泰爸爸

營業中

休息中

今日特登去奧運站見下放緊產假既朋友,傾左陣計大家都肚餓,當然唔好餓親肚內既 BB,朋友咁啱想食泰國菜就帶左我去3期果邊間泰菜試下.泰爸爸乾炒牛河一份lunch set既份量夠晒我地2個人食,當中配料又多,新鮮炒起味道香噴噴.用上較粗增加爽脆口感身既河粉入口更入味,再加上蛋漿入口蛋香味令河粉更香.炒河粉完全唔油膩,丁十分乾爽又帶點獲氣,夠晒散惹味.當中配菜用上椰菜增加左份爽脆口感,食落口感無咁單調.冬陰公海鮮湯粉味道酸酸辦辣辣帶住一陣陣香茅同檸檬葉香味,好適合係咁悶熱又無咩胃口既天氣食.內裏海鮮夠晒滿足,足2個大青口,蝦,魷魚,入口新鮮彈牙肉質唔會霉.湯粉有幾款選擇,金邊粉米味幾香吸晒冬蔭公湯既味.招牌炸蝦餅見到熟悉既既半月拱形,外層炸得金黃色內裏帶粉橙既蝦膠,入口炸得香脆內裏十分彈牙,富蝦味又唔會粉多過蝦肉.泰式鴛鴦串燒燒得好香,肉燒得夠熟透又容易同竹籤分離.沙嗲漿既花生味夠濃,入口質感濃稠配上帶焦香既串燒肉,好滿足.

最近疫情有需要先外出午餐，我哋見到餐廳有板間開先敢去，之前店員話四人枱會搭枱，我哋當然唔願意啦，呢個時候好可怕，之後安排咗坐最入嘅位，店員話唔會答枱我哋先坐低！餐廳午餐都有很多選擇，我就選擇了泰式豬頸肉飯，味道方面都可以啦！又唔算太大驚喜，如果點豬頸肉的汁多些更好，朋友話餐廳有一樣野似泰國⋯就係店舖好熱😜我見隔離枱都有人話好熱😉不過店員都好有禮貌話唔好意思因為中央冷氣冇辦法😉

係泰爸爸叫左少少美食,一人獨食。勁耐冇食過薄餅,間間做法唔同,口感味道都唔同,呢間做得特薄,一開4,脆脆的。因冇人同我SHARE,叫左個小食拼盤,好D花款,有炸蝦餅,炸魚餅,春卷同雞肉串,雞肉既肉好厚身,點SATAY SAUCE食好香。春卷同中式有D分別,炸過但唔油膩,炸蝦餅裡面有好多蝦肉,好有咬口。炸魚餅都係。飲品叫左超抵既椰青。因為叫左好多炸物,飲完椰青唔夠,要加多個可樂。呢排冇得去旅行,真係好需要食物慰藉心靈呀!

今日嚟到大角咀覓食😇試下呢間泰國菜先🤩🔖鮮蝦炒金邊粉💰88金邊粉夠大碟🤩有時炒金邊粉處理得唔好會變咗一pat嘢咁，但係呢度嘅金邊粉夠乾身，完全無呢個問題😋味道酸酸甜甜，仲有爽口嘅大蝦，香口嘅花生碎同青檸汁~好味😚🔖泰式青咖喱雞💰88青咖喱充滿椰香味🥥甜甜辣辣~而且仲配咗大量雜菜添🥦🥕🔖泰式薄餅💰38/2件食咖喱又點少得薄餅/蒜蓉包😛薄餅夠酥脆，又唔油😆配埋咖喱食真係好正☺️🔖泰式炸素菜春卷💰42/4件新鮮炸起嘅春卷熱辣辣，口感香脆😋裏面有椰菜絲、蘿蔔絲、芋頭絲同粉絲，感覺一啲都唔會油膩👍🏼配埋酸辣嘅泰式醬汁，唔錯😙💫推薦指數: 8/10🔖原個鮮椰青💰33椰青味道清甜，有厚厚嘅椰子肉😆食完味道偏濃嘅泰國菜再飲翻一啖椰青水，舒服哂☺️💫推薦指數: 9/10

平時甚少到奧海城食飯，6月個陣見佢泊車優惠咁抵，天氣又開始熱，就決定試下去奧海城搵食。嗌咗兩個餸，加一碗冬陰功湯河粉，一共都係$300 ，價錢都算係化算。睇吓佢個餐牌，價錢同出邊嘅泰國餐廳相比都差唔多，其實佢嘅食物種類都幾多，不過頁數都唔少，所以我只係影咗一啲我有嗌嘅頁數出嚟俾大家睇吓。泰式鹽燒烏頭：呢條魚想出枱嘅時候真係超有驚喜，因為條魚嘅份量都唔細，加上真係睇得出佢係用鹽燒，所以等咗咁耐都覺得值得。拆開咗個魚皮之後，見到啲魚肉出咗魚油，然後夾開啲魚肉就發現條魚都幾新鮮，食落去有香料味，魚肉係「一疏疏」，完全冇「梅左」嘅口感。（識食魚嘅人應該會明我講咩😂😂）呢條魚我真係比90分！冬陰功海鮮湯河粉：整體來講呢一碗湯河粉值75分，湯底係唔錯嘅，唯一遜色少少嘅係啲配料。不過份量同味道去睇嘅話，性價比係唔差嘅。泰式炒椰菜苗：我去親泰國餐廳基本上食菜一定係要食椰菜苗，呢一間嘅椰菜苗都炒得唔錯，食得出有火喉，同鑊氣，可能我嗌左小辣，基本上冇乜啦，可能要叫返少少律師會更加惹味！總結來講，呢間泰國餐廳係可以encore嘅。不過要留意番餐廳因為係半露天，所以如果入邊坐滿左嘅話呢，就要坐喺出邊露天位啦。

黎到餐廳，見到戶外個view好靚，有幾分似酒吧既感覺，就決定係出面食野~，感覺亦都非常涼爽暢快。未食野已經有唔錯既體驗~芒果軟殼蟹卷: 軟殼蟹份量唔少，炸得香脆有蟹肉味，芒果香甜起到少少點綴既效果，中和番軟殼蟹少少既油膩感，每人食兩三條都無問題，整體係幾好食~芒果蟹肉炒飯 炒我非常好味，一般泰國餐大家都會食炒金邊粉或者海南雞飯，估唔到依間餐廳既炒飯做得咁出色，米飯口感煙韌有飯香，吸收左食材既肉汁，生拆蟹肉亦唔會有酸縮味，亦唔會係面頭放少少蟹肉就算，每食一兩啖都會食到蟹肉，依個炒飯係我近依幾個月食過最好味既炒飯啊!燒羊架：好味之選，肉質香軟，表面燒得焦脆，但肉質仍然保持得好好，不過個醬汁稍為咸左D，最後就咁食個羊架都幾好味就收貨了~芒果沙冰黎到依到先發現好多味棻都有芒果既蹤影依杯沙永味道真，唔會一味死甜，配上個靚景，真係好有feel~總結：希望疫情盡快過去，會放入再去之選~

奧海城3期地下有一排餐廳，今日黎到其中嘅泰爸爸食午餐。餐廳係開放式，出面仲放咗幾張枱，可以一邊傾計一邊嘆番杯，非常寫意~ 午餐種類多，而且價錢合理，仲可以叫埋小食添！冬陰公海鮮金邊粉($58)，冬陰公非常夠味，唔會太辣同太酸，啱啱好好開胃，配埋金邊粉仲正！而海鮮就有常見嘅青口、鮮魷、鮮蝦等等，非常足料。什錦撈檬($48)，天氣太熱唔想食湯粉嘅話，撈檬係一個唔錯嘅選擇，酸酸甜甜，又易入口。什雜有豬肉丸、豬頸肉、魚片、札肉，加上大量嘅蘿蔔絲同配料一齊撈起，口感十足。小食都非常吸引‧所以我地額外點咗泰式串燒($48)，有豬肉同雞肉各2串，燒到焦焦脆脆咁，再淋上沙嗲醬，非常惹味！招牌炸蝦餅($38)，外面金黃鬆脆，裡面嘅蝦肉非常結實彈牙，蝦味濃郁。飲品除咗有普通之外，亦都有泰色特飲，例如珍多冰、三色冰。今次係我第一次飲泰式奶茶，同網上睇嘅一樣係橙色，而且茶味同平時嘅奶茶唔同，值得一試！

🥺🥺今次黎泰爸爸係禁晚市堂食前既最後一晚，唔少餐廳都少左人。🤩呢度有個靚既戶外環境，真係會side左🙁。老闆娘對於禁晚市都感到無奈，食肆呢排都生意難做，或者大家買外賣支持下，😙因為的確係質素唔錯既泰茶，每碟份量都幾足。鮮蝦炒金邊粉 $88😁幾大份，🍤蝦都夠大隻，幾鐘意佢有種甜味，再加小小青檸汁，酸甜開胃泰式拼盤 $138🥳有炸蝦餅、炸魚餅、春卷、串燒雞每款兩件～😳一向對於春卷麻麻既我，今次覺得非常好食！🐔雞肉唔會太乾，夠味，點埋沙嗲醬，正🥰🐟魚餅幾地道，唔係普通一舊粉，入面有豆角，都重紅咖喱同檸檬葉味，我幾鐘意呢種味道😋蝦餅都唔錯，🌶點泰式辣醬一流！椰汁西米糕 $20廿蚊有四件 😍漲卜卜好可愛除左椰汁西米之外，😋仲有唔少粟米同芋頭，呢款甜品係好好既晚餐結尾😌

疫情下好耐冇出街食飯見下朋友, 雖然都會叫外賣食，但點都係去餐廳食好味d，今日經過呢間餐廳，覺得幾有氣氛，就同朋友試下。泰國菜必叫的蒜蓉包:6件, 大大塊, 唔點咖喱都好好味, 脆卜卜, 好香蒜蓉味咖喱雞即叫即整，唔辣，好多雞肉，除左雞肉外仲有好多配料，包括洋蔥、紅椒、青椒、薯仔等… 好惹味炸蝦餅必叫! 8件大大件、香脆可口，唔太油，熱騰騰，蝦膠好彈牙，同平日食開外賣的蝦餅絕對係兩回事，去廳食絕對係必食.串燒可以要半打各自3串唔同肉，咁就可以多d 唔同口味。我地叫左雞同牛, 雞好嫰滑，牛就好香，本身已經有香濃的沙嗲味，但如果你覺得唔夠味或想重口味d, 配上佢自家製的沙嗲醬都好好味。總括: 呢間餐廳食物大份, 環境舒適、坐出面仲好有氣氛，服務質素好，值得推介.

早陣子周遭氣氛緩和下來，趁機出外走走約見失聯數個月的朋友。事隔數月再步入奧海城，走著走著發現大眾書局那一期地下原來也有食坊。毗鄰高尚住宅區，更設有bar、室外室內座位，餐飲定價可說是平絕該區。午市五十餘塊，下午茶則四十多，與茶餐廳價錢差不多。入座時剛換了下午茶餐牌，所以又加購兩款優惠價小食。串燒$4X四串，可以雞/牛/豬中選其二。串燒雖不是明火炭烤，卻不會濕漉漉，略微有少少焦香效果。肉串份量比較多，有香茅輕輕調味，沾上粒粒花生的沙嗲汁更惹味。第二份炸蝦餅再平少少，蝦餅非常厚肉，怕油膩可以點酸甜汁。蝦餅炸粉好鬆化，蝦膠結實彈牙，即叫即製無投訴啦。另外要一份下午茶的雞絲撈檬，二人分享也足夠。夏日吃生冷食物我會特別留意新鮮程度，生菜絲脆爽青綠，檬粉之下碗底亦沒有多餘水份，合格! 唯一可能是下午茶套餐，加上與其他食客點的海南雞飯有比較，雞絲份量顯得較為少。男朋友聲稱酸辣食物刺激胃口，未夠飽於是再加單。泰式牛仔骨有六七件，肉質比較淋，牛肉味也好濃。特別是筋膜位置也可以輕易咀嚼，相信小朋友都可以食到。這一碟酸辣汁我超喜歡呀！我會形容是近似炒肉碎既味道，金不換的香，帶有洋蔥的辛，香茅的清幽，辣椒的勁

「泰爸爸」是一間位於奧海城的泰國餐廳，餐廳設有室內室外雅座，環境優美，雖然今晚只點了兩道菜，但已品嚐到這間泰國餐廳的誠意👍第一道菜是泰式生蝦刺身，新鮮的海蝦經冰鎮後，肉質緊實富彈性，味道爽甜鮮美，再配上大量生蒜、辣椒、調製的醬汁，不但能起殺菌作用之外，也有助帶出蝦肉的鮮味，其酸辣的味道，非常醒胃。非常喜歡生蝦的口感及醬汁，生蝦大大隻啖啖肉而且爽口，配料十足，配上兩碟泰式特色醬汁，非常美味可口！只能用一個「正」字形容。第二道菜是泰式冬陰公明爐烏頭，烏頭魚大大條，好抵食👍烏頭魚加入了冬蔭功湯後，再於明爐中煮熟配料，就有點像似中式火鍋，熱騰騰的烏頭魚，散發著味濃而不濁的香氣，味道清香，配上白飯一起進食，簡直人間美食😋

行開奧海城 見到有間好chill既泰國餐廳 就深深俾佢個feel吸引咗🤩🤩好有去咗泰國既feel haha 但個晚熱得濟所以都係揀咗坐入面涼冷氣叫咗第一樣野食係泰式拼盤 $138可以見到有好多款小食 啱哂想試唔同野食既我😆炸蝦餅、炸魚餅、雞串、春卷都好好味特別中意炸蝦餅同埋雞串 蝦味好濃厚 而且啲肉好實淨而雞串配上啲汁好惹味 肉質好掂春卷裡面餡料好豐富 食起上嚟超有口感！推推推！第二款叫既係蝦炒金邊粉 $88啲蝦都算大隻 食落好有咬口而且金邊粉炒得好出色 個味道係好令人食到停唔到口個種而且配埋花生碎一齊食昇華到另一個層次啊暫時係食過最好食既金邊粉食泰國野邊少得野飲椰汁沙冰 $30好重椰汁味 唔會超級甜 正！兩個人食到好飽 加一完都唔洗$300 都算抵環境好chill 下次可以試下室外添

今天約了閨蜜Connie 談天說地，我們最愛吃泰菜，所以選了奧海地的泰爸爸吃lunch, 地方環境很舒服，最令人開心還有露天茶座，感覺真的不錯呀!今天天氣太炎熱了，所以我們先叫了兩夲青檸梳打，實在太解喝了，而且又清新!我叫了一個泰式鳳爪沙律，酸酸辣辣的，而且鳳爪十分爽口，我們吃得停不了口!另外Connie 無菜不歡，我們叫了一個炒芥蘭，鑊氣十足，很有味道!我叫了一個冬陰光公湯配金边诃粉，很辣而且湯底濃旭，鮮蝦麻菇很香，蝦肉很彈牙，我很欣賞湯底，雖然有点辣，我還是很欣賞!Connie 叫了一個雜錦湯河，豬頸肉很香口，她也十分滿意!雖然今天的天氣十分炎熱，但泰國藥是最開胃的選擇，我們很欣賞泰爸爸，我們又叫了一客椰汁糕，為快樂的午餐劃上一個完美的句號!

久違來到了奧海城和朋友行街朋友突然提出想吃泰國菜於是便上網找了找 發現了這一間就奧海城三期的泰爸爸 就在附近 而且網上評價亦不錯於是便一起來了試一試款式選擇多 價錢實惠和朋友決定一人點一個主菜再加上一個前菜一起分享鮮蝦扎肉米紙卷傳統米紙外皮包着蝦、扎肉、芒果、蘿蔔和粉絲等 厚厚一卷很足料 點上酸酸甜甜的醬汁 十分開胃 前菜之選 不錯不錯香葉辣椒肉碎炒飯加入了肉碎 以香葉和辣椒炒香 十分惹味而且炒飯份量十足 滿滿的一大碟 飽肚之選海南雞湯河粉海南雞肉量也不少 而且吃下去肉質十分嫩滑想必這裏的海南雞飯也一定很出色而湯底則加入了蔥花和菜乾等 滑甜香口配上軟滑的河粉 好味道 和友人都好喜歡椰青原隻椰青上 最緊要夠凍椰肉嫩滑 清甜解渴 正

附近收工，就去左奥海城食晚餐。呢間餐廳好有泰式風情，有好多户外嘅座位，特別係夏天可以感受到夏日炎炎。點左泰式拼盤，有雞肉串燒，春卷，魚餅，蝦餅，十分豐富。飯前小食一定要叫呢個！炸得好香口再點上醬汁，美味可口。蟹肉芒果炒飯，好多芒果都超鮮甜。可惜蟹肉比較少，如果加上肉鬆點綴，會令賣相更好看。啲飯有些濕濕的，而且應該落了調味料，好香好野味，少少鹹，不會啖而無味。椰汁千層糕，迷你的，加上椰汁，口感煙韌，微暖，十分喜歡！餐廳的座位不算很多，當晚有兩枱已經預留了，如果想確保有位，記得早啲留位啊。