泰式素食 (已搬遷) 新店位置

其實純綷路過，咁岩見到間泰式素食就試下，以為佢係細細一間，原來舖頭左邊後巷都有幾張枱，我去食個陣都坐滿人。叫左菠蘿炒飯，金邊粉同椰青水，總共大約170蚊。小小ge一間舖，估5到都幾驚喜。個金邊粉味道幾好，加埋佢附上個青檸，滋少少落去更加好味，但d粉比較黏在一舊，唔知係5係呢隻粉都係咁，不過味道塔夠；)菠蘿炒飯都好食，但d菠蘿就有d酸。平時食炒嘢食完會有好多油響碟底，但呢間隻碟完全無滴油情況。而家食完唔會口渴，呢兩點很欣賞：)

今天是初六，剛好出九龍城，順便想去食但不知道有沒有開門，還好有開，一心想食set lunch點知店員說要初八先至有，唯有點餐牌上的，有些失望。看餐牌大部份的菜都頗貴，結果我們三個人點了......木瓜沙律 $49味道偏甜，有些酸，本以為辣的，原來沒有，加一些辣會更好。鮮春卷 $49特色的菜，相信很多人都會點，我們也不例外。味道相當清新，入面的香葉味道太重，其他配料食不出味道，口感是爽脆，我個人認為味道似食牙膏。但包得幾好，好實，不會一咬就散開。另外有醬配，是甜的，入面有花生碎。原來下面還有一碟醬但我們一直沒有看到，直到店員收碟時才發現。泰式金邊粉 $65這個味道相當好，金邊粉質感好煙韌，味道微酸好開胃，好食！泰式炒飯 $59味道相對淡，我要問店員拿辣椒先食得落。最後埋單$244 （應該有加一）總結價錢偏貴，份量不多，以一碟飯為例，剛夠一個人食，味道屬偏淡。如果有set lunch 就比較抵食。

平常吃到的素食,大多數是中式的為主，偶爾會吃到西式的，這次來個泰式的。食店面積非常袖珍，目測容納人數應該不超級十五人吧？蔬菜三式菇冬蔭功三式菇是冬菇秀珍菇及杏鮑菇，湯底有一層橙紅色的辣油在漂浮，舀一口喝，比在下想像中的辣度為低，想不到小的竟然能喝到呢。泰式炒椰菜苗菜牌上顯示是有辣味的，但無論視覺上還是味覺上也沒有辣的蹤影，椰菜苗非常爽脆，而且不會太油。蝦餅拼魚餅素魚位的質感是較為淋身的。素蝦餅外層酥脆，內裡是滿滿的綿滑芋頭蓉，正正子啊！由於味道已很足夠，所以忘掉了蘸上中間那個醬汁。濕炒河粉非葷類的炒河有什麼呢？芥蘭什菌豆腐等食材拼湊出來，少一份膩滯，多一份清新。芒果糯米飯每次吃泰國菜，似乎每次也必吃這道甜品，香甜的芒果，具嚼勁的糯米飯，濃郁的椰漿，這裡的還加了黃色的，像米粒的東東，不過小的不清楚是什麼呢。

泰國素菜幾特別,生菜包,串燒好吃,味道夠,金邊粉就比較酸味重左,一般般,店傍仲有賣一些雜貨,公仔面,幾有心做素食,但是店太小,要等勁耐,當日又人多,等位等左成個鐘,坐低等野食都等左大半個鐘。。。但老闆娘有說出她們我難處。。。可以理解

呢日同男朋友去九龍城食泰國嘢今次有啲新意揀咗呢間泰式素食炸魚餅食落有好香嘅辣味同香料味香料嘅味道好重唔係好多人食得慣起碼男朋友接受唔到但我覺得都幾好味好似以前啟田果間泰菜嘅魚餅鮮春卷因為唔想食再食炸嘢所以揀佢啲蔬菜好新鮮點埋啲醬更加好食不過一啖一件好快食完呢樣下次再嚟都會想食馬拉盞炒通菜好簡單嘅一碟餸但炒得夠鑊氣又唔會太鹹整體上味道唔錯雖然價錢都唔平但如果有同行朋友食素又唔需要戒五辛呢間都係唔錯嘅選擇起碼非素食者都會食得開心

帶女兒去完泰國回來十天，今晚約了家人來九龍城食晚飯，本來家人想去泰式燒烤食的，但剛回來不久的我，唔想又係食嚟食去都係果D，加上每次經過這間泰式素食都見有人排隊，充滿好奇，臨陣我要求改變食飯位置，結果...便出事了。我們一行5個人，有大有小的，叫了八款食物: 三味魚(個汁幾特別)，炒金邊粉(味道不過不失，份量有2個細碗)，串燒(用豆製品做，炸得較乾)，炒雜菜(冇乜味的)，香葉雞(味道ok,終於有些擬似啖啖”肉”的落肚了)，炸春卷(普普通通)，忘記甚麼燴飯(份量有2個正常飯碗，味道偏辣，小朋友不能吃，因加了香葉，味道都唔錯的)，仲有1碟魚片拚甚麼？(名字忘記了，紫菜包著豆品炸，炸得過咗籠，乾爭爭。另一款外型像腸仔的，普普通通，可以唔駛試)。飲品叫了椰青(水多又多肉)，香茅茶及紫羅蘭汁(兩款都淡而無味)。埋單640幾(原來有加一的)，本來唔貴，但食完都唔飽，碟頭實在太細了。食完出嚟，隨即走去買串燒，再去皇室食甜品，再走去每人買件牛肉餅企係條街食，才能滿足回家，唉!一殼眼淚!

來到食泰國野的集中地九龍城，我都響應食泰國野啦！我不是第一次來到這裡， 冬陰功都不是第一次點， 喜歡這種酸酸辣辣的味道， 材料也不少， 是不同種類的蔬菜和菇菌類。 另一款是素雞和炸魚條， 素雞應該是自家製的，裡面是芋泥，粟米，菇粒和花生，外加腐皮炸，味道不錯！另一個賣點是，這裡的鑊氣十分強勁，真的是熱騰騰的就端出來，好喜歡呀！連加一盛惠$149，因為本身不是太餓去食，所以只點了兩個菜，如果多點一樣，連加一，二人都要二百多元了，不算便宜，這個也要考慮。

說到泰式素食餐廳，第一時間就會想到尖沙咀的「鄭師姐」和九龍城的「泰式素食」。「鄭師姐」一直都是最愛的餐廳之一，不過私房菜的食物和數量已定，其大堆頭程度偶爾也會吃不消。「泰式素食」勝在可以自行點菜，各取所需。小食拼盤有多款食物，有選擇困難症的人就最適合。從外貌而言，各款小食的樣子與肉食似乎並無分別，而從味道而言亦十分相似。有時也會很好奇這些食物是由甚麼材料造成的，有機會的話都想向店家偷師。說到菠蘿炒飯，不少人都擔心餐廳會重用菠蘿，衛生程度讓人擔憂。不過用菠蘿盛著炒飯也只是種gimmick，這個沒有菠蘿的炒飯來得平實，卻不用擔心食物是否安全衛生。素炒飯沒有蛋沒有海鮮，但有很多腰果、素肉鬆和蔬菜做材料，炒飯的色水應該是來自薑黃，感覺更健康美味。最後當然少不了椰青，沒有椰青怎能算是泰國菜呢？椰青的肉又薄又滑，椰汁也很青甜，整頓飯也就完滿了。素食友善指數：5分Encore指數：5分

喺openrice 睇到呢間泰式素食，個鮮春卷賣相好吸引，於是唔理三七二十－，－於去試吓。首先叫咗個椰青清清熱氣先，再叫咗鮮春卷及炒泰式金邊粉。春卷好味，有八舊，再點個甜酸醬加辣醬，yummy至於金邊粉顧名思義，都唔使得金邊粉嘅，強烈建議金邊粉加Ｄ豆腐干及腰果會更加好，本少爺就唔多like 呢碟，同食白飯無分別！雖然面頭舖咗－堆芽菜囉。

週末晚上，又在九龍尋地方吃飯，搜尋之下，發現了這間新開的叫自己做「正宗泰國菜」，很好奇想知道有幾正宗，於是約了朋友去試探過究竟。正宗泰國菜，英文名叫Thai，門面尚算整齊企理，門牌講明是由泰國人親自主理，店員也不少是泰國人，小店的感覺濃厚，亦很有家庭菜館的風味。望望餐牌，晚上沒有套餐供應，全是散叫的，但菜式也算豐富及齊全，一般大路的泰國菜例如小食、咖哩等都有，價錢由大約$60多元起至百多元一碟，尚算合理。

行入九龍城緊係要嘗試一下泰國菜，近排迷上了素食的我自然找上了泰式素食這間餐廳。係香港，基本上係每一區都好容易搵到一間中式素食，西式素食，不過泰式素食真係甚為罕有。（據我所知，除了這間之外就只有在尖沙咀的鄭師姐泰式私房菜），而且老闆是泰國人，看起來煮的味道更地道了。小小的餐廳，位置不多且窄小，未免坐得不太舒服，基本上只適宜簡單的吃個便飯。是次一行三個人，簡單的點了一個前菜、一個湯、一個炒飯、一個炒粉，人均消費90元，味道甚具泰式風味。建議人多的話可以叫一個小食拼盤，多嘗一點款式。

Everything we ate was amazingly good! Ecspecially the spring rolls and the fried dumplings! I would really recommend this place to anyone, even meat-eaters like myself

I never made it here before because when I see busy restaurants I usually go elsewhere.Went here during CNY and it was empty.Had two rice dishes which were fantastic, some of the rice dishes contain quinoa.Definitely coming back so I have to pounce the moment when it is empty.Portions are on the small side.

行過九龍城見到泰式素食，覺得有啲奇怪所以去試吓，去到佢間正舖，得幾張枱都坐滿人，不過正鋪油煙真係好大，因為座位同廚房都好近，煎炒煮炸嘅時候，啲煙會飛哂出去大堂，下次去會坐隔離鋪，而且座位環境再大啲，第一次幫襯，唔知份量有幾多，所以只係叫咗三個餸，份量又唔係好大，下次可以再叫多個先啱我啲大胃王，不過嗰個素牛肉沙律，初頭食唔覺得辣，點知越食越辣，啱晒食得辣嘅人士，泰式炒金邊粉，都係嗰啲啦，不過不失，另外個魚餅，味道都唔錯，下次會再去幫襯

九龍城多泰國野食就係人都知啦不過如果係食泰式既素食，我諗應該就得呢一間啦 所有食物都係全素 非常適合素食者！鋪頭面積唔太大，適合三兩知己黎店員都係泰國人，播住泰國既音樂呢度既午餐都算幾平 45蚊一個餐，仲有一杯泰式飲品而我就叫左泰式炒金邊河廚房就係隔離 我聽住廚房傳來炒食物既聲音就覺得好期待有d芽菜 有個小青檸（用黎調味） 少量花生碎青瓜 藩茄 豆角 素蟹柳當然仲有熱辣辣炒起既金邊河再配埋清涼既羅漢果茶係呢個炎熱既十月尾 一切都好清新 而且好飽足