泰洋星海南雞飯

營業中

休息中

呢間泰菜舖仔細細，分左地下同閣樓兩層晚上7點到，唔洗等位，座在樓下，夏天時間冷氣唔太足點菜：兩頁菜單 基本泰菜都有，又開始選擇困難症首選： 泰式鳳爪 - 泰菜必食辣度、味道剛好 朋友唔太食生洋蔥都讚，仲食唔停口另一個泰菜必食：泰式炒金邊粉要讚師傅炒得好，金邊粉入口不油膩，份量多D會更好菜單上有冬蔭功同海鮮冬蔭功，價錢差$10不到，最後要左冬蔭功店家用自私邊爐那種煲上，份量看似少，但都3碗有多講返味道，非常正宗冬蔭功味 好飲但內裡那幾隻蝦一般般，心諗好彩無叫海鮮冬蔭功串燒分辣汁同沙嗲，貪心既我們做左明智的選擇，選辣汁再要求沙嗲汁另上，多謝店家的大方泰式拼盤：係唯一無洗晒的菜魚餅、扎肉.....其餘都可，下次可能唔拼盤，單點炸蝦餅算朋友食食下話想回味呢到辣魚蛋，就叫左兩串，我平時食開川菜都覺得太辣，朋友都話唔知點解果日魚蛋比平時辣好多....總結，讚多過伏，會再來！

呢間海南雞飯門口有檔車仔賣串燒、魚蛋等小食，我次次行過都忍唔住，呀姐好有禮貌，有時我仲食埋串燒。講番魚蛋先，好少見啦，串到8粒嘅魚蛋，一蚊粒，正常價錢，用嘅係普通港式細粒魚蛋，睇彩數啦，有時食落都幾煙韌，有時食落又會太腍，視乎佢啲魚蛋當日賣唔賣得夠快囉。但我個人就最鐘意佢地嘅辣汁，唔係醬，係汁喔。好鬼惹味，又夠辣，成日辣到我食到一半都要走過隔雜再隔離便利店買野飲。至於串燒方面，我就唔係成日食，佢都係基本上燒熟哂，你order左佢先幫你輕輕再燒番熱，不過啲咖喱汁都幾香辣架。

呢間食肆有擺賣串燒，之前經過覺得好香，行近先知旁邊有門可以入去食。有樓上（條樓梯好斜，真係要小心啲行）。當天都有八成滿座。最鍾意佢個冬陰功，地唔地道我就唔清楚，但我個人喜歡椰汁較少，而且不會過酸，好飲！至少飲完也不會口渴！海南雞飯佢只有一個泰式辣汁，同出面唔同，不過都夠。好就好在個湯可以轉飲品，唔洗加錢（我地叫椰汁冰）。同埋我地轉左油飯做白飯。椰菜苗就老了，太韌，可能係一批批撞手神啦～味道沒問題～沙律好好食，粉絲是暖的。有好多芹菜！會再來～

同朋友一心去附近食店，但6pm已有好多人等為有放棄。佢哋見我話哩間串燒好食，大家決定不如試試去哩度食晚飯。入去時6:30pm仲有位唔駛等生蝦新鮮脆口，酸汁九層塔香草味濃生菜包如果再辣D就更野味$60個冬陰功湯，有4隻蝦(大約係中蝦size)，4個人飲唔駛頭痛分唔勻，蝦新鮮度都足夠，又鮮甜又脆。蝦膠皮蛋，蝦膠夠彈牙，皮蛋有少少糖心，配埋泰式甜酸辣醬更開胃。炒金邊較為偏甜，金邊粉彈牙爽口，配料多返DD就更正泰式芒果糯米飯，芒果太酸而糯米飯煙韌有嚼口。有糯米飯、黑糯米、綠色糯米加了班蘭。奇怪嘅係佢出面見到係4隻色，但我嗰碟得3隻色。用餐時出面不停有人等位，到走嗰陣店前都係等位嘅人，真係好彩及早揀定衝入去，如果唔係又唔知要等幾耐。

本身想去隔黎B仔食小食, 點知比呢間泰國野吸引左入去好彩閒日食飯時間黎講, 唔洗等位, 比佢門口D串燒同海南雞吸引左!兩個人, 叫左4樣野~4串串燒, $12蚊一串, 叫左雞牛豬, 樣樣都好好食, 掃街小食價錢佢個沙嗲汁好唔錯。第二係值得一讚既係冬陰公湯，好足料wor！兩個人每人都飲到幾碗，眼見佢有好多茹，有兩三隻大蝦，味道岩岩好，唔算好辣，亦唔算太濃，$6x蚊。另外我地叫左個海南雞飯，我朋友中意食軟既飯，呢個海南雞係酒飯但係就好林，岩晒ｄ中意食軟林林飯既朋友，而海南雞都唔洗講啦，我地叫左雞脾，好好味，ｄ肉都幾嫩。龍眼冰係送既, 好甜最後要介紹係生蝦，都新鮮，但就貴左少少＄８８個汁好辣下，下次可以叫其他野，因為呢個貴左少少。

元朗區價位唔錯的好味泰菜唔算貴，食物ok,我的至愛，馬來盞炒通菜，通菜很嫩，馬來盞個味ok唔太鹹，雖然唔夠以前食過既馬拉餐館炒得香，但味道也不賴。炒飯一般，略濕，算可以。個人比較喜歡乾身粒粒分明既炒飯。串燒還好，牛好食過豬。配沙嗲醬正生菜包ok, 很多生菜，很嫩，肉碎唔算太辣我接受到，無小曼谷既生菜包咁辣整體ok, 對得住價位。

行過教育路，見到有間泰國野門口都幾多人，於是就入去試下啦，見到佢話佢個王牌係海南雞飯，又唔係貴，咁就試下啦，再加多個龍眼冰。到左啦，我就叫個雞脾飯，第一時間就夾舊雞食下啦，嘩，好滑呀！舊雞好滑又有雞味，再點少少醬就更加突出雞味，而ｄ飯就好香油味，好香口，但係我覺得就硬左ｄ！再飲埋杯龍眼冰就剛剛好，六十零蚊就真係幾抵食。

香港人食泰國嘢已經係生活嘅一部份。間中突然就會想食泰國野，突然經過一間泰國鋪門口見到有芒果糯米飯，都忍唔住買黎食。但唔知道係擺咗幾耐啦，拎到返屋企其實有少少失望，因為拎到返屋企已經唔再熱了。未必關間餐廳事嘅，因為我返屋企都講緊大半個鐘，除左唔熱，啲飯仲有少少乾咗。所以我諗都係下次即買即食嘅好，唔係即食就唔再買了。芒果唔係屬非常之熟嘅芒果，但係仍然都好甜。有一個黑糯米飯波波＋3個普通平時食嘅白色糯米飯波波。感覺都幾唔同，味道上我鍾意白色既多d, 甜度剛剛好，有甜品嘅感覺，但又唔會覺得太甜

間中都想食下碟頭飯或者這飯盒，今日選咗呢間泰國餐廳食呢個泰式滷水豬手飯，價錢係＄48，不包飲品或湯。先講講環境，環境係一間類似小食店既鋪頭隔離，一個細單位間開兩層，樓上一個閣樓，閣樓係會頂頭既高度。因呢個高度同簡陋既陳設令我對碟飯既期待更高！ 因為呢d地方應該有好野食掛...碟頭飯中飯嘅份量大約一碗，份量都唔錯嘅豬手，無論豬手同埋豬皮都做得好入味，而且仲有一隻滷水蛋，滷水蛋味道都足夠，豬手的豬皮非常之有口感，232泰國餐廳＄48一碟炒飯來講我覺得尚算合理

今日同朋友喺元朗食飯，選擇咗呢間係教育路近B仔涼粉嘅一間泰式菜館。門口有好多人等位，入邊其實都只係兩層嘅座位，位唔多，等左5分鐘左右。安排左上上層，對於有孕婦或者老人家嘅話為安全著想，唔太建議去呢一間餐廳，因為上樓梯係一條好窄又好斜嘅樓梯，如果稍有不慎就不太好，所以老人家同孕婦或者係小朋友都唔建議去呢一間餐廳又或者要求等下層度食飯。我哋叫咗一個馬拉盞炒通菜，一個木瓜沙律同埋鹽燒烏頭。呢間餐廳煮嘅食物都唔錯，馬拉盞比平時食嘅泰國餐廳落嘅馬拉盞數量比較多，所以好入味。而油份來講都相信係可以接受嘅。木瓜沙律比較咸，如果送飯嘅話比較好，如果係就咁食嘅話，我就覺得比較重味左小小。必須要讚一讚係條魚，好滋味。魚皮嘅表面可以見得到條魚係真係燒出黎，魚肉並沒有燒乾，而且入面有好多香料香草，我俾佢嘅香料深深吸引左！ 除咗食晒所有嘅魚肉外，佢入邊嘅香草香料我都忍唔住夾左嚟食，因為實在太好味啦！

食泰國野 好多人一諗到去有小泰國之稱嘅 - 九龍城 但唔喺個個都住個邊/方便去到 好似我呢啲新世界西人士 出去九龍城 閒閒地都一頭半個鐘 泰國野癮起時真喺點衝到去即刻食喎😭-泰式無骨鳳爪 酸味先出 非常開胃 但辣嘅後勁非常凌厲 而且唔只面味有味 喺連入面都充滿辣汁 試諗下一咬落辣汁爆出 又唔洗lur骨 諗下都覺得好爽 而且洋蔥食落又好入味 但好清新❤-肉碎生菜包肉碎炒得非常有鑊氣 酸辣味又足 加埋生菜是無得彈 食完即刻覺得今餐好健康👅-泰式沙嗲食泰國野唔食沙嗲 等於去日本唔食壽司一樣 無咗個靈魂 豬同雞都幾好食幾juicy 可惜個牛燒得太過火 好韌 但個沙嗲汁有扳回一城 花生味重 而且會食到花生粒粒 不過我食唔辣的-冬陰公 香料味重 酸味重 辣味輕 重口味者一定啱而且海鮮份量非常多 一煲夠7個人 每人有一碗到👍🏼-芒果糯米飯可能我喺鄉下妹 第一次見有4色糯米飯 藍色喺藍蝶花 綠色喺班蘭 但其實藍色無咩特別 綠色就班蘭味重啲 我都喺鍾意黑糯米多啲 芒果亦都非常甜👅－ 7個人嗌咗8樣野食 再加每人一杯野飲 同4個芒果糯米飯 每人捧住個肚走都只喺$116 仲唔喺平靚正之選😂

宵野買左D串燒反去左，串燒醬汁好緊野，我叫既系唔辣，醬汁好多花生醬，好多花生粒粒，偏甜的。雞翼：燒到好乾好老好嚡口，食落夠入味，咸味適中。雞全翼：成隻無咩用食，雞腿位仲要燒唔熟，翼位熟但燒到老身。雞腎：佢醃過的，但其實都系無咩名，咬落爽口。司華力腸最好味，燒得剛好

約了朋友放工後飯聚，朋友在元朗上班要OT，一於到元朗接她收工再去晚飯。近年元朗食肆越開越多，就算每天試1間，恐怕花2年也未能試完。今天想吃泰菜，朋友便帶我去一間小店，聽說海南雞飯做得十分出色。店舖不大，有上下2層。我們坐下層，點了海南雞飯，古法鹽燒烏頭 及 後上芒果糯米飯 。海南雞飯先到，雞肉色澤金黃，肥瘦均稱。一碗有6件雞，伴泰式辣醬 及 青瓜 賣相吸引。雞肉嫩滑沒有雪味，吃到雞的鮮味。飯粒雖然是黃色，但不是平常吃到的油飯，比較健康。烏頭大條入味，肉質不算嫩滑，燒得有點過乾。沾隨魚附上的泰式辣醬同吃味道OK。糯米飯有紅、白、綠、藍色。紅和白是我們平時吃到的紅米和白糯米，那綠 及 藍色是什麼?  細問之下原來是班蘭 及 蝶豆花，色素天然，我們都放心食用。芒果未到最甜，但口感跟本時吃到的有點不同。有點似Jelly般的Q彈感，是泰國芒果的特色嗎?糯米飯只屬一般，但店主特意替糯米飯染上不同天然色素的確有心思。吃完晚飯再轉場吃糖水繼續girls talk~

上次來這裡食已是差不多半年前的事, 今次再來, 是因為本店的馳名去骨海南雞真的令人讚不絕口, 所以帶母親多嚐一次。不過今次--大失所望, 相信是因為轉了人手, 無論是服務, 或是食物質素都大不如前, 是次小弟點了例牌雞, 咖哩軟殼蟹, 馬拉炒椰菜苗, 兩碗油飯。雞: 稱得上是ok, 不過收50文先得7件(計埋翼尖)蟹: 侍應落錯單, 等左半粒鐘, 不過D汁好怪, 蟹又炸得唔脆, 且唔新鮮, 有霉味。菜: D菜好韌, 咬唔開, 且原條上, 未有切開一塊塊飯: , 依舊不變真心唔建議大家去試, 比以前差左好多

今晚趁住周末放假，特登搭西鐵到朗屏站，專程去到朋友介紹的泰國店鋪用饍。這店環境略嫌擠迫，我們被安排到樓上的座位，需要爬一道狹窄的樓梯上去。安頓好後當然要點這裡的招牌菜海南雞飯，我選擇海南雞脾，貪其夠嫩滑鮮味，果然不負眾望，雞味濃郁，肉嫩皮薄，再配合雞醬帶少許辣味，油飯又甘香可口，別有一番風味，與新加坡的三色醬截然不同。再叫了兩隻鹽燒老虎蝦，外層燒烤味頗惹味，但內裡肉質有少許“削”，下次可以不點。至於那碟馬拉盞炒椰菜苗，鑊氣十足，香氣撲鼻，椰菜苗帶點爽脆，不一會兒已給我們掃光。再呷一啖龍眼冰和菠蘿冰，清新冰涼，令人舒服，以便迎接壓軸菜泰式拼盤。點泰式拼盤的原因主要是看中了蝦膠炸皮蛋，還可以連帶試下其他小吃。這個蝦膠炸皮蛋實在值得一試，外層蝦膠富有彈性口感，皮蛋心雖經過油炸，竟然仍有“流心”的效果，怪不得許多人都點這道菜，不過單點就太多，點拼盤較為妥當，可以試試魚餅、春卷等，份量剛好。今晚已大快朵頤，下次必定要試活蝦刺身和咖哩菜式。