泰興旺 (已結業)

小時候曾是九龍城的常客，但舊機場搬走後，已極少踏足此地無意中路過，步入了泰興旺，隨即有阿姨親切招呼午餐價錢超值，大大碟麵/飯 $40 有找，難怪成學生聖地，早點到才有位點了青咖哩魚飯($35)，咖哩略甜，但辣度適中易入口，送飯一流，食量小的我也吃了整整一碟飯，還差點想加飯呢阿媽點了「媽媽海鮮辣炒麵」(確實名字忘記了...)，幼身麵條不油不乾，味道不太鹹兼用料豐富，分享了一半唔夠喉，下次我要「獨霸」一大碟!下次再訪九龍城，一定再光顧

放工後好想去九龍城食泰國野，今次同上次一樣，兜來兜去搵唔到位泊，唔同嘅係今次唔走，點都搵間泰國餐廳食！所以就去到呢間泰興旺門口，見佢無乜人，門口double park。一入去，店員先遞上一大籃炸蝦片，之後極力推薦炸豬手，結果叫了炸豬手及泰式炒飯，還有柚子沙律。以九龍城泰國餐廳的標準來說，以上食物基本上全部都唔合格！首先，全部都係冇味！唔香！柚子沙律是全乾的，一滴汁都冇，真係第一次食！當然亦係冇味！個炒飯都可以冇味先至夠奇怪！到最後佢推薦的炸豬手，豬皮很脆，有一點香，但內裡的肉也是冇味的！兩個人食，約$180唔算貴，但在九龍城，真係有大把更好的選擇！

1）牛油雞翼只有脆粉，完全沒有任何調味2）冬陰公不辣不酸，M size亦只夠四人份量3）豬頸肉比較好，醬汁比較咸4）拼盤M size每樣二件，當中魚餅味道很淡，蝦餅不彈牙，春卷不脆加單需時額外45分鐘，三催四請仍然未到。整體令人憤怒，一樓七張枱得一人招呼，永不再幫襯！

同朋友一行四人去九龍城食泰菜，有人話呢間唔錯咪去試吓首先叫左個生蝦個綠色既汁好好味，比平時其菜館多左種辣味一打串燒雞同豬個人覺得燒得乾左少少，個沙嗲醬唔夠香炸蝦餅呢個可算係全場最失敗，因為一啲都唔彈牙菠蘿炒飯個飯炒得靚，最鍾意佢有咁多腰果，但一齊炒會更好囉炒椰菜芯呢個味道普通泰式湯烏頭條魚好鮮味，可惜個湯酸左啲，蓋左啲魚既鮮味總括嚟講食物水準中等，但一場嚟到九龍城，可以食間好啲

泰興旺係九龍城一間開左唔夠半年o既泰國菜館,佢地唔駛收加一,平日夜晚都幾多人幫襯,店員之間係會用泰文溝通早前o係網站見到呢間泰國菜館有團購優惠,用$40 o既價錢買一張 coupon o係晚市時段當$80 用,若果星期一至四惠顧,每人可免費獲贈一杯珍多冰或青檸梳打coupon 可以散叫餐廳內o既食品飲品,不過餐牌編號 10,40, 90,91,92,94,95,96,100, 102, 104, 107, 108 o既菜式唔適用,好多網站會員都關心呢o的係乜野菜式但係好多日都得唔到答案,本人索性買 coupon 前打去商戶問清楚係乜野菜式,原來就係 "海鮮"我地當晚大約 7:30pm 入到菜館就見每張枱上都有一兜炸蝦片,原來要收$10一份,就好似中式酒樓要收客人花生酸菜o既小食錢店員話唔食o的炸蝦片就唔駛收錢,不過我地都食左o的,最後朋友拎大半兜炸蝦片返屋企原來呢o的炸蝦片仲放o係門口賣,$10一袋,我地見到有街外客人拎兩袋炸蝦片入菜館俾錢商戶可能想多o的團購客人o係平日晚上享用優惠,所以o係星期一至四使用團購優惠o既客人係可以獲得一杯珍多冰或青檸梳打我地兩個都要左珍多冰我地點菜時見到

今天同班朋友西貢出完海,7 点左右揸車到九龍城揾嘢食,經過福佬村道,剛剛有個兩小時表位,仲唔泊等何時.泊完車發現有間泰式小店咁多人等位,望落都齊整企理右光猛,右喺香港人心態啦,應該唔差呱,一等.等咗 20 分鐘左右,足知有位.真喺好肚餓,我們哪哪霖点菜,等僅之制,有碟虾片食住頂住先,又幾好食喎,辣辣地,唔知喺咪肚餓呢 !大大碟,抵食D燒肉好香好脆,再加泰式汁醬炒,一定要試醒胃,夠地道燒到剛剛好,條魷魚好大條呀,抵食拼盤樣樣都好好食,D虾餅夠彈牙,夠虾味$26 蚊可以食倒咁正嘅湯河,食完唔夠喉,再叫咗兩碗,超值.另外叫咗D 甜品都唔錯餐聽真喺唔須要豪華及包裝,整潔已經足夠,我個人認為最仲要喺食物質素.今次這間餐廳証明咗比我地睇我一班朋友都食得好滿促,今次都算一次意外嘅收獲.值得再嚟

昨天我和表姊到有小泰國之稱的九龍城食飯 聽朋友介紹這店轉了老闆,也改了新名字,剛坐在鋪看餐時,他們供給蚱片吃,有些徵辣。 而我們叫了雞蛋碎肉奄列和豬頸肉沙律。豬頸肉沙律帶微辣也用左許多香料,適合不太辣的朋友。 雞蛋碎肉奄列則使人驚喜,酸酸甜甜的,內有車厘茄,用料豐富。令人番尋味!!! 甜品點了雙色芒果米飯,雙色的米也不錯!!! 雖然裝修不是豪華那種,但那簡簡單單的裝修也使人更喜歡~~~