泰廚房子 (已結業)

今日又黎泰廚房子食啦，自從上次同朋友食過之後，都未搵到間比佢更好食嘅泰菜，於是今日就入黎食過。泰式蟹肉炒粉絲粉絲面頭有大量已經拆殻嘅蟹肉，撈埋粉絲一齊食得，淨係食粉絲又得。泰式黃咖哩軟殻蟹配手抓餅（加＄20)軟殻蟹份量唔少，至於黃咖哩椰香味十足，所以就專登叫埋手抓餅去點咖哩一齊食。KK 手打蝦餅香茅燒豬頸肉泰式魚肚羹魚肚大條得黎夠厚身。沙嗲串燒我地簡左兩溝，即係有豬同牛兩款肉類，我個人就比較偏好牛，食嘅時候要點埋沙嗲醬食就更有泰式風味。

今日又黎泰廚房子食啦，自從上次同朋友食過之後，都未搵到間比佢更好食嘅泰菜，於是今日就入黎食過。泰式蟹肉炒粉絲粉絲面頭有大量已經拆殻嘅蟹肉，撈埋粉絲一齊食得，淨係食粉絲又得。泰式黃咖哩軟殻蟹配手抓餅（加＄20)軟殻蟹份量唔少，至於黃咖哩椰香味十足，所以就專登叫埋手抓餅去點咖哩一齊食。KK 手打蝦餅香茅燒豬頸肉泰式魚肚羹魚肚大條得黎夠厚身。沙嗲串燒我地簡左兩溝，即係有豬同牛兩款肉類，我個人就比較偏好牛，食嘅時候要點埋沙嗲醬食就更有泰式風味。

星期五晚試了有以下評論1. 屋邨位置中環價錢等執!2. 晚上9點員工紛紛收野等收工(餐廳收10點員工9点就趕客)例如枱上躐燭(客人剛坐下還在吃)，他們好有禮貌收了你的枱蠟燭意思想你早吃完離開3. 9点10分要你埋單仲話可以慢慢坐...仲有50分鐘就唔接單落閘??4. 找個不懂中文泰妹招待落單要講123. 不如用apps 好過5. 食物一般不怎樣特別，發誓永不會再幫襯!!

今日到屯門良景商場的泰廚房子食lunch, 諗住隨便一個人午餐，點知都有驚喜喎！午餐就叫了一個泰式醉貓炒河，個名幾得意，雖然不知道為什麼叫做醉貓，但河粉十分入味，而且並不是普通的河粉，而是闊身的泰式河粉，非常正宗，豬頸肉又淋又入味，非常不錯！另外加錢試埋佢個串燒，兩串雞肉，好味😋沙嗲醬又香又甜，每啖也點來吃，正！跟餐只是+10幾蚊，我覺得物超所值。餐茶叫了一個泰式奶茶，一向飲奶茶不加糖的我，也為了試試是否有泰式風味，所以點了少甜。果然是泰式奶茶的獨特味道，好彩叫了少甜，否則唔飲開甜奶茶的我也覺得好夠甜了！以為一人午餐求其吃，點知炒河奶茶也很正宗，亦唔算貴，為沉悶的下午帶來驚喜！有下次！

媽咪嚷着要試這間新的泰國菜很久了，但是晚上總是忙，就跟媽咪兩個食個晏，撐吓枱腳啦。點午餐set lunch，見佢價錢都好合理，叫了兩份午餐之餘，還加了一個炒菜，並叫了特飲，就是媽咪至愛的珍多冰了！特登訪問媽咪，佢覺得珍多冰好好味😋好有椰香，真多條又滑又爽，她喜歡就好了🥰🥰冬陰功海鮮湯金邊粉，湯底只是微辣，偏甜，不能吃得太辣的人應該啱。原本對佢嘅海鮮冇乜期望，因為價錢相宜，但竟然有很多餸！魷魚，青口，蝦，還有魚蛋，帶子仔等等，海鮮種樣多，全部大大件，好有誠意！泰式燒雞髀飯也很入味，雞皮脆卜卜，反而最特別係個香茅汁。冇甜品總係差咁啲嘢，所以特登叫個千層糕，煙靭又香，斑蘭及椰汁味也濃，給呢個午餐幾好嘅完結，希望媽咪會喜歡啦！

入屯門今次選擇左食泰國菜 去到良景嘅泰廚房子呢度由真正嘅泰國人主理 值得一讚同朋友揀咗個二人餐$388 裏面包羅萬有而且非常抵食 分別係小食拼盤裏面有魚餅春卷各2塊 另外有我最鍾意食嘅冬陰功 佢個湯完全唔辣 飲落去仲有椰汁奶香每一啖都甜甜地 裡面仲有海蝦同草菇用料非常豐富馬拉盞通菜 亦大大碟 加埋紅椒味道又唔會過咸 食完個菜仲有蝦！有泰式黃咖喱炒虎蝦呢度啲咖喱甜甜地唔係辣 非常重椰子香海南雞飯雞件肥瘦均勻 外皮金黃色又夠滑 仲可以點蒜蓉醬同甜酸醬汁 用嚟送油飯 確實好棒👍🏻最後精選甜品仲有椰汁糕兩件 每人食一件感覺煙煙韌韌 10分飽肚🤓

🇭🇰 泰廚房子 𝕂𝕙𝕒𝕡 & 𝕂𝕒 @ 𝕋𝕦𝕖𝕟 𝕄𝕦𝕟入到屯門想食泰國嘢🇹🇭搵到附近有間新開位於屋邨商場入面嘅泰國菜，價錢親民又多款式，一於試吓😋當晚雖然係平日，但好多街坊都落嚟食晚飯，幾乎滿座！🔸菠蘿海鮮炒飯 $𝟗𝟖菠蘿炒飯係去到泰國餐廳必點嘅飯🤤夾雜着菠蘿肉同提子乾，甜同咸嘅配搭真係好正！仲加入咗唔少海鮮，有蝦、青口、魷魚🦑🔸 油酥手抓餅配黃咖喱(+$𝟐𝟎蒜蓉包) $𝟖𝟖 一入座已經睇中咗個黃咖喱配手抓餅🫓雖然黃咖喱冇其他配料，但係齋點手抓餅都已經好滿足！不過黃咖喱就比較淡，有啲似食緊粟米羹😛有待改善。另外仲可以加$20要多個蒜蓉包🍞咖喱份量都幾多，手抓餅切開8小塊都未食晒，加個白飯或者蒜蓉包就更好👍🏻🔸 馬拉盞炒通菜 $𝟔𝟖 份量好足夠嘅馬拉盞炒通菜，唔會好辣亦十分夠味😋都幾似喺泰國食到嘅炒通菜！🔸沙嗲串燒(牛/雞) 𝟔串 $𝟕𝟐 串燒方面就只有牛同雞揀，兩樣都燒得好靚，雞比較易咬，牛就有啲韌。不過兩款都燒得好香，配埋沙嗲醬一流👍🏻🔸泰式奶茶 $𝟐𝟐飲落同曼谷飲到嘅泰式奶茶差唔多，不過呢到冰少啲，飲落較甜。🔸青檸梳打 $𝟐𝟖好有係嘅梳打🤤飲到gur哂又夠解渴。最重要青檸味夠晒，

入屯門探親戚，話樓下有泰菜食就試試，叫左個4人餐，唔駛諗😜龍眼冰單點，因為餐無包飲品泰式生蝦，唔係餐入面，但係食泰菜點都想食😋蝦餅同魚餅好食，春卷一般，淨低果樣唔記得咩名，印象都唔深刻好juice，唔點汁都好魚味，但點汁更好食😁我地無專登叫大辣小辣，個湯得少少辣，反而覺得好甜，好重椰汁味，一人有半隻蝦連雞胸都好滑，蝦片好好食🤣🤣食咖喱一定要跟手抓餅(右上)，咖喱甜甜☺️，虎蝦由頭到尾有我前臂咁大隻😲蠔仔一啲都唔”仔”，粉漿(?)都好有味，屋企人話加辣椒魚露仲好食⋯變左潮式😆只可以講真係唔係菜季🤷🏻‍♀️但食得辣的話會中意個味粒粒分明，新鮮菠蘿😳是日甜品，仲熱，好煙韌👍🏻👍🏻食到咁上下聽到後面枱話要qr code落單，原來qr code 落單有橙汁送😫Anyway 依個4人餐，細食啲一定都剩好多，我地2男2女，炒菜一人食過一口，炒飯都要打包。

今日同男朋友黎左屯門探親戚，探完之後見到呢間泰菜就好想試下，跟住就入左黎。我地兩個人就叫左個二人餐$408，因為唔駛諗呀嘛，個二人餐食物種類都幾多，有小食魚餅同春卷，泰式魚肚湯/冬蔭公湯（二選一），泰式黃咖哩炒虎蝦，去骨招牌海南雞/泰式滷水豬手（二選一），馬拉盞炒通菜/蒜蓉炒通菜（二選一），蒜蓉包/黃薑飯館同埋甜品，但美中不足嘅係唔包野飲。魚餅同春卷熱辣辣，份量少少地幾好。泰式魚肚湯嘅魚肚都幾大舊，咬入口都好爽口。泰式黃咖哩炒虎蝦係一隻虎蝦開邊，蝦肉幾彈，咖哩唔算好辣，用薄餅點黎食就最岩。海南雞夠晒滑。馬拉盞炒通菜味道適中，唔會馬拉盞太多令到味道過濃。左邊係青檸金桔$32，中間係珍多冰$28，右邊係泰式檸茶$22是日甜品

這裡開張了一個多月，見價位合理試試無妨。店子近六点正人較少不用等位，陳設精簡得來又很整潔，要讚一下座椅用上了舒適軟墊所以久坐感覺也佳，其中也有幾個卡位夠私穩度。今次人少只青蜓點水試了兩道菜，分別是香辣抛打豬肉及黃咖喱炒牛腩，抛打豬先來，熱騰騰地飄泊spicy香氣，其中有紅椒和九層塔葉，豬肉很多伴有豆角粒，有口感得來又十分惹味下飯；後來的炒牛腩則呈鮮黃色(有疍花)，味較甜聽說是泰式不辣的做法，伴有薯仔的牛腩份量頗少，而肉的質量也只一般和偏碎，值得安慰的卻是汁多有排撈飯但較滯胃，兩個白飯裝得勁滿正好配合。整餐連加一也只二百頭的價錢，雖未及茶餐廳相宜但總算合格，值得一提這店還有海南雞或泰式豬手套飯，晚巿賣98-108元，因份量大對不太大食的夫婦一個餐便夠填肚，而過時過節像萬聖節更有穿constume的職員派糖搞氣氛。

呢間泰國餐廳係新開嘅，環境乾淨企理，我哋夜晚去到都要等一陣位，食物都幾有水準，價錢公道，可以再encore☺️🔸香茅燒豬頸肉燒得幾香口，唔會好乾，醬汁落咗啲魚露，好惹味😋🔸泰式黃咖喱牛脷配油酥手抓餅咖喱好重椰香味，亦都比較Creamy，我覺得淨係配手抓餅都唔夠，應該叫多一碗飯，撈飯食就仲正😆牛脷就乾咗少少，如果厚身啲同埋冇咁多脂肪就仲正。🔸冬陰功湯(小)其實細兜份量都好多，夠三至四個人飲。同其他泰國餐廳嘅冬陰功有少少唔同，一入口偏重蕃茄味，但係好夠酸同埋越飲越辣，好好飲🥺🔸泰式海南雞配湯及黃薑飯等位嗰陣已經見到人食呢個海南雞套餐，連小食、湯同甜品，賣相已經係好吸引！海南雞都幾滑，黃姜飯粒粒分明，有少少香料味，配埋泰式辣汁，味道好夾！個冬瓜湯我覺得就鹹咗少少。佢仲配一件椰汁斑蘭糕，成個餐係好豐富👍🏻

呢間泰廚房子之前喺九龍灣德福同朋友食過下午茶，咁岩今日同同事喺屯門西北游泳池準備游水又見到呢度有分店，二話不說就決定過黎食。可能因為時間仲早嘅關係，好好彩唔駛等位就有得坐，過一陣睇完MENU點嘅時候已經全部坐滿晒人啦。咖哩炒軟殻蟹咖哩夠杰身，可以掛係軟殻蟹身上，我地仲加左＄20要薄餅撈汁食。蟹肉炒粉絲大量蟹肉舖喺粉絲上面，未食已經覺得吸引。串燒半打串燒我地分別叫左三串雞同三串牛，雞肉幾滑，個汁都幾惹味，但我覺得再落多少少花生醬就更好。蒜蓉包勁脆口。珍多冰凍檸茶青檸柑桔蜜每杯野飲上面都有裝飾

Price 💰: Thai yummy set for two $388Khap & Ka is a newly opened Thai restaurant in a local neighborhood in Tuen Mun. If you are looking for a local spot for family and friends gatherings, Khap & Ka would no doubt be my go-to. With warm lighting and spacious seats, I'm sure you and your pals will enjoy yourselves here on top of the great food which we're going to introduce now. We were dazzled by the number of choices available on the menu, so we decided to try a bit of everything by ordering the

良景平價泰國菜【#泰廚房子 】二人套餐小食雙拼 魚餅春卷小食都炸得香脆可口，魚餅仲有少少辣味加上點埋甜酸醬兩種嘅味道相得益彰，春卷餡料豐富咬落去有莫大嘅滿足感！冬陰功湯冬陰公湯入面10分足料，每一啖湯加埋配料完全飲晒精華所在，仲可以加少少落去啲飯到撈埋一齊食仲野味！泰式黃咖喱炒虎蝦主菜係咖喱，仲可以配埋油飯或者黃姜飯，新鮮虎已經幫你開咗邊，方便你用刀叉已經可以食到啖啖肉，泰式嘅咖喱仲有浸浸嘅椰香味，又唔會太辣可以令你容易入口！去骨招牌海南雞食親海南雞一定要配油飯，雞肉鮮嫩可口，去骨令你配返啖啖肉，二人份量十分之足夠，再配埋姜溶真係好味推介！馬拉盞通菜套餐點可以唔叫通菜，野味嘅馬拉盞炒通菜，雖然味道唔算太濃烈，不過勝在夠鑊氣，通菜都好新鮮爽口，食落嗰種泰國嘅味道出晒嚟！是日甜品(千層糕)千層糕係套餐嘅甜品！甜度啱啱好入口都鬆軟，不過如果想食埋其他嘅甜品就要令我再散叫啦！📍泰廚房子 (屯門)屯門田景路31號良景商場2樓L207號舖

今日入到黎屯門良景，睇吓屋村有咩好嘢食😂。雖然呢度比較偏，不過估唔到飲食上都有好多唔同嘅選擇，見到網上面寫話呢間泰國餐廳係新開嘅，一於入嚟試吓睇吓地唔地道好唔好味🙈。。馬拉盞炒椰菜苗椰菜苗睇落好鮮嫩😋，食落亦都好有口感，不過味道上爭少少，偏清淡，唔係好食到馬拉盞味🤔。。泰式黃咖喱軟殼蟹+薄餅唔錯嘅咖喱，味道啱啱好，點上薄餅嚟食唔錯😊，不過薄餅本身比較乾身，口感上略為遜色。而軟殼蟹幾有驚喜，食到軟殼蟹本身嘅爽脆口感，而且入口都好有蟹味😝。。香茅燒豬頸肉豬頸肉燒得焦脆😍，肉都切得比較厚，食落好有咬口，再加上餐廳特製嘅汁，酸酸辣辣，越食越過癮🤤。。泰式魚肚羹今次唔飲冬陰功，轉飲魚肚羹🙈，估唔到好有驚喜，調味啱啱好唔會太咸，而且魚肚份量勁多勁足料👍🏻。。