泰記

營業中

休息中

近來因疫情關係, 我多數都帶飯, 但有時無煮, 唯有叫外賣。公司附近呢間泰國外賣店係我近期首選。我叫左泰式豬肉丸湯河$37, 隨餐會附送一杯飲品, 今次係龍眼水。湯底係普通清湯, 味道有點淡, 加左附送既辣粉後比較好食。豬肉丸細細粒易入口, 有一件清甜無渣大蘿蔔, 一件豆卜, 同一堆通菜及芫茜。龍眼水清甜, 仲有2粉龍眼肉, 唔錯。我好欣賞佢雖然價錢唔算貴 (以觀塘區計) , 但佢仍會將粉同湯分開上, 夠細心。雖然唔算十分美味, 但以$37一碗粉, 再送飲品, 性價比高。