泰記

營業中

休息中

開開心心買個外賣返寫字樓一開 就發現出事了個船河無左個湯 俾左個清湯我牛肉通菜豆卜樣樣齊就係無咗個湯船河個湯就係個靈魂所在所以真係好失望呢世人最憎食清湯 唔好怪我抱怨一件咁小既事真心希望出餐可以專心少少唔好俾傾計影響咗出餐

係公司附近打算試吓，平時都見好多人買見價錢都算平，叫左個生牛肉湯河。滿心期待打算試吓，點解食極都無味，係真係好似水咁，超級難食。我成碗食左幾啖已經頂唔順抌咗，我唔知係今次整得唔好定平時都係咁，但我就唔會再試。

聞說在觀塘找吃的選擇很多，但找些便宜的可不容易，因為一般商鋪都為上班族而設，週末少有開鋪，形成營業時間短，提供食物價格低不了。近觀塘海濱的宏利，地點位置遠離地鐵，便宜東西找不到了吧！果然在網上找到泰記的湯粉在$40以下，應該算便宜貨便試試。札肉湯粉，粉條質素可以，外賣包裝將粉和湯分開，保持粉條因被泡長時間而變質，湯內除札肉外，還配有通菜、蘿白、豆腐卜、芽菜等等素菜，味道是泰越的湯底，是不錯啊！包裝內分隔粉和湯的上層有兩個手握位，方便吃貨人士，以免取出時滑手倒掉食物，很不錯呢。

第一次叫呢間外賣，原本滿心期待食泰菜，但冇諗到希望愈大就失望愈大，真心好難食啊⋯⋯首先呢碗係冬陰公湯河，我食咗幾啖已經想吐，我未食過咁難食嘅冬陰公湯河一打開碗麵就有陣怪味飄出嚟，覺得碗麵唔知係咪變壞咗。然後食咗幾啖，就停手唔食喇。講下呢個湯，味道陣味勁酸又有花生味，好似落咗好多酸醋再加湯水，仲要一啲辣都冇，唔知自己食緊咩，同方間冬陰公湯有勁大出入！另外碗叻沙辣到飛起，啲調味做得唔係咁好，唔會再叫呢間嘅湯麵了，希望呢餐廳會改進一下喇。

久唔久就叫吓呢間嘅外賣，次次都係食牛肉船河，今日天氣好熱，試吓其他嘢。第一次食呢間嘅海南雞飯，附近勁多餐廳賣海南雞飯，呢間算係咁多間入面比較滑嘅一間，唔點海南雞醬都夠味，佢個醬有啲芫茜味，好在我唔怕茜味😂

見佢開左好耐，第一次食，點知極度垃圾，外賣無骨海南雞飯，佢開聲話冇油飯只有白飯，算，試下一次。點知$50冇餐湯餐飲，已經唔抵，無骨海南雞喎，俾有骨雞中翼和雞翼尖，另外得三件似係雞全翼個雞槌拆肉出來，無味，飯唔多，又凍和硬冇飯味，人地叫我加水叮熱個飯食，原本唔食辣醬，我唯有加埋個辣醬落飯加少少水叮熱食，但飯都係硬，辣醬仲要臭臭地，完全垃圾。冇諗過差到咁仲要未執笠，真係仲有人幫襯佢又未執真係奇怪。

呢度已經變成我既飯堂。😂😂😂✨泰式炸雞肉丸湯金邊粉雞肉丸係熱辣辣，配上酸甜醬一齊食好惹味。今次叫左金邊粉，湯底都係一樣清淡，但配上辣粉一齊食增加左風味，唔錯。.✨菊花茶每碗粉都會配一杯飲品，日日唔同，今日係菊花茶，入口甜甜地，飲完喉嚨好舒服。.🏠 泰記 thai food express🛤️ 觀塘鴻圖道78號1樓4號舖📍 港鐵觀塘站B1出口，步行約8分鐘

近來因疫情關係, 我多數都帶飯, 但有時無煮, 唯有叫外賣。公司附近呢間泰國外賣店係我近期首選。我叫左泰式豬肉丸湯河$37, 隨餐會附送一杯飲品, 今次係龍眼水。湯底係普通清湯, 味道有點淡, 加左附送既辣粉後比較好食。豬肉丸細細粒易入口, 有一件清甜無渣大蘿蔔, 一件豆卜, 同一堆通菜及芫茜。龍眼水清甜, 仲有2粉龍眼肉, 唔錯。我好欣賞佢雖然價錢唔算貴 (以觀塘區計) , 但佢仍會將粉同湯分開上, 夠細心。雖然唔算十分美味, 但以$37一碗粉, 再送飲品, 性價比高。

想安在家中食泰國菜，上網看看有什麼選擇，選了觀塘的泰記，貪其有海南雞😚，我經apps訂購食物, 1小時左右就送到，食物仍是熱辣辣的也不錯。我們叫了無骨海南雞飯、無骨滷水豬手飯、泰式炸豬頸肉河粉、炸蝦餅、秘製單骨雞翼、春卷丶特色船金邊粉。 🐔無骨海南雞飯- 有雞脾與雞翼的位置，味道也不錯，有雞味，肉滑皮薄，仲有無骨，加埋油飯，更開心😃！❤️無骨滷水豬手飯- 豬手入味，皮滷得偏腍，味道不錯，送飯一流。🐷泰式炸豬頸肉河粉- 豬頸肉的粉量多，帶有香茅，河粉是我喜歡的幼身款❤️，湯的味道清甜。❤️特色船金邊粉- 與豬頸肉河粉的湯正正相反，湯味濃郁，配菜份量也豐富，性格比高。🦐炸蝦餅、秘製單骨雞翼和春卷- 兩款小食味道也不錯，單骨雞翼帶香茅味，炸蝦餅口感彈牙，值得一試。總括而言，食物質素與相宜的價格，性價比高。店子主力做外賣，小本經營，值得支持！

❣️｜威威推介｜觀塘美味之選❣️泰記 (觀塘)地址：觀塘鴻圖道78號1樓4號鋪公司lunch hour得一個鐘😩好多時落得去買埋番上黎都用左半個鐘😭平時我都好鐘意去公司附近既一棟商廈買午餐🧐但有一個迷我始終解唔開🤣🤣🤣呢棟大廈無名架😂😂😂😂因為佢係鴻圖道既78號👉🏻所以我地成班同事都簡稱佢做「78」😝咁係「78」入面一上電梯右邊就會見到一間細細既店面👉🏻無堂食 只做外賣既泰式餐廳🙊———————————————————💁🏻‍♀️ 冬陰功大蝦金邊粉 $50威威味蕾：👅👅👅👅👅👅👅👅（👍🏻=👅x 6-10👎🏻=👅x 1-5）我每次去都會買呢個冬蔭功大蝦湯粉🤤🤤🤤 酸酸辣辣勁開胃冬蔭功湯主要由檸檬葉、香茅、蝦、蕃茄、洋菇等食材烹調成湯品😚😚 湯底用埋小蕃茄去煮更加特出個種酸味🤤🤤入面既大蝦🍤 係好新鮮爽口 👍🏻👍🏻絕對無因為浸喺湯入邊搞到林謝謝😎仲含豐富膳食纖維及蛋白質，香茅及檸檬葉對身體都有保健作用架🤤🤤‼️#hkfoodie #hongkong #冬陰功 #大蝦金邊粉 #觀塘 #觀塘鴻圖道 #鴻圖道78號 #泰國菜 #觀塘美食#美食#食好西 #威威為食仔 #威威要還債 #識食都要惜食

好好味既海南雞飯 $50蚊 d雞又滑 個油飯唔係出邊食果種黃薑飯 雖然個色白白地 開頭仲以為白飯 但係食落口好香 好好食 雞滑得來又彈牙 唔錯 買番去仲見到層透明骨膠幾滿意 。得一只醬 但個醬幾特別 有一點點開胃果種微微辣。仲買左個蝦餅 $23蚊2件 彈牙 新鮮唔會成口粉 同事買左豬手飯同單骨雞翼 偷食左佢2件 味道好特別 唔辣的 唔知係唔係有種檸檬味。同事話無骨豬手飯$50夠味夠林唔會咸。下次試埋其他 仲有冬陰公同船湯河好似都好好味地 見排隊攞外賣果時好多人叫

八點幾都仲有野食，真係ot 之選，不過就有炒少少耐。一個飯都係四五十蚊，算係好平。叫左個雞絲包同沙律。個包無同事講甘硬，但係個沙律真係好乾。覺得應該要叫海南雞飯。

#觀塘美食#只供外賣只供外賣既泰國美食店，之前行過 見好多人等拎外賣，便想一試1 ）C1 泰式牛肉船河 $44重點表揚佢既湯真係好好味 平時食麵唔多會湯晒碗湯今次 佢既湯好正 味濃 而且微辣微辣既程度係 我唔食辣 都會追住黎飲～上癮了配上牛肉 芽菜 一絕埋單：$44-#味道7 / 10#賣相5/ 10#環境4 / 10 （只供外賣 店舖環境可接受）#總評 船麵好好味～ 湯底正-泰記THAI FOOD EXPRESS地址：觀塘鴻圖道78號1樓4號鋪

之前有試過這間泰式湯粉，第一次覺得有點淡，不過價錢的確十分相宜。這天沒有帶飯，所以來這邊買外賣。看見現在有船湯底提供，雖然要加$6 ，但還是想試試新口味。叫了炸魚餅湯河，魚餅、湯和河粉分開，避免河粉發脹，很貼心。船湯湯底味道很不錯，濃淡適中，醬油香之中帶點惹味。以這樣的價錢，算是CP值很高，要吃外賣午餐的話可以考慮。

開在公司樓下，之前路過唔知點解咁多人排隊，尤其只可以外賣，有次同事點左豬手飯試過之後，真係知道點解次次都好多人排隊喇，豬手唔係油炸，好似係鹵？但係又唔會好鹹，肉質鬆軟，入味係關鍵，真係鬆軟到用筷子可以夾住肉一條條夾埋食，試過豬手金邊粉，湯底對於一個鐘意咩野都加辣椒嘅辣妹來講，湯底真係我都唔想加野，飲完佢，好味！同埋點餐都送杯龍眼茶，可惜唔係凍，雖然係冷飲，但唔凍，有小小失望，個麵嘅分量真係多嘅一般女同事都係要少麵會好d，宜家多左牛肉嘅湯粉，都可以試下嘅