泰芒了 (已結業)

今日同朋友經過太子，見到好多人大排長龍，原來係排住隊買杯超大杯芒果飲品。杯飲品望落真係好吸引，於是我地亦都加入排埋一份，點知店內人手嚴重不足，一排就排左一個小時(而家諗返都覺得我地真係傻左-"-).終於買到杯飲品，真係超大杯，超碼兩個人先飲得完。立即飲返一啖先，點知係冇想像中好。三十幾度飲一杯唔凍的果汁，而且味道偏淡又冇芒果的香味，可能係主打"健康"冇外加糖掛，我心諗。果汁上面有一層白色的物質，我仲以為係椰汁/漿，點知係厚厚的一層奶油。奶油真係好鬼膩，而且之後仲同果汁溶埋一齊，真係幾核突，味道又唔夾。唯一好嘅係奶油上面有沙冰同幾舊大芒果肉。沙冰唔會太粗粒，而芒果肉大大舊啖啖肉，係就係甜嘅但就冇咩芒果香味囉。

食完飯 經過呢間泰芒了見到好多人排隊 咁就同朋友一齊湊熱鬧排下啦 一排竟然排咗成粒鐘 買咗杯佢哋嘅招牌泰芒了其實間舖頭超細除咗1個收銀仲有一個係廚房整飲品 我諗排咁耐嘅原因係因為得一個人整嘢飲結果想搵姐姐都要入去幫忙等到頸都長終於都到我哋我同朋友講我哋排咁耐一定要一人一杯講真真係好大杯，有成個下手臂咁長，上面舖左嗰4塊芒果真係啖啖肉，好好味。下面就有一層係cream加少少沙冰，最底黃色嗰一陣就全部都係芒果汁。飲得出佢係冇加糖水，非常天然非常健康。咁當然 鐘意食甜就會覺得唔夠啦。但我覺得幾好，而且聞到香芒嘅味道，以35蚊一大杯嚟計我覺得就抵過許留山。雖然覺得幾抵，味道又ok，但係真係排隊排得太耐啦，如果可以改善一點就應該幾好嘅。

講真~我7：30排隊買~我14號籌我當我前面其他人買兩杯野飲好未~都無可能排兩個鐘都仲未有杯野飲~有小朋友既話就可以比先~朋友們如果要買呢間野既野飲請帶小朋友或BB仔黎~咁你就唔洗排咁耐隊~我兩杯野飲唔可以比一杯我先既咩~因為會溶唔比我地先~咁既理由比左我後面個位朋友~話快話快但我都仲等左20分鐘~9：30都仲未有~😠😠😠😠😠😠

經開旺角，又記得依兩日睇過網上介紹，就兜路去依間泰芒了，門面好細，去嘅時候啱啱師父休息時間，店員叫我地落定單半個鐘後黎拎，咁一場黎到梗係等啦，去聯合行住等。過咗半個鐘，返到去見勁多人係度等，店員掛住出之前啲單，都唔得閒落新單。好多人見人多都走咗。得一個店員根本做唔切，我諗間舖都估唔到會咁好生意。等多十分鐘先到我，拎上手真係好大杯，急不及待飲一啖⋯⋯唔凍嘅⋯⋯ 上面大大舊芒果都唔凍。芒果汁都幾清甜，但唔係想像中芒果嘅濃香甜味。上面芒果肉份量都ok。芒果肉同芒果汁之間嘅白色物體，我以為係椰汁但原來係cream，嗯，真係唔係好夾，仲好滯。（仲要係半固態）最後真係飲唔落啲cream。不過就算無咗啲cream都唔覺得特別好飲。希望只係因為太多客佢先咁差品質，如果唔係熱潮一過，真係好難做落去，至少，我唔會再幫襯。