泰簡

營業中

休息中

新店，lunch 時間就入去試吓，唔多人，約10個人係店內。叫左個緬甸特式燴飯，飯只有勁少椰漿味，內有菇同蕃茄係冇味嘅，飯一啲咸味都冇。配上煎魚，聲稱有香料加左入去，但完全唔覺，得個咸味，仲要咸過啲飯，魚係急凍魚柳。碟底有層油，唔知咩黎😓佢話係燴飯嘅湯，我只覺得油。整個飯份量只係岩岩夠一個女人仔食，餓啲都唔夠。餐只有汽水可樂雪碧配俾你，凍檸茶/泰式奶茶都冇。依個飯我足足等左半個鐘先有，佢話即煮耐啲，但係出餐時只覺得整碟係暖和，完全冇煙出個種熱😂咁嘅價錢咁嘅出品，非常需要改進，唔改等執😂

行過見到新開就試下，一枝公試下開業最平的打拋牛。份量啱啱好飲品配咗杯泰式奶茶。嗯，同大部份差唔多。可以少甜，老細話係自己沖，叫時加，唔係外面預備好一堆一個口味一個甜度。個人連檸檬茶都走糖。哩方便好啱我。味道唔錯，聽老細話啱開。俾d意見老細話小店有東南亞野係主打然後仲有緬甸的魚湯粉我話下次經過可以試吓。啱食，出餐算快，都唔係預備菜，即炒溫熱。環境可能新裝修咩都唔錯，又夠光猛。下次去完九龍公園可以再嚟試下