泰極料理 (已結業)

嗌左一個青咖哩牛肉飯，一個濕炒牛河。青咖哩汁冇香料味，冇椰汁味，咖哩汁睇得出用左好多粉去開，質感好似鬼口水，牛肋就ok，都分得出係牛肉，不過都係好鞋。牛河嘅肉片食落冇咩肉味，以為豬肉片黎，咬落去就知用水啤得好犀利，所以先冇晒肉味。牛河個汁都係冇咩味道，食落好甜，又唔辣，所以叫左待應比魚露，落完先夠味。唯一值得讚下嘅就係佢有啲鑊氣，隻蛋又有啲味囉。開鋪咁耐以黎第一次入黎食，如果冇改善嘅話，真係冇下次

係香港未食過咁難食既泰國野最基本既馬拉盞椰菜苗 都可以難食平時都好少食評價 遇到好食既會再食 唔好食既咪無下次真係未試過甘難食. ... 係肚餓都食唔落既難食真係要食個評價警惕世人！ 唔好中伏 唔好中伏 唔好中伏！太重要 要講3次！難食到要叫過其他外賣食. 🤦🏻‍♀️泰式炒金邊粉 ：酸到嘔. ..蝦餅：我朋友食左1啖 都唔食緊乜 無味實肉一舊泰式椰菜苗：油浸菜一碟 都係無味 好似浸左2日泰式鳳爪：無技巧既都無味沙嗲串燒：唔見左吵嗲？菠蘿炒飯：硬到無朋友搵個完全唔識煮野嘅 都好食過佢 仲要成600蚊食左兩啖 真係頂唔順 叫多次外賣 食頹廢飯都好食過佢！

從來未寫過食評，因為抵讚既餐廳有好多，不過要我寫80字太難😅而間餐廳就唔同啦，差到一個點🤢炸蝦餅係硬既所謂招牌炒飯原來係福健炒飯，啲蝦晦既金邊粉又乾又無味檸檬烏頭超腥，唔關凍左事，堅腥冬陰公湯無酸味無辣味。得個甜字，唔洗講，啲蝦當然又係晦家啦咖哩雞個汁無事但啲雞肉好嚡。生菜包肉碎無檸檬葉味，冇香料味，就係求其炒熟既肉碎。飛天通菜無味串燒正正常常普通乾，冇沙嗲汁跟最好食既生蝦，因為佢煮都唔洗煮🥴而間野真係唔簡單，請我都唔會再食

今晚好想食泰國野，朋友介紹我黎到呢間天水圍泰極料理餐廳餐廳環境都幾大，而且卡位好多，坐得幾舒服事不宜遲，馬上叫菜！泰式金邊粉一上菜已經見到成碟粉有蝦、肉鬆、花生碎、蔥，絕對係夠足料大碟，金邊粉炒得絲絲分明，唔會痴埋一舊，夠惹味菠蘿雞粒炒飯食泰式菠蘿炒飯，小妹特別鍾意叫雞肉，值得一讚waitress 願意幫我由海鮮炒飯改做雞肉炒飯好好服務態度呢個小炒真係夠哂大碟，粒粒飯都滿佈薑黃，配料有炒蛋碎、肉鬆、青豆、粟米、紅蘿蔔，營養豐富最緊要個飯炒得乾身粒粒分明真係稱得上大份夾抵食

出外食午餐唔平，但見到呢間選擇多，價錢又抵。就入去食。嘩，午餐至少20多款選擇，太開心，但花多眼亂下，終於揀到食咩午餐。海南雞飯，可以揀白飯或油飯，好開心。仲有配菜。香煎蠔仔煎蛋飯，ok好食，但就偏鹹。朋友叫咖哩，咖哩夠味。。還有炒豬扒公仔面，份量好夠，公仔麵好香。午餐$42，但唔包飲品。不過，飲品都係加幾蚊，合理。有大圓枱，幾啱多人一齊食。整體食物味道中庸，但款式唔算好正宗泰國，所以如果想食泰國野既，會有啲失望

個烏頭。。。又少肉又細條又唔滑，揭開面頭啲菜底仲有堆肉碎，條魚就勁扁，仲要用埋啲屋企蠟燭諗住去滾條魚，滾左15分鐘都冇反應。個菠蘿炒飯，完全冇鑊氣，仲要冇乜味。個菠蘿雞球，完全冇味，得面頭嗰浸甜酸醬味，啲肉係無味。

呢間野平時唔係好多人加上依家肺炎好多餐廳都唔多人就去試下佢既下午茶員工非常有禮特別係老板三十幾蚊份量都唔小環境舒適之前食過泰式濕炒牛河覺得幾ok今次就試佢咸魚茄子飯都唔錯禮貌呢點都值到再去

新年去拜年搵餐廳，佢哋就揀咗呢間泰國餐廳，竟然有一張大圓枱夠我哋一行10人，講真極之少有嘅泰國餐廳有大圓枱👍🏼入面都好寬敞，最緊要係一班人食都有一張大圓枱👍🏼首先叫咗呢個冬陰功魚鮫（好似係呢個名）味道唔錯，冬陰功亦都好好味，值得推介👍🏼😋另外一個值得推介嘅係呢個椰子雞煲，個湯超級好飲，椰子都好好味，d雞好嫩滑😋😋😋雖然我哋有個雞煲，但係有個小朋友話想食海南雞，亦都order 咗一隻俾佢😅由於order左有太多餸，其他餸我都唔記得影，影咗呢個食咗小半嘅蠔仔煎蛋，好脆口味道不錯總括嚟講呢一餐真係不錯，我仲記得叫咗個蒜蓉炒椰菜苗好好食，非常滿足嘅一餐😋😋😋😋

泰極料理 #天水圍雖然餐廳個名有「泰」呢個字，但係佢賣嘅嘢五花八門，既有傳統泰國菜，又有好多唔同嘅煲，包括椰子雞煲羊腩煲牛腩煲魚煱等等，仲有串燒！今次試咗椰子雞煲同埋海鮮粉絲沙律，兩樣都好好食，大力推薦！椰子雞煲 $288$288唔使加一有原隻雞，啲份量真係夠三至四個人，大食嘅話仲可以加啲火鍋配料。椰子味好濃郁，雖然湯底係偏鹹，而唔係一般想像中甜甜地嘅椰汁咁，但係都非常好味，真係可以就咁飲晒啲湯。啲雞入晒味，仲要咁樣煲住好耐都仲幾嫩。海鮮粉絲沙律 $68呢個同樣非常好味！可以揀泰極酸辣沙律醬或者甜酸沙律醬，我今次揀咗酸辣沙律醬，果然非常惹味！酸得來好辣，好過癮。我本身以為係得少少海鮮同粉絲加好多菜，點知全部都係海鮮再加少少粉絲，基本上只係得一兩塊生菜墊底，未試過食沙律覺得咁抵食！有好多塊魷魚、蝦、螺片，完全冇諗過沙律都會咁足料。呢間餐廳嘅服務態度超級好，啲人勁有禮貌！唔使加一又好味，好抵食，真心推薦呢一間餐廳！味道:4.7/5性價比:4.4/5

好耐冇黎過天水圍，呢個位間韓國野轉左做泰國菜都係依家先知。今日難得嚟到天水圍，梗係要試一試啦！一共嗌咗兩樣嘢，口水雞飯同埋炸春卷魚餅撈蒙。春卷新鮮熱辣辣，卜卜脆幾好食；至於魚餅，我冇諗過原來佢咁辣，仲辣過隻口水雞呀！佢嘅撈蒙汁另上，比起坊間嗰啲更加酸。至於佢除餐附送嘅餐湯，好重味精味、好鹹。成個套餐都算份量多，都算飽肚。至於口水雞飯，就普普通通啦！雞嘅份量都算多，而且辣汁另上，所以唔食辣嘅朋友都可以叫口水雞飯。雞下面嗰啲係醋，有啲酒味，我都係第一次食口水雞係咁嘅味，不過如果鍾意食醋嘅朋友，可能就會鍾意食嘅。午餐兩個人埋單$100 ，冇加一，都算係咁啦。值得一提嘅係，佢哋嘅服務都唔錯！欣賞！

最近手機安裝左 Openrice app，於是趁機會分享天水圍泰極料理，當日係約埋同事一齊去食，大家成日去大型連鎖式食店，想去這種屋邨食店，近西鐵站方便返出去九龍，樓上又有停車場。以為泰極料理係純泰菜，原來餐牌上也其他選擇的，一伙人叫左牛雜鍋，雞軟骨，炸大腸，椰子雞鍋，雜錦串燒，鳳爪，蝦剌身，青菜，臭豆腐等，小食炸大腸臭豆腐好滋味，食店有生啤啤酒，送小食真係最佳拍檔。個老細睇落好 cool，傾左兩句之後，原來都幾 nice 的。

叫咗酸辣鳳爪，泰式拼盤，串燒， 豬頸肉飯係冇一樣好食嘅! 個酸辣鳳爪仲要係臭咗嘅， 同店員講佢只係換返一碟畀我哋但係我哋都唔敢再食！ 唔該寫食評話好好食，難得的小店既人畀啲良心啦! 個炸蝦餅係拿貨番來嚟自己炸都咁難食！ 的人都仲要話好好食! 唔該唔好害人喇！ 啲串燒更加恐怖乾爭爭而且個汁甜奶奶點樣食呀? 唔知啲人係咪冇食過串燒? 甘樣都話好好食?

今日入天水圍做嘢，剛剛11點有些許肚子餓，於是在天盛商場搵下嘢食，見到這間泰式餐廳。因為可能剛剛開門，冇咩客。但裝修的精緻已經彰顯老闆的品味。粗礦多彩，我很喜歡，屬於新派塗鴉，過濾左傳統塗鴉的搖滾和黑暗氣息，更增添一份隨性和溫暖。點了一份午餐套餐 泰式金邊粉。味道簡單細膩之餘，40幾蚊一個餐雖不及用料上成，但份量都係很足，足見老闆良心！雖少入天水圍。此餐廳下次任會幫襯。加多句，環境非常好！

呢間野係openrice唔係好出名，但去到晚市真係好旺，呢到地頭蛇先知既感覺。上次好肚餓，附近又無咩好野食，就排左呢間。等左差唔多十幾二十分鐘，我問老細可唔可以坐最門口個張無set到櫈既台，佢好親切咁話你唔介意就得啦（門口有熱風又近收銀）。我同佢講我真係好肚餓，佢記住左，到我地有位坐低之後，仲叫姐姐快d幫我地落單，後尾仲同我地講唔好意思要我地等咁耐，其實都唔係咩要抱歉既事，不過咁樣令客人感覺好受歡迎好受重視。anyways純粹想讚下老細感覺人很好haha入正題，我地叫左兩個主菜，一個香葉肉碎炒飯，一個泰式炒金邊粉， 三串串燒，同蠔蛋餅。蠔蛋餅好好食，咸甜剛好，外酥內軟。蛋味濃，好食。串燒就肉類好食，茄子咬到入面無入到味一般般。兩個主菜都幾好，正常發揮，量非常之多。我地食到超飽，埋單都係兩百頭，性價比非常高。會再黎試佢個烤魚火鍋！

店主用心。裝修好特別。有啲似美國加泰國風格。仲可以特別安排菜式。最特別係個咕嚕肉。像真都非常高。食落真係以為係豬肉。味度都非常唔錯。座位都好舒服。一班朋友吹水食飯好適合。仲做到零晨1點。