泰華粥麵

營業中

休息中

呢間嘢我我食過豬手麵同埋啲快餐，快餐嘅質素就唔講啦。但豬手麵又真係幾好，豬手有兩至三嚿，因應大細而比，煮得夠林身，不過味道係真係唔錯，得閒行過下午茶有興趣試吓啦～

外賣，問佢攞多包豉油，佢淨係比袋外賣我，講多一次唔該想要包豉油，勁大聲好似得罪佢咁話我咪聽到囉，又唔係唔比你，我都比佢嚇一嚇，仲要口upup一輪，一包豉油啫洗唔洗咁激動呀，以後一定唔會再幫襯

一向都係呢間茶記老街坊成日都幫襯，平時每次見到呢位樓面大家姐(唔知係咪老闆娘啦)都黑口黑面串串貢，印象已經不太好，但其他樓面d姐姐個個都好 nice 好好人! 見佢企喺門口處用極度惡劣嘅態度超級大聲不停呼喝d食客： 【量。體。溫！】，佢d態度惡劣程度十足十好似監獄風雲入面果d囚犯俾獄長命令式呼喝甘樣，令人感覺超難受同侮辱o羅，叫客人量體溫o者，駛唔駛咁嘅態度呀？？ 個樣好似想殺左人咁嘅款，一ｄ禮貌都無，盡顯無品無修養完全唔尊重人，就算間餐廳d野幾好食都無用啦，呢位黑面神大家姐甘嘅態度都已經極度趕客！ 真係以後都唔會再幫襯，簡直貼錢買難受！不知所謂！樂華大把好食嘅茶餐廳，洗受你果d死人面色同受你氣，黎食野仲要俾你命令式大聲呼喝…咁多年去過無數茶餐廳，從未見過d樓面態度如此惡劣，你係大家姐大晒咩！我又唔係你餐廳嘅員工，又唔係出你糧，點解俾錢食野仲要受你呢個8婆不禮貌對待呀？！！ 最近於社交網上發現呢位黑面神大家姐原來真係超級無品架，佢會將"佢認為"係西客嘅客人個樣從CCTV截圖放上網公審架，大家去食野時真係要小心呀！！！

粟米肉粒飯喺呢間舊式茶餐廳算係做得唔錯嘅一個菜式佢啲肉粒唔會落鬆粉攪到無哂口感林滋滋，保持有咬口所出得幾欣賞，佢永遠汁多過飯！一啲都唔口緊👍🏻 可能呢間茶餐廳係做學生教師生意多，咁多年黎都冇做晚市生意其實有啲可惜

呢間茶餐廳唔係啲咩有名嘅連鎖快餐店，但佢嘅沙爹牛牛麵喺我心中永遠唔及上！人大左食過嘅沙爹牛肉有好多唔同，有啲牛好多筋，有啲醬有花生醬。呢到嘅沙爹牛肉係鬆滑嘅，醬汁亦係順滑嘅，可能由於我認知嘅時候已經係呢種味道呢種口感，所以我由20蚊一份午餐食到而家38蚊我都依然支持緊佢！餐廳轉手過至少三手，但廚房依然係同一班人，所以keep到👍🏻另外凍奶茶都一樣keep到水準，佢啲冰底係舊式茶餐廳嘅碎冰款！掂！唯一一樣唔好就係.....沙嗲牛意好細份！唔夠喉😌

今日同仔來哩度食下午茶。佢個下午茶兩點鐘開始，同埋價錢好抵食。我地揀左腸粉+艇仔粥只須29蚊。我地另外叫左個炸兩價錢係16蚊。腸粉都ok好食唔會太湖口，同埋最緊要係夠熱。加左甜醬同麻醬立刻味道提升。食粥最緊要個粥底。都唔錯煲得很棉同埋有米香。 其他配料都算多味道豐富。但係炸兩就比想像中失望。因為中間的油炸鬼炸得很油。要落去很大陣油味令人覺得很濟。食左一半已經覺得很油膩很濟食唔落去。哩度的粥品還可以。如果下次來我會試埋佢個蘿蔔糕同埋炒麵。

一般嚟講，食早餐選擇多數都係快餐店或茶餐廳，例如麥當勞，大家樂，美心等。但係其實早餐食碗粥都係唔錯，今日去咗泰華粥麵，叫咗一碗生滾肉片粥。我喜歡生滾粥嘅原因係因為生滾粥對粥底的要求比較高，而且有大大塊嘅肉碼。 泰華的生滾粥做得唔錯，粥底夠綿，夠滑，有米香，肉片夠大塊，夠滑，夠彈，而且有肉味。生滾粥最重要係要落姜，姜係生滾粥畫龍點睛之物，最理想係走過油的姜蓉，尼度落姜絲都唔錯，係無咁完美而已。整體黎講整碗粥質素都好高。題外話，食到差不多最後，有少少皮蛋係碗底，唔知係洗碗洗得唔乾淨定係筆粥只殼之前用黎筆過皮蛋瘦肉粥，希望餐廳注意。

樂華村是位於牛頭角的舊式屋村，開村應該有近30年。在這些舊式屋村覓食，當然是幫襯當地的茶餐廳吧！這裡有兩間華泰，一間是茶餐廳，一間是粥麵店，但裝飾和格局相近，估計是同系公司吧！由於這次在晚上光顧，故只能去晚上仍營業的華泰粥麵。（茶餐廳好似不做晚市）。入到店內，客人大多是街坊或老人家，感覺平實和親民。餐牌上有蒸飯，也有粥麵餐和學生餐，估計客路都是附近居民和學生。可是，由於我太肚餓，所以點了一客雞扒大碗菜飯，另加豆漿。雞扒香而不油膩，配合菜飯的整體感覺不錯。凍豆漿味美香口，值得一試！