泰洋星海南雞飯

營業中

休息中

老實講餐廳環境普普通通，不過啲員工好nice，有時仲會同你講笑添！價位比起同區泰菜館為低加埋佢嘅食物質素，絕對係一個唔錯嘅飲食體驗，平時晚餐時間都要等幾耐吓，所以想試嘅朋友最好6點幾或者再旱啲去等，唔係等到飽左都未有得食XD🐷酸辣無骨鳳爪 $58鳳爪份量好多，都算幾抵食架！酸辣汁嘅調味啱啱好，唔會太酸太辣，有泰國風味之餘亦配合番香港人嘅口味🐷串燒半打 (豬牛雞各2串) $73呢間係少有即叫即燒嘅炭燒串燒，沙嗲汁好惹味，一試難忘，串燒肉質都好嫩滑，完全唔會燒過龍，73蚊半打有呢個質數真心抵到爛🐷古法鹽燒烏頭 $118講真呢個睇彩數，我有食過滑嘅亦都有試過好鞋，而維持不變嘅就係佢嘅鹹香味，再加埋佢配嘅酸辣醬，將魚肉嘅味道提升到另一個層次🐷馬拉盞炒椰菜苗 $58去食泰國野叫炒菜我通常都會簡通菜，貪佢夠索味丫嘛！但係呢去到呢間餐廳就一定要試佢嘅炒椰菜苗，一來夠爽，二來索汁能力唔會差過通菜，加馬拉盞炒更加香同有風味，必試!!!🐷泰式雞肉乾炒河 $55 有鑊氣，雞肉嫩，個人覺得好食過濕炒河

🍴泰洋星🍴💛海南雞飯💰$50泰洋星既海南雞飯係佢既招牌菜✨雞肉算滑但勝在雞皮爽口唔肥膩🐥呢個真係超加分👍🏻可惜飯就少林🙈但雞油味好出(≧▽≦)推薦程度：🔆🔆🔆🔆（5個🔆為滿分；🔅係半分）💛冬陰功湯·蝦（河粉）💰$78小妹好鍾意飲冬陰功湯👅呢到個冬陰功湯河好足料😋蝦同香料既份量都好足👍🏻 好有泰國風味但又唔算太辣🥳值得一試🥰推薦程度：🔆🔆🔆🔆（5個🔆為滿分；🔅係半分）💛泰式奶茶💰 跟餐配特飲+$10 (原價$22)好甜好多冰的泰奶🤤正常發揮(｡･ω･｡)但怕甜既各位就可能要少甜/嗌其他了😬推薦程度：🔆🔆🔆🔅（5個🔆為滿分；🔅係半分）🌟值得一提既係佢既飯底麵底都超級大份😳差唔多有平時食開既double🤩連平日食⚠️好多人係openrice話衛生情況麻麻🤥但小妹去食既2次都冇乜問題～

最初打算支持小店，本身都無乜要求誰知幾名男店員均屬年輕但態度極度極差劣 ，基本溝通能力都有問題，全部九唔搭八，問非所答應該都有好多食客都有同一遭遇總結：野食一般，地方淺窄態度極品本人下不為例 絕不再光顧

炒飯炒得唔錯,但比較多油,調味適中,可惜鮮蝦無味唔係鮮蝦,海南雞唔錯,但唔夠滑,相比同區海南雞店,排中間啦！豬脾飯唔錯,外賣有折幾抵食.串燒未試,因為係路邊感覺唔衛生.有機會再試過.

食物不太衛生，店員冇衛生意識，亦無禮貌，態度惡劣。今時今日疫情嚴重，上菜店員口罩沒戴好，不能接受。味道一般衛生環境欠佳，進食的環境十分不衛生店員的服務態度和表現都是非一般差劣

經過見到想叫外賣，跟住就上前去叫，首先我係非常之有禮貌，點知有位 年輕的男仔態度極差好串同我講，冇嘢比你食。。😅我當時真係呆一呆 然後默默地走咗。我覺得就算未到你哋營業時間 都可以禮貌地對答咁樣做生意真係完全趕客，絕對不會再幫襯☺️

抗疫期間 全店88折8.30 左右到等左5張台到 15分鐘左右有位門口外賣絡繹不絕好多都係買串燒 ，海南雞飯，炒飯 keep住個門口都係人來人往入到去坐低 其實都闊落左 以前係坐得仲迫叫左野飲同串燒先野飲係個餐牌有一列乜乜冰 例如菠蘿冰 青檸冰等朋友們都以為係沙冰 黎到原來係菠蘿冰加水，青檸冰加水😓呢到可以留意返串燒一如既往咁 都係好味的陣陣炭燒味 唔怪得出面外賣都去得好快一上台就清哂之後黎既有d唔記得影相泰式炒金邊河- 蕃茄醬味重 偏酸甜 正常野青木瓜沙律- 好辣爽口不過我係鐘意呢隻辣度 唔食得辣記得叫小辣 拼盤- 不過不失 蝦餅最好食又彈牙間唔中幫襯下 平時會食海南雞飯串燒好味價錢又公道

食完b仔記涼粉 ，經過前面有間泰國菜館 ， 畀佢嘅燒烏頭深深吸引住。於是一行我們七人，決定去元朗市中心同街市逛一輪，先再回去吃這個泰國菜。 我們吃了燒魷魚， 燒烏頭 ，海南雞 ，還有海鮮炒飯 柚子沙律，泰式雞腳，最後還來一個芒果糯米飯，真係食到舐舐脷 。那個燒烏頭 ，先鋪上一浸鹽上去， 然後慢慢燒。 香得呢魚肉很好滑又有魚味，再來每人一罐可樂 ，簡直絕配，芒果糯米飯芒果又香又甜，糯米飯有口感，這餐非常享受呀 ，大大滿足我們的食慾。

去過幾次，頭一次係堂食，之後係外賣， 食物味道每況愈下 ，衛生及態度更令人側目 ，尤其是收銀那個所為的太子女， 態度超惡劣， 叫外賣時點餐不耐煩 ， 還給面色看， 疫情期間帶著口罩， 還能看出她的眼神非常不屑 及不友善， 試問身為一個客人去幫襯 ，還要看她面色， 感受實在太差 ，做服務性行業，自己生意就不能有善點嗎？ 這真是人格問題，更過分的事有一次我在等外賣時看見 ，她在包一盒外賣，是 一盒雞飯 ，竟然將一件掉到櫈上的雞件， 沒有帶手套， 剛摸完銀紙 ，隨手就執起放回外賣盒中， 可想然之銀紙那麼多人接觸過是何等污糟， 在這疫情 嚴峻期間種植不能容忍， 簡直視顧客健康於不顧， 態度面色差都不是主要 ，重要的是衛生那麼差 ，身為一個太子女， 如此不負責任的行為 實在太過份 ！

晚上同男朋友唔知食咩，之後朋友介意我地去食呢間餐廳。雖然好多人食，但都唔洗點等位，因為餐廳有兩層。叫左三樣野食，金邊粉好食👍🏻不過條烏頭比想像中無咁入味，但佢d湯好味。但個拼盤等左好耐都未黎🤭原來留左單。不過個姐姐好有禮貌同好搞笑。埋單仲有88折👍🏻抗疫時期優惠👍🏻良心餐廳值得一讚❤️

路過聞到好香，即刻拮返兩串先！！🔹串燒 豬頸肉$15 雞腎$13沙嗲汁出色，勁重麻香味，豬頸肉肥美又香口，雞腎燒完仲有汁，唔乾唔韌。/泰星海南雞飯元朗教育路47號地舖

大坑渠隔離嘅小店，開左好多年，我都幫襯左好多年。環境一般般，大排檔咁嘅環境，又迫，但價錢反映返呢個事實，好抵食，而且味道中上，所以值得一食再食。佢地淨係烏頭都好多種玩法，有明爐煮，有鹽焗，兩種都食過，兩種都好食！冬陰公湯好惹味，飲到尾會覺得辣，飲完成個人興恰恰。泰式炒金邊粉味道平衡得好好，而且非常大碟，三個人都食唔晒。燒雞味道中上，都幾多肉汁，而且真係好平，$58成隻雞！炒咖哩配蒜蓉包先係最精彩，蒜蓉包要趁熱食，凍左味道差好遠。食過咁多次唯一一樣覺得唔好食嘅係芒果糯米飯，又貴又少芒果，飯就太大舊。基本上呢間鋪頭仔大部分野都好好食，而且真係好實惠，一人$100就可以食到好飽，推薦大家！

前幾日入咗元朗搵朋友，突然好想食泰國菜，所以便由朋友介紹去了這間泰星海南雞飯餐廳。幸好不用等位，我們入座之後便有很多人在外面排隊，我們點了一條冬陰公烤烏頭，馬拉盞炒菜，生蝦，還有生菜包。每樣菜式味道鮮明，辣度適中。可以說是每個菜式都值五星。個人特別喜歡那個冬陰公烤烏頭魚，份量特別大，而且有冬陰公湯另上，送飯一流，而且還有一些菇類拌碟，10分抵食。三個人買單大概$400。算是平靚正！環境乾淨企理，上菜速度很快。

今晚公司同事聚餐，係元朗行行下見到呢間泰國野，返元朗咁耐都無試過，就走左去試下，估唔到價錢超平，野食質素都幾好。串燒熱騰騰，即叫即燒，夠晒入味。馬拉盞炒通菜，有鑊氣。青咖喱雞，配個蒜蓉包就一流。海鮮菠蘿炒飯，不過不失。泰式拼盤就麻麻地....不過咁嘅價錢質素都算唔錯。

呢次食既係元朗區相對價格較便宜既泰國菜餐廳，提供嘅食物款式包括飯類、生菜包、串燒等等。用餐方式：只供堂食 或 外賣自取。輪候時間：平時約5-15分鐘；留意！晚市時段會比較繁忙，需要排隊，輪候時間可能會比較長，約20-30分鐘。呢次我叫左海南雞髀飯（$55)作為晚餐，普通海南雞飯就50蚊，加5蚊有雞髀，抵👍食物方面：海南雞髀飯：份量算大份，味道唔錯，幾好食！值得一試。會奉送一碗湯。湯嘅味道都幾好仲有一舊白蘿蔔係入邊。推薦程度：👍👍價錢：喺區內算係比較平，人均消費：50蚊左右。總括而言，值得一試。