泰爸爸

營業中

休息中

放假去嘆個😍豐富嘅泰式下午茶，食到勁飽，都係每人一百蚊多啲，好抵食！🤩💕泰式鴛鴦串燒 🍢（豬、雞各兩串）$48豬及雞都燒得表面香口，內裡juicy! 💖點少少沙嗲醬，更滋味！🥰💕香茅雞中翼 $30雞翼皮炸至金黃香脆，雞肉保持嫩滑多汁，好正呀！👍🏻💕冬蔭功湯河粉 $42 酸酸辣辣嘅冬蔭功湯底，好開胃！海鮮及河粉嘅份量都唔細！😋💕芒果糯米飯 $50超級甜美嘅芒果🥭，加上有沾滿咗椰漿嘅白糯米飯及紫糯米飯，大滿足！🥰💕豬頸肉飯 $40豬頸肉點少少泰式辣醬，勁好送飯！💕泰式凍奶茶 （跟餐加$8/杯）又香又滑！

同老婆hea遊奧運貪呢度呢度好feel又夠chill, hea下hea下hea到可以歎個下午茶，試下呢間泰爸爸，懷緬過去同老婆去泰國食既好東西。黎泰爸爸食泰菜，首選飛天通菜。點解？香而帶辣，菜身爽脆入味，更重要係佢泰式調味，調完真係食到飛天！無錯係誇張左d,但真係炒得有鑊氣又好食。呢味喀比滷水豬手飯，英文叫thai stewed pork knuckles with rice，睇埋英文其實係因為我睇左中文但唔知喀比點解。 唔理佢點解，總之呢味餸啖啖肉，軟滑而入味，又有滷蛋配滷汁餸飯食，真係齒頰留香，回味無窮。呢度既泰式湯河亦都非常出眾，尤其係佢個湯底，清而入味，再配埋有嚼勁既豬頸肉， 一碗成功既豬頸肉湯河唔止呈現係你眼前，仲令你大快朵頤。小食方面，呢度既炸蝦餅係佢招牌黎，新鮮炸到外皮酥脆，內裏仲啖啖蝦肉，配埋甜酸醬，份都係令人忍唔住一啖接一啖咁食曬佢食得辣既朋友，不妨可以試試呢度既美味海鮮粉絲沙律，除左有足料海鮮，最重要係一試呢度既調味功夫，辣得好過癮。食到慶曬，當然飲返杯足料龍眼冰消消暑氣啦，大大粒龍眼，甜度又適中，無可挑剔，好感恩今時今日可以咁chill 咁relax咁係香港品嚐咁

今日嚟開大角咀哩邊見客，工作完之後都差唔多2點半，見「泰爸爸」差唔多開始下午茶時段，又幾抵食咁就同同事入去醫一醫五臟腑。我同同事各自叫咗一個下午茶餐再加多2個小食一齊share😆 下午茶餐都係$40起、而午餐都係$4x-$6x ，係奧海城嚟講真係好抵食呀。重點係tea set 嘅份量同午餐係一樣嘅，抵上抵，CP值超好👍🏻泰式海南雞飯 💰$40- 海南雞件份量都唔少，而且啖啖肉，唔會因為係下午茶就將貨就價，大讚！ 海南雞件好滑，唔會嚡口。油飯香氣十足，唔會過份油膩。差唔多見每一台都有人食緊😂冬蔭公湯金邊粉 💰$42- 哩個已經係最貴嘅下午茶餐，都只係$42😙有齊哂蝦、魷魚🦑、青口、同埋勁多香菇👍🏻海鮮配料夠爽口，冬蔭公湯底酸度足夠，但小妹覺得可以再辣少少就更好泰式串燒 💰$48串燒有4大串，豬肉同雞肉各2串，大大串好抵呀海鮮粉絲沙律 💰$58其實哩個粉絲沙律嘅份量可以當一個主食😲海鮮配料絕對不少，仲有大量櫻花蝦，配以酸辣汁，作為前菜勁開胃食到最後先發現原來「泰爸爸」係有happy hour 喎，由2點開始到6點，啤酒有買一送一，下次真係可以再嚟試一試

今次係奧海城行到好攰 試咗間泰國嘢食😏😏一坐低就聽到廚房同水吧都係用泰文溝通 即刻就唔驚今日食嘅嘢唔正宗🤤坐低叫咗幾樣傳統泰國嘢食 包括米紙卷、海南雞同埋菠蘿海鮮炒飯😸😸食完就會知道究竟餐廳正唔正宗呢鮮蝦扎肉米紙卷除咗鮮蝦同扎肉 入面仲有芒果 芒果甜既唔係酸既芒果👍🏻👍🏻個米紙卷整得軟硬適中 唔會一咬落去就會脆 令到啲餡料爆曬出嚟 呢樣真係好睇師傅嘅功夫 果然呢個米紙卷整得唔錯👏🏻👏🏻👏🏻海南雞（半隻）雞件啲油份令到隻雞望落好新鮮令立立 食落隻雞好嫩滑 😋😋 菠蘿海鮮炒飯炒飯炒到粒粒分明 除咗海鮮仲有臘腸同臘味🥳🥳🥳一路食都食到一大堆新鮮嘅菠蘿 菠蘿海鮮炒飯嘅精髓就梗係要有新鮮嘅菠蘿 👏🏻👏🏻👍🏻👍🏻

難得疫情開始放緩 鍾意出街飲飲食食嘅我同女朋友又出嚟搵食 一睇餐廳名就知今次係食佢鍾意嘅泰國野🙊我地大概五點入咗去 諗住食個早啲嘅晚餐會冇咁多人 點知餐廳嘅流轉都幾快 而且都比我預期中多人食 五點仲有午餐同下午茶餐可以揀😺 下午茶餐真係好抵 四十蚊就有交易香葉辣椒肉碎煎蛋飯 呢個係lunch set嚟 煎蛋係半熟嘅 仲有蛋汁喺入面🤤 肉碎配埋辣椒好惹味 好好餸飯 肉碎又唔會太肥黃咖喱牛腩飯 咖喱唔係好辣 椰香味比較重 牛腩都幾林 好易咬 仲有細細舊嘅薯仔做配菜 幾好食招牌炸蝦餅 呢碟係每次食泰國菜都想食嘅蝦餅 蝦餅唔算太大舊 但勝在每件都好熱辣辣 彈牙嘅蝦餅配埋泰式醬真係好滿足呀🦐燒豬頸肉生菜包 燒豬頸肉同啲配菜酸酸辣辣 好開胃 配菜有芹菜 車厘茄 洋蔥同埋青瓜 加埋豬頸肉放入生菜入面 味道好清新🍃香茅雞中翼 雞翼大小適中 雞翼上面嘅香茅碎好脆 好香口 雞翼肉質都唔錯 係乾身咗少少咋Lunch set同tea set都有跟一杯野飲 我地嗌咗熱檸茶同埋熱咖啡☕️ 味道不過不失啦整體略嫌餐桌有啲細 嗌多兩碟就冇乜位放食物😬 食物質素唔錯 價錢相宜 絕對值得再幫襯😎

平時很少到奧海城那邊，總是覺得那邊地方有點吊腳。今天要到奧海城第三期辦點事，反而有了新的體驗。我從亞皆老街，經行人天橋就可以直達奧海城三期，很方便，那種吊腳的感覺頓時消失了。原來這裡飲食也很方便，在地下就有幾間環境和質素不錯的食肆。辦完事後，就走進一間叫泰爸爸的泰菜餐廳進餐。餐廳佈置簡約，環境舒適，門口還有露天雅座，真是別有洞天。這裡環境比較清幽，第日不用在旺角鬧市轉來轉去，過來偷偷閒也不錯。看看餐牌，食物價錢也很經濟抵食，下午茶餐四十蚊就有交易。就叫了下午茶餐黃咖喱牛腩飯和豬頸肉撈檬及幾個小食。黃咖哩牛腩飯，牛腩炆得又冧又滑，咖哩香濃帶椰香，好吃。豬頸肉撈檬，豬頸肉都算大塊，入口嫩滑，伴上檬粉、青瓜絲、紅蘿蔔絲、薄荷葉、花生碎和醬汁，酸溜溜，很開胃。泰式串燒(豬、雞各兩串)當然也是必吃之選，豬肉和雞肉都醃製入味，肉質嫩滑，而且燒烤時間掌握得恰好，再配上特製醬汁，口感不錯。特式炸魚餅，一碟有三件，廚師細心，上碟時已切成6小塊。魚餅炸得外皮微焦，內裡魚肉鬆化，入口香軟好味。普吉炒芥蘭，份量唔算大，勝在炒得夠鑊氣，菜炒得香甜，真是一道清胃小菜。三色冰和紅豆冰賣相不錯，而且冰涼解渴。這裡食物

成日經過呢間泰國菜餐廳，第一次入去食咋，有驚喜喎！味道好，價錢合理，份量足，而且都好多嘢揀我哋兩個人嗌左三樣嘢，買單都唔使$300，我覺得都幾抵食！燒豬頸肉好厚身 肉質爽口而且燒得少少焦香，幾好食 跟住燒豬頸肉有一碟酸辣汁，點埋一齊食更加惹味！芒果蟹肉炒飯好大碟！呢碟炒飯好足料，好多芒果肉同埋好多蟹肉芒果酸酸甜甜令到成個飯都好開胃！呢個冬陰功海鮮湯粉真係好正！味道唔係好辣，少少酸辣咁樣，非常惹味 海鮮嘅配料亦都好多！呢度仲有啲泰式甜品，不過今次太飽食唔落。。。下次要來試吓！

朋友同我都好中意食泰菜朋友更加係會每隔一段時間就會周圍搜刮泰國餐廳 務求係香港試盡泰國風味今次有事尼到奧海城附近朋友就話不如試試尼間係地鋪既泰菜餐廳本身室內面積唔大可能因為有露天座位既關係可惜我地去既時候係中午而家天氣又仲係好熱如果唔係等遲啲秋天夜晚坐係出面既露天位置食飯應該幾chill入番正題 因為我地係食lunch既關係餐廳本身係有提供lunch set 包飲品menu選擇品項都好豐富只係我同朋友都想加啲小食試下於是我地就嗌左一個金邊粉set share再另外加啲小食share本身我地諗住係大menu個啲嗌啲正價串燒同埋泰式炒菜點知老板娘勁好 好貼心咁提醒我地lunch小食係有特別優惠既menu就好似我地想嗌既雞豬串燒雙併同飛天通菜足足比正價平左一半 抵啊尼得食泰菜當然要嗌番兩個椰青飲下我地仲另外嗌埋甜品 椰汁大菜糕HK$ 20有4塊 每塊都幾大舊 超抵至於食物既質素方面都相當唔錯金邊粉超有鑊氣 仲跟左幾隻爽甜大蝦 串燒燒得幾juicy 伴碟沙嗲醬亦唔會太鹹太油 味道香得剛好飛天通菜好大碟 唔會太辣我尼啲唔食辣既都食到 加埋黃豆豉香味四溢 食到lam lam 脷最後既甜品大菜糕 超

今日出開旺角，去左奧海城既一間泰菜小店食lunch。我不嬲都幾鐘意東南亞口味，夠酸夠辣重口味丫嘛～胃口唔大既我同朋友叫左一個lunch set雜錦撈檬，兩份小食，分別係串燒同青木瓜沙律，另外加左一個我道食好耐既芒果糯米飯。雜錦撈檬夏日炎炎最岩食呢啲清爽既麵食，撈檬既醬汁酸酸甜甜特別開胃，不過我略嫌佢唔夠多汁同酸，所以自己再另外加左啲醋落去。配菜有札肉，豬頸肉，魚片同魚蛋。魚蛋有種特別既香味，我覺得比平時食到既白魚蛋更好食。泰式串燒兩串豬兩串雞，沙爹醬我比較無感，平時唔太喜歡，但朋友話幾正。兩種肉都完全唔鞋，難得食到肉質唔錯既串燒。青木瓜沙律呢間既口味做得比我平時食既要重，特別咸同辣。雖然我都未真係去過當地食地道既青木瓜沙律，但我覺得都幾好食～青木瓜絲爽口，而且感覺仲可以幫手清下腸胃～芒果糯米飯我已經想食左好耐既甜品！當日既芒果有啲酸，不過加埋椰漿食都ok。糯米飯就十分軟熟黏口，半邊紫色半邊白色，白色既糯米甜少少，紫色既就相對有咬口。最後，我地叫左兩杯飲品，泰式凍咖啡同泰式凍奶茶。咖啡正正常常，但唔係特別喜歡～但奶茶就好好飲！甜度適中，茶味香濃，總知就溝得岩岩好～～～

今日同屋企人去左奧海城到行街，行到攰就準備去食晚餐，我地好耐冇食泰國菜，所以我地就搵左一間泰國菜餐廳食dinner。呢間餐廳既防疫措施做得好好！打開餐牌，見到有好多唔同既泰國菜選擇，好吸引！我地比較細食，通常泰國菜都好大份，所以我地淨係點左一個主食，咁就可以留肚食啲甜品！主食方面，我地點左蟹肉芒果炒飯。炒飯好大碟，勁抵食！入面好足料，有好多帶有鮮味既蟹肉同埋鮮甜既芒果，炒飯炒到好香好惹味，勁好食！食完主食，點少得甜品呢，我地點左兩個甜品，其中一個係我每次食泰國菜都必點既芒果糯米飯！呢到既芒果勁甜，糯米飯要用左白糯米同埋紫米，煙煙韌韌，好正！另外，仲有呢個椰汁西米糕都好正！點少得新鮮大大個既椰青呢！

朋友知道我鐘意食泰國菜，放工後特登帶我黎哩間泰國餐廳度晚膳，餐廳地方唔大，外面有露天座位，燈火燦爛，可惜疫情關係，我地只好選擇在餐廳內用膳。我地叫左個新鮮波蘿海鮮炒飯、冬陰功海鮮湯金邊粉、椰汁三色冰、波蘿沙冰及甜品。食物黎得好快，冬陰功海鮮湯金邊粉賣相相當吸引，香噴噴，先飲口湯，味道超濃郁，好有冬陰功的味道，配料都好足，除左海鮮青口、蝦、魷魚之外，仲有些什菇、生菜、蕃茄、青辣椒及芫茜，朋友非常喜歡，最後連湯都飲哂。新鮮波蘿炒飯：係將炒好左既飯放入新鮮波蘿裡面再焗一焗先上枱，炒飯面仲配上肉鬆同腰果仁，至於炒飯就食到用左黃薑粉、蛋漿混合雜豆、海鮮、提子乾及臘腸炒成，味道十足我之前食開的傳統泰國菜館一樣。飲品三色冰：依家大部份泰國餐廳都好少有此飲品提供選擇了，當中所用的椰汁飲到同平時所飲到的不同，應該加了椰糖及鹽拌勻而製，提升了椰汁的味道更加香濃，底層的三色粒粒估計是馬蹄染成製造，因為外層煙韌、口感爽脆，色澤望落吸引。波蘿沙冰: 飲落酸酸地好fresh 。飲完又食完，到上甜品，店長好好人，比我地甜品可以同價錢的混合，於是我地叫左椰汁西米糕同椰汁千層糕哩兩款傳統泰國甜品，係我非常喜歡的甜品之列

行完奧海城見到好多人推介呢間泰菜，試完真係幾正，下次再食埋佢既晚餐!岩岩好2:30係下午茶時段，佢既海南雞飯特價40蚊左右就有，雞味超濃郁而且夠嫩滑又冇骨，雞油飯味道適中，飯粒分明唔會痴到一舊舊。最正係碗東瓜湯，落左少少蒜粒所以帶起咗鮮味又唔會好油膩!朋友就食雞絲撈濛，雞絲份量十足同埋都係好嫩滑既，加上佢既醋調味好開胃又唔會太酸，濛粉夠彈牙基本上已經冇得輸!另外見到餐牌寫蠔餅係必試，所以我地忍唔住叫咗碟。上碟個下隔離台都嘩咗聲，因為鐵板上會炸炸聲而且份量超多加上蠔仔鋪滿，超抵食!另外仲有雞豬沙嗲各兩串，肉質好彈牙同埋個沙嗲醬好正，有花生粒配合埋燒過既豬同雞，味道絕配!飲品方面我加咗8蚊要泰式凍咖啡，飲落咖啡味十足而且個奶味好香濃，好滿足!

好耐冇食泰國野了，之前去開附近已經想試下見到好似幾好味，同朋友2個人叫左4個餸，泰式炸素菜春卷好香脆，因為春卷本身熱氣我自己唔係好中意肉碎餡，捲蔬菜就啱啱好了，豬頸肉湯河粉湯底味道濃郁，份量多，河粉夠滑嫩，豬頸肉口感同煙韌度剛好，煎過又特別惹味，如果中意撈檬粉都可以轉檬粉同樣價錢，泰式黃咖哩薯仔雞一大煲，一上枱已經聞到好香既咖哩味，職員介紹青咖哩較黃咖哩辣，如果中意食辣啲就可以揀青咖哩，雞肉好入味，搭配三色椒，洋蔥同薯仔就更多味道，用蒜蓉包沾咖哩汁非常好吃！飲品則揀左椰汁紅豆冰，賣相吸引有朵花花做擺設，好似真係好chill去左泰國旅行咁，椰奶味濃郁清甜又多紅豆，熱辣辣解暑又解渴，佢地有室外同室內揀，裏面就有冷氣涼啲，出面就有啲燈飾有feel啲，客人可以自由選擇👍

同朋友好鍾意食泰國菜，嚟到奧海城呢間餐廳食lunch～餐廳因為限聚令關係間開晒兩個兩個坐，亦都有派濕紙巾俾客人消毒餐具喺每張檯拉出嚟就有午餐時段有lunch set，我同朋友就分別叫咗pad thai同冬蔭公湯檬。平時食泰國嘢粉麵多數比飯細份，估唔到嚟到份量咁多，尤其湯檬我朋友本身唔細食都食唔晒呀🤣🤣另外就係餐廳食物都唔辣，啱晒鍾意食泰國嘢但唔太食得辣嘅我🙊由於本身以為粉麵唔會太大碟，仲叫咗兩款小食，食到超飽🤣生菜肉碎包係我每次食泰國菜必點嘅😚肉碎多汁、個味香得嚟，同樣都只係好少辣👍🏻另外都有足夠生菜提供～最後沙爹串燒（另有提供沙爹醬），雙併有豬同雞食😆豬肉本身唔點醬都好夠味。串燒都係熱辣辣。呢餐食得好飽好滿足😋😋

終於有得出下街啦🤣計計下都成半年冇嚟mk，夜晚決左早啲去奧海城度食泰國嘢，仲食到下午茶價添😊.叫左個豬頸肉飯($40)😋都燒得幾香口，又唔會太肥，配嘅醬係酸甜解膩的💪🏻.另外叫左冬陰公湯河($42)😻湯都夠酸！河粉份量足，入面仲有d蝦仁、蜆肉同魷魚😋 .加多左份串燒！雞肉juicy~豬肉亦剛好唔會乾🤩上面已經有d芥末醬，點埋沙爹醬食更惹味☺️.馬拉盞炒通菜($88)🥳 菜炒得嫩嘅、唔會太油。仲有好多魷魚添，撈飯一流😍.加左8蚊要lime soda 🥤 解渴消暑🥰