泰寶龍

營業中

休息中

今日假日來西貢行下，見到有條街全部都係泰國餐廳就試下，見到有2間特別人多，決定試下，皆因泰寶龍快d就試依間先入到去基本泰國菜必點，冬陰功，生蝦，蝦餅，青木瓜沙律，通菜，豬手，泰式金邊粉。。。。好可惜，生蝦感覺好唔新鮮，青木瓜好似同平時既有點出入，通菜勁細碟，但又唔係個樣野咁，冬陰功又好酸，不過入面的菇同蝦係好食的，個豬手好唔錯，上層係嫩滑既，下層就實肉d，驚喜係底層既芥蘭驚人的好吃個泰式金邊粉勁似廈門炒米重點係，依間係泰國人開既餐廳，所以。。。好失望。

今日係西貢碼頭塭野食，但又唔想食太貴，所以就好似遊魂野鬼咁周圍飄下，最後比我發現左呢一間泰國菜，睇下個餐牌價錢都幾經濟，之後就入左去坐低。叫左炸蝦餅、芋頭焗飯、鐵板蠔仔煎蛋同龍眼冰。如果以泰國野加埋係呢個地理位置黎講 (西徑碼頭隔離)，佢既收費較同類泰國餐廳平。炸蝦餅超好食，食落口食得出有蝦肉，而且炸得好脆口，必叫。芋頭焗飯份量都多，不過用鐵兜上賣相就差左少少，而飯就比較濕，如果炒得乾身返少少會更佳。鐵板蠔仔煎蛋就普普通通啦，不過不失。埋單只需 250 蚊。

-豪仔炒蛋豪仔好老好un好苦又有沙-生蝦刺身唔新鮮無鮮味-柚子蝦沙律啲蝦有噏未，得個鹹字-青咖喱雖然份量較細少同有啲太甜，總算還可以-椰青入邊啲肉硬到唔會掘到-最正常都係個印度薄餅埋單四百幾蚊It could be because of Chinese New Year, lack of labor and relatively busier, still not quite acceptable. I wouldn't visit this restaurant anymore.

呢間係西貢的泰國菜，真心推薦俾大家！我食左好多次喇都🙈服務好好，食素既朋友，同佢地講，佢會轉晒d素菜俾你！！環境可以，有分鋪裡面同出面的位置，夏天坐出面食泰菜好正！冬天就要入鋪裡面喇！好似琴晚咁，凍到鼻都甩🤧首先，我每次黎都會叫既pad thai，唔食得蝦既人，可以轉雞肉！好好味🤤🤤🤤🤤另外 明爐烏頭🤤🤤因爲病左無叫辣，酸酸地好好味🤤🤤跟住叫左沙爹雞同豬串，唔辣既，好野味🤤🤤泰式炒通菜！呢到就辣既，我都食左一啖，但炒得好有鑊氣，好正！仲有叫左炭烤魷魚🦑個醬係辣既，我唔食得，就去點左d明爐烏頭d汁，又唔差喎！真係好正呀！仲有叫左個印度拋餅，生菜包（少辣既），又係好好味！4個人埋單$795好值得一試！👍🏽👍🏽👍🏽👍🏽👍🏽

Boxing day去西貢逛逛，原本去開的餐廳打烊了，唯有探索下有冇其他的好的選擇。路過這間泰寶龍，店員十分熱情招呼，而我們都好耐沒吃過泰菜，於是決定一試！因為天氣不太凍，所以就坐在可以望到小公園的outdoor檯。我食泰菜必嗌辣椒豬肉碎蛋飯。香料足，一上來已經香噴噴好吸引，隻蛋都好味，有脆脆邊蛋黃又唔會過熟。夠辣！菠蘿炒飯，腰果非常爽脆，配料果蔬亦非常新鮮。大蝦一般般，但整體不錯。蝦餅，有蝦味，形狀特別。泰式炒通菜雖然店面好細，但幾位泰國姐姐服務態度非常好。而且廚房所有嘢井井有條，好乾淨。下次會再幫襯

行山前諗住搵間茶記醫肚行過見到全泰國人既泰寶龍就坐低試下泰式豬手飯一上黎就見到好足料亦都有好多伴碟既甜汁豬手肥瘦適中吾錯豬頸肉炒金邊粉份量幾大 但豬頸肉不多個人認為若稍為辣一點更可口但以一碟$4x 算幾好

又係游完水食好西的時間，聽聞這一間位於西貢的泰菜館不錯，這回終於可以試一試了。店內只三四張枱，地方都好細的，所以不是時時都有位的。但都係那句:「有期望便有失望。」乾炒牛河，太鹹，你睇顏色都估到，鹹到飛起的。肉片不太多，河粉炒到好油。春卷不錯哦，脆口裡面又多料，沾上酸汁不錯哦。這個豬頸肉炒飯，好鹹！豬頸肉好硬！在這裡食飯環境已經唔好，食物又不太有水準，下次如果想食我應該都要三思。

泰式炒金邊粉: 主要係幾隻大蝦+ 炒金邊粉, 粉炒得好乾身, 濕番少少會好d, 味道偏淡,我覺得ok, 如果有泰式辣醬就正,可惜佢呢間d 辣醬味道怪怪的。沙爹串燒: 叫左雞同豬, 沙爹梗係好食la, 雞就乾d, 豬就juicy d, ok la蠔仔蛋: 用鐵板上, 熱辣辣, 都幾多蠔仔, 蛋再生d 更好, 放太耐蛋會熟哂, 好味,係油左d lawbtw< 太多人就要坐巷仔d 細台, 所以環境麻麻, 上菜速度亦偏慢, 有待改善

一間並不顯眼的泰菜小店，若不是朋友介紹很可能就錯過了。店子並沒有很華麗的裝修格局，但職員熱情的招呼已足以搭夠，感覺更有人情味。朋友未來齊先來了一碟小食 酸辣鳯爪 很醒胃的餐前小吃很爽脆。不能不點是在家難以自家烹調的冬陰公湯 湯料蝦仍保持肉質彈性鮮甜 不太咸 .串燒是大班人吃飯必點的 燒得剛夠火喉不會太燶 大大啖咬也可 再點沙嗲醬好香口醒胃消暑的柚子沙律活蝦刺身夠大隻有咬口生菜包 是好味到令人不自覺不停吃的小菜 炒青口燒魚明爐煮魚泰式咖哩蟹配薄餅 好新鮮至愛的炒芥蘭苗又好味又呃like 的芒果黑白糯米 好味未食完一個已立即要叫encore

本身喺西貢嗰邊行完山出返嚟諗住頹食就算見西貢其他食肆都多數係茶餐廳或者酒家一係就食西餐得呢間叫有啲特色就諗住試下我哋叫咗金邊粉同埋豬頸肉湯粉一試 不得了實在高質喺香港$48可能得三兩片硬掘掘嘅豬頸肉但呢間好足料圖文相符 啲豬頸肉有咬口又入味啲蘿蔔夠曬淋個湯底又正金邊粉就酸酸甜甜好開胃仲有就係個老闆娘真係好熱情好親切笑容滿面咁樣又會同我哋吹下水咁同埋老細係泰國人整泰國嘢絕對有保證啊