泰尚泰國菜館

營業中

休息中

十一月十八日今日同愛人食晚飯，特意來到西環尾這家泰國菜!已經係第二次來食，當然覺得還不錯!首先，我地點左生蝦刺身，仍保持住水準，配上淡淡的薄荷汁，不會蓋過生蝦的味道，反而帶出新鮮和鮮甜！第二，我們點了春卷，份量比想像中大，外皮略厚，內地裏蘿蔔絲和面粉過多，有點失望，下次也不會再點第三，我們點了馬拉盞通菜，沒什麼特別但乎合預期第四，原個菠蘿雞粒炒飯，份量很多，菠蘿底很深，有菠蘿，腰果，提子，肉鬆，尤魚，是抵食選擇!!最後為了不做大哂鬼，唯有整個拿到我男人面前，要他ko距啦(≧3≦)食到中飽飽，餐廳送上椰汁糕，小小件，挺細心，底層是西米和粟米，面層是椰汁糕，若沒粟米就更完美了，因為味道不太合!!食飽飽滿足走人(≧∇≦)

又是和朋友聚頭的時候，同是西環人，既不想出遠門就唯有簡單一點在西環吃晚飯算了。不過，近堅尼地城的一帶，想食好小小的一餐動不動也要花二、三百蚊，最終決定選擇定價不太高的泰國菜。金不換炸軟殻蟹金不換的味道究竟是如何？小妹從未嘗試過，但這菜式中金不換的味道也未有在味蕾中嘗透出來。不過，未食經已看到軟殻蟹已放涼一段時間，吃下去只剩下餘溫，內裡肉質雖然有較多肉，但外層失去了脆口的感覺，不過沾了少許甜酸醬，還能挽回合格分數。沙嗲串（$12/串）端上桌，明顯看到沙嗲串色彩欠光澤，肯定在燒烘過程中太耐了。牛肉串由小妹品嚐，但肉質乾硬，十分嚡口，最終要盡一點牙力才能撕開牛肉串，說罷經已放棄繼續品嚐的勇氣。至於沙嗲汁，椰香味夠濃，甜而不辣，稠度不高，建議質地再濃稠一點會更好。無國界蒜蓉包（$30）蒜蓉包以方條形式一層疊一層形式盛上，感覺像玩著幼兒版的層層疊，十分的骰有趣。蒜蓉包表面烘得金黃微脆，內裡綿軟，若果蒜蓉味再濃郁一點相信更令人滿足，但緊記一定要趁熱吃，因為皆因和朋友談天談得太耐，再吃蒜蓉包時，外層已變得冰硬而不脆，有點可惜了。原個菠蘿海鮮炒飯（$88）配料十分豐富，除了一般的雜豆、提子乾、菠蘿粒、

是日到西環尾厚和街，想食泰國菜，見這家泰國餐廳裝修得很地道的樣子，於是便試試。lunch set 好抵，只約 40 多元，包餐飲，區內已算便宜了。是日我點了冬蔭公湯粉，冬蔭公湯做得很地道，不會太死辣而且加入大量香料制，我最愛香料的味道，因此最終我喝下所有湯。料分面有雞有菇等，雞肉滑份量也多；粉質素一般，沒有米味而且有點散，看起來好多但實際很少，不夠飽肚。飲品方面我點了凍泰式奶茶，我不知是否地道但味道帶點'窿'味，怪怪的有點難入口。其他方面，服務員很勤快，我帶 BB 車進入時服務員也會幫我們推開椅子，讚！但兩位老闆娘姊妹頗黑面，希望改善一下。

已搬離西環很多年了，當區發展迅速，新食肆臨立，所以久不久會重臨舊地試菜，今趟試了一間泰國菜館。午膳時段有一系列午餐客飯供應，定價約$40，不貴。試了一客青咖哩雞，青咖哩比預期辣及香口，椰香重，調味佳。雞件份量合理，質素上無乜特別。另一客飯泰式香葉辣肉碎煎蛋飯，辣肉碎比青咖哩雞更惹味香口，但單吃略鹹，混飯吃剛好。煎蛋比較熟，無乜蛋汁，有點可惜。單點蒜香椰菜苗一客，價錢比客飯更貴。椰菜苗清甜軟腍度合預期。加$22可轉餐飲至椰青，價錢是否實惠見人見智，但入口青甜解喝則交到功課。

本身想搵間於港島泰菜,（吾洗過九龍城食甘遠）,由上環坐電車都要20分鐘,一心會食到正常泰國菜,開始就叫左比較普偏既食物1, 青檸沙冰（ok夠酸味）2, 生蝦刺身（工車林伯）味道可以,但蝦腳有少少黑（怪怪地）3, 泰式炒菜（都系香港食飯既油淋淋）4, 柚子沙拉（蝦肉好怪）5, 青檸爐魚（好腥,吾太新鮮）埋單要成$420,兩個人食左4餸,都幾貴

西環厚和街開左好多間新食肆, 有西餅店, 意菜, 日本菜, 越菜.....當晚是星期日，全場滿座。我們等了十分鐘左右便安排入坐枱與枱之間比較迫, 沒有太多空間因太多食客, 所以服務一般. 食完的碟叫人收, 但都無人收燒鱔 $24 (1串)不夠肥，不過肉也算爽身, 味道幾好, 入口脆卜卜燒豬頸肉 $55份量幾多, 味道ok, 但燒不夠香可以點佢既辣汁, 但不太辣, 幾開胃黃咖喱雞 $62一般的咖喱雞。味道帶甜不辣，不太突出.雞用的是雞柳，份量不多，但有很多的配菜如青椒, 車厘茄蒜蓉炒椰菜苗 $58做得不錯，炒得有鑊氣，椰菜苗也很挺身，但是蒜蓉香口又夠味, 不算油膩無國界蒜蓉包 $30點這個蒜蓉包來配咖喱，上枱時賣相好得意，好像層層叠。不是傳統的法包，而是厚身的方包切條做成吃起來鬆脆，不像法包硬. 更容易沾到咖喱汁，十分有創意泰式蝦醤炒飯 $55做得不錯, 個飯炒得好乾爽,又夠味材料有蛋,肉鬆同臘腸,好惹味. 臘腸不咸. 正見其他人有甜品送....但我們沒有....唔知係唔係要問先有.食物質素一般, 但好平, 埋單 4位 $340. 平均$85一位. 可以一試但唔知待應是否不小心找少$1

小柔很喜歡嘗試不同地方的美食,,這間是小柔一試愛上的店..吃膩了日本菜的時候總是會心思思想來這裡*一間很正宗的泰國菜館..老闆娘、廚房、侍應也是泰國人..當然裝修也是喔: 連店內播放的音樂也是泰文歌.. (笑)先來個泰式小食拼盤..其實每一款都好好味,,不過最愛是"荷葉包雞"打開咬一口,,雞的油份才漏出來..肉汁都鎖在雞肉裡..真的好正!!!!!*春卷、蝦餅都好好好味*香葉包雞是炸雞肉..香口嫩滑好正!!如果人多可以點一客..份量會多些.. 黎呢度食左1年多..第一次叫"泰式生蝦"泰式和日式真的大不同,,食慣日式的真的要試試..有別於日式的感覺..個人好喜歡!!!*而且跟我在泰國吃時一樣新鮮..小柔必點推介!!!!!!!!!! 泰式無骨鳳爪.. $48 一大盆..又抵又好味,,酸酸的味道真的會讓你吃上癮..不過就是辣了一點..每次小柔都會一邊喝水一邊吃..一邊叫辣一邊吃..(笑)P.S. 我是不太能吃辣 燒鱔超正!!!! 勁好味* 推介推介..肉很多很肥美.. 甜酸魚..外層的粉很薄..魚肉很多很厚身..最怕吃炸物粉漿很厚..都不知是吃粉皮還是吃肉..這店水準不錯喔: 菠蘿炒飯就顯得

最近深受啟發，終於的起心肝，不再只吃不寫。入正題，我一向愛泰菜，但當日去西環只為了試詩餅坊。由於想先吃晚飯，所以在七點多選了這間位於詩餅坊對面的泰菜館。當晚是星期六，頗多人，全場滿座。我們等了十五分鐘左右，服務員態度幾好。不過我想涼冷氣，企左係餐廳內的門口位等，不斷有員工出出入入，相當煩，但這是我這個月巴人的問題。香葉大蝦炒飯：竟然令偏愛乾身炒飯的我也覺得好吃。蝦給得多，我和另一半share食也夠分。炒得香，有汁又不會過腍，好快食到一粒不剩。金不換炒大蜆：初時有點擔心不新鮮，但一上桌聞香氣就知正路。大蜆超肥美，香料帶出點點鹹香，正爆。鹹魚炒橄欖：last呢碟無想像中咁好。鹹魚唔夠多，橄欖唔夠多。水準以下。椰青水（連殼上）：唔記得影相。但超清甜，是我近幾年遇上最好喝的椰青水，當晚枱枱都有嗌。由於一心過對面食蛋糕，我無再叫，但整體水準very good。我見來的多數是街坊熟客（或者識食之人），縱觀全場叫了好多特色野。坐我後面大枱有個八人大家庭不停添食，有叫明爐烏頭，聞到幾香下。仲有好多一pair黎既女仔朋友叫南瓜海鮮炒飯，成個上，好有睇頭，裡面見到好多南瓜。仲有人叫層層叠蒜蓉包，超得意，請

兩人去了試這家泰式菜！首先到的是泰式炒通菜，不錯，味道剛好，不會過咸！再來一個金不換炒大蜆，得幾隻大，有隻未開口，浪費了，有幾隻好細隻的，味道不過不失，但不太新鮮！泰式鳳爪好酸辣好味！雞肉泰式炒河很普通，但也不錯，不算油膩！到九點鐘左右，一食完即刻收走，一停手，就問還要不要，感覺似趕住收鋪，於是問之下才知收十一點，何解要禁趕？外面沒有客人等位，這點不太好，感覺似趕客！

西環厚和街唔經唔覺開左好多間新食肆, 今次第一次嚟泰尚, 雖然人流唔算多, 但食物水準唔錯, 假以時日當西環再旺d嘅時候, 食泰尚應該要排隊..今晚叫左炭燒鱔、泰式豬肉濕炒河、泰式辣汁炸軟殼蟹、炸蝦餅、椰汁芒果黑糯米炭燒鱔: $22 一串, 一d都唔平, 不過味道幾好, 可以點佢另上既冬陰公味辣汁, 不過淨食就可以食到佢既燒焦味+ 鮮味, 入口脆卜卜, 冇咁燶仲好! 個冬陰公味辣汁好正, 亦都好辣.....泰式豬肉濕炒河: $55, 好有鑊氣, 多料, 豬肉稍un, 味道唔錯, 但係汁都係太多泰式辣汁炸軟殼蟹: 汁撈飯之選, 不過軟殼蟹份量確係少....炸蝦餅: 好味呀! 個粉做得好薄, 蝦彈牙, 比以前食過既蝦餅好味好多! 連平時唔中意食蝦餅既我都食多2件, 推介!!椰汁芒果黑糯米: 芒果好甜, 糯米煙煙un un, 不過不失第一次食, 我覺得好ok, 有機會會再試其他野!

週末的晚上，朋友到訪外出用膳。一行四人八時半左右來到這餐廳，不用等位。一入門口，一店都是深棕色的格調，大約可以坐四十人，另外相隔一個舖位還有一間小店，那邊另外可以坐20﹣30人。就如一般泰國菜館，這裡由小食，沙律，串燒，咖喱，海鮮，等等的泰國菜都有。先點了一杯Erdinger的生啤，只要＄58，待應還斟到滿瀉，抵飲。小食點了燒白膳，燒得有一點燶，膳也不夠肥，不過肉也算爽身。生蝦刺身 ﹣ 入口肉質尚算爽口，不過蝦味並不特別突出，而且好像溶雪太久了，有一點不夠新鮮的感覺。青木瓜沙律 ﹣ 做得頗正宗，酸酸辣辣的，配以青木瓜絲，花生，蕃茄仔等一起吃，很開胃的一道菜。辣肉碎生菜包 ﹣ 生菜很新鮮爽口，辣肉碎的肉味和辣味也很夠，但是，肉碎卻炒得不夠香口，好像蒸出來一樣。蒜蓉包 ﹣ 點這個來配青咖喱，上枱時賣相討好，一層又一層，好像玩層層叠一樣。用的也不是傳統的發包，而是用了厚切的方包切條，吃起來更感鬆脆，也更容易沾到更多咖喱汁，很有創意的做法。青咖喱雞 ﹣ 只是一般的泰菜館的咖喱雞。味道帶甜不辣，雞件用的是雞柳，份量也算多，還有很多的配菜如茄子等。馬拉盞炒芥蘭 ﹣ 這個也做得不錯，菜炒得有鑊氣，芥

西環而家其實多左好多野食la....只係要大家夾夾時間一齊去品嚐品嚐...初初想去我地方唔係哩間食店的...係想選擇附近新開的一家,不過完來那家店舖只是一家cafe shop...所以再找一間....無意之間姐姐在openrice 找到泰尚...初初我都不知道係那一家泰國菜....當行入厚和街..就知道原來我幾年前與同事來過食lunch 仲記得當時...話過...set lunch 都ok ar價格都合理...今次我地一行8人去食飯,...我媽媽叫了7個...併盤味道ok....生蝦都好新鮮...味道冇咩....個醬汁...唔好味...哩個菜...還可以啦~唔係特別....以西環哩個地區...收哩個價錢..品質係...一般啦...之前我去大集團ga泰國野仲要便而一黠....味道好食小小....

食泰國野當然要搵間正中的第一次食都唔錯環境細細地都清潔位細細咁食泰國野冷氣夠服務都好好泰式柚子沙律醒胃之選好味泰式生蝦刺身少少SPICE鮮味好泰式豬頸肉夠香口又林又好味個醬都好好少SPICE芒果椰汁&紅豆糕凍好味甜品食2舊好完滿好菜瀾咁話~

當晚7點半去到, 3個人食, 可能未到食飯時間，唔駛等位~ 但餐廳內都坐左7成人, 因為d位唔多~ 而且坐得幾迫下~嗌o左個咖哩炒蟹 $268, 唔辣~ o的咖哩汁好好味!!! 而且出貨幾快, 嗌o左幾碟送，最快出，竟然係佢~蟹雖然細細隻，但蟹肉都幾多下~之後有沙嗲串燒~ $10一串~ 我地嗌o左最普通o既 豬, 牛, 雞~ 各3串 = $90, 佢for串燒點果個沙嗲醬, 冇咩特別..我反而用咖哩炒蟹個汁點黎食仲正!!!再黎有個青木瓜沙律，$48~ 好辣，不過酸酸地好開胃~ 但呢個整得比較耐，本來係前菜，竟然遲過炒蟹上~開左胃又可以食埋蛋包金邊粉，$68，呢個又係好好味~ 好香! 不過就有d油!最後想叫椰青，但冇，叫左杯芒果沙冰，冇芒果味，似飲雪水~ $22另外甜品，叫左個椰汁糕，我太飽冇食，友人食o左話好普通冇咩特別~ps. 雖然野食好味，但服務態度有待改善，當晚我地坐o既隔離台食完，有個staff執台，拎住d碟經過左我，d碟o既汁滴o左o係我身上，我嗌佢，同佢講，「你滴到我」，佢仍然淨係掛住執台，同講左一句唔好意思就算，最後我嗌佢o左幾次，「你滴到我」，佢當聽唔到，仲好惡咁話「我

今日為了慶祝侄仔的生日, 所以我選擇了此間泰菜館, 而且我住了西區這麼久, 經過了無數次, 但始終未嘗試過呢! 於是我就了6樣食品來試一試, (1)海南雞半隻; (2) 冬蔭公大蜆湯; (3) 馬拉盞炒芥蘭; (4) 鹽焗烏頭; (5)烤蝦餅; (6)串燒(牛, 豬, 雞)一打.(1) 海南雞很滑很香, 很好吃! 我們另叫了三個油飯(2) 這個湯味道無咁辣, 但夠入味, 而且d蜆係勁大隻!(3) 這碟菜味道很特別, 很難形容, 但芥蘭都不太硬, 都ok的!(4) 呢個簡直全晚之冠, 因為魚的肉質很香, 雖然鹽焗, 但有肉汁, 魚油更流了出來, 而且又不腥, 最正的是那醬汁呢! 傑作!!!(5) 蝦餅亦一流, 很鬆化, 很彈牙, 好好味!(6) 串燒都不錯, 肉質不硬, 不乾, 雞肉都很滑啊!因這次沒有帶相機之緣故, 所以未能分享食品的圖片, 但本人認為真的值得一試, 沒想到有如此驚喜的一餐呢!