影片
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
元朗嘅泰發泰國餐廳✨一直有唔少人推介，今晚一於約埋朋友去試吓先😬😬環境舒適，裝潢帶有濃厚泰國風情，今晚試咗好幾款招牌菜式，的確係好出色💓🔹泰式炒金邊粉金邊粉炒得好有鑊氣，口感幼滑而有嚼勁，配上鮮蝦、雞肉同埋各式蔬菜，味道香濃，特別加入魚露同炒，咸香而唔膩，真係好好味。🔹招牌檸檬燒牛肉牛肉燒得剛好，外焦內嫩，鮮嫩多汁。檸檬醬汁酸酸甜甜，正好中和咗肉嘅油膩感。🔹泰國青芒軟殼蟹沙律軟殼蟹炸得金黃酥脆，搭配青芒果絲，酥脆得黎好清新，而且青芒果嘅酸味襯托蟹肉嘅鮮味，醬汁帶點微辣，食落特別過癮。🔹泰國空運椰青由泰國新鮮空運到港嘅椰青充滿濃濃椰香，椰水清甜可口，飲落非常解渴，加上椰肉鮮嫩，清潤飲品又解渴。🔹新鮮芒果沙冰芒果味道濃郁，沙冰質地輕盈，味道香濃又唔會過甜，飲落透心涼。泰發泰國餐廳✨📍元朗又新街53-59號滿利大廈地下G號舖
繼續閱讀
上網見到有宣傳，咁啱住元朗過咗嚟試吓！啲嘢食都感覺唔錯，都幾大份，山下會幫你炸埋個蝦頭，我覺得蝦頭好食啲招牌檸檬燒牛肉好大份又幾好食！真係唔錯，食唔晒仲打包咗！～酸酸地又唔會好搶啲牛味生菜包都好大份，不過略嫌生菜份量比較少，但肉份量好大，所以有啲浪費咗，就咁食又唔係好夠喉金邊粉好甜，個人口味覺得麻麻地不過總括嚟講，呢間嘢都唔錯，下次可以再嚟，做咗宣傳多人咗好多！不過飲品太貴啦，成$32一杯，平啲就好啦
繼續閱讀
在元朗想吃泰國菜去哪家？元朗想食泰國菜，梗係要試吓呢間由泰籍廚師主理嘅「泰發泰國餐廳」啦！佢哋喺滿利大廈地下，交通方便。今次點咗佢哋嘅招牌菜：泰式黃咖喱豬頸肉$108咖喱香濃，豬頸肉炆得夠腍，唔會太肥，好味到可以食兩碗飯！蒜蓉包 5件 $39蒜蓉包即叫即整囉熱辣辣，外脆內軟，沾埋咖喱汁食，非常惹味。招牌檸檬燒牛肉 $139呢個真係必食！牛肉燒得夠淋，酸酸甜甜嘅檸檬汁好開胃，肉汁豐富，配埋白飯鐵板蠔鐵板蠔仔炒蛋 $89蠔仔新鮮肥美，炒蛋夠滑，鹹香惹味，份量十足，抵食！新鮮芒果沙冰$34叫咗啱晒夏天飲嘅芒果沙冰，芒果沙冰用新鮮芒果做，一上枱就聞到陣陣芒果香👍🏻消暑解渴珍多冰$34珍多冰嘅口感好特別，有啲似蒟蒻，但係又帶有嚼勁，而且冰涼爽口，食落去好有驚喜！呢間餐廳泰味正宗，價錢合理，好食到元朗有幾間分店！如果大家去元朗想食泰國菜，一定唔好錯過呢間「泰發泰國餐廳」！
繼續閱讀
喺元朗食泰國菜，我成日同朋友講，認住綠色底，黃色字嘅招牌😎😎呢間「泰發泰國餐廳」夠晒穩陣，每次夜晚嚟到，都座無虛席，好熱鬧食物同飲品選擇都多，夠大眾化無骨鳳爪辣得過癮😁😁配合埋芹菜，車厘茄，又辣又清新檸檬燒牛肉每次嚟都一定要點👍🏼👍🏼山咁高既牛肉，抵啦，啱晒食肉獸！淡淡酸辣嘅味道，真係好有泰國嘅感覺，好啱夏天👍🏼👍🏼食埋下面嘅芥蘭，口感豐富，又健康重頭戲！就係冬陰功明爐魚真係有火熱住🤓🤓一大條盲曹放喺酸酸甜甜嘅冬陰功湯入面，可以食到滑脫脫嘅魚肉，又可以飲埋啲湯，仲有好多菇，整個白飯，不得了👍🏼👍🏼蒜蓉炒通菜，超出色夠晒鑊氣，而且每一啖嘅蒜蓉味都非常非常濃，必食！飲品方面，沙冰同埋梳打等等佢哋都有。我自己就比較鍾意青檸梳打，夠晒爽🤓🤓喺呢度食泰國菜，就係開心，就係享受
繼續閱讀
黎到元朗尋找小店美食，嚟到又新街有好多食肆！搵到呢一間泰國餐廳 好正宗咁！老闆非常之有禮貌及親切 介紹好味菜式。椰汁雞湯$65.0一上枱好香呀！雞髀肉嫩滑 椰汁湯酸酸的好開胃。裏面仲有雜菇 蕃茄同芫荽。鹽燒魚（盲鰽）$148.0燒魚用鹽醃過表面 令到肉質有味。肉質非常之嫩滑 點埋自家製的泰式醬汁非常惹味！海鮮炒粉絲$68.0粉絲炒得剛剛好 香味撲鼻 有花生碎、蝦肉、青口、雞蛋、雜菜 還有魷魚🦑。非常豐富。非常推介黃咖喱，令我愛上了😍香濃椰汁加埋甜甜的黃咖喱醬 配合蒜蓉包一齊食大滿足呀🤤蒜蓉包（5件）$30.0黃咖喱配豬肉$98.0椰汁冰x2 @$32.0椰汁味較重，凍冰冰非常解渴！
繼續閱讀