泰聚 (已搬遷) 新店位置

返工咁辛苦 放工緊係要食餐好既慰勞返自己啦上openrice搵下有咩好野食 發現呢間泰國菜好評幾高 一於就去試下啦太子站落車行3-4分鐘到就到啦場內裝修選用黑色既天花 黑色既枱椅 比人感覺舒適帶點浪漫情調侍應很細心和有禮貌 我地一坐低 就問我地要唔要叫住d野飲先餐牌好多選擇 同bf揀左15分鐘 終於揀左4樣野加杯野飲我摯愛既冬陰功湯 味道香濃 好有椰香味 不過唔夠辣精緻生菜包 附上薄荷葉 揀左豬肉碎好香蒜蓉包條 蒜蓉味十足 口感軟綿綿紅咖哩牛腩超香濃紅咖哩 有蔬菜配料 不過個人覺得少少咸蝦醬炒飯食過咁多間泰國餐廳蝦醬炒飯 呢間算係最好食 飯幼身細細粒 加埋幾片蠟膠同肥豬肉 令到成個炒飯好香 唔會覺得肥膩

去開太子想食泰國嘢，打開openrice見呢度評價唔錯，即管試下佢啦！去到餐廳門口見到有牌寫住9點後入座有85折（套餐同飲品無折），當時已經8點45分，諗住喺餐廳門口等一陣，有職員出嚟招呼，叫我哋入去坐低等，態度非常友善。兩個人order咗3個餸+2杯飲品1）串燒沙爹（6件，可選豬、牛或雞各2串）：我哋揀咗牛同雞各3串，雞串肉質夠滑又juicy牛串有香茅味，但燒到有d乾串燒表面有椰汁，令到串燒更有泰國風味2）肉碎生菜包（可選雞、牛或豬）：硬係覺得生菜包係要配豬肉，細細粒肉碎再用咗好多配料襯托，夠辣得嚟又帶少少酸味，加埋生菜，成件事好fresh好開胃3）蝦醬炒飯：非常足料，重蝦醬味又唔會太咸，但炒飯唔夠乾身；另外有泰式臘腸、豬肉粒同青木瓜絲伴碟。泰式臘腸比香港臘腸甜口，幾特別；豬肉粒有少少似回窩肉，肉質同味道普通。炒飯食到一半左右發現“寶物”沉歸底，成個碟底都係油😱明白炒飯要落油，但都唔駛油浸飯吧？！終於明白點解個飯唔夠乾身，因為油多過飯...我哋食咗一半就放棄，呢方面絕對絕對需要改善！4）蜜糖檸檬沙冰：好清新，有蜜糖味又唔會太酸，食完油膩食物可以平衡一下，不過有好幾粒大大粒嘅冰未攪碎，

I had the best experience in this restaurant. Highly recommend checking out this place. Food was excellent we had a selection of appetizers and for main soft crap curry/ massaman curry, pineapple rice, Pad Thai noodles, chicken oil rice and jasmine rice. Decoration and hygiene and space all perfect.

是夜又喺屋企附近搵食，用某飲食app訂晚飯六點鐘嘅檯有七折，早d食仲好，方便之後去跑步。呢度嘅野食份量都比較大，佢大部分檯亦都係大檯，比較岩大伙人黎食。我地兩個叫左一小食一炒飯，都只係勉強食得哂。泰式魚餅餐牌上寫住魚餅係餐廳自家製，果然係同平時食開嘅唔同。質感比較軟身，但我鐘意，即係好似手打丸同機製丸嘅分別咁，外皮炸得岩岩好，材料好豐富，食得出除左魚肉之外仲有香茅、香葉、少量馬蹄等等，味道有層次，配埋酸甜嘅醬汁比較解膩。原個菠蘿炒飯真係好大份，d飯多到好似將個菠蘿皮擴大左咁，飯粒炒得尚算乾身，黃薑粉份量岩岩好，菠蘿粒亦落得慷慨，加埋大量肉鬆食好滋味。加入炒飯嘅仲有雞肉同各款海鮮(青口、蝦、魷魚等等)。因為太飽已經食唔落甜品喇，臨走大約七點就開始多人，如果星期日再黎嘅話都一定要book位。

諗住見到禁好評就去試下啦。嗨，點知現在的好評都服服地。免得假好評愈來愈多😏我決定打食評。叫左個薄餅，咖哩，沙律同芒果飯，仲有個拼盤。拼盤同芒果飯就一般，平平。咖哩就無咩味，唔香囉。沙律就唔好食，d木瓜無味無道硬硬的。薄餅好油，味道一般😌服務就一流，其他就麻麻。唔覺有禁多好評😗

前2日先確認可以聚一聚食餐飯，心想撞正節日一定唔要西式，中式又食到厭。就開始搵泰國菜，因為老人家唔會食魚生，打邊爐又覺得太麻煩，而且食唔多，時時都要等我哋咁。今次睇完相及食評決定呢間，一是環境都ok闊落，二是無限時，可以慢慢食同傾計。差不多去到先知原來幾年前同朋友來過一次，印象是食物味道幾好，不貴。幾年後從來，裝修依舊，清潔度都ok，唔會有殘舊感。決定散叫。因為掛住食同傾計所以無影相是晚叫了6串沙嗲，可雞牛豬每樣2串，perfect 3樣肉都好軟滑又無根，豬係特別juicy，超贊! 不過沙嗲汁略淡，唔夠濃及香。二> 明爐烏頭。魚上面放了很多香草配料和米粉，上枱時疊到很高，隔離枱鬼佬看到都感新奇。好貼心，仲連一大碗湯可自行加湯。各配料都好新鮮，魚肉滑，有著淡淡鮮甜味，但個人覺得味道可酸少少及辣少少，可更開胃更有泰國風味。三> 大蝦柚子沙律。一家人都好鍾意，柚子多汁無渣，酸甜度適中，如果多少少疏菜絲更好，因在其他食店食過感覺口感更佳。四，五> 蝦膏炒飯，蒜蓉炒通菜。水平之作不多說六> 菜包豬肉。有驚喜，豬肉很多肉汁，少許辣，味道剛好，配埋新鮮生菜，個個都話飲

平安夜，識食一定唔會食西餐，免得比人割到成頸血！一早book 左呢間食Thai dinner, 5:30p.m. 到達已經有幾檯客食緊，大家都好早喔！佈置相當有聖誕節🎄氣氛，坐位都唔迫，幸好我們被安排唔駛搭檯Thai 式串燒（6串），唔太多食店可以混款，我們各要左雞、牛、豬各兩串燒得恰到好處，唔濃，satay 味好足！黃色的醬料原來係椰漿，好香椰子味十分驚喜！蛋黃醬炒魷魚🦑幾特別的一個菜式，就像黃金蝦的奏，最合適剛感冒好番，唔想熱氣的我，蛋黃醬濕濕地，炒魷魚也軟硬適中！配菜的蕃茄、洋蔥也令人好開胃！原個菠蘿🍍鮮蝦雞肉炒飯絕對是水準之上，不過這個菜出菜較慢，由order 到上檯有一小時幸好總用餐時間有兩小時才不會食得太趕。Thai 式甜品拼盤就麻麻地，太甜，不是清甜～總結，大家都認為可以再來試其他菜式！

食物及環境都尚可、已在這間幫襯了好幾次、但職員服務態度越來越差、兩個女士嘅服務態度、黑口黑面無水洗、問10句先認一句、唔知以為佢公司沒出糧比佢地、我亦都唔會推薦任何朋友。不會再幫襯😡

很久沒有約小學同學食飯，之前就上OpenRice 找旺角太子的泰國菜就出了這間較多好評的。今晚來的是位於太子的《泰聚》泰國菜館，座底看這裡的裝修也不錯，看了餐牌後我們就每人點了一兩個菜，最先來到的是金柚子蝦球沙律和醃酸辣去骨鳳爪，兩樣也不錯，跟著來的是炸蝦餅和炭燒豬頸肉，這兩樣不夠熱，味道就不過不失，然後來的是黃咖哩雞（大）和酥餅，這一個配撘真是差一點，已經是選了大，雞依然很小夾來夾去都係薯仔，酥餠油就太多了，隨後來的明明爐鳥頭就好一點，最後來的鹹肉炒菜苗就算合格，還有咖哩汁剩和酥餅不太好，我們後加了一個焗蒜蓉包和兩個甜品，焗蒜蓉包來到看賣相，就知道香脆，結果沒有失望，全晚最好吃的，就是這個配咖哩汁，後加的兩個甜品總算可以，最後埋單$1300 六個人每人$260。

有月落開太子行街老婆話知道太子有間泰國菜聽聞唔錯， 於是捐窿捐罅 終於搵到這間餐廳， 一般嚟講地方都算隔涉。 裝修正常冇乜特別， 地方比較擠迫。 我叫了三樣嘢， 泰式豬頸肉湯河， 河粉和湯底都好味， 豬頸肉肉質唔錯 仲有我至愛 生菜包(豬肉)行政套餐, 仲有個粉跟埋 所有午餐都跟飲品, 我們加了$9蚊轉特飲 椰汁紅豆冰和椰汁黑珍珠冰。 最後叫咗個泰式豬扒金邊湯粉 整體來講全部都滿意。 太子區嚟講泰國菜館價錢唔算貴， 下次有機會你試下晚餐

滿心歡喜諗住試下，入到去環境ok，但員工無禮貌又黑口黑面，試左個冬蔭功湯好難飲，有陣怪味，最滿意係個蒜蓉包，其他食物真係好一般，不過係環境比較靜，因為都算入，但食物同員工質素不會再去

服務及態度良好！食物質素高，推介豬頸肉冬陰公湯金邊粉、喇沙湯河、海鮮香辣炒金邊粉、咖喱牛腩飯！價錢公道合理，份量算充足！地點有點偏遠，但坐得舒服！週末午飯時間記得book位

見到網上食評好評如潮，滿心歡喜黎試下～都明白假期午市係好忙，我地人又多，都費時太麻煩侍應，所以我地都已經自己寫低食咩飲咩，方便侍應落單啦！但點知，一碗麵等左2個鐘！！！！隔離左右黎齊哂啲野，我地叫碗麵都仲未到，催左幾次。。。侍應態度又差！大佬，我黎食野要比錢架，成日當人透明。。貼錢買難受！！要等都唔係最大問題，你好聲好氣啲唔得既？！你好我好姐，做咩我黎比錢食野都仲要受氣？呢一世都唔會再幫襯！！食到一肚氣呀！！😠😠😠😠😠😠😠😠嬲到爆炸！！

Halloween 嚟食，好多人，但我有book 位，所以唔洗等。 叫咗頭盤小食拼盤(細嘅)；綠咖哩(牛腩)；薄餅；金邊粉。樣樣都好食，唯獨要彈嘅係佢第一樣出畀我哋嘅係薄餅，但咖哩又未到。等咗好耐，啲薄餅等到凍曬， 咖哩先至上…最奇嘅係個小食拼盤差不多食完先上…除此之外其餘都好ok，可能因為今日係節日所以廚房有點亂…？！？不過都會再去兩個人食四百幾蚊包嘢飲，啲嘢仲要食唔曬，小食拼盤打包咗一半，呢個價錢唔太差。

今次朋友帶我黎到呢間系隱藏系太子某角落嘅泰國餐廳，咁我個朋友就好鐘意食泰國菜嘅，所以同佢去親d泰國餐廳一定好正宗。咁一入到去d服務人員就會對住我哋打招呼，好友善嘅。同埋成個餐廳嘅裝修都幾好，咁我個老友就推薦佢哋個招牌菜，咖喱炒蟹。真係好好好好好好好好好好味！！！！！！泰國咖喱好正宗，辣得來之餘仲好香，同埋d蟹入面融合咗泰國咖喱嘅香辣味，真系令我回味無窮...........個咖喱炒蟹就388蚊，隻蟹都好大隻，抵！