泰式美食 (已結業)

之前有朋友問起，九龍城有乜好食我仲介紹這間店俾人又同人講"雖然服務& 環境係麻麻，但唔好介意啦，食物還可以喔"但過左今晚，我真的發誓不會再去了話說今晚去到，3 個人迫埋一張窄檯仲要同另外1 家3 口搭檯迫到暈，張檯又放正風口底，吹到頭都痛埋我見裡面有張細檯d 客剛剛走左於是問阿姐可唔可以轉過去，我唔吹得風佢即時黑起塊面話"咁一陣有其他客架嗎！"跟住我已經唔出聲，佢仲咿咿哦哦唔知用泰文o係度講乜轉頭同檯的1 家3 口走左佢就想趕我地走，方便佢做多d 生意係咁問"你地仲有冇野加？"未食完條魚都想同你收走佢，我叫住佢先放番低點知轉頭唔夠2 分鐘，有客來門口等位佢又黎過，語氣比之前更差"你地仲有冇野要食架？！"我哥就話"坐多陣叫多支啤酒飲係咪唔得呀？！"佢就話"得~ 冇話唔得~~~"但黎手就開始收我個碗同筷子，又想收埋條魚終於俾我哥忍唔住要話佢"你家陣咩態度呀？！做生意使唔使做咁盡呀你地？！我地坐左幾耐呀，係咪冇俾錢家而家？！"真係離譜之前一坐低唔即刻叫野食又俾佢窒食完唔即刻行又俾佢窒莫講話佢d 野唔係特別平or 特別好食就算好好食or 唔使錢都唔係咁對人吧？！！好慘！本來今日心情好好點都估唔

三個人叫左炒蜆, 炸蝦餅, 炒通菜, 冬陰功湯, satay 串燒, 燒魚, 三色冰, 當然唔少得最正的生蝦啦三個人食唔晒.... o黎過四五次... 唔錯... 好味!!

17/4公眾假期，夜晚七點幾到都唔算好多人，等左二十分鐘到啦，今次坐過對面舖門口都幾好，唔駛比d等位o既人望望下。我地六個人食左七百四十蚊，叫左四碟生蝦刺身，凍d好味d，點果d醬仲正，佢全部食送都係比果款醬，仲有三碟鳳爪，真係好鬼辣，咖哩蟹好多膏不過唔辣，麻麻地，好難咬，d肉好痴又怪怪地咁，d汁好甜，我地叫左兩碟蒜蓉包點，不過d包麻麻地。另外炒金邊粉，好味，豬頸肉，好正，一碟炒通菜，一碟炒芥蘭，好似幾細碟但都好入味。另外仲有條烏頭，裡面有香草好正，魚肉有汁，又平。四個椰青，龍眼冰，珍多冰，甜品有椰汁糕同西米大菜糕，埋單果陣好彩阿姐有講返晒d食送名，因為好多冇叫都入埋單，更正後相差成舊水。

上次食過這裏的粗炒河，一直心思思想再來，早幾晚終於有時間，便兩口子坐車來這裏食了。我們叫了燒魚、乾炒海鮮河和咸魚炒芥蘭。燒魚- 本來想叫燒烏頭，但只有大條，怕食唔落，便轉了叫燒魚、魚一來到就傳來陣陣檸檬的香味，原來魚肚藏有很多檸檬葉，魚肉很香滑，加上大大粒的粗鹽，口感又幾特別，不可錯過。乾炒海鮮河- 粗粗的河粉，感覺很特別，很入味；海鮮就唔係這麼多，但都算幾好。咸魚炒芥蘭- 芥蘭炒得很香又新鮮。價錢平，可惜環境就麻麻。

叫左燒烏頭, 雞肉生菜包, "師"蛤, 椰青燒烏頭: 好大條, 好香粗鹽味, d肉就好滑, 有d香料味, 正~雞肉生菜包: 過辣, 冇咩特別"師"蛤: 白灼的, 原汁原味, 新鮮冇怪味, 爽口清甜, 加埋d辣醬汁, 好好味

d食物勁普通,其實可以話唔好食,佢係我覺得九龍城區最難食,上菜係好快,金寶同街市都比佢好食

又係睇雜誌介紹去食, 小弟喜歡濃味食品, 所以大部份食物都接受到(1) 泰北雞湯, 超咸, 如侍應所說此湯不能當湯飲, 用來撈飯食一流, 泰北人可用青檸來煲湯, 佩服(2) 原條燒魚, 有多款不知名的香草塞入魚內再鹽燒, 超好味.(3) 蝦餅, 夠大隻, 彈牙及有蝦味, 好食過街市果間(4) 串燒酸臘腸, 味道有d不平常, 可能香港人少食, 可以試一次(5) 泰式炒飯, 最平的一個炒飯, 但很好吃, 可惜份量勁少, 不夠4個吃個滿足(6) 雞牛豬串燒, 大路水準, 差唔多間間做都一樣好食(7) 泰式炒椰菜苗, ok啦, 但覺得唔抵食總括來講, 不是大路的泰國食品, 可以一試.

今晚想了很久也不知去那裏食，行行越來越接近九龍城，就決定去那裏找地方食晚飯，見好多食店也關門了，有些又沒有什麼人，這間就好特別，全店坐滿人；心想一定唔會點差。坐下後，我們叫了炸蝦餅、乾炒海鮮河和咸魚椰菜苗。炸蝦餅- 炸得好香口，蝦味都幾好，可惜唔夠彈牙，口感差少少。乾炒海鮮河- 好喜歡這裏的河粉，好久也沒有食過這樣粗身的河粉了，好有懷舊的感覺；叫了乾炒，但感覺像是濕炒，唔知係唔係炒錯呢！海鮮感覺就比較一般點。咸魚椰菜苗- 咸魚味好夠，椰菜苗都幾好，但感覺芥蘭菜比較好味點，可能係這種炒法唔多配合吧！食完才見很多人也有叫一條煎得好香的魚(唔知乜名)，好像很好味，下次要試試先。

琴晚八點幾去到, 唔洗等位, 兩個人叫左個細冬蔭海鮮湯, 咖喱炒蟹, 生蝦刺身因為男友麻麻地食得辣, 所以叫左少辣. 呢個湯味道同其他舖頭唔同, 好似有才才椰汁味, 海鮮料都幾足, 但我同男友都係覺得小曼谷既冬蔭宮好味d.生蝦刺身第一次食, 有炸蝦頭伴碟, 但蝦頭唔夠熱, 只係微暖, 唔夠脆, 但生蝦好新鮮, 加埋個汁酸酸辣辣好好味咖喱炒蟹並無預其中咁好味, 隻蟹雖然好多膏, 但係唔算太甜, 同埋隻蟹沾左粉漿炸左先加咖喱炒, 我同男友都覺得有個粉漿係蟹面好似怪怪地咁, 同埋d蟹肉好痴縠. 但d咖喱汁都幾香, 我地都忍唔住叫左個蒜蓉包點汁食.埋單$225, 唔算貴, 但我同男友都覺得d野唔係唔好味, 只係麻麻地岩我地口味, 下次都係去返小曼谷或者街市果間

雜誌介紹，吸引我阿爸昨天車我地去食，其實之前我地曾經經過，想試，不過見到太多人等，嚇怕無去。今次早D去食，有位。1. 酸辣螄蚶沙律: 好正，一定要試!!2. 生蝦刺身：好鮮味。有炸蝦頭伴生蝦，都幾好味。3. 酸辣雞湯: 好醒胃。4. 燒鰂魚: 好有魚味，燒得好靚。5. 沙爹燒雞翼: 好野味。6. 炸春卷: 夾有粉絲、菜肉餡，炸得好脆。7. 炒雞河: 炒得幾好。8. 燒乳鴿: 唔差，不過沒有特別。還叫了椰青、椰汁三色冰，全部加埋三百幾元。總括而言，正、抵食，下次會再去。

早兩日去九龍城食泰國野本來想去小曼谷點知搵黎搵去都唔見行過見到門口招牌記憶中早兩期雜誌介紹過一試無妨叫左咖喱炒蜆,海鮮炒飯,炸蝦餅,紅咖喱雞加青檸冰咖喱炒蜆～咖喱汁好好味,搞到我忍唔住係咁撈汁食,蜆亦都好大隻,有半隻手掌咁大,但肉質就un左少少海鮮炒飯～海鮮料唔少,而且炒得唔油,幾好食炸蝦餅～蝦餅都幾彈牙,亦都隔油得唔錯,唔會油淋淋上檯,但個人認為都係九龍城街巿既好味d彈牙d紅咖喱雞～有比較係無咁好,本來呢個上檯先都覺得味道都唔差,但上埋咖喱炒蜆,就覺得差得遠,而且雞肉份量少得可憐,d雜豆都多,唔太抵食青檸冰～偏甜而且有少少苦味,下次都係叫芒果冰好d環境十足十大排檔但雜誌效應真係好大六點左右去到都已經full house走時有不少人等緊位添!

大約兩個月前食o家啦，而家補返。最近見雜誌都有介紹，兩間舖打對面，果晚去到等左都最少四十五分鐘，勁多人坐o係街等位，好壯觀!我地四個人坐門口，叫左六個椰青，生蝦刺身$50，好鮮甜，見佢咁多人流所以夠膽叫咯。兩碟炒粉，仲有烏頭，菜，辣鳳爪，真係好鬼辣，好多串燒，芒果白糯米同椰汁黑糯米等等。食左好多野，不過佢上菜奇快，所以我地話不愧為翻檯王!