泰識野 (華心商場)

營業中

休息中

見啲人評到咁差，但我叫左個燒豬頸肉好好味！用deliverxx 叫都算好快送到。我係叫剩肉。豬頸肉燒得好香，份量都正常，唔算太咸。仲留左d第二日帶飯。會encho。

雖然我無吃過該店其他野食，我只試過無骨豬手飯，但一試便愛上，事源因為外賣APP 最近有優惠，就求其揀左一間食肆吃晚餐，我家人就試左豬頸肉，但都冇話咩唔好味之類，你地可能覺得或者我同家人要求低姐，是但點都好，我都係想表達主觀感受姐，唔需要人人認同嘅，唯一個飯嘅缺點係唔係好夠飯，啲送仲多過飯，不過夠飽嘅，好似我寫評語呢日就想食多次喇，如果閣下唔信我講嘅野咪自己求證下囉。 PS: 我是中年男人，冇相片原因係食個飯姐，都唔會特登影相吧，同埋細項評分個幾項一星係因為我外賣自取，我係食完飯過左幾日今日想再食先寫下評語，同埋係第一次寫，哈哈😆

懶懶地開外賣叫外賣食咁啱見到呢間泰國嘢未食過就諗住試下叫左2個主食泰式炒金邊粉泰式香辣肉碎粉絲跟餐叫左杯玫瑰奶茶同埋冬蔭功花甲湯玫瑰奶茶：杯嘢不過不失，呢啲鋪頭飲本身都有心理準備泰式香辣肉碎粉絲：味道唔算差，係泰式鳳爪汁既味，但係個味道同本身個期待唔同，汁太多浸到粉絲爛哂，加上肉碎真係好少冬蔭功花甲湯：極多油，飲落苦，都有4-5隻花甲，但唔好期待係新鮮嘢泰式炒金邊粉：本身啲粉未煮透，味道唔好，醬料冇炒勻，全單最差總結：第一次試已經中哂伏，唔會再俾機會張相係食左一半再影，但都睇得出粉絲爛同埋金邊粉炒唔勻

中午外賣,冬蔭功嫩雞粉絲,咸到苦,雞正常味,不過份量偏少,倒剩1/3湯再加熱水都係好咸,份外賣$58,唔算平,這價錢去茶餐廳坐低食已可有飯,湯和熱飲了。食唔落,無下次了。

我就住樓上俊景閣，依家泰國婆成日係度肯定冇伏，之前 2022 年 10 月之前嗰個收銀哥哥 + 也也烏厨師，一時好一時壞，同肥仔收銀哥哥講想鬧返你轉頭。泰國婆係度…海南雞飯、肉碎、豬頸肉都推介！海南雞飯又滑又好味，有得食好食，泰國婆返歸就慘… 無好嘢食～豬手飯都好食間中好多味精超級口渴，唔怕口渴可以食！我都唔知食咗幾多次，以前未開我係華明後面雍盛食兩餸飯，華心兩餸飯超級難食，食麥當勞大家樂好過佢！又攪掂又寫夠二百字

我係買外賣翻屋企嘅，都未打開就聞到好大陣奇怪味，間野係我屋企樓下嘅，所以我拎翻屋企最多就系五分鐘嘅時間，絕對唔會係因為太耐未食所以先有味，雖然話未打開已經好大陣臭味，不過都打開睇睇先一打開個陣餿味飄嗮出嚟，我都食啖試下先啦哇頂！好難食，又酸又餿又臭，第一啖就嘔翻出嚟因為我之前都買過尼間，所以好清楚尼個唔系正常嘅味，就即刻打電話俾餐廳反應點知個女嘅一直堅持話佢地野食就係咁嘅味，而且態度惡劣其實我唔系第一次買尼間，但今次味道真系完全唔make sense，係完全好大陣餿味，係壞左嘅味道啊！另外我都買左佢地個糯米雞翼，正正常常，我都只係食完個糯米雞翼就算講真，作為消費者，而且我同我屋企人都系熟客，買過咁多次都知道佢地野食係咩味道，但今次個野食壞左，佢地完全係唔承認而且無任何解決方法，只係一味話我地野食味道就系咁真系令我好嬲就算之前係熟客，但今次尼件事之後覺得唔會再買尼間垃圾野

收工肚仔餓，又唔知食咩好？就黎左呢間「泰識野」。泰式燒烤廚師發辦咩都唔使諗，一共10串，有肉又有菜。食宵夜唔食咁辣就點左 沙嗲汁，我又無嘢唔食得就叫左100蚊10串攞番屋企慢慢食。1. 燒波蘿 好甜好多汁😘好開胃，燒得啱啱好。2.燒牛油粟米🌽牛油加粟唔會輸！3. 燒翠玉瓜面頭放左d芝士，配埋翠玉瓜度，十分有驚喜！😜4.泰式牛肉串燒沙嗲汁配牛肉，無得輸。😘牛肉唔會澀口，無筋。5.燒雞皮？係味雞皮，我都唔知🤔😅咬落彈牙，好似花膠。好食就得！6.泰式雞肉串燒燒得好好味，沙嗲汁好濃。7.燒雞腎雞腎係燒烤界係味神一般嘅存在，呢一串可以話你知，畀晒10串我都唔夠食。8.燒娃娃菜燒得好好味呀，點解可以燒到一D都唔燶，又可以保留到d菜咁多汁。9.燒雞軟骨🙂爽口10&11 兩串泰式豬肉串燒！？由於食到尾，我都無數到自己食左幾多串，老闆可能見我靚仔🤪所以畀多串我，肯定係！一定唔會係畀錯！🙂100蚊10串串燒出面食宵夜都未必食到，下次試下辣汁先！

食得最多係海南雞飯， 都幾好味- 海南雞飯： 都幾多雞， 鍾意個油飯夠乾身， 同埋個醬夠辣； 送個湯都好有胡椒味， 不過有次試過好甜， 唔知係咪落錯左糖- 12蚊跟餐蝦餅： 得1件有d唔抵， 味道正常- 12蚊跟餐鳳爪 ： 份量唔少， 抵食， 不過偏辣- 泰式豬手飯 ： 都好多豬手， 白飯可以轉做油飯- 燒茄子： 味道ok, 不過D醬唔夠， 有d位無味包裝幾好， 無試過漏同埋發現自己買外賣自取比foodpanda 裡面個單價平好多