泰苑小食

營業中

休息中

Happy Friday 當然要慶祝下！每次搵食唔係旺角尖沙咀就係銅鑼灣，今次專登行遠d 去一個冇地鐵去到既地方，九龍城搵美食. 呢度出名食泰國菜🇹🇭，每條街至少有2，3間泰國餐廳. 而呢次選擇左夠晒地道親民既街市泰國餐廳. 將近9點都依舊好多人幫襯. 好多人叫沙冰，而我地就叫左椰青同珍多冰. 🍹好重椰香味,珍多冰既配料好有咬口👍🏻好鐘意泰式燒雞，唔太肥又烤得好香🐣當然唔少得泰式蝦餅同串燒. 不過蝦餅應該炸左好耐，唔太熱，而串燒肉混合唔太濃既醬汁則岩岩好，唔太膩.整體價錢同食物質素都唔錯😋可以再試！

泰苑今日去九龍城，一心諗住食泰菜，朋友問我夠唔夠膽去街市搵食，去咗九龍城咁多次，都係去餐廳，原來係九龍城街市嘅熟食市場，未試過泰式嘅大排檔，但係當然奉陪到底，佢話又平又好食。但係價錢，已經相當實惠。細冬陰公＄55青咖喱雞＄50泰式炒通菜＄45酸辣生菜包（豬肉） ＄55椰汁芒果糯米飯＄40📍酸辣生菜包（豬肉） ＄55肉碎生菜包好抵食，因為份量亦都好多，肉碎排成一座小山，而且翠綠色嘅生菜都好新鮮，都有六至八塊咁多。肉炒得乾身，唔會有太油膩。📍細冬陰公＄55雖然叫做細冬陰公湯，但係都有四至五小碗咁多，一啲都唔細，用料都好豐富，但係略嫌唔夠辣，仲有蝦添，香茅，魚露令味道好豐富，整體不錯。📍青咖喱雞＄50份量也比一般的小，不過呢一個份量好適合兩個女生。份量雖小，但係味道超濃。青咖喱的味道比一般黃色的咖喱更為香辣，嗜辣的。整個假呢，好香滑，都釋出好香濃嘅椰汁味，只需一碗簡單嘅白飯，已經令人食慾大增。雞肉方面，係急凍雪藏雞肉，不過以這個價錢，也不能夠要求太多。一碗味道濃郁嘅青咖喱，令人忍不住多吃幾口飯。📍椰汁芒果糯米飯＄40呢個價錢，當然有更加平啦，不過最欣賞係佢上枱嘅時候啲糯米飯係熱㗎 ，仲要冒住

閒日中午二時多到店，沒有其他食客中午order炒野有汽水、龍眼冰送香葉肉碎飯很多地方都是肉碎與白飯分開，泰苑的是炒在一起，火候十足香噴噴，香葉味更突出，不太辣十分適合我鹵水鴨湯河$30以前番學年代經常食，味道一樣好，鴨嫩河粉滑泰式金邊粉 $50個人認為甜左少少，入面有3隻蝦、豆干蛋絲芽菜細冬蔭公 $55椰奶香濃、甜辣適中、有1隻大頭蝦多菇可分到4小碗只可惜吃後十分口渴沙嗲豬牛雞6串 $60汁甜、雞嫩豬有咬口、牛薄且有太多鬆肉粉

尋晚約左朋友食飯，因為本身冇乜胃口，想搵酸酸辣辣嘅嘢食，就決定去好多泰國人聚集嘅九龍城食泰國菜，朋友話去市政大廈樓上食，其實之前都食過幾次，覺得食物質素唔錯所以再翻兜，可能因為落雨又凍嘅關係，上到去居然冇乜人我地叫左柚子沙律🥗、酸辣椰子🥥雞湯、香辣肉碎炒河同一枝泰國啤酒，賣相唔錯，最鍾意就係柚子沙律，酸酸甜甜好開胃，好似食緊沙田柚，再加上有幾隻蝦同洋蔥等配料，食完即刻想再食其他嘢另外酸辣椰子雞湯飲落好香椰奶味，亦好足料，有菇同雞肉及其他香料。而香辣肉碎炒河就好香口惹味我見招呼我地嘅應該係泰國人，食落總會覺得更加地道有風味，令我好掛住之前去泰國食嘅街邊小檔

我食過咁多間泰菜，呢間真心都算幾難食，鴨肉湯河冇牙菜，鴨肉老到咬吾入，湯底又吾係鹵水，菜……一條菜切開五條，吾洗咁呀，仲要係唐生菜咋，冇下次點解要咁，唐生菜好平啫，碗麵又細,

相信大多數朋友一講平民泰國菜就會諗起 -, 就今次同大家分享下呢間位於九龍城街市3樓o既泰苑小食.....本人亦唔係新客仔, 其實以地方環境黎講, 地方雖然細細, 但服務員幾好禮貌, 多係泰國人, 亦都有好多人去幫襯.是次係朋友生日飯, 一行5人, 一共點左8碟餸:柚子蝦沙律 - 醒胃, 柚子唔苦, 蝦又爽炸蝦餅 - 夠彈牙, 正常水準, 秘制甜酸醬正!炸魚餅 - 內裹有香矛, 香料十足, 有種飲冬陰功o既感覺, 秘制甜酸醬正!串燒 - 牛較老, 雞肉滑嫩, 秘制沙o爹醬好好味!炒泰粉 - 較濕, 但味道調配得恰到好處炭燒豬頸肉- 鍾意食辣o既朋友要試下, 碟餸一放低陣辣味已經湧埋黎, 我本人唔辣得, 但朋友讚不絕口.咖哩炒蜆 + 蒜蓉包 - 呢個配搭是常識吧, haha~ 以蜆黎講, 呢度算大隻, 大概有8隻左右.泰國咖哩偏甜唔辣, 岩晒我地呢d食到少少辣o既人

細個係九龍城讀書，對街市嘅泰菜好有回憶。黎過N次！今日收工同朋友去完Thai massage，就梗係想食Thai food match番啦！生蝦刺身麻麻地，唔夠新鮮同爽甜。豬肉生菜包係必食，不過不失啦！雞、牛、豬串燒，肉質都幾juicy。最後有個粉絲蝦煲。第一次上枱，我發現個蝦半生架，就問個侍應半生熟大蝦係咪特色。佢話整過俾我。第二次上枱，蝦係熟左，但成煲粉絲已經overcook。好在，同好朋友食飯係為左見下面傾計，食物都唔係最重要。雖然幫襯N年，但都要考慮下會唔會再黎。

九龍城出名食泰國菜，今次就去左朋友介紹話九龍城街市樓上熟食有檔幾好食就一於同屋企人去試下啦！街市樓下對面就有錶位泊都算方便，不過晚飯時間就未必咁好彩有位！上到三樓就見到有幾間餐廳，環境尚算可以，不要要求十分乾淨但好在冷氣都算夠！怕熱既朋友仔夏天去都唔會太辛苦。一坐低都好快有人落單，上菜都算快！生菜豬肉碎包味道都還好，不過就幾多汁！炒椰菜苗味道就有少少偏甜，串燒好乾身(不太推介)，冬蔭功湯味道算椰奶味重，燒魚就有少少淡味！總括呢間味道一般，價格同普通泰國菜差不多，不過都可以有下次！！

今晚陪老公去九龍城廣場買野, 當然晚餐也在九龍城解決, 見時間尚早, 就去老公至愛既街市食泰菜。ㄧ坐下, 第ㄧ時間叫咗老公必吃既泰式生蝦刺身, 大大隻啖啖肉又爽口, 好鮮甜, 完全冇雪藏味, 沾上秘制蘸汁, 超正, 仲有炸蝦頭㖭。之後叫咗泰式豬頸肉, 香口又惹味, 配上泰式醬汁更加醒胃。菜就ㄧ定唔少得, 馬拉盞炒通菜, 炒得D通菜又嫩又綠, 配上香辣惹味既馬拉盞, 下飯必選。我哋冇食飯, 揀選我喜愛的酸甜泰式炒金邊粉, D蝦脹卜卜, 材料十足, 加上花生碎, 口感豐富。另外我叫咗杯椰汁沙冰, 係咁熱既天氣下, 真係透心涼。

泰苑小食•Amporn Thaifood地址 位於九龍城侯王道48號九龍城市政大廈3樓的熟食市場內，由地面搭升降機上去是最方便的，因為是在街市內難免都會碰到小強，雖然天氣炎熱，但室內街市是有冷氣的，因此唔會食到大汗踏細汗，晚上大概七點左右已經有九成滿座，因此如要幫襯我建議大概六點鐘嘅時間就要來攞位，店員是泰國人也可用廣東話溝通的，而食物價錢大概$10-$288，餐牌選擇豐富，我點選了以下幾款食物：★小食-醃去骨鳳爪$45 超辣，食咗幾夠就食唔落★ 小食-醃燒豬頸肉沙律$60好香，豬頸肉唔嚡口，而且酸中帶少少微辣，配菜也是頗多的★湯類-冬陰公（S)$55很足料，椰漿味濃及帶甜，而且不算辣，草菇頗多及有兩隻開邊蝦，夠四人飲用★湯粉-滷水鴨肉湯河$30這味道正是泰國吃到的味道，河粉很滑，湯底香濃略鹹，鴨肉配料較少★飲品-芒果沙冰$22$22 大大杯，很抵飲，芒果味道香★特別推介-蠔仔煎蛋$65蠔仔大大粒，很有鑊氣整體而言，價格相宜，每碟都大大份，如經開想食大排檔的風味，就要嚟試吓。

好耐之前都幫襯過九龍城街市上面呢間泰國菜，食下泰式炒河粉、冬蔭公之類，印象中係抵食！今次趁早嚟到九龍城唔洗等位，可以再試一次呢度嘅泰菜。餐廳雖然喺街市上面，都有冷氣，環境就不及出面泰菜鋪咁精緻，但衛生尚算ok！價錢又的而且確比出面平少少，不過有d嘢食都幾令我失望。芒果沙冰好香芒果味~好味推介!馬拉盞炒通菜炒得好有鑊氣，幾好味！泰式生蝦初時睇~咦!乜咁好炸埋個蝦頭比你食，不過因為唔係即炸，所以係凍嘅同好腥！但本身個生蝦係得嘅，蝦肉厚身又爽口，個汁夠辣幾好味！一碟有7隻都幾抵食！醃去骨鳳爪原本無諗住叫，點知見佢咁平忍唔住叫埋。又幾好味喎！我鍾意佢d洋蔥食落口無好生果種辣味！青木瓜沙律同喺泰國食果個都有d似，酸酸地仲有好多蝦仔係面！串燒(豬&雞)d肉好鞋，個沙嗲汁先係敗筆！黑椒炒蟹呢個賣相一流，食落真係跌晒眼鏡。個黑椒汁味道係ok，加上有咁多蔥，我好like 。但主角...隻蟹d肉霉架!!!霉架!!!霉架!!!重要嘅嘢要講3次！食食下都無乜心機！

是晚口痕痕想食惹味/ 濃味野第一時間當然諗起泰國菜去到九龍城, 睇左幾間都覺得好似貴左咁多0既..?!於是靈機一動, 諗起之前朋友帶過我去街市食三個字: 平. 靚, 正.上到去超旺場~~ 都8成full , 好彩唔洗等位衛生環境我覺得接受到, 呢個價錢... 算係唔錯啦, 唔好咁高要求炒河好有獲氣, 好惹味, 大愛 (雖然係有d 油, 不過都冇可避免架啦)咖哩都ok, 我地另外叫左蒜蓉包來食, yummy! 芒果沙冰都ok, 幾夠甜, 隻味唔算太假最後就係我最愛的芒果燸米飯三個字: 無得彈呀!!! 

九龍城一個泰式餐廳多到每一條街都係嘅地方我自己會覺得間間都係泰國人打理味道應該都唔會差得去邊今日好想食泰粉叫朋友出嚟同我食返碗原本我哋都有一間食開嘅但想試第二間聽聞街市上邊嘅泰菜幾好食滿心歡喜走去一試一睇到餐牌我都覺得幾好啊！價錢平兩個人就叫咗兩碗粉同一個豬頸肉小食泰粉一上，賣相都幾令我地失望但心諗唔緊要味道最緊要我哋就飲第一口湯我同朋友同一反應覺得'好鬼鹹'我哋需要落大量嘅調味料去沖淡鹹味豬頸肉燒得太過來質感硬唔好食最後雖然碗粉好細但我哋都食唔落俾錢走咗呢一間餐廳從此我都唔會再食

今日係旺角吾知食咩好，就話不如入去九龍城食飯，最後我地選擇左街市的泰國菜，今次我地叫左4樣野，2個食最後仲要食吾晒添都係＄392，其實都抵食而衛生情況不錯～！不過待應要叫多幾次先得，因為人數不多。 生蝦，這裡生蝦幾特別喎，有生蝦又有炸蝦頭，有7隻份量都OK，食落厚身又新鮮加上醬汁酸辣不錯。冬陰公湯細$55份量都吾少有4碗仲要勁足料添，蝦不是太新鮮但可以接受，勁多草菇，但味道吾夠辣偏咸少少。烏頭黎到好大條下，醬汁吾錯魚夠滑，最後我地2個人仲食餘1/4條魚係度添，勁抵食！！黃咖喱牛肉，蒜茸包..黃咖喱偏甜反而吾覺咖喱味濃，牛肉偏厚少少硬身，洋蔥夠淋身好味而薯仔就硬左少少。蒜茸包都夠脆但一定要快食，因為放耐左就好難硬而蒜茸味一般吾叫十分多，只屬一般。

九龍城出名多泰國菜食，我同我bb就去左九龍城食泰菜，朋友介紹我去街市到食，佢話又平又好食，咁我地就去試下我地叫左個芒果沙冰同椰青，芒果沙冰好甜好香芒果味青咖哩就冇咩特別生菜包，都偏辣青木瓜沙律我係泰國好中意食架，好少泰國餐廳有得食，味道都似7成串燒都好香，都唔錯呢間餐廳都比出面泰國餐廳平少少，味道都唔錯