泰媽媽雞飯 (新鴻基中心) (已結業)

因為同小朋友去影完相做証件，等攞相期間見有時間就去食個早餐，見到有間泰式餐廳都有中式餐所以就去試吓。一入到去兩個店員係度傾計，一個店員整理緊Menu, 唔知係咪阻住佢哋傾計，點完餐之後揀餐飲時問收銀員有咩飲，會唔會有茶走，企後面的一個男人即刻大聲講：點會有茶飲！？你當我地係茶餐廳呀？我地係泰國餐廳。（其實直接講冇咪得囉。。）點完餐攞張單去出面坐底等，太太都即刻同我講，早知食吉野家好過啦🤣去幫襯受氣都唔係第一次，如果好味既都算數，因為你串得起，但重點係食物質素又一般，服務態度又差，咁樣好難有下次囉。。。

灣仔泰式風味餐廳餐廳有室內外坐位選擇！但位數不算太多抵食下午茶$52包飲品仲有泰式奶茶揀呢！炸雞拼盤青瓜沙律配迷你芒果糯米飯味道不錯份量都算大！

不知所謂一間所謂快餐店，朝早去買個冬陰蝦既粉返鋪頭食，見到現場冇咩人，就照買啦，反正重有時間先夠鐘反工，點知就係惡夢既開始，點知一等就等左超過15分鐘，重要等到夠晒鐘返工都未有得攞，搞到我要反鋪頭開門先，之後再反去攞嘢食，咁都算，我忍你，但最過份係咩啊，攞到返去竟然俾碗齋粉我，蝦去左邊，無病啊？成四十蚊俾碗齋粉我，作為消費者既我，打反去鋪頭問，佢話不好意思叫我嚟攞反碗新，而家即刻叫廚房做，點知落到去，重未有得攞，大佬啊，我鎖完門行過嚟起碼都十分鐘啦🤬🤬🤬，咁都重未有，收銀個女仔入去追，追完都重話未有，我隱約聽到廚房有把男聲，話未有喎 等等啦！！！個女仔不停同我講，出緊出緊唔好意思，再等左兩三分鐘先至攞到，唉😮‍💨！買個早餐要我等超過15分鐘，整錯食物俾我以為會快啲，但係都又係要等十幾分鐘，買個早餐都咁耐，終於攞到反去食啦，點知個湯係暖，d蝦重係凍架，叫人點食先，攞碗新既蝦就有俾反，但未煮滾就唔好俾人食啦，凍冰冰既蝦係咪傻架！想痾死人咩，食麵包算啦！唉😮‍💨自己煮都冇咁嬲，永遠無下次！

路過小店見早餐外賣都幾抵但竟然無咩人等可能製作需時要快嘅會揀食其他早餐試左雞蛋混醬腸粉非常足料大份加多杯咖啡非常飽！紅色控比那隻紅色杯深深吸引仲有粒紅心心未飲已經心情大好！

外帶包裝好重本 餐具亦好厚料 令到就算係外賣 成件事都好high class啲雞食落好有雞香 而且醬汁亦配搭得好好飯既份量都適中 唔會話得好少而且好少見地 海南雞飯 竟然有芥蘭食

The restaurant tables are outside the shop on the walkway. The tables are occupied by non-patrons including an older woman eating leftovers. So better to takeaway only.

喺附近返工，經過左幾次都見到幾多人排隊～見佢舖頭都幾細，應該係小店啦，又多人排隊呢個感覺上真係一個質素保證嘅～～所以專登搵咗日去試吓，買咗佢嘅外賣見佢包裝都幾特別，真係好似去咗泰國咁啲飲品係用袋裝嘅，喺香港真係好少見當係去吓旅行咁啦😂😂😂放喺入邊都幾多配菜，所以食落都幾豐富好似真係喺屋企食飯咁有唔同餸菜唔通呢啲就係媽媽的感覺？！😂😂😂😂嘢食就OK啦飲品就揀咗青檸梳打，好唔好飲就見仁見智啦😂如果有下次我會試吓其他😂😂

一到Lunch時間, 新鴻基中心既餐廳四圍都咁多人, 泰媽媽都唔例外！諗住平日Lunch冇咩特別要求快快手食完就算, 估唔到有驚喜！今次食左呢個期間限定既”泰式海鮮炒飯”, 估唔到炒飯配埋的辣椒再加七味粉係咁惹味！事隔兩星期已經見唔到呢個菜式喺餐牌上面, 好在及時食得切, 之後要再試佢其他款式😁

早排，聽同事講話呢間嘅早餐好食，咁就有一日要早返工，所以咪去呢度外賣一份早餐攞返公司食。看見餐牌，我真係嘩一聲！HK$25-HK$42有一份早餐，食物+飲品喎。有冇咁抵呀？也心諗，好唔好味㗎？雞蛋煎腸粉伴混醬 (HK$25)．好大一盒腸粉呀．腸粉一條條的不會煎乾到一pat pat，口感幾滑口、幾濕潤．加咗雞蛋有蛋香．多醬汁，有甜醬和辣醬，就係沒有麻醬榛子醬、美祿多士 (HK$25)．厚切麵包，烘烤得熱和脆口．2片麵包之間塗滿Nutella 榛子醬，上面鋪滿美祿粉，正呀！泰式熱咖啡 (跟餐送的！)．正常大杯．順滑易入口．加入咗煉奶，甜甜哋，幾好飲喎！

午飯時間外賣左一碗冬蔭功金邊粉，本身都幾期待，因為個人好鐘意冬蔭功湯，加上附近又冇乜泰國餐廳可以簡但好可惜個湯底又冇色水又冇泰國風味，只有酸味冇乜辣味，只係類似譚仔三哥既普通酸辣湯底，完全唔似泰國餐廳買既外賣，打開果陣仲以為係咪拎錯左外賣啲餸方面種過分，只有兩隻蝦仔、半粒草菇，再加小小芽菜洋蔥就算，好離譜完全唔值呢個價，好似食緊淨米咁，根本連女仔都食唔飽，好失望，希望大家唔好中伏，可能叫個雞飯會開心啲

又係泰式奶茶啊！！純粹為咗個奶茶過嚟呢間餐廳🥰🥰🧃泰式奶茶 $20完全比佢個袋裝吸引🥡好方便 可以抽住走 而且未飲哂又可以閂返埋拎住行街😍呢個價錢平過出面茶飲店好多🧡另外佢一樣做到濃烈泰式奶茶嘅茶底味 仲要冇咁甜😋

平時較少喺灣仔食 Lunch, 開會遲咗，買外賣，見無人龍，即入！見天氣凍㨂左鐵胆之選～ 冬陰功金邊粉！湯： 只有酸味，無鮮味！（合味道完勝）金邊粉：「鞋」過吉野家d肥牛🐂，份量多餸菜： 雪蝦🦐兩隻，菇🍄一整粒，有其他配菜價錢：$65如果想減肥或情緒低落，一定要試呢間冬陰功金邊粉利申，平時係垃圾焚化爐，掃食者！P.S. 等外賣有窩心熱茶供應 （呢杯茶最正，free of charge )☺️..............................

途經灣仔, 發現這間泰媽媽$25的下午茶套餐, 二話不說入去買個下午茶。開放式座位, 涼浸浸。泰式奶茶 - 未飲入口已經覺得杯奶茶好飲, 因為隻奶茶杯實在太靚太吸晴了, 泰式奶茶入口茶味唔算太濃, 幸好入口順滑, 不過不失吧。炭燒泰式多士 - 叫了榛子醬美祿多士, 厚厚的炭燒多士搽了榛子醬在中間, 多士面灑滿了美祿粉, 多士入口脆卜卜的, 內裏卻鬆軟, 配合埋榛子醬甜甜地, 幾好食, 美祿粉多到擦極都有, 最後還是不捨得掉了哪些美祿粉, 把它放進熱奶茶, 即成朱古力奶茶, 比原先的泰式奶茶更好飲呢。

經過見到呢間泰媽媽，見到賣相唔錯，決定一試！灣仔呢間鋪面比較細，座位都係餐廳出面，見啲人多數都係外賣多，大約有四枱左右，嘢食方面都算多選擇，有飯，有面，有嘢飲😋今次試咗雞飯，豬手飯，份量真係比想像中嘅多，完全唔使驚食唔飽，而且仲有幾多份量既配菜，兩個飯都有一細兜菜，豬手飯更加有啲豆腐，重點係味道絕對唔差！😍😍尤其是係啲雞，真係雞有雞味，同出面食過嘅海南雞飯完全唔同，絕對值得一試😜另外仲試咗紅豆冰同芒果糯米飯，紅豆冰就屬於正常，不過記得要叫小冰，芒果糯米飯雖然有成個芒果，不過冇味，又唔係酸又唔係甜🤔總括來講，佢嘅飯後覺得可以一試，自己亦都想試埋其他款式，不過甜品就比較普通😌

讚1.環境幾企理，好過好多雞飯店2.下午茶幾抵，$25既榛子厚多士大份到出奇，烘得好，入口仲係有少少柔軟，同埋好甜香彈1.服務要改善下，想堂食既，但夥計無問到客就假設係外賣