泰排檔

營業中

休息中

超人氣嘅泰國小店，終於比我試到啦 ·͜· ♡聽講大廚係米芝蓮泰菜餐廳 sᴀᴍsᴇɴ 出身唔怪得由 8 月開業到依家都仲係日日咁長龍，仲要冇得訂位，去到都係乖乖地排隊啦 ~等足 1 個鐘終於入到去，店面好細但室內裝潢有泰國風味，氣氛好好。○ 醉 貓 和 牛 炒 河 // $118炒得好夠鑊氣，本身帶有少少辣味，可以揀走辣 .ᐟ.ᐟ闊身河粉口感滑溜而且特別軟糯，唔會痴埋一舊。每啖都食到爽滑和牛片，可惜份量太少，三個人分有少少唔夠喉。○ 啖 啖 蟹 肉 奄 列 // $168上枱好夠熱辣辣，奄列係半煎炸，充滿蛋香。入面有唔少蟹肉，食落好鮮味，點埋泰式辣醬非常惹味。○ 泰 式 九 層 塔 炒 蜆 // $108同樣可以走辣，炒到夠曬鑊氣，醬汁味道香甜配埋香濃九層塔好惹味，蜆肉大大粒好鮮甜但部份有沙。○ 芒 果 糯 米 飯 // $78芒果新鮮香甜，糯米飯粘糯有嚼勁 ꒰ ´ ꒳ `∗꒱食到米粒既口感，配搭埋椰漿 + 脆脆，味道唔太甜，即刻被秒殺了。♡ ♡○ 泰 式 奶 茶 // $38正宗泰式沖法，奶味非常香濃，不過個人偏好更濃茶味。○ 龍 眼 冰 // $38○ 新 鮮 椰 青 // $58特別

近期佐敦人氣泰式排檔，平日夜晚都要排成個鐘先有位，而餐廳已經坐得好迫，店員都算友善，有人生日仲會捧住蛋糕唱生日歌，為壽星送上祝福。① 黑豚肉船面 $88② 和牛船面 $98同朋友一人一碗船面打底，湯底個味幾好，不過豚肉肉質幾韌下，豬肉丸亦無乜特別。③ 炸雲呑 $88夠脆夠香口，都食到有啲餡料。④ 泰式炒芥蘭 $68夠鑊氣，芥蘭爽脆，好食。⑤ 生菜包香葉豬肉碎 $88幾重香葉味，微辣幾惹味，肉碎唔算太碎，都幾有咬口，好食⑥ 醉貓炒河 $118好食！有兩隻大虎蝦，加埋菜心，小粟米等炒，可惜河粉太少，四個人分一人得兩啖。⑦ 芒果糯米飯 $78糯米飯口感粘糯就，味道唔會太甜，同朋友簡直秒殺。⑧ 泰式奶茶 $38⑨ 斑蘭香茅茶 $38全店唯一熱飲就是斑蘭香茅茶，朋友說不錯；泰式奶茶正常好飲。單看呢間泰排檔店名及位置以為走平民路線，但其實價錢都唔平，食物份量偏細份，整體味道唔錯但不算驚艷，平均每人消費$260+但大家都只有七成飽，加上要排成個鐘先有位入座，成件事性價比唔算高。

最近搵到間超高質泰菜館「泰排檔」，一踏入門口已經聞到陣陣香料香，成間舖充滿泰國街邊小店嘅氛圍，樓面都係泰籍員工，即刻有種置身曼谷嘅感覺！上網睇返原來大廚仲係拎到米芝蓮泰菜嘅餐廳出身今次食左唔少嘢食，首先講和牛船面，用上正宗金邊粉煮到啱啱好嘅軟硬度，夾埋滑嫩嘅和牛片，個湯底香料味香濃，飲落唔會太鹹，啖啖都係泰式風味！醉貓炒河就勁香口，啲河粉彈牙爽滑，炒得有鑊氣，啲虎蝦新鮮彈牙，個醬汁香辣惹味鹹蛋木瓜沙律真係正！青木瓜爽甜，鹹蛋香濃，配埋花生，酸甜鹹香味道層次豐富沙爹豬同燒豬頸肉都係推介，沙爹豬腍滑多汁，醃料香濃，個花生醬香甜惹味。燒豬頸肉外皮燒得香脆，肉質嫩滑，配埋特製嘅辣醬，一流！講到飛天通菜就一定要讚，啲通菜新鮮爽脆，炒得火候十足，個蒜蓉醬香噴噴，配埋啲辣椒，辣中帶香，蒜香味重又唔會過份。甜品方面，芒果糯米飯用上正宗泰國芒果，甜而唔膩，糯米軟綿，配上香濃椰汁，絕配！泰式椰子雪糕都係手工製，香濃幼滑，仲加咗椰肉碎，食落好香口。青檸梳打夠酸夠清新，清甜解渴。最重要係價錢相宜，而且全部都係泰國直送嘅新鮮食材！有呢啲水準，難怪日日都大排長龍。

今日等到差唔多tea time嘅時候先去食午餐，為左食成日經過都見有人排隊嘅泰排檔。雖然已經兩點半，仲係平日，但大部份嘅枱都有食左冇幾耐嘅客人，睇黎真係好高人氣。餐廳喺佐敦文苑街，裝修風格就如其名，走泰式大排檔風格。店員同廚房都係泰國人，對客人態度親切，有如置身係小泰國。午市都好多選擇叫左個泰式炒金邊粉(虎蝦)個人好鐘意食金邊粉，特別鐘意多配料，生碎，泰式芽菜，青檸等等。餐廳9成食材都係泰國入口，啖啖泰國味。炒金邊粉好夠鑊氣，上碟仲熱辣辣，陣陣香味。青檸一擠勁多汁，配上其他配料，有咬口得黎，仲有酸甜清新味道。金邊粉保持到咬口之餘仲有少少濕度，食落唔會太乾，而且份量都好足料。虎蝦有三大隻，真係大大隻，口感爽滑之外，有鮮味。小食叫左 炸粟米蝦餅，金黃外表超級脆，配上軟綿綿又彈牙嘅蝦餅口感十足，推薦一試！泰式奶茶少冰，因為甜度固定，所以冇得少/走甜。飲落甜度啱啱好，唔會掩蓋左奶茶嘅香味。奶茶質感幼滑厚身，茶味都夠濃。

在我妄想下以為熱潮該過了吧所以在傍晚五時半多到餐廳 發現原來已經有人龍了 哈哈目測自己該是第18個 應該可以第一輪入座吧怎料最後還是等待了一個小時才能入座因為原來有客人已預先訂座 而有些則是有先頭部隊來排隊 所以我估算錯誤了餐廳是沒有限時用餐 而出餐也很快惟餐廳內伴隨音樂及客人閒談聲音 所以蠻嘈吵的 座位之間也頗狹窄 真不愧是大排檔風格😋🍝醉貓炒河（虎蝦） $118是可以選走辣的選擇虎蝦有三隻 是後期製作的爽彈口感河粉質地真的很喜歡 晶瑩通透的煙韌口感還加入了粟米芯 芥蘭 炒蛋等配菜 整體味道是相當地道的 只是對個人來說蠻重口味及偏鹹 但還是推薦炒河 因為很少在香港吃到這類河粉口感😋🍖燒豬頸肉 $98豬頸肉厚度適中又大塊 份量很足 烤得很香口及惹味 沾上醬汁味道更有層次😋☘️飛天通菜 $68炒通菜很有穫氣及惹味 味道也是頗地道的濃口味 😋🍹酸梅茉莉梳打 $38因為每道菜都頗濃味 難避免要喝些較為清新的飲品 茉莉味道未算突出 但酸梅混入青檸梳打內 酸酸甜甜 很解膩又清新提醒光顧的話 要帶夠足夠現金因為餐廳只收現金的

永遠離不開泰菜嘅我😂😂😂但係今次估唔到我竟然order🍜 船麵😌今日見到隔籬枱叫咗賣相真係超吸引我忍唔住都叫咗碗🐷黑豚肉試吓， 真係超級好食個味道勁啱我， 成碗湯嘅湯底🍲我都飲埋🤪🤪🤪而且佢哋金邊粉🥢係透明我好鍾意嗰種， 索晒啲湯汁， 而且仲有泰式🐽豬肉丸添，一碗兩個人食都夠😉另外我哋再叫咗🔥🐷燒豬頸肉/🌱🌱飛天通菜/泰式炸雲吞🤪同埋蟹肉🦀炒飯， 甜品就斑斕雪糕🍦，樣樣都好好食我哋都好鍾意尤其是個炸雲吞下次再要encore，午市加多$8仲有幾款唔同飲品🧋🧋🧋可以選擇， 真係泰國嘅味道，裏面裝修都好正好似新派嘅又話嘞😝😝😝店員又超級Nice勁好人❤️❤️❤️

上網聲稱6點開門 5:50pm去到已經入左一輪🥲等咗45分鐘先有得食🥹和牛船麵🐮$98一碗船麵係有啲貴 但真係和牛食落口就知船麵湯底比較濃少少油膩🍜有啲炸豬皮 同牛丸係爆汁!!!!!對於唔食得辣嘅人嚟講都小辣🌶️啖啖蟹肉奄列🍳奄列係似炸出嚟 類似蠔餅出面嗰種脆嘅質感真係每一啖都有一絲絲蟹肉🦀燒豬頸肉🥓豬頸肉嘅豬味勁出 我好似未食過豬頸肉係唔柴而且有豬汁彈牙🐷反而佢配嘅醬汁就唔太夾 題外話 啲職員好niceee 好多都真係泰國人🇹🇭所以有時職員唔係幾聽得明我哋講咩 同埋會用英文👍🏻👍🏻

平日5:30黎到已經開始排隊，6:00入座後職員同我地講最遲7:30要交枱我地叫左3個椰青，一杯茉莉酸梅梳打個茉莉酸梅黎到我地o哂咀，佢只係梳打水做底再放粒酸梅，啲茉莉就只係一啲茉莉花花冧放係面，成杯野無茉莉味個串燒啲肉偏鞋，生菜包份量少，得5塊菜飛天通菜竟然係甜味蟹肉煎蛋好細條，收$168和牛金邊粉普通食到7點職員已經過黎執枱催我地，因今次飯局係慶祝朋友生日，想傾多陣都唔得無奈埋單走人。總結覺得呢間唔值得要排隊入去，應該都只係網紅效應，價錢唔平亦都唔係話好好食，其間梳打及通菜漏單要問先追到，唔洗排隊都唔會再幫襯，完

下午5：45去到，尚未開門，已要排隊。店内空间不大，有點擠逼。 空氣流通不好。一坐下，還在看菜單，服務員已經追問了兩次是否下單。和牛船面$98味道不錯，但份量極少，性價比太低。泰式炒芥蘭$68和雞肉串燒$88就正常，但份量也是不多。 青檸囌打$38好細杯，有1/3都是冰。 剛吃完，還沒來的及喝水，服務員已經提醒買單了。用餐體驗不好。不值得專程去

勁難食泰國菜,又漏單,一大堆假食評,之前要排成粒鐘🤮🤮1️⃣和牛船面,湯望落個色似濃.食落淡而無味,份量少,連個湯都勁小.個蛋麵一舊咁,唔知煮左幾短時間,要自己攪開,唔係熱辣辣💰HKD$882️⃣沙嗲雞,豬串燒唔熱,肉係完全冇調過味,要係咁點沙嗲醬💰HKD$883️⃣飛天通菜勁濕,鹹. 漏單,催左3次.隔離枱遲過我入座嘅都齊哂D野.泰國人舖頭，做野勁拿西.同佢講菜未到,佢就話整緊,冇入去廚房跟單.再催第2次,同個老闆講,佢又係聽完就算.跟住我話唔等啦,埋單啦,佢就即刻沖入廚房. 另一張枱又係漏單,佢地等得仲耐,由我地入座開始催到我食哂2碟野都未到. 💰HKD$684️⃣泰式奶茶太甜,奶太多,冇咩茶味.超多冰💰HKD$48完全唔值,比網上班人水左大家去排隊食.我好彩只等左2枱,真係食到好嬲,又難食又唔好坐,又唔平🤢🤬

今晚到訪，未開門已經有長長的人龍。蟹肉奄列超正！奄列大大份，味道甘香鮮甜，又有鑊氣，仲有好多真蟹肉，再沾上泰式甜辣醬，真可口！馬拉𦾟炒菜正！通菜軟嫩，熱乎乎，炒得香口惹味，輕輕的辣，不錯。芒果糯米飯正呀！芒果新鮮甜香，糯米飯軟滑黏糯，加上馬豆的甜，椰汁的香滑，再加上微微的咸吊起甜味，超正！

泰式雞肉炒河一上枱就聞到「邪惡三寶」——油香、蛋香、辣椒香！河粉條條分明帶焦邊，雞肉嫩過BB肌，甜辣豉油掛滿每條粉，食到lam lam脷。😋和牛船麵和牛片薄到透光，浸3秒就半生熟。最驚喜係啲牛丸，咬落超彈牙而且會爆汁，加埋炸蒜同通菜，成碗麵泰有層次。泰式奶茶加8蚊就有得飲，超抵之選。呢杯泰奶唔會太甜，甜度恰到好處，泰好飲！

由地道泰國人開設嘅正宗泰國菜廚房、樓面都係泰國人聽聞廚房大廚是米芝蓮泰菜samsen出身怪唔得平日lunch條隊都好長～ 平民化價錢食到咁嘅質素睇黎真心受歡迎排隊嘅時候有個窗口可以望住廚師烹飪用黎煮船麵嘅湯底十分濃郁 流曬口水決心要試下😋.✨和牛船麵 $88湯底濃郁 可以選擇麵種類和牛用湯滾熟相當新鮮 好有泰國街邊小店feel.✨金邊粉 $98材料豐富鑊氣十足！水準在線💯.✨飛天通菜 $58✨雞肉串 $48以上兩樣正常發揮 雞肉串好大粒啖啖肉 不錯👍🏻.✨泰式奶茶 $8✨椰青 $38 奶茶不會太甜 椰青好多肉食！

呢間餐廳嘅外觀好有泰式風情，一走進店裡，就感覺自己好似去咗泰國旅行咁。裝修好有心思，吊住彩色嘅氣球，仲有蝴蝶裝飾，牆上嘅海報同舊物都充滿泰式元素，令人感覺好有氛圍。1. 醉貓炒河先講講嗰碟泰式炒粉啦，份量都算可以。粉條炒得乾身，每條粉都均勻咁沾上咗甜甜嘅醬汁。裡面有蝦、雞蛋、豆芽、青豆同埋紅蘿蔔，配料都好豐富。蝦嘅鮮味融入咗炒粉裡面，雞蛋炒得香噴噴。豆芽同青豆增加咗口感嘅爽脆。味道方面，甜酸嘅醬汁好出眾，帶住少少嘅辣味，好開胃。呢碟炒粉嘅價錢算合理，大概$98，性價比唔錯。2. 炒通菜炒通菜炒得好有鑊氣，蒜香味好濃。通菜嘅莖同葉都好嫩，咬落去好有口感。裡面仲有辣椒碎同蒜粒，令到成道菜嘅味道更加豐富。價錢大約$68唔算貴。總體嚟講，呢間餐廳嘅泰式美食都好正宗，味道令人回味。餐廳嘅氛圍又好，好適合同朋友或者家人一齊嚟食飯。下次我仲會再嚟試下其他菜色！

佐敦文苑街既「泰排檔」開左一段時間都係大排長龍，餐廳請來係灣仔人氣餐廳「Samsen」出身的泰藉主廚主理，唔怪之得咁多人排隊啦新鮮椰青椰青好青甜，正龍眼冰龍眼冰對我黎講就甜左少少🫢和牛船麵呢度既船麵同Samsen最出名既船麵都真係有8成相似，湯底濃郁微辣，香料味都幾重，配金邊粉真係好夾，可惜我碗既和牛過熟，熟到我以為係豬肉啖啖蟹肉奄列泰國曼谷米芝蓮推介Jay Fai蟹肉奄列就未食到，但呢度都有得叫蟹肉奄列，一切開真係勁多蟹肉，奄列好香，同Fai姐既都有9成相似，但價錢係平Fai姐一半，我覺得係要必叫的泰式九層塔炒蜆蜆既份量都幾好，真係隻隻都有蜆肉唔係得個殼，除左九層塔既香，個醬仲有甜辣味，好惹味飛天通菜泰式炒通菜，好有鑊氣芒果糯米飯芒果好清甜，糯米飯煙韌好食，加埋椰漿，脆綠豆，正宗又好食我知道餐廳未開門已經有人係門口排隊，所以叫朋友一放工就去攞位先，我一到就岩岩好😛，食物都幾好食，店員都好親切，其實仲有好多野食想試，但真係食唔落，唯有下次再黎試埋佢😋