影片
相關文章
希慎廣場除咗較高樓層有食肆，原來地庫B1同B2都有，B2選擇較多，我哋雖然唔食得辣，但都揀咗食泰菜，聽聞好有鑊氣，去到真係見到店員不停炒，接著煙霧彌漫，真係鑊氣十足。 🥢雞肉鑊氣炒河 $88⭐️⭐️傳聞中嘅鑊氣炒河，不過我就覺得麻麻地，河粉較黏口，口感亦較糯，雞肉還OK。🥢大蝦炒金邊粉 $98⭐️⭐️⭐️⭐️金邊粉唔錯，粉爽身，蝦彈牙，配料蝦米乾同豆腐都好好味，唯獨花生就燶咗啲。龍眼茶 +$15 (套餐價)龍眼茶味道清淡唔甜，飲到有龍眼味，仲有幾粒無味嘅龍眼肉。 二人共消費 : HK$201
繼續閱讀
喺呢間餐廳試咗綠咖喱沾面同豬髀飯，真心失望。綠咖喱沾面睇落吸引，但湯底撈完麵後淡到完全食唔出咖喱味，無嗰種香辣風味，面條普通，配料少得可憐，食完好空虛。豬髀飯更離譜，份量少得可憐，豬髀得幾舊肉，肥膩無味，味道似街邊廉價碟頭飯，毫無驚喜。兩道菜貴到唔合理，性價比低到爆，絕對唔值！店員態度超差，點單黑面，問嘢又唔耐煩，服務差到令人火滾。整體嚟講，食物質素麻麻，份量少，價格貴，服務又差，試一次夠，下次唔會再嚟，建議大家三思！
繼續閱讀
在希慎商場地庫的food court 內，有這間香噴噴的泰式餐廳真的香噴噴，未去到已經聞到好香的泰國粉麵味因為這裏是food court 的關係，所以建議先搵到位才去叫食物，否則食物好短時間內完成，而還沒有位置可以坐低享用，這樣變麻煩這間泰式餐廳，色香味俱全，由泰國人主理今晚我和朋友試了傳統的泰國船麵，船麵看照片亦都感覺到非常地道的做法，味道都好出色，另外泰式乾炒河粉，河粉我估是泰國入口的，因為非常薄，而且不容易斷，從照片可以看到味道與泰國的好相近，非常好吃，另外叫了炸雞翼，炸完之後脹卜卜，好好味
繼續閱讀
好耐無食過Pad Thai路過見到有，即刻叫黎試下～其實我有選擇困難症🤣係船麵定金邊粉之間猶豫左一陣最後都係決定Pad Thai啦因為係屋企用網上外賣平台叫過好貴（附近得一間泰國餐廳無得揀）第一次食Asuri的金邊粉覺得幾好味😋大豆芽肥嘟嘟爽口、d麵都夠熱擠左青檸汁🍋🟩（覺得係靈魂）真係好開胃～美中不足係兩隻蝦唔夠彈牙🍤🍤（我自己煮過大蝦，好彈牙好好食架…對比之下佢個兩隻有點失色）同埋d花生粒每粒都有半邊膿左🥜Overall整體係ok不錯的如果路過又想食Pad Thai會考慮encore
繼續閱讀
food court 裏面嘅餐廳新裝修環境都舒適嘅無限時無人催執枱長期都好多人雖然價錢偏高點左和牛船麵湯底好濃郁和牛都有五六片份量唔係太多剛剛好啦飲品要另外加錢龍眼冰好好飲
繼續閱讀