影片
以上資料只供參考, 請與餐廳確認詳情
去順利邨探訪朋友，夜晚順便在屋邨商場的餐廳食晚飯，見到有一間餐廳叫「泰然」是食泰國菜的於是入去試一試，雖然餐廳是在屋邨商場但是地方好大，裝修簡約全部卡位坐得十分之舒服，同大商場裏面啲餐廳比較一啲都唔輸蝕，餐牌有好多食物選擇有散叫有套餐，而且六點後飲品半價，價錢一啲都唔貴十分之街坊價，食物質素好好，扺食！👍💯套餐十分之抵食選擇亦多，所以我同朋友叫了一個二人餐，再加一個甜品拼盤。😍😋👍💯二人餐$2681：焗黃咖哩麵包🍞軟殼蟹🦀黃咖哩汁一啲都唔辣帶少少甜，好香椰汁味，軟殼蟹🦀有一大隻😍，外面炸得很香脆食落好好味😋，白方包🍞有寸半厚，切開沾滿黃咖哩汁一齊食好正🤤，食完個麵包很有滿足感。🥰😋2：招牌去骨豬手煲豬手煲用明爐上枱，食嘅時候熱辣辣，豬手份量大有一隻豬手咁多，豬手鹵得很入味，豬手肉食落一啲都唔嚡好軟淋，豬皮充滿骨膠原🥰，食落滑捋捋，加埋佢個特製醬汁帶小辣好正。😋👍💯3：泰式小食拼盤拼盤有蝦餅、春卷、香葉雞、魚餅春卷是齋春卷，表皮炸得金黃香脆，沾上酸甜汁一齊食好味。😋蝦餅、香葉雞、魚餅都是正常泰式口味。👍4：甜品拼盤 (小)$42拼盤有椰汁西米糕x2,泰式千層糕x2,泰式奶茶凍x2 椰汁西米糕椰汁味好香，千層糕食落煙煙韌韌，奶茶凍唔係太甜，食落好滑。😋👍💯5：飲品追加咸檸檬🍋梳打$13泰式手打檸檬茶🍋🥤$14咸檸檬🍋梳打用咗泰式獅城梳打水，好夠氣。泰式手打檸檬茶🍋🥤茶味不是太濃太甜，但有很多檸檬肉🍋，很適合我的口味。估唔到屋邨都有有水準的泰國餐廳，值得推薦。👍💯
繼續閱讀
順利邨自給自足，大大個順利商場亦不乏小店好嘢食，泰然就係平靚正之選，勁多街坊同學生幫襯。餐廳亦提供全港免運費費泰式到會，10-12人餐$1680。午市套餐$5x起，豐儉由人可以加湯、小食、轉配特飲，而主菜款式都非常多元化招牌泰式蟹肉炒飯 $62 份量好大，炒得粒粒分明仲好香蒜味，面頭嘅蟹肉軟滑鮮甜。$6加配迷你冬瓜湯清清地好開胃，冬瓜煲到好腍，如果可以少鹽就更正。$10加配燒雞全翼一隻勁抵，香茅味好重，仲有少少椰糖甜甜地，啖啖肉脆皮好好食二人共享小食總共有六款，揀咗$28魚餅拼蝦餅，都係店家signature嘅小食，魚餅香辣野味，蝦膠彈牙。另外當然唔少得泰國菜必點椰青，套餐轉配只需加$20。泰式素菜春卷（6件） $68 望落色水唔太靚好似白賴晒，但食落同普通卷一樣脆卜卜仲冇咁油膩，雖然係素菜，但調味得宜食落唔寡仲好鮮甜泰式奶茶凍（2件）$18 一人一杯甜甜地圓滿結束豐富嘅午餐，太奶精髓在於煉奶，呢個奶凍好淡滑，仲好香煉奶味，茶香都濃郁唔會一味死甜
繼續閱讀
今晚買咗外賣，試咗幾款菜式，真係令人滿意！首先講到串燒，質素真係好高，肉質鮮嫩多汁，烤得夠乾身，啱晒我嘅口味，唔會油膩，食落好有滿足感。蟹肉炒飯都係一大亮點，飯粒分明，帶有濃郁嘅蟹肉香，炒得夠乾爽，每啖都好滋味，份量亦都好足，食完真係好飽足。鳳爪都做得好出色，入味得來唔會過鹹，調味啱啱好，食落爽口又惹味，係一個好驚喜嘅小菜。最開心係佢哋嘅食物包裝真係做得好用心，送到嚟完全冇漏，連飲品都有獨立膠袋裝住，拎出嚟嗰陣唔小心反轉咗一個都完全冇事，呢啲細節真係加分不少！整體嚟講，食物質素高，味道啱口，包裝又貼心，無論係口感定係服務都令人滿意，絕對係一個值得encore嘅外賣選擇。下次有機會一定會再試其他菜式，期待仲有咩驚喜！
繼續閱讀
有超過一年冇去泰然食下午茶，今日難得返嚟上堂，專登去試吓。年紀之前明明有好多迷你粉面嘅選擇，迷你生牛河，或者係泰式船河，仲要配個小食加杯嘢飲，一樣係$42。嗰陣食得好開心，成日都想過嚟食。今日再去 原來下午茶個Menu轉晒，啲湯河唔見晒，又冇連小食。選擇得返四樣嘢，最平嗰樣雞肉鬆奶多士賣晒，講真好奇怪又咸又甜，就算有都唔想試。食得下午茶就係想食少少、咩都有啲，點知佢整一碟正餐咁巨型嘅炒飯炒粉，一大大碟都食唔晒，一啲都唔精緻，狂食碳水 化合物，唔開心。
繼續閱讀
最近想食泰國嘢 朋友介紹「泰然」 有驚喜😍出品一啲都唔輸出面大商場✨推薦Combo set性價比相當高 我哋揀咗二人餐A×1+B×2▫️招牌蟹肉炒飯蟹肉新鮮，粒粒分明，口感乾身，每一口都能感受到海鮮嘅鮮美▫️焗黃咖喱麵包軟殼蟹份量十足，軟殼蟹外皮脆口，搭配厚實嘅多士，令人垂涎。切開多士後，濃厚嘅咖喱汁流出，與多士嘅搭配恰到好處，外脆內軟，一啖接住一啖食停唔到口▫️招牌去骨豬手煲無骨的設計讓這道菜更加方便食用，肉質鮮嫩，完全唔會覺得油膩，而且肉和皮係分離嘅，展現了廚師嘅精湛技藝▫️甜品我們點咗份小份嘅甜品拼盤$48有西米糕、千層糕及奶茶凍各2件西米糕椰汁濃郁 西米清淡 好清新千層糕帶有椰汁和斑蘭嘅香氣，口感韌性奶茶凍保留了奶茶和香醇，令人回味🍹飲品6pm後有半價✨嗌咗鹹檸檬梳打及龍眼冰鹹檸檬梳打酸鹹味十分清涼，龍眼冰嘅龍眼粒大且香甜，兩杯都好冰涼解渴☺️總體嚟講，「泰然」食物質素高，份量十足，適合多人share 。絕對值得大力推薦🎉
繼續閱讀
您可能會有興趣的...