔭公湯，上菜時熱辣辣，香料十足，仲散發出陣陣香味，配料方面亦都好足，有菇、蕃茄同蝦等等，入口又酸又辣，好開胃。泰式燒烤拼盤：燒烤拼盤有雞肉、豬肉同埋牛肉，肉類醃過後再去燒，非常入味。除此之外，每件都切到細細粒，一啖一件，非常方便。點埋沙嗲汁食，味道更吸引。原隻菠蘿海鮮炒飯：呢個菠蘿炒飯，只係賣相已經非常吸引，真係令我忍唔住「相機食先」。加入左蟹柳，蝦，青口同魷魚炒嘅菠蘿炒飯，配料都算多，D蝦都好大隻，上菜時散發出陣陣香味，味道亦都唔錯，份量亦好足，值得一讚。紅咖喱豬頸肉：加左椰汁整成嘅咖喱真係份外香，入口唔會太辣，配料有爽口嘅豬頸肉，蔬菜同菠蘿，份量剛剛好。如果

晚上在黃埔放工，於是便和同事在附近的泰妹餐廳吃飯。先上菜的是原隻菠蘿海鮮炒飯，海鮮用料十足，有蝦、青口、魷魚等，新鮮而且入味，飯也炒得乾身，香氣濃郁，一口接一口，非常美味。另外也點了半隻海南雞，雞肉肉質嫩滑，雞皮爽口，味道出符預期的好吃，是我在香港餐廳中吃過數一數二的美味，十分推薦。三款醬料中，以泰式辣醬和黑醬油最為出色。泰式小食拼盤，共有四種小食，包括炸蝦餅、春卷、魚餅以及斑蘭葉包雞。蝦餅炸得金黃可口，而且彈牙，與酸辣醬汁也搭配。魚餅的香茅味道非常濃郁，份外惹味。斑蘭葉包雞帶有陣陣的香氣，口感軟腍。蝶豆花檸檬梳打，顏色很美，味道就似一般梳打飲品。用上紙飲管，非常環保，抵讚！泰式奶茶，口味正宗，像是在泰國喝的一樣。

💩💩💩強烈推介唔好黎食呢間💩💩💩個飛天炒通菜完全無味， 個menu就有個辣椒，自問已經唔係好食得辣。菜又無咩菜味。泰式蝦炒金邊粉竟然都係冇味嘅，好小小個蝦就唔算細舊，點知啲蝦肉又散 又無味 每一個小菜都好唔正宗唔好再黎食

自從黃埔開通左地鐵之後，人流越來越多，而食店亦相對增加，這次我去到黃埔，揀了泰妹這間泰國菜餐廳來試一試。可能時間還算早，人不算太多，而且店面夠晒大，不需要等位，一齊人就入場叫菜開餐。首先必點了泰式燒烤拼盤，原本一串串上的串燒，貼心地分拆成一塊塊，方便食客進食。分別有豬、牛、雞肉，配上獨有醬料，極有泰國街頭燒烤既風味。再叫了一份蛋花黃咖哩大頭蝦火山包，大大份既火山包作為主食真心一流，黃咖哩香而原辣，岩晒不食辣的朋友，兩隻大頭蝦亦夠晒份量。最後點了芒果糯米飯做甜品，雙色既糯米飯夠晒搶眼，暖暖既飯食落亦比凍食香得多，兩種味道既飯與芒果椰汁配搭出不同既味覺上既體驗。

今天去了黃埔船附近逛街，準備去找餐廳吃晚飯的時候，看見對面一間泰國菜館，決定我老公進去試一下。坐下來的時候好肚餓，我們見到一個二人套餐，我們兩人想都沒有想就決定點這個套餐，因為看似不錯而且很抵吃。上菜也是挺快的，首先來了一個馬拉盞炒芥蘭，上菜一刻聞到那個馬拉盞未，都在流口水了，因為實在太香加上我的確很肚餓。吃下去的時候，出乎意料地覺得味道剛剛好，不是太鹹，因為平時去得泰國菜館都是偏鹹的，馬拉盞的味道好香，菜炒得很入味。第二道上的菜就是椰汁雞湯，椰汁味好香，渇下佢好香滑，而且很足料，有很多菇和雞，加上一直用一個熱鍋保溫着，可以飯前一碗，飯後一碗，都是熱湯。一個泰式拼盤，基本上主要的泰式小食都有，每一道小食都很地道。我老公比較喜歡吃那個肉碎炒飯，他說不油膩，而且飯底炒到剛剛好。我最喜歡就是他的甜品，我們點了一個椰子雪糕和榴槤雪糕，雪糕好香滑，特別是榴槤味。

<黃埔經際實惠泰菜>😃黃埔呢間泰妹 坐位環境舒服 menu上面既泰式食物有好多選擇 價錢經濟 味道唔錯 係黃埔一個幾好既食飯選擇👍🏻🍴泰式生蝦刺身 88 蚊🦐🌶大大碟生蝦刺身 外表整得好靚 每個生蝦都好厚肉新鮮 上面放左辣椒同生蒜 調味 🌶 好有口感 側邊仲有生苦瓜 意想不到 match 點埋 惹味題辣醬更正🌶🍴泰式蝦餅釀皮蛋 78 蚊🥚🦐又鍾意食皮蛋又鍾意食蝦餅既一定要試！ 出面既蝦餅好香脆🦐 入面帶 d彈牙蝦膠 皮蛋夠入味 蛋味濃 點埋 甜酸汁一次放落口 正 😍🍴臭翁草煎蛋 68 蚊🌿🥚泰國特色既臭翁草整成既煎蛋 煎到薄到有 d似蠔餅 蛋煎得好香脆 🔥 入面既臭翁草 落足料 有種獨特既香 (臭) 味🌿 點埋 甜既透椒醬 十分 match 🌶👍🏻 🍴原隻燒魷魚 88 蚊🔥🦑燒得好好味既魷魚 魷魚大隻新鮮 口感彈牙軟熟 燒既熟程度剛好再帶點燒焦香味 👍🏻 醬汁有 d似燒汁加辣椒 甜甜地 好惹味！#燒魷魚 #臭翁草 #生蝦 #蝦餅 #泰國菜 #皮蛋Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍

又是匆忙到黃埔Goji上瑜珈班的一天。 見德豐街轉角間泰國菜館裝修也不錯，便先轉入去醫醫肚！個午餐牌好奇怪: 這個環境只需 58元一個午餐， 太平了！ 必然難吃！！🤔便求其叫個紅咖哩雞配白飯，和一個泰色咖啡。 紅咖哩雞 :絕對是驚喜，味道層次豐富，不是死鹹死棘！creamy !足料， 有豆角，蘑菇，蕃茄， 茄子，香葉， 當然有雞！ 😋 泰色咖啡 :太甜了，應是用練奶開的， 可以一試， 但相信大多香港人不會喜歡！下次做瑜珈，必定約友人再來！ 😋😋😋IMG:3]

跟朋友慶祝生日，朋友想吃泰國菜，所以就選擇了泰妹。餐牌的菜式有好多選擇。我們正在考慮點套餐好還是散點，但套餐又没有我們想吃的，店員很熱情很好人，她有提議我們要怎樣點菜。最後我們都是散點。泰國生蝦是my favourites 的其中之一。生蝦很鮮甜。新鮮椰青很鮮甜。這個蛋茶黃咖哩炒肉蟹好正。強烈推薦，之前去曼谷吃過一間做這個菜式的非常美味，一直好懷念。但今次可以這間吃到也很接近泰國的那間的。這個菜我就一定會配飯，它的汁撈飯可以食幾碗飯。蟹很新鮮，不是死蟹，肉質很彈牙。另外還點青木瓜沙律。還有鹽焗烏頭。這餐食到棒住個肚走。

黃埔這區不小，居民多，食肆自然也非常多，除了美食坊外，黃埔花園每座均有不同餐廳，選擇多之餘，也蠻方便。主力做區內客生意，競爭大，定價也相對親民。炸蝦餅 ($58): 蝦餅是泰式的一大特色，其香酥美味，蝦味適中，外脆內軟，質感亦爽口彈牙。冬蔭海鮮湯 ($88): 湯料十分豐富，還有半隻大蝦，使之多了一份海鮮的鮮甜味道。另外，還放了香茅、檸檬葉等料，令香辣中卻帶酸和甜，味道豐富且濃郁。泰妹無骨海南雞 ($88/半隻): 雞皮的一層黃油相當可口，肉質亦夠滑嫩，配三色醬汁更為惹味。泰式蝦炒金邊粉 ($78): 金邊粉夠乾爽，濕度適中，用料包括蝦球、乾豆腐及蛋絲等等，甜中帶酸，味道不錯，但整體口味較淡。

平時都是去九龍城食泰國菜多，紅磡黃埔多美食很多人都知道了，原來黃埔都有一間泰國菜很不錯的，這天剛好在Aeon行街，發現了附近這家泰妹。我看它的裝潢都幾新可能是開業了不久的。菜式的選擇都幾多，晚餐套餐有2人餐及4人餐。我們没有選擇套餐都是自己點想吃的菜式。食泰國菜當然不少得泰國生蝦了。生蝦好吃夠鮮甜。不過朋友不吃的，我就可以大飽口福了。我們另外點了鹽焗烏頭魚，挑開鹽塊食裡面的魚肉，可以很原汁原味食到魚的鮮味，又不會很咸。再來個泰式燒烤拼盤。最後加上甜品脆炸雲呢拿雪糕多士這餐就很完满了。