泰寫意 (已結業)

最近，爸爸告訴我們一家，屋企附近的 <泰寫意> 已結業！ 我還記得第一次幫襯是2017年10月尾的重陽節，早前，8 月份，我們慶祝媽咪生日！趁機會出埋這篇生日食評吧！在8 月中當晚，天氣惡劣，閃電及暴風雨下，我們一家四口走到屋企附近的 <泰寫意> 慶祝媽咪67歲生日！ 她認為，生日不用一定食中菜！食泰菜也可以呀！由於，我放工搭巴士返入屯門要一個鐘！他們先行入座！印刷精美的餐牌，供應的泰式美食多元化！令人花多眼亂！有見及此！自不然會望望其他食客點什麼？！咖哩蟹 $388聽細佬講番，媽咪一入座，已經望住隔離枱的咖哩蟹！於是便叫來食，媽咪不知道價錢的，爸爸留意落單時，女店員有告訴他們價錢，除了爸爸之外，我們三個都無為意！辣中帶甜好惹味！一隻蟹，肉質鮮甜不霉，貨色新鮮！加入蛋花，色澤更鮮明吸引！ 加上多蟹膏，絕對是色香味俱全！大家都食得津津有味！原個菠蘿炒飯 $98以原個菠蘿放入新鮮即炒的海鮮炒飯，香氣洋溢！ 香甜多汁的菠蘿粒、炒蛋、雜豆、蝦、青口、豬肉鬆、腰果...等，賣相色彩繽紛，口感豐富！ 炒飯炒得乾身，是水準之作！椰青海鮮焗飯 $98表面灑上金黃香脆的椰

屯門一向都有好多小店餐廳有待發掘冇計啦屯門真係太大啲餐廳分佈各地😂😂今晚爸爸話路經屯門醫院見到有呢間泰國菜夜晚嚟試下啦👍呢間有泰國菜又有港式小炒😂😂😂本身心諗咩事但係食完又覺得幾okay ✨餐廳好大坐得好舒適✨叫咗飲品先飲椰青🤪好清甜💁‍♀️椰子肉都幾多夠我刮嚟食👍👍👍叫咗椰汁冰個人嚟講覺得有啲偏甜🙈叫咗兩碟菜一碟係咸魚炒芥蘭好多咸魚👍👍芥蘭正常菜心炒牛肉牛肉好滑🤪💕jap jap jap 菜心都還好有少少油係正宗港式小菜館嘅味道🌸叫咗黑椒牛仔骨有點偏咸😛😛但係牛仔骨好入味叫多個飯💁‍♀️個飯好夠鑊氣雞粒都幾多唔會炒個飯得兩三粒咁雞肉幾滑👍係淡口咗啲小結一下呢間小菜都幾好食💓好啱family gathering有車嚟會方便啲👍喺屯門開餐館唔容易啊！加油✨

之前試過黎食炒小菜好夠鑊氣, 今次試下早一日訂定燉湯, 今晚成班黎食飯起碼有啖湯飲下, 呢D天氣緊係揀鱷魚肉海底椰燉湯啦, 飲落夠晒潤, 又真係無味精喎, 個胡椒豬肚雞好有胡椒味, 雞又滑, 個黃金蝦先至精彩, D咸蛋勁邪惡, 好野味

上年新開張嚟過一次，都好地地冇問題。今年再嚟一次，完全唔同晒。生蝦好似變成用冰鮮蝦。串燒直頭係垃圾，又硬又有陣陣酸餿味。燒完出嚟上枱居然仲係生嘅，真係離晒大譜。飲品尚算ok，唯一好食係咖喱。但係店內嘅員工好似倒米咁，十問九唔應。應完都係當你透明，最離譜係男侍應問佢可唔可以坐外邊一句答唔得呀唔開呀。仲係我地面前係咁講粗口，唔滿意我哋幫襯咪叫我地走囉。其他服務員和收銀員都係極度不友善，又話送乜送乜又係齋噏。不過佢地客路都幾廣，乜人都幫襯。咪品流複雜囉！

今晚一家9大2小去呢間食，7點，人不算多，點菜·點知上菜速度快過光纖，成枱都放唔晒，食都食唔切，d餸菜都唔太熱，服務認真麻麻，問有無bb椅，只係答有。就真係無拎黎，d餸就最好味就真係得生蝦，其他都真係特別是個魷魚，得d皮，同炸粉，簡直垃圾，無下次又話食滿幾錢有野送，點知求求其、d服務員仲好似話你唔岩咁、一次過叫咁多野食咁，無下次

同家人聚會，近近地係屯門，揸車可以泊路旁，所以坐户外，方便睇車，夜晚都涼涼地幾舒服，座位同枱都幾闊。第一碟係泰式刺生蝦，幾好味，好爽口，一放低就食哂，忘記影相，因為人多分得一隻，好想再叫。冬陰功夠哂辣。有叫炸皮蛋，次次食泰菜都必點，唔太油，OK。另叫左爆炸軟殼蟹，幾足料，好好味，不過要趁熱食，凍左冇咁好味，浪費左，燒魚大大條幾抵，串燒都好足料，唔會燒到乾（珍珍）。食物整體而言，味道不錯，正常泰國菜價格。

早前同朋友一家一行5人短聚，食個靚午餐。太耐無食泰國菜，朋友建議黎呢間“泰寫意”食。朋友感冒可能口啖啖，瘋狂咁叫埋啲重味野，點左“脆肉炒雜菜”啲肉有啲似燒肉，但又真係爽脆架，唔太油、“泰式薄餅”，為左個薄餅點多左個“黃咖喱豬”薄餅8塊唔夠兩個小孩食，要再點多次，咖喱好香唔重花奶或椰奶味，我最怕有啲奶咖喱呢度無加分，卜卜脆“蒜蓉包”唔駛多講又香又脆“泰式炒金邊粉”呢個真係唔好將啲辣椒粉撈埋一齊，我同朋友辣到耳仔都熱埋下次再小心啲，“椰青海鮮焗飯”原個椰青拎晒水同肉出黎連埋啲飯一齊焗，一上枱香噴噴我第一次食覺得好特別。朋友仲未夠喉仲要叫甜品，男士都已經投降，朋友仲要戰鬥到底好啦，點左椰汁西米糕同泰式千層糕，叫多個芒果雪糕比小孩食今餐大人細佬都好滿足。

見泰寫意位置自成一角，感覺好舒服，所以專誠去一次試下一入去已經完全打破寫意呢個感覺，可能樓底矮，八成滿坐感覺勁嘈，嘈過街市我兩個人叫咗三樣嘢，一杯嘢飲1. 泰式鹹魚炒飯 有鹹香味，夠濃味，但啲雞肉有陣雪味2. 馬拉盞炒通菜 香口菜嫩，同出面食嘅差唔多3. 海南雞半隻 抱歉，因為等到無胃口，所以不予置評由落單到食晒頭兩樣都未見隻海南雞（超過半個鐘），於是問問侍應係咪漏單，想取消唔要，侍應好大聲咁話海南雞好多功夫，要蒸15分鐘（？！）,我哋反問落單時間，就話查唔到，但就不停話隻雞有落單同整緊（未入廚房睇），之後就入咗廚房五分鐘左右就拎碟雞出嚟！雖然我好少見海南雞熱辣辣，但見佢話要蒸十五分鐘，梗係要見識下係咪有熱辣辣嘅海南雞，但隻雞凍嘅！！！墊底嘅菜芯都係凍嘅！！其實係合理，但對侍應嘅前言不對語已經極度不服氣！我唔會再去下次

香葉肉碎炒河 ($45) 配湯同餐飲畀平時食開嘅肉碎炒河 多好多蔬菜有紅蘿蔔 三色椒 玉米筍 仲有生菜墊底雖然話生菜係for吸油 但係食落係爽脆新鮮嘅感覺食完個碟同樣都冇咩油 河粉係比較寬身嘅 好似腸粉咁lol所以難炒勻? 有d河粉白哂哂 沾唔到調味料我都係鍾意幼d嘅河粉餐湯 有煲到腍哂嘅白蘿蔔嘅湯渣同時又有胡椒香味同事每次嚟都食海南雞飯去哂骨之餘 份量仲幾慷慨><><><><><><><><><><><><><>><><><><>><>><>><>泰寫意屯門新福路2號青山政府宿舍10H座地下

食物都仲有係枱上就趕我哋走，訂左夜晚7:00食，7:30就趕我走，你有其他客而要我走，其實都無所謂，但係無客嘅時候都趕，係唔係有D過份！！！😡😡😡最緊要係訂位時無講！！！當我哋問佢可以食幾耐嘅時候，佢又話可以食兩個鐘😠😠😠呢樣先至係我哋覺得最無奈………………半個鐘食我如去快餐店食，態度又一般(最主要是有一個男樓面態度惡劣，其他樓面態度是可以接受的)，一句講晒無下次！！😡😡😡不過食物味道唔錯，是正宗泰國菜！如服務態度好D就好😟😟😟

泰寫意在屯門已開幕一段時間，但一路未有機會嘗試。今次便與友人一同前往用膳，看看屯門會不會出現另一間 “小曼谷”，另一間味道比較好的泰國餐廳。是晚點了不少菜式，包括以下幾項: 1) 木瓜沙律2) 豬肉生菜包3) 泰式小食拼盤4) 馬拉盞炒芥蘭5) 青檸明爐烏頭6) 炒貴刁7) 菠蘿海鮮炒飯當中，木瓜沙律🥗 豬肉生菜包及明爐烏頭非常出色。木瓜沙律中醬汁很惹味濃烈，份量也很多，比一般坊間的三四口分量多出十多口，是不錯的開胃菜。另外，豬肉生菜包也很可口，豬肉粒有一定的肉香，不會被香茅辣椒等配料掩蓋，配上爽脆的生菜，真的很不錯。而青檸明爐烏頭味道夠酸及惹味，令人想一再嘗嘗其湯汁。但烏頭的肉質較梅口，不夠咬口，實在可惜了。不過整體而言，泰寫意的小菜及前菜也是不錯，值得一試。備註: 但它的炒粉麵類是比較平平無奇的。我們點的炒貴刁及菠蘿炒飯比一般的 so so 更是 so so， 一點也不香口，令人略為失望。

無論係裝修、食品 都好有泰國風味。侍應同師傅大部分都係泰國人，室內室外都充滿著泰國嘅氣氛。 用膳期間仲有傳統嘅泰國音樂播放 非常周到，係一個 休閒打卡勝地。昨天 因為美國運通銀行廣告推介，單一消費滿150蚊可以減20蚊。 就過嚟試一試真係冇令人失望 ，而且仲有些小驚喜。 先講講佢哋新推介嘅三味大蝦， 酸酸辣辣真係好正。隻蝦成隻手掌咁大 ，而呢個價錢可以接受啦。 佢新推介嘅三樣嘢 ，有兩樣嘢我非常喜愛。另外一樣就係紅豆冰 ，呢杯紅豆冰充滿椰香， 有別於一般茶餐廳 不妨一試。爆炸蟹 佢哋用嚟做招牌菜 果然厲害。單睇呢個菜嘅外觀已經知道係手工菜式，將所有香料炸香。然後返鑊將隻蟹炒熟。雖然唔同避風塘炒蟹嘅風味。但係香氣撲鼻，嗰隻都係起碼有一斤二兩啖啖蟹膏香味，的確好味。再講講佢嘅戶外枱，充滿泰國風味好有特色。 雖然依家大熱天時，但係坐喺戶外枱吹住冷風機，都可以接受。感覺非常閒情逸致。呢度嘅燒烤雖然等得好耐，但係絕對值得等一等嘅。泰式燒雞 真係好好食，相信佢醃製嘅時間足夠、火力十足，可以保持到雞肉嘅嫩滑同埋鎖住肉汁。串燒就可以啦，不過不失。燒羊架就正係值得一試再試。飯後甜品我個人覺得最抵食嘅就

打咭必到之泰國菜館，裝修美觀，食物美味，泊車方便，服務態度好，惟獨等位時間冇得坐低等要企喺店前有啲亂。先講食物，味道一流水準。唔係一般嘅只係得個辣字，可選擇大中小辣。香料配菜十足，好啲菜式會好食過喺泰國食到嘅。必食之選有……椰青海鮮焗飯（但要等好耐），鹽燒烏頭，馬拉盞通菜，炸蝦餅，泰式紅荳冰。但係每次都要訂枱都幾煩，一冇訂枱等咗我成粒鐘。要企喺門前等枱有啲失望，下次我會用佢嗰個排隊系統訂枱（原來有優先入座㗎）。VIP房真係掂，飯局必選👍👍👍

老實說，食物可以，但最重要由入座至埋單，不斷等，問幾時可以食，一等再等，再問幾時，職員再hea 答，服務質素差，她會喜歡與你說笑，但是最後你都要等下去，如果你有三小時食，可以來試試。The food is okey , but the most important is that you have to wait from sitting down to pay the bill. You can ask when the food is coming , but the staff doesn’t care and you have to wait, wait and wait! If you have three hours, then you can come to try.

-我係一個比較重口味嘅人，又鐘意食辣，所以我好鐘意食泰國菜。諗起朋友提過建生附近有間泰國菜幾正，今日得閒就去試下。-佢有分室内同室外，環境都幾舒適。-見佢個餐牌星期一至日都有午餐。-我叫左個午餐香葉肉碎炒河，蔬菜好足料，洋蔥青椒生菜，河粉唔係平時食開一條條嘅，係一塊塊嘅，一啖一塊，夠鑊氣辣辣地好惹味。見佢平時叫杯芒果冰都要33蚊，跟餐只需加8蚊咁就試下，芒果冰係鮮榨好飲，但有一兩舊冰打得唔夠碎。-$45+$8抵食。