泰尚泰國菜館

營業中

休息中

今日媽媽嚟咗搵我一起辦點事情，完成後見時間都有點夜便跟她一起吃完晚飯才回家。今日係堅尼地城附近所以決定帶她去我最喜歡的泰國餐廳。此泰國餐廳食物質素非常好，但價錢相當便宜。我最喜歡這家餐廳的泰式生蝦，蝦肉非常彈牙很新鮮，最重要是它們的配汁味道調配得很好，辣得來不會過火。而苦瓜配上去亦有助中和辣汁。而這裏的燒鱔亦是我的最愛，它的肉質很肥美咬下去啖啖肉，外面笑得香脆，口感很好，配上的醬汁味道亦很特別帶微辣。如果要食燒鱔，我一定會來這裏，因為他的價錢簡比起日式料理便宜三至四倍，但質素有過之而無不及。

今晚冇煮飯，叫咗泰尚外賣，諗住兩個人叫咗南瓜海鮮飯，馬拉盞介蘭，三串沙爹串燒豬肉，三串沙爹串燒牛肉同兩個椰青，應該同出去食叫嘅嘢差唔多啦，點知佢實在太足料，最終都係食唔晒。南瓜海鮮飯好足料，有4大隻青口，d蝦仲唔係冰蝦(透明個種，因為透明蝦我唔食架)又好大隻，而個南瓜又霖又甜。平時出街食泰國嘢，個d串燒都唔慌大串，而佢地嘅串燒都唔細串架，真係估唔到。兩個椰青都勁多水，而且d肉好正。菜就冇乜特別，因為外賣焗黃咗d。

自從西環開左地鐵之後，堅尼地城真係要咩食都有得食。厚和街呢幾年都多左好多食肆，包括呢間開左幾年的泰國菜。勝在味道唔錯，價錢又抵！(泰式豬頸肉炒粉絲)炒得非常乾身嘅粉絲，配上泰式香料好惹味，喜歡它炒得夠爽口。豬頸肉醃得有點太腍，口感有待改進(喇沙海南雞湯面)喇沙的味道唔算辣，但味道幾濃下。海南雞夠滑，但係雞味冇咩，都係普通冰鮮雞的感覺。面就選左金邊粉，貪佢夠哂索湯，配上佢個夠哂濃既湯底，算唔錯！總括而言，味道同價錢都屬於街坊價街坊味道，48蚊算幾抵食！

堅尼地城自從地鐵通車之後已經變天，開設了各式各樣的食肆酒吧，而吉席街小小一條街也食肆林立，今晚想食泰國菜，所以光顧了泰尚。七時到達坐位已經有八成滿，地方不是很大，坐位與坐位之間也不是很闊落，但環境舒適，感覺和諧。先黎生蝦刺身，新鮮味美，配上蒜片辣椒苦瓜片，味道帶點甘辣，醒胃！一份串燒有豬，牛，鷄及鱔各一串，豬牛鷄很普遍，但燒鱔比較小見，甚是驚喜，鱔肉肥美而且無骨，後來追加多兩串海南雞半隻，鷄肉嫩滑，真係好滑，咬落好腍，就算胸位也很滑很腍，配上特色醬料，好吃！小食拼盤，剛炸好的，新鮮熱辣！青咖哩牛肉，牛肉片很腍滑，但就冇咩牛肉味，青咖哩也不算太辣，不過不失。青咖喱配上蒜蓉飽，食過幾間的蒜蓉飽做法也不同，這間比較厚，又長身，可以方便用手拿著點咖哩汁吃，夠脆更夠口感！整體不錯，西環之友又多個選擇了

胃口好的時候想吃泰國大餐，胃口不好的時候小吃泰辦開胃 四個人點了一份雜菜粉絲煲，一份黃咖喱雞，一份拼盤，一份芒果蝦飯，四份椰汁。咖喱汁配飯最好吃，椰汁很新鮮，其他還可以。

The place is comfortable and big！I lived around for almost a year and didn't even notice that there is such a lovely restaurantnearby！The food is tasty and the price is reasonable. The most important thing is that the service is good！They didn't push you to leave directly after you having dinner and have free dessert although I didn't like it😹😹Still nice to try

今日晏晝同媽媽吃午飯, 去我平時好鍾意嘅泰國餐廳, 還是第一次於這裏食午飯, 滿心歡喜, 見到他們的餐牌, 嘩~! 價錢還很便宜! 主要是飯面. 今天黃雨, 不是很多人來光顧, 所以我哋有機會坐原店 (因為生意太好, 他們在側邊多開了一間舖). 餐飲媽媽加了$25 要椰青, 都幾大個, 又多水; 我就選了個白樺樹汁, 酸酸地, 味道不是太濃, 味道有點似紅菜頭媽媽點了個菠蘿炒飯, 我則點了黃咖喱牛腩黃咖喱的牛腩果汁依舊是無敵的, 用來佐飯一流! 但是牛腩的質素就有很大的改善空間了! 很鞋口, 都頗失望媽媽的至愛菠蘿炒飯, 不是用原隻菠蘿上, 有點失望, 不過算了, 最面的腰果很多都腍的, 而這個菠蘿炒飯炒得一點都不乾身, 味道好一般! 為何午市和晚市的質素會相差那麼遠呢? 雖然唔午市唔加一, 但都不是這樣啦, 很是失望囉

今晚又同屋企人同男友食晚飯, 又想食泰國嘢, 咁就去泰尚啦! 上次去過真係幾好食, 今次再encore. 佢因為好生意, 係隔離開多左個舖, 地方算係大左, 但坐得未算舒服. 我哋首先叫咗金不換炒大蜆, 蜆肉隻隻鮮味, 又大又多汁, 好好食呀!第二道菜叫咗泰式元蹄, 小妹其實對元蹄麻麻, 不過男友想試下就叫啦, 佢呢道菜個味道有D似中式, 唔油膩, 而且能帶出豬肉嘅鮮味, 加上側邊足料嘅西蘭花, 等我地唔使再叫多道蔬菜, OK!再叫左一個南瓜海鮮炒飯, 炒飯炒得乾身, 味道夠惹味, 海鮮雖然唔係乜嘢新鮮嘅海鮮, 應該都係雪藏嘅, 不過呢品質良好, 魷魚及魚肉等海鮮爽口彈牙, 加埋肉鬆, 無得輸呀!呢個明爐烏頭魚都係我地既至愛, 好享受一路拾下拾下既感覺, 條魚肉質新鮮爽口, 加上佢地特製既酸甜汁, 好好味, 兩個人LAM到一D肉都無剩!再叫左一個黃咖喱雞, 黃咖喱係我嘅至愛, 因為佢係咁多種咖喱之中最唔辣的, 呢個個賣相好似平平無奇, 但個味都較得幾好架, 不過呢我略嫌佢有啲水, 雞肉就普通啦, 整體上OK, 不過再加埋佢個烤餅食簡直一流! 呢度既烤餅好乾身味道又夠香, 一啲都唔油!最

朋友相約去堅尼地城吃甜品，甜品時間前當然要先吃晚飯啦！在openrice搜尋到泰尚，看著很吸引，就去試試！點菜時，店員姐姐的態度很好很親切😊我們叫了蒜蓉包，她提點我們最好點咖哩伴蒜蓉包吃。因為我不大能吃辣，姐姐就介紹黃咖哩雜菜，果然！不辣又非常香😋蛋包金邊粉的蛋皮又薄又滑👍金不換青口，青口大大隻又好味！晚飯吃完，還有甜品奉送😄雖然只是普通的啫哩和奶凍，但也令人特別有親切感！整體感覺這是一間很有誠意的泰菜館👍

都有一排無同男友係堅尼地城食飯, 今晚就試下呢間泰國野, 8點零入到去, 都幾FULL下, 舖頭唔大, 好彩有枱, 老闆仲比左張四人枱我地, 坐得算舒服.好肚餓, 我地一口氣叫左, 椰汁雞湯, 海鮮粉絲雜菜煲, 無國界蒜蓉飽, 南瓜咖喱海鮮. 椰汁雞湯, 我覺得似冬蔭功走辣, 岩哂我呢D唔太食得辣既人, 椰汁味好重, 佢D料係蔬菜多同埋有雞, 而冬蔭功就會多D海鮮, 不過都好好味! D雞算幾滑海鮮粉絲雜菜煲, 呢個一上枱就已經好香, D海鮮好鮮味, 粉絲就係個底, 吸哂D海鮮汁, 好惹味, 男友話個味好似粉絲蒸扇貝D粉絲咁正呀. 見到佢個中文名就覺得好新奇, 究竟點樣無國界蒜蓉飽呢? 原來佢叠到好似JANGA咁, 可惜佢太早黎呢個, 個咖喱未上得切, 搞到食個陣凍左D. 不過佢呢個飽都真係幾好食, 應該係自家整的, 用左香草, 好鬆軟, 加埋蒜蓉, ichiban!全晚的精粹, 南瓜咖喱海鮮, 個咖喱汁同南瓜既味配合得太衣無縫, 隻蝦好大隻, D膏好鮮, 好味! 青口都好香甜! 好味呀呢個!呢個士多啤梨糕同南瓜糕送既.....係全晚既敗筆, 個士多啤梨糕好藥水味, 南瓜糕OK啦, 我其

今次要介紹既係位於西環橫街小巷入面既泰尚泰國菜館。賣既野食價格都唔算貴。呢間舖睇落都的的式式，所以就引左我入去食，果然係一個唔錯既空間。而我就叫左個海南雞飯，$48。無諗過啲雞會俾得咁足，仲要啲飯會俾咁多，其實係好扺食。不過，可惜個油飯就唔多入味，同埋對於大食既我始終都係覺得未夠。

好難得揾到間餐廳週末有套餐做外賣~~~二話不說就入左去了~~~餐廳不大，但坐滿人~~~分別order了炒金邊粉同菠蘿雞粒炒飯~~~一打開就嘩一聲，因為份量好大，裝滿哂成個飯盒~~~金邊粉帶小小甜，唔係好辣，有d牙菜同雞腿肉炒飯其實無咩味，係有d菠蘿的甜味，同肉鬆的香味，唔食濃味的人應該覺得岩岩好~~~入面有雞腿肉之外，有臘腸，腰果，蘿蔔粒等，顏色豐富，望落都可以食多兩淡~

是晚友人難得到港與之洗塵，適逢港鐵又開通到堅尼地城逐來了西環一嘗泰國菜再順道行行細看這裡的變遷，坐下與友人選了馬拉盞炒西蘭花，夠爽口好味。柚子蝦沙律，蝦不新鮮有點冰且椰菜絲佔了大部分，細碟了。蛋包金邊粉，根本不是蛋包而是腐皮包金邊粉，味道尚可略帶酸。辣肉碎生菜包略嫌失準，味道很淡，肥肉多而且比較油。

是晚友人請生日飯，來吃這間泰尚點了生蝦，生菜包，冬蔭功，大蝦柚子沙律，炒蛋蠔，附送甜品。 生蝦有十隻夠新鮮，生菜包，肉碎炒得夠惹味小許辣，冬蔭功叫了小辣上檯每碗有半隻蝦辣味小反而蕃茄味偏濃，大蝦柚子沙律，柚子很多且甜，炒蛋蠔配以芽菜濕潤有別於潮州蠔餅好吃，附送的甜品有芒果啫哩和布丁，不太甜味道剛好。而且服務好，會主動替客人斟水和提醒客人有梯級免跌親，讚。

假期去西環探朋友，並且在附近揾食。發現西環真的變了很多，而且多了很多不同種類食市。今天晚上試了這家泰菜，三個大男人叫了多一點。香辣苳陰公湯，材料十足，有蜆、蝦、磨菇、香茅等。剛好一人分一碗，又暖又開胃。傳統泰式菠蘿海鮮飯，半個菠蘿盛載海鮮飯上，加入肉鬆及腰菓，風味十足。半隻招牌泰式海南雞，肉質非常嫩滑，肥油不多，但也有油香，加上泰式甜酸醬份外野味。泰式春卷8件上，香脆可口，不過如果可以配上生菜一齊食效果更佳。黃咖哩牛肉、另外加層層疊疊的蒜蓉包，不喜歡食辣的，黃咖哩較好;雖不辣但咖哩味十足;吾使多講，蒜蓉包掂上咖哩汁更係正，麵包亦焗得夠香脆。晚上西環街頭很靜，人流不高也不用等位，可以慢慢嘆！