泰角海南雞 (已易手) 新餐廳

加入嚟到旺角都唔知食乜好到到都咁多人去Starbucks買杯咖啡都要排半個鐘頭唯有走入女人街睇吓有咩好食見到又有海南雞飯喎就走入嚟試吓下午茶有海南雞飯食都算係一件幾開心嘅事但係最緊要都係要睇吓質素講雞嘅話呢我就覺得佢嘅雞唔夠玩但係都算係唔錯不過份量少左啲至於油飯呢今次有雞油味啦可惜就咸咗小小跟餐仲有得飲泰國奶茶

成日都見到有人係ig post 呢間既海南雞飯，見佢又平又抵，去旺角諗唔到食咩就決定食佢了🤣👉🏿✨海南雞飯 Hkd 20 💸📌份量唔會因為價錢而變細，佢地用既碟同我係泰國食既一模一樣😂即刻好似飛左轉泰國咁呀～食落真心唔錯喎👍🏿佢既油飯粒粒都有雞湯味，好夠味！雞肉分量都多，而且去晒骨仲要唔鞋，估唔到咁平都有咁好既質素😍個人最愛佢既醬汁！無論係水門雞醬定黑醬油兩款都好好食，啲雞味即刻吊晒出黎，糧尾一於就食佢😈

同女朋友經過旺角見到呢間泰國菜就諗住試試佢 入到去地方唔算好大 但係啲野食有驚喜 叫左個2人餐 超足料 好多野食多到真係食唔哂😂 啲海南雞都幾好食 串燒都唔錯 唯一美中不足係個泰式鳳爪略酸 唔係好岩我口味 但整體都好好 個泰式奶茶好好飲❤️❤️ 會再去！

今期新假期做介紹，就專程再黎食。叫左碟$20海南雞飯&泰式奶茶。雞飯係油飯，但應該係冇落黃薑粉，所以冇乜色。個飯上面有4件雞，都幾嫩滑。值得一讚係個濃豉油同水門雞醬，可以再番兜。泰式奶茶都係加$12,出面起碼賣$30蚊杯。食飽賣單都係$32,超值晚市之選

平時都幾鍾意喺旺角女人街覓食，貪呢度多選擇又抵食。今次又發現間cp值爆燈的小店~呢間近家樂坊嘅泰菜餐廳平日唔算太顯眼，但最近放咗大大個牌寫住「1週年期間限定 $20 泰式海南雞飯」就吸引咗我地入去試試～宜家$20可以買到啲咩…？其實對$20海南雞飯都冇太大期望，點知就有驚喜！飯係油飯，份量唔多但一個女仔食都夠飽。面頭都有6-7件雞，食落一啲都唔鞋，好滑！個飯仲會跟幾片青瓜同兩款醬汁，分別係海南雞黑醬油同水門雞醬。個人推介水門雞醬，帶小小辣好惹味！仲有樣好嘅係唔需要任何消費都可以享用$20一碟海南雞飯，埋單都係廿蚊，絕對係糧尾恩物！雖然未知1週年$20優惠會做到幾時，但就算唔係做緊優惠價，都值得試下～會再幫襯！

早前係Yahoo團購買左招牌海南雞飯參考價$38，團購價$28見幾抵食，相片又正正常常，就買左張試下琴日做完facial就過去拎，只限外賣由鋪頭到屋企大概20分鐘車程首先個湯仲係暖，胡椒味好重，有d辣，有白蘿蔔同洋蔥唔歡喜，飲左一啖就無飲個飯佢地用紙盒裝起但盒外充滿住油，應該係廚師切完雞，手上d雞油抹左落去個盒度一打開個盒，非常失望果然圖片只供參考無青瓜伴碟啲雞，你見到都唔開胃十幾蚊盒的燒味飯d雞都靚過佢多多聲好似啲餸頭餸尾，睇見都唔開胃食落啲雞同我食白切雞無咩分別Where is 海南雞？飯係油飯，但無油香仲要d飯好爛，一pat pat，最唔鍾意食爛飯我仲有一張團購券未用，睇黎直接掉左佢係明智既決定

啱啱睇完醫生，響廣華醫院附近，見到一間泰式餐廳做緊一個期間限定優惠😎$20一碟泰式海南雞飯👍味道唔錯，雞鮮嫩滑😎抵食🤤而且即場like佢哋個page，仲會即時送一客小食🙂結果我仲多左兩條春卷餸飯😋

啲店員好似未訓醒咁餐牌明明寫住二人餐個小食係雙拼，結果到頭來話改左單拼，但係叫個陣個店員完全冇提及過改左做單拼海南雞完全冇味，個飯唔係油飯，其他炸物還可以建議大家食第二間好過

好一陣子無食某一種食物，係會特別想食。食個陣仲係世界盃尾段，依家寫番先（個期係想食泰式）。個陣店內都有啲旗仔，通常呢啲都係酒吧先有。炸蝦餅28元，一般，油咗小小，口感味道可以。雙拼飯48元，海南雞唔錯，滑身肉。串燒都可以，唔會太靭，點汁就當然無問題啦。可能太想食泰式嘢，滿足感上係有嘅，泰式甜酸醬同埋沙嗲汁係ok嘅。泰式奶茶12元，偶然一次，無所謂。9點後全單有9折，兩個人都係90元，抵食，又叫過下口癮。

味道很好，價廉物美，特別係嗰個串燒同嗰個芒果糯米飯都係推介，必要食，有個醬加埋好味好多。仲有食左個招牌菜海南雞飯，有兩個醬加埋，餐廳細細，要等一陣位，不過女人街都係細細間，下次再去過

上星期六上午同事係旺角做完野諗住係附近搵食中午見到呢間泰式海南雞專門店決定去試當然叫佢個海南雞飯Lunch $42海南雞飯一上枱賣相不錯肉質尚算嫰滑但味道普通好食既海南雞飯要配合醬料同湯一試後，都真係覺到比較普通沒有特別之後再叫多個蝦餅味道都是一般蝦肉不夠彈牙

通菜街有好多食肆，乜國嘅菜都有今次就搵到間泰國菜嘅餐廳環境都幾細 坐得都唔會舒服 不過至在食個飯就閃人同男朋友嗌咗個二人餐 $170 兩主食兩小食兩飲料兩小舊甜點■ 海南雞飯 可以見到其實係冇咩雞肉 雞皮就一大塊味道真係麻麻地 最後食淨一半 經已唔想食了■ 雞肉飯 冇汁得雞塊同白飯⋯⋯dry到不得了😂不過啲雞皮好食過碟海南雞飯啲雞 肉都厚身好多啦■ 雞肉串燒冇記錯好似係8串 可以揀雞或豬 有埋隻花生甜醬 好好食■ 炸蝦餅應該都係買現成急凍嘅返嚟炸？所以冇咩特別，味道OK■ 珍多冰 ■ 青蘋果梳打最後甜點係椰汁糕之類 見到店員用微波爐翻叮🤦🏽‍♀️🤦🏽‍♀️

痴線難食到唔識講食左一半冇食海南雞飯？唔好玩啦....白切雞加白飯d雞鞋烚烚.......D串燒仲要勁多木刺好q難食啊頂..........中大伏OMG!!!!!

話扺食但係飯又小雞又小，所謂既雞油飯又好似未煮好既爛飯咁，話送例湯又冇晒，仲要冇都唔講聲，頸渴到走先知湯冇晒，水又冇杯，好似迫人加錢買野飲，麵又冇，芒果糯米飯又冇，旺角大把泰國餐廳正過佢。

After leaving a Christmas party, boyfriend and I were still hungry so we came here to eat some more. Located in Mong Kok's Ladies Street area, is a smallish place that serves Thai food.Menu is in English and Chinese. There is no 10% service charge. They have mains served with rice and snacks.They have a two people set but we weren't interested.And a  number of drinks.After ordering, we were provided soup. It was quite oily and over dosed with pepper. It had so much pepper, I couldn't taste anyth