泰聚 (已搬遷) 新店位置

同朋友gathering ,一齊食晚餐，叫了一碟蝦醬炒飯、炒通菜、泰式小食拼盤。整體都幾好味，只是價錢貴了一點，但環境舒適，同朋友坐喺度傾計傾好耐都冇趕人走，服務都幾好。

餐廳位於花園街，之前其實都有經過多次，但都沒有刻意去光顧，剛好這個月有朋友生日，就選擇了這歌泰式餐廳。餐廳地方頗大，很寬敞，晚飯時間滿滿都是人，相當熱鬧。餐牌菜式有很多選擇，但泰國菜式來來去去都是吃那些！整體味道都很不錯！冬陰公賣相很吸引，顏色很美，材料豐富，蝦仁的數目有很多，而且不是太辣，味道剛剛好。生蝦很新鮮，肉質爽彈，印象分很高。蒜蓉椰菜苗是泰國特色食物，椰菜苗很嫩，就是有一兩小條小菜蟲，清洗時要特別注意了。泰式炒通菜很惹味！沙嗲醬配三色串燒味道一流。青咖喱雞也不錯，用薄餅沾上咖喱汁，很配！泰式柚子沙律配料很多，蝦仁的數目也很多，但略嫌主角柚子少了點，味道上也是不錯的。拼盤種類也很多，味道可以。鹽燒鱸魚肉質嫩滑，好香鹽烤的味道。整體來說，這家泰國菜的味道真的很不錯，絕對可以再來，以後也不用老遠走到去九龍城了。題外話，要讚一讚餐廳的洗手間，真的很乾淨。

雖然位置不是很方便，但坐位舒服幾岩三五知巳吹水，同埋不限時，食就好一般啦環境寬敞值得一贊芒果沙冰很新鮮芒果味青檸沙冰，青新比較淡建議選擇番生果沙冰夠fresh但是論地點及泰國菜很多選擇，價錢相對略貴泰式豬頸肉，配既辣汁好好味，搞到好野味雞肉青咖哩，好咸配菜很小，完全不值木瓜軟殼蟹，蟹比較油膩，但木瓜沙律菜 尚可的串燒，有雞牛豬，但可惜三個味是一樣的咸咸咸，除顏色分別到是什麼肉食是分不出的，伏魚餅，總算正常

這次和朋友到訪這間泰式菜館，真心覺得一流！一入到去已經被裏面的裝修吸引着，店內貴麗堂皇，而且充滿泰式格調，座位闊落而且不逼夾，因為肚子餓的關係，我急不及待地點了一個店員推介的有營行政小菜套餐，其他還有其他午餐，不過這個set lunch比較適合我肚子餓的現況。這個有營套餐還包含小菜，飲品和泰式例湯，湯裏面有一塊冬瓜，非常鮮甜，超級驚喜。小菜酸酸甜甜的非常開胃，到主菜的時候了，我點了青咖喱牛肉飯，因為我愛吃辣的關係，這個青咖喱的味道剛剛好不會太刺激，咖喱汁有超級香濃的椰奶味，把那個汁用來送飯非常一流，忍不住要吃一碗飯，牛肉配上青咖喱汁非常夾，而且肉嫩無比，不像一般的牛肉吃極也不爛。再來就是喝吃泰國餐必喝的椰青，一個字甜！吃完飯後到廁所行了一轉發現洗手間才是驚喜大發現，這間店的裝修連洗手間都一樣華麗，真的要我盲了眼。這餐非常滿足，同時感謝朋友的介紹。

返工真是好大壓力，老公見我最近成日悶悶不樂，於是提議請我食好東西😍即刻心心眼啦！他帶我來食這間泰聚～食物質素高，食得好開心☺️可惜食得太忘形不太記得影相。我們二人點了個二人餐，入面包冬蔭公、拼盤小食、炒金邊粉和炒雜菜。我們還加了一杯西瓜冰。冬蔭公很足料，很多海鮮，滿囗香料味，不是太辣，令人想一喝再喝！拼盤的蝦餅炸得很香脆，連平時不太吃炸物的老公也吃得津津有味。串燒不會燒得太乾，有肉汁，醬汁很好味。炒金邊粉不辣，但入味。最令我驚喜的，竟然連炒雜菜都那麼好吃。不像是加味精的重口味，而炒得真的很惹味開胃！西瓜冰又大杯又靚，喝著喝著很爽☺️這真是一頓很出色的泰式晚餐！多謝老公！💕

老友們同我補祝生日，介紹泰聚，第一次黎食，好彩朋友訂左位，平日都滿座，充滿期待！一睇餐牌，價錢中等，相片吸引，各人自選心水食物，當中生蝦刺身，特別推介，新鮮爽口; 泰式燒雞，口感一流; 小食拼盤及蒜蓉包分量大及好好味，而木瓜沙律，則辣了一點點！ 青咖哩清香而不辣， 配薄餅一流，串燒肉嫩，沙爹汁惹味！最後，甜品選了三色芒果糯米飯 ，非常滿足！雖然價錢唔算超平，但食物有水準，一定會再encore！消費滿200蚊，有1個印仔，是晚已有6個印仔，下次可免費享用青木瓜沙律一份，正！p.s.多謝老友介紹及補祝我的生日

今天嚟泰聚吃晚飯，叫了嗰8人餐， 餐單𥚃有一款老虎蝦，嚟到只得6隻，有2個朋友冇得食，問經理㸃解， 佢話1份就是這樣， 咁問佢餐飲又有8杯，佢解釋唔到，話會同老細講， 唉！算啦！都冇下次👎🏻👎🏻👎🏻👎🏻👎🏻👎🏻👎🏻

話說大部人食泰國菜都會去九龍城今次朋友㨂左間係太子餐廳位置大約喺酒吧街嗰邊入邊都幾大同埋有梳化位諗住叫生蝦刺身可惜服務員話供應商有問題所以就冇貨 叫咗半打串燒味道係唔錯架嗰醬亦都好出色另外呢份係蒜蓉炒椰菜苗其實味道都唔錯嘅係個賣相比較唔吸引由於我唔食得太辣所以就叫咗個黃咖喱軟殼蟹農夫包一黎到... 嘩咁大個既超擔心食唔晒會嘥野味道好好之餘軟殼蟹除咗面有一隻之外其實佢入邊都會有多幾隻咁所以個感覺都OK最後仲叫咗個甜品就係三色芒果糯米飯啲芒果超甜超好味呢間餐廳嘅嘢飲係超大杯我叫咗個芒果沙冰到最後係飲唔晒嘅另外我朋友叫咗個菠蘿沙冰係原個上㗎

今日同朋友黎左呢間餐廳食飯。呢度嘅環境好舒適，座位好寬闊，好有氣氛😍我地叫左一個泰式小食拼盤、牛腩青咖哩、菠蘿同芒果沙冰仲有椰汁西米糕🤤泰式小食拼盤有蝦餅、魚餅、春卷、雞翼同香葉包辣雞。蝦餅同魚餅都非常彈牙爽口。蝦餅仲有粒粒嘅蝦非常有口感。炸得唔會好厚粉。春卷外脆內香且豐富材料🤤雞翼都幾滑。香葉包辣雞幾特別，辣辣的，香葉味好突出，雞索曬啲葉味，幾滑。牛腩青咖哩嘅牛腩好腍，唔韌，咖哩味香濃，食得淡淡嘅椰香味。送飯或蒜蓉包一流。牛腩份量多。菠蘿沙冰同芒果沙冰份量十足，糖漿唔多，唔會好甜，唔食得辣嘅朋友仲可以食啖冰黎降溫😂而且我地係望住佢用新鮮水果整嫁！非常新鮮！椰汁西米糕椰汁味好重非常香滑但唔會好腍，唔會好甜，有西米可有多重口感。價錢合理，食物好味，環境清靜。即使越夜越多人亦覺得好舒服❤️食飽飽，滿載而歸❤️

自上星期從日本回港後，打算齋戒日本菜一頭半個月，中菜又唔太想食，又走到太子上次和友人打邊爐的餐廳附近，原來旁邊係一間泰國菜餐廳（上次竟沒有留意到），雖然已經八點幾，但見到店裡都坐滿人，男人就建議今餐係到解決，好，反正很久沒有回鄕，都係時候一解思鄕之苦。已經工作大半天好耐無野到過肚既我倆，即該點左個小食拼盤（小），柚子蝦沙律，見到人地食既條燒魚好吸引都叫左條，最後再加了一碟炒雜菜。另外，食泰菜唔小得要叫番個椰青同lime soda 啦好快就上左個柚子蝦沙律，柚子蝦沙律酸甜，好開胃，Ｄ蝦好彈牙，食落唔係雪蔵野，男人食神上身話個沙律加左小小椰汁，嗒真Ｄ，又真係食到有椰味，的確特別。之後就到小食拼盤（小)，佢雖然字面上就叫做小，但個份量就一定唔係小，佢有五款小食，有春卷，蝦餅，魚餅，雞翼同香葉包雞，每款至少有兩件，好足料。下次真係要叫個大既睇下有幾大。到我地既主角－鹽燒烏頭，一見到都嘩左一聲，因為都幾大條下，店定將魚分開一半再燒，所以只要一翻就可以翻開條魚，魚肉點上佢既秘製醬汁，魚唔會太老，真係可以食曬成碗飯。食左咁多肉，之後就清清地來個炒雜菜，有各種不同既蔬菜，仲有我至愛西蘭花。成間餐廳格局

今日與先生到太子辦事，經過泰聚，見裡面坐滿了人，泰式餐廳我們平時都喜歡食，所以決定試下，等位約15分鐘，終於到我們啦。餐廳裝修優雅中帶著華麗，餐枱擺放整齊舒適。泰式炒雜菜$78。有十分爽口的椰菜花，秀珍菇，大白菜，紅蘿蔔，粟米條，西蘭花還有草菇，帶少少泰式的味道。柚子大蝦沙律$98。很驚喜呢，柚子大蝦沙律用柚皮原個裝上，真是美觀又實用。2隻大蝦在沙律面上，大大隻，十分吸引。蝦肉新鮮清甜，柚子帶少少酸甜，非常惹味。鹽燒活魚(盲鰽)$180。特價$168。鹽燒盲曹裏面有香茅及香葉，魚肉十分嫩滑，帶著少少鹽焗的香味，點上醬汁，十分鮮甜。甜品椰汁糕$38。面上鋪著椰汁的西米糕帶著香濃的椰汁味，好味呀。原個西瓜沙冰$58。西瓜沙冰由侍應擺上枱，吸引了沿途客人的目光，用原裝西瓜殼裝著的雪裡透紅的西瓜冰，真是人見人愛，冰冰涼涼帶著西瓜的甜味，美味非常。原個菠蘿沙冰$58。菠蘿沙冰與西瓜沙冰一樣吸引著眾人的目光，冰冰涼涼帶著菠蘿的酸甜味，惹味非常。原來此間泰聚的菜，味道不錯，有特色，無怪乎這麼多人，等十五分鐘也是值得呀。

今晚唔算多人,但我地都有訂位,因為人多就坐咗喺最後嘅長枱,個位冇咩冷氣風,但幾安靜,環境唔錯!同埋上菜速度算快,落完單5-10分鐘就有嘢食我地叫咗1.泰式炒通菜2.泰式咸魚炒椰菜苗3.泰式炒飯4.泰式炒金邊粉5.濕炒海鮮河粉6.泰式小食拼盤7.炭燒豬頸肉8.串燒沙嗲×29.牛油酥餅×310.焗蒜蓉包11.泰式燒雞12.香芒三色糯米飯13.椰汁西米糕14.泰式千層糕炒通菜好有菜味😂椰菜苗散發出咸魚嘅美味炒飯,金邊粉,濕炒河粉味道一般因為咸咗小小小食拼盤嘅春卷同蝦卷炸得好脆又唔油膩豬頸肉同串燒好唔係幾鍾意,串燒嘅肉比較難咬牛肉酥餅好受歡迎,我地叫咗3客,佢勝在較酥,食落去滲透牛油喺酥上面,好好味,而焗蒜蓉包都焗得好香脆泰式燒雞燒得好香最後香芒三色糯米飯,椰汁西米糕,泰式千層糕堅好味,香芒三色糯米飯嘅芒果好香甜,糯米飯配椰汁好有泰國風情,西米糕嘅裝飾好精緻,千層糕食嘅時候仲係暖,食得出係啱啱先煮好員工服務態度好,算有禮貌店裏面環境舒適菜式好好味,食得出係用心煮出嚟嘅餸

之前嚟開附近見到呢間泰國菜已經想試，今次再經過就決定一試去到先啱啱6點，所以冇乜人，但聽D waiter 講，好多枱都reserve 咗。都唔少tables la。一入嚟，近門口有個水吧望落都幾舒服好肚餓，一坐低就叫餸，叫咗柚子大蝦沙律。自己好鍾意個味，酸酸甜甜，好開胃，好fresh，貌相亦唔錯。我地分別叫咗杯原個西瓜沙冰同火龍果沙冰，本身應該係紅色西瓜但冇貨,所以用咗黃色西瓜。其實味道一樣，好甜好fresh,至於火龍果就比較清，但一樣清新😊泰式炒雜菜都好好食燒活魚我地揀咗烏頭，燒得啱啱好，味道夠，肉質鮮嫩個人好欣賞呢個椰汁糕，因為通常食到嘅椰糕都係比較硬身，但呢度係軟嘅，感覺係新鮮做而唔係雪咗好耐。成餐飯感覺都好好，值得一試

小弟同友人突然想食泰國野，又咁岩行過太子呢間餐廳充滿異國風情的裝潢，寧靜舒適就諗住試下呢間。暗暗的燈光，十分有情調。由於見到餐牌好多小食都好想食既緣故，就點左一份細既小食拼盤，一份青咖哩牛腩，肉碎粉絲湯。首先出場的係小食拼盤，對於為食怪黎講，甘多小食系面前任你食既感覺真係好好。小食拼盤份量足夠2-3人進食，包括炸蝦棗，炸魚餅，香茅雞翼，香葉包雞及炸春捲。春捲口感脆卜卜，入面系包住粉絲同雜菜，健康又惹味。炸蝦棗香脆可口，沿用新鮮蝦，口感淡淡蝦肉，抵贊。炸魚餅亦同樣出色，混入鯪魚肉帶點辣味，泰國風味十足。香葉包雞外形好似一隻隻缩細版鹹肉粽，入面包住鮮雞件，食落淡淡香葉味。第二樣菜式係青咖哩牛腩，通常食開咖哩雞，青咖哩配牛腩同樣出色入味，主角青咖哩，滲入椰奶香味，帶點微辣，加入洋蔥，泰國香料同香蔥，青咖哩汁撈飯食一流，牛腩既size剛剛好，唔會太大舊，配合青咖哩，整體效果都好夾。最後出場的主菜係肉碎粉絲湯，如果怕食得太濃味，呢道菜就剛剛好啦，幫你中和反，娃娃菜配合肉碎同粉絲味道好夾，剛剛食完濃味既菜，飲反淡清湯，可以平衡反曬，唔怕食得太滯。飲品方面點了一杯椰汁冰同埋熱菊花姜蜜。椰汁冰絕對大推

中午來到了位於太子花園街的泰聚，餐廳裝修時尚，地方寬敞，樓底高，毫無壓迫感，午市套餐選擇豐富，種類繁多，價格親民點了有營行政小菜套餐和午市套餐各一個，先黎既係飲品:原個西瓜沙冰🍉賣相吸引，清甜解渴，應該係冇加糖的👍🏻藍蝶花茶🦋顏色很漂亮呢！不太甜，味道特別然後上桌的是炒雜菜多款新鮮蔬菜，七彩繽紛，加左蒜粒更加香口，感覺健康青咖哩牛肉配飯牛肉份量多，肉質軟林偏瘦，青咖哩富椰汁香，伴白飯好好吃呢！泰式海鮮喇沙湯米線🍜湯底是很濃郁的椰汁味，有青口，鮮蝦，魷魚，雞蛋，豆卜，海鮮份量絕不少耶！最後叫左甜品: 椰汁西米糕，不太甜，質素不錯喔在太子附近的朋友可以來泰聚享受悠閒午餐呢