泰苑小食

營業中

休息中

在九龍城區出名泰菜店舖多，所以我同女朋友已諗好去試下。 我們先約好在北角碼頭起行，坐船到九龍城碼頭啦，發覺九龍城區都無咩變化，依然係舊區。我女朋友仲以為返左大陸添  行行下，我們發現了位於街市大樓3樓既泰苑小食。咁我地就決定上去試下啦到了目的地，發現環境衛生整齊，又夠大。我同女朋友點了3樣野食。           1。酸辣鳳爪:這個係我次次去食泰菜必食既，去左骨既鳳爪，勁酸勁辣，鳳爪又香脆，勁好食囉，係必食既。這個係我食過咁多次最好食既酸辣鳳爪             2。馬拉盞通菜:用蝦醬炒，但無蝦醬味囉，又唔辣，d菜又老，唔踮。            3。菠蘿海鮮炒飯:用了蝦米，肉鬆，腰果，提子，魷魚，菠蘿。開頭我同女朋友仲以為係用原個菠蘿上碟，點知唔係啊。 但食落又幾好味啊，算ok啦。但海鮮勁少，魷魚得兩片。

聽朋友講，想食泰國菜，首選去九龍城區，比較多地道小店！今次就同男朋友潛入龍潭，捐窿捐罅去覓食 ！我地由北角碼頭坐船去到九龍城，跟住慢步周圍捐。耐時無來九龍城，唔單止依舊仍然係工業區，好多樓宇都仲未重建，維持舊貌。我地行去所謂既泰國菜街，老實說地道小店就唔覺多，可能我地唔係地頭蟲卦！正在盤旋之際，無意中望到有座九龍城市政大樓，心諗: 通常街市上面既食肆都比較出色有風味……於是大踏步上前，見到貼住招紙三樓泰苑小食。我地坐自動電梯直上三樓視察環境，似乎几啱心水噃……泰苑猶如一般街市既小食店，侍應姐姐貌似泰籍人仕，識講廣東話。都几多人幫襯，滿哂座，應該唔太差！男朋友話好想食酸辣鳳爪 ，呢碟係必點之一，仲好快趣，一點就上！勁酸辣，鳳爪爽脆q彈 ！男朋友話食左咁多間，最好食係呢間, 爽到爆燈 ！馬拉盞通菜 : 侍應姐姐話係用蝦醬去炒，但鹹味唔夠，無穫氣，通菜炒得過腍！菠蘿海鮮飯 : 我地睇見餐牌張靚相而點，點知侍應姐姐一句: 我地唔用菠蘿上架！用碟上 賣相真係無咁靚架！但又唔知叫咩飯好，照點喇……估唔到又炒得几好食 ！有菠蘿、提子乾、腰果、肉鬆、紅蘿蔔粒、蝦、鮮魷等。可惜海鮮太少又

第二次幫襯九龍城市政大廈呢間泰菜，等位耐，今次點咗8至9樣餸，生蝦好鮮甜，串燒就太乾身唔夠肉汁，冬陰公湯好夠味，咖喱只屬一般，蒜蓉包唔夠脆，我哋叫咗好多啤酒，人均消費只係$150唔算貴

九龍城真係大把泰國菜食,而今日我就黎到依到,泰苑。因為只係下午茶既關係,所以只係揀左D小食。一黎就叫左個青芒果沙律食落個汁有D似泰式個種酸辣味，幾特別嫁都,食落都算幾辣下，會追住食,之後愈食愈唔覺辣，辣之中又有青芒果既香味，加埋個青芒果都好有咬口。沙律個底係生菜,爽口,酸酸地好開胃！之後就叫左一個冬陰功湯粉湯唔算太濃，不過冬陰功湯個種酸辣就唔算太出色。湯底就一般,不過材料十足,好多海鮮又有蝦、青口同埋魷魚，全部都夠鮮甜,算係補番湯底既不足。最後當然要食埋甜品,叫左依個芒果椰汁糯米飯。反而依個十分抵讚,芒果岩岩好，夠哂甜。而個糯米飯就有黑同白，白既入口好軟，反黑既就好有咬口,兩隻對比做得好好。整體黎講個甜品真係做得好好,值得一試。 

今日再返去食多一次生菜包，個汁好正宗，不過唔知啲人會唔會嫌佢啲汁漏到周圍都係？我就無所謂!超野味!在試左佢個炸蝦餅，好濃郁蝦香，皮炸得好鬆脆。個汁我覺得還可以，唔點汁都已經好好味。係暫時食過最好食嘅蝦餅。手打果然唔同啲。之前試過佢個奶茶紅豆，無咩甘特別。$20覺得唔值得試。

芒果沙冰 $20(好食指數:8.5/10)16-11-2013餐廳位於九龍城熟食中心，晚市十分熱鬧。平時食泰國菜都係飲下椰青解渴，但呢度竟然係推介芒果沙冰。出乎意料芒果沒有過甜，冰亦無過硬或過水。最啱食完辣既泰國菜即飲爽哂！生蝦刺身 $79(好食指數:7/10)16-11-2013生蝦係呢間泰國菜openrice既推介菜式之一。醬汁又酸又辣，同生蝦刺身最夾，除左辟走腥味，仲點綴左原本無乜味道既生蝦。每隻生蝦都幾大隻，但略嫌生蝦唔夠彈牙。除左刺身外，將蝦頭炸熟左，連蝦頭既膏都可以食架！一味兩食！冬蔭公(細) $50(好食指數:6.5/10)16-11-2013冬蔭公材料以草菇為主，酸味遠遠重過辣味，個人覺得好似變左湯咁，味道唔夠濃烈，但整體普通唔突出。泰式鐵板蠔仔 $65(好食指數: 7.5/10)16-11-2013一開始都擔心會唔會變左蚵仔煎咁好多粉漿，原來佢係分開黎炒。鐵板黎既時候好熱出哂煙，炒得好惹味。蠔仔都算大粒同多肉，唔會炒完縮得太多。雖然底下已經舖左d芽菜吸油，但都仲係算做幾油下燒豬頸肉 $50(好食指數:7/10)16-11-2013豬頸肉切得好薄而且有紋，味道略嫌燒得唔

舊朋友為我慶生，簡簡單單選擇了我們都愛的泰國菜！對上一次來的時候，也是跟這一班舊朋友來的。可是這一次，我們都失望了。泰式生蝦是我每次吃泰菜的必然之選, 不過近年到那裡吃的生蝦己大不如前, 這裡的也不例外。一PAT生蝦送來 (我覺得用PAT來形容真的最貼切不過), 了無生氣, 行屍走肉。味道?! 就只有那醬料的味道。蝦頭看似有誠意的, 但無奈蝦的本質不好, 乾炸的, 不吃也罷。 馬拉盞通菜。味道一般。豬肉生菜包。酸酸辣辣的, 但獨欠香草香茅等複雜味道, 沒有靈魂。炸蝦丸, 我覺得是全晚比較好的一樣。即叫即炸, 熱辣辣, 而且炸粉非常薄, 蝦膠質地彈牙。最後, 點了一個冬蔭公炒大蜆, 還是真的非常無蔭公, 好像胡亂炒一通。可是, 叫價卻是過百, 但只有數隻中蜆。冬蔭公未免太過稠身, 我吃了一只已經不想再吃了。埋單五百多，以這樣的地方環境服務，不值。

星期六放半天, 同媽咪到九龍城行下街, 行到咁上下, 係時間醫肚於是到市政街市!還記得好幾年前試過呢間泰苑小食, 記憶中是不錯的, 另外看見很多服務員是泰國日, 相信一定很地到!店內不是很多人! 點了食物如何:1) 生蝦 : 大大隻, 鮮味十足, 蝦頭還炸熟了, 蝦上的伴菜為一片生苦瓜 (最近去泰國, 也是用苦瓜的 果然很地道)2) 豬頸肉 : 份量也不小, 味度普普通通, 不錯 3) 青咖喱配鷄+ 白飯 : 鷄的份量很小, 不太愛食辣的好所以選了青咖喱, 椰汁味很重和很香 配 飯是絶配吧!  4) 飯品 : 一枝泰國beer 及 可樂呢個價錢係街市食, 感覺有點貴, 因為午市和晚市是用同一個價錢的!下次會選擇晚上先黎

炎熱的六月天，想吃點開胃的，所以到泰苑。九龍城泰國菜館多的是，選泰苑，因為這裡的芒果沙冰！我選芒果沙冰，酸酸甜甜的透心涼！放久了，也不會一層水一層芒果，仍很稠滑。Honey點泰式咖啡，也不算太甜。開胃菜：青芒果沙律汁醬像泰式白雞腳的酸辣味，初初吃頭幾啖，幾辣，慢慢多吃幾口，就不覺太辣，才嚐到青芒果的青香，而且，青芒果很有嚼勁。碟底是生菜。整個沙律好醒胃！主食：冬陰功湯粉湯不多濃，欠冬陰功湯的酸辣。海鮮有蝦、細青口、魷魚，海鮮都鮮甜。我們見泰國姐姐不停手塗法包，所以點了蒜茸包。一般，蒜香不夠。吃了辣的，最後要吃甜的，解吓辣。Honey叫了芒果椰汁糯米飯。芒果熟得剛好，好甜。糯米飯有白和黑，白的軟糯，黑的好嚼口。好好味！整體而言，最佳的仍是芒果沙冰和椰汁糯米飯，其他都Ok。

星期日帶左食狗狗去沖涼，就係九龍城搵野食啦！想食泰國野就上左黎街市上面的泰苑喇先叫了三杯飲品，分別係青擰梳打，紅豆奶茶及椰汁綠豆冰紅豆奶茶~~~淡而無味的，紅豆是硬硬的，完全冇紅豆香，奶茶不單沒有茶香更是有點"鞋"呢椰汁綠豆冰~~~好奇怪的綠豆冰不是用綠豆邊而是用綠豆生牛肉湯河~~~湯河上枱時牛肉已變全熟，沒有生牛肉的，湯底味道唔錯但一定下了不少味精，因為食完超口喝蝦醬炒飯~~~味道炒得好好，但唔知點解好細碟炭燒豬頸肉~~~豬頸肉燒得剛好，醬料味道教得好好味炸蝦餅~~~依舊的美味，每次來都會叫一客炒椰菜苗~~~味道很好，但有得油食物總括來說是好的，但下了太多味精，食完好口喝！

奶奶生日話食菜國菜, 我介紹去九龍城街市上面食泰國菜, 因為兩年前同朋友食過係好味的. 點知, 兩年時間, 竟然變成咁. 所以連相都吸引唔到我去映. 咖喱炒蟹 - 冇咖喱味, 蟹肉霉, 唔夠香唔夠辣, 太多生粉打個獻生菜包 - 不過不失, 冇特別小食拼盤 - 呢個太離譜, d野係一早整好再翻炸, 我一食就食得出. 蝦片新鮮炸出黎係脹卜卜的, 佢嗰d係縮咗水燒豬頸肉 - 叫最好食, 不過其實係d汁好食囉蒜蓉包 - 冇蒜蓉味, 個包又唔脆唔會有下次.

因為要過九龍城取團購, 同阿媽行到九龍城街市. 去到九龍城, 就會想起一間又一間的泰國餐館, 但從沒想過街市熟食檔都有泰國小食阿媽話好多師奶同事叫佢行到街市一定要上去試試, 於是晚上8點半, 街市正在大掃除扶手電梯都關了, 我們搭電梯上3樓. 打開門, 竟是另一個世界!燈火通明, 仲有人等緊位, 咩事呀??熟食檔得兩間, 泰國菜同火鍋粉面店, 同樣多人! 不過我揀了泰國菜, 兩個人等了10分鐘就有位~餐牌有泰文同中文, 價錢都合理, 食物種類多, 都沒有海鮮價. 珍多冰足料又唔甜, 好好飲. 有椰果幾得意, 但就冇綠豆. 一條條綠色物體冇切開, 吸極都唔斷 馬拉盞炒菜苗香噴噴, 同用咸魚炒差唔多. 菜苗有點硬身, 是爽脆! 需要伴飯否則過咸. 炸蝦餅唔算太油, 不過唔彈牙, 唔似蝦餅. 連醬都唔需要已經夠味! 阿媽話應該係人手做, 因為大小不一. 焗芋頭飯芋頭好好味, 份量多. 個底仲有飯焦! 但個感覺唔似煲仔飯, 似先用鑊炒熟放入去.兩個人食唔晒...座位唔舒服, 好嘈, 如果一大班朋友食飯係幾開心, 但唔建議晚上8點前入席. 大概食到9點d人走得7788, 冇咁迫.

隱藏在街市的泰國餐廳，由泰國人主理，味道非常正宗，叫了咖哩炒蟹，咖哩對我來說很香火辣辣，加上大量香料及椰汁，味道很濃郁．而肉蟹肉質結實而飽滿，不過以咖哩來炒，也沒有什麼鮮味了．整體來說，用來拌飯，叫人胃口大開．

一家人出外食飯,本身想去食旺角甘霖街新水記,點知揸車去到, 間鋪無左,有途人話搬左去前面,但未裝修好大家一臉失望,於是我提議去九龍城食泰國野, 因為那裡是一個食泰國野不錯的地方!!!一去到唔算多人, 剛剛7點, 拎左飛,要響出面等!!等左不用10分鐘就可以入去了!!張相中最入的一間鋪是泰國野,旁邊是一間打邊爐的鋪頭不用睇MENU, 又是叫常叫的菜式!!兩張重要的相, 最好味的東西影不到...壞機生蝦刺身 , 新鮮,又有炸蝦頭伴碟, 大約10隻-12隻!!最可惜無生蒜頭片可以配食, 如果唔係就VERY GOOD!!泰式鳳爪 , 好多生菜洋蔥配料, 鳳爪份量算多, 好辣,食完條脷好痛,不過好刺激!!一上枱熱辣辣, 不算大舊!!但香口!好脆, 好重蒜蓉味, 配咖哩一流!!咖哩味道一流,不辣, 但雞肉太少, 汁可撈飯!!!!雞、牛、豬, 各兩串, 只有雞好食, 而且汁不夠香,又不辣, 牛肉好硬!!辣汁夠辣, 惹味, 豬頸肉肥瘦均衡, 香口!蝦醬不重,但配肉鬆飯, 食多兩碗不覺厭!!全晚最好味的一道菜, 估佢唔到, 但有點似濕炒, 有鑊氣, 牛肉夠淋, 入味!!真係一家人搶食!!!3罐汽水,

食泰國野當然要去九龍城，第一次上街市食泰國野。叫了泰式炒金邊粉 ~ 茄汁味太濃了，而且芽菜好似多過金邊粉。半隻海南雞 ~ 同泰國當地的相差太遠了，唔似海南雞，改名叫白切雞會較適合。油飯( HK$12) ~ 得個咸字，沒有油飯的香味。芒果沙冰 ~ 今餐最正常，不過芒果味不算太濃。失望的一餐，原先仲以為這裡應該會食到正宗泰國野的....唉！