泰芒了 (已結業)

超大芒果杯😩 $35一開始抱着期待心情去試食, 但食完比較失望😥最頂層有4舊芒果🙈, 下一層係大量忌廉😓，之後係芒果雪糕的一層, 芒果冰沙等。但芒果肉一d都唔甜, 似浸了糖水😌, 而芒果冰沙夾集有芒果肉同忌廉，但就淡口，好似飲極都係忌廉👀，感覺不太好💢，飲到底有點過甜😕雖然d芒果好大, 但就唔好食😔成杯都唔太好食, 味道唔夾😥😥總結一句:忌廉×偽芒果汁👎食一次無回頭😕食幾啖已經唔想食😧

最愛芒果既我點可以錯過芒果食品，呢間大杯芒果汁絕對係我既心頭好！芒果汁既份量真係幾大，比連鎖店更抵飲，只系芒果味道唔夠鮮，多係糖水味，不過味道都可接受既！沙冰份量唔多，不過幾好味，抵飲首選阿！

朋友話一路都想試呢一間芒果杯，今日經過太子食完飯，大家都去買咗杯當甜品，之前見佢成日都排晒長龍，但係近呢幾個月都見到條龍消失左。買咗佢最大個杯芒果杯＄35 ,我同朋友一齊share，一飲落去就覺得好甜☹️，飲得出有芒果味，但溝左好多糖水，上面嘅芒果肉都唔甜，而且有啲食落有渣嘅感覺，趁朋友飲緊嘅時候，走去聞吓旁邊佢哋買嘅芒果，只有淡淡的芒果味，一啲都唔香，佢嘅份量係好大，飲完真係超飽，但只此一次🤢。

We planned to go to some nice bar nearby after we had dinner at prince Edward. Lucky, we did not have any dessert after dinner. .We bypass a mango juice shop..We saw someone ordered a huge cup of mango juice. So we asked our friend to buy same, a huge cup of mango juice, and we four friends share together. .Mango taste not strong, maybe add some water inside. But still there was many mangos. It was really huge enough shared by 4 people..

30幾度高温，經過見到呢杯，好似好消暑好吸引，所以買左杯仙草芒果汁飲。等就唔係等左好耐，個呀姐都算有禮貌。杯野個賣相好吸引。點知飲第一啖。。。暖暖地嘅應該係天氣太熱，D芒果同仙草都係暖暖地嘅，好失望。個味唔係真芒果，但都ok，如果冰凍D會更加好。

前一排Facebook大熱嘅泰芒了終於有幸黎朝聖雖然過左咁耐但都有人龍等候可能因為開舖無耐仲得兩個人番工，都等左一段時間終於輪到我啦！！杯嘅size的確好夠大 已哩個價錢黎講CP值都算好高嘅兩個人飲都飲唔哂🙈不過味道就就連許x山嘅都比佢好飲夏日炎炎感覺自己好似浪費左D時間唯有好嘅系有大大粒芒果肉食下，中間仲有一習厚厚嘅Cream🙈但成杯野飲無咩芒果，好似飲緊糖水咁 好失望唔會有下次啦🤦🏻‍♀️

大陸都有分店的泰芒了進軍香港，用的是泰國芒果和香港的牛奶，點了這個外表最誇張的超大芒果杯，由於是即切即製，所以等候時間都相對比較長，這天買票都取飲品都等了超過半小時呢。.飲品終於到手，高身的杯足足25cm高，味道比菲律賓芒果沒那麼甜，反而帶出淡淡的芒果味。芒果汁上面還堆砌了幾大塊的芒果和芒果沙冰，軟軟的好好味，而忌廉就是包在芒果班戟裡面的味道。整體來說大大杯算抵飲，而且性價比高，行過的話一試無妨！

之前成日聽人講已經好想試，來之前睇過食評好多都話唔好飲，但因為本人好喜歡芒果甜品，而且見大大杯好吸引！所以就決定試過先心息。 叫左杯芒果仙草，得個甜字，成杯都係糖漿，好少芒果味，同芒果粒都好淡。其實杯野幾啖飲哂，而且唔會想飲糖漿入面有cream，但其實唔夾。杯野$28，呢個價錢唔貴唔平，但咁既味道就一定唔會再試 夜晚去都好冷清，唔洗排隊。希望呢d專賣芒果既店舖用心做好佢，唔好求求其其為左賺錢就整d劣食比人。

行過此店數次，終於立下決心試1次呢間泰芒了嘅鎮店之寶 - 超大芒果杯當我話要order 超大芒果杯，最深刻係原先木無表情嘅老闆，突然展開燦爛嘅笑容，唔通好耐都未發市超大芒果杯 索價 35蚊，吸引我試就係想感受下拎上手1000cc 嘅芒果汁甘大杯，一野吸入口嘅豪邁爽快感!杯中物: 最上層係大粒芒果肉，但像浸了糖水，失去芒果原有味道，中間淡黃色係楊枝金露味加芒果雪糕，再入面部分係大大量 嘅忌廉，最底部仲有幾粒大芒果，成杯夾集流動就係芒果汁。但味道算是-偽芒果汁，失去清甜感覺。

早排去親買麵包都見到一班人排隊，keep 住二三十人左右，原來係因為杯大芒果飲品。 除左招牌芒果超級冰外，仲有紅豆芒果汁，雪糕紅豆果汁，芒果蜜瓜汁等等，另外仲有熱狗等熱食。咁見個個都一大杯一大杯咁，都要試招牌($35/1000cc)啦，佢旁邊擺左啲芒果,個個都成隻手咁大！ 等左半個鐘(等10分落單，20分鐘等杯野整完), 終於拎到杯野！ 芒果就大約2.5cm x 2cm 一舊，有4舊， 都算一啖一舊。 另外有幾層，例如忌廉，似芒果雪糕的一層， 芒果冰沙等。芒果唔太甜，而芒果冰沙都有啲芒果肉同忌廉，但就有啲淡口，幾乎飲每啖都有忌廉，感覺不太好，飲到底有點過甜，唔太解到渴。。。 貴就唔係貴，但就唔好味，浪費左脂肪qouta飲啲唔好飲嘅嘢咁，失望收場！

早排係Instagram，見到好多人拎住呢一杯影相。作為芒果控嘅我，又點可以錯過呢拎住呢杯野，感覺好滿足。好似拎住一大個芒果周街食，又唔會整污糟隻手。食落去嘅芒果味冇菲律賓芒果咁好因為本來泰國嘅芒果就係咁。但係以＄35一杯來講，佢算係超值了足足等左成15分鐘先可以食，都值得嘅

上次泥過摸門釘，今次終於試到呢到既大杯芒果汁芒果汁的確好大杯，又夠凍。飲落去好清甜，5系過甜既糖水芒果汁，芒果汁入面好多細細既芒果肉，一邊飲都會吸到芒果肉，不過d細粒芒果肉系冇批皮9成都食到系連皮杯面既芒果都好甜，如果冇cream同埋多沙冰會更好，成杯我5系好飲到沙冰

偶然經過此店，一向喜歡芒果的我，被它的展示品吸引了 - 大大杯果汁，還有很多芒果肉，便決定買一杯試試。剛開始飲時味道還好，之後卻愈飲愈覺味道很假。而且發現杯中有很多cream，又甜又蓋過芒果汁的味道。芒果肉也是酸酸的。真是令人失望啊！😫😫

之前聽聞依間店的芒果飲品非常受歡迎，但礙於開鋪初期太多人排隊，到依家諗住熱潮退下時就買杯試試~ 去到果然見唔到人龍，三心兩意下最後決定買杯超大芒果杯兩個人一齊飲~ 杯飲品真係非常大杯，飲極都仲有，而且杯頂有不少芒果肉，起初飲的芒果汁比較清甜，同平時係許留山飲的味道不同，芒果味冇咁濃郁，且味道少了芒果那種甜，可能這是泰國芒果的分別~ 到飲到中層以下時，可能加入了cream既關係，令飲品比較杰身，冇起初咁好飲~ 小編個人都係比較喜歡芒果味重d既芒果飲品~

Nosir是芒果控，所以早被網絡瘋傳的泰芒了的1公升芒果特飲吸引了，而這晚也是大排長龍，等了半小時才拿到我們的超大杯芒果汁，1000cc才售$35，雖然拿著大大杯芒果汁好滿足，但味道比較淡，而芒果也不夠甜，還是許留山的芒果爽好得多😅大大杯滿足貪婪的慾望，可是完全無法滿足芒果控的慾望😅