泰.夯蝦 (已結業)

上到餐廳登記時 已感到油煙勁大 抽風欠奉 地板黐立立 吃完成身燒烤味！燒烤食物質素尚可 但衛生程度認真麻麻 垃圾桶會經常在你身邊經過 擺放醬料的位置弄污沒人處理 熟食選擇少 只有少量炸物 油淋淋的鷄 菜 在轉架上不知放了多少個鐘的台灣腸 所有飲品都只是微凍 夾蝦處冰桶沒冰好久都沒有refill 所謂送的刺身鮑魚和带子催促很久才到 質素亦不新鲜 某些職員態度佳 會詳細解釋取蝦步驟及主動幫忙清理蝦 自己夾游水蝦是有趣的 但食物一般 環境差 晚市加一差不多每人四百元就不值了！😑

滿心歡喜咁約埋班朋友一齊去食 去到安排左窗邊既4人位 望一望個窗 當堂嚇一跳 窗邊位充滿塵同埋有啲垃圾⋯仲要個窗岩岩好向住我個頭 好似一路食野一路吸緊啲麈落個鼻到咁 未開始食已經無乜胃口 出去夾蝦 個池入面好多反晒肚既蝦 完全唔郁 我諗應該死左？另一邊有其他海鮮 （扇貝 生蠔 蟶子果啲）好多都係得個殼 而入面舊肉飛左落啲冰到 成個畫面好似亂葬崗咁 拎左啲海鮮返位食 周圍都好大煙 都明白既 因為燒野呀嘛 正常都會大煙啲 但係個冷氣完全唔掂 我哋幾個女仔一路食一路出晒汗 又焗又熱 自問我都係一個忍得熱既人 但都頂唔順 最後我哋係熱到成個人都好呆滯 無晒胃口 食完出返去街仲涼過係餐廳到 到比錢果陣 朋友拎左張卡出黎比錢 個員工收走我朋友張卡一分鐘都無 竟然唔知掉左我朋友張卡去邊⋯⋯見佢地搵左一陣就直頭唔見左人影 搞到我朋友好膽心 想搵佢地問搵返未又搵唔到人⋯其實你搵唔搵得返張卡都要同我哋講聲呀 如果真係整唔見左我朋友可以即刻報失呀嘛 不過好采最後佢地都搵得返 嚇餐死老實講 服務態度真係唔差 我地一路食野都有員工過嚟幫我地剪下海鮮 同埋會教我地點樣燒會好啲 其實在場好多客人 我見到佢哋都好

見到食評好似幾好咁有2.5小時就去試下，點知中伏到一個點，通風系統好差全程流住汗咁食，我地4個人食，4個都係咁所以唔係因為自己怕熱，另外環境都幾差，周圍都好多塵，食物方面望落都幾唔衛生，自己夾啲蝦有部分都是死的，擺放食物野飲的地方都麻麻地乾淨，周埋食物本身都不是太好味，無咩味但食完都會覺得好口渴。佢本身有跟比我地啲刺身都唔敢食晒，最後賣單每人490，但其實食唔飽。仲有一點係，我地4個人食，第二日3個都有肚痾。

正正~荃灣店終於開番啦！🤩6000尺流水蝦餐廳，盡情享受蝦蝦盛宴👻🦐流水瀑布任夾燒🐟日式刺身選擇多🐙最愛新鮮厚鮑魚👩🏻‍🤝‍👩🏼夾得開心更盡興個場20條Led蝦缸，分佈真係好大~私人蝦缸位更就手💓任夾任燒，鍾意蝦蝦，鍾意海鮮嘅你，到荃灣食飯，更加唔可以錯過啦😉⭐任食日式刺身 ⭐任食4-5款即開海鮮⭐每位大大帶子及鮑魚一隻福利真係好鬼多👻📍荃灣

前陣子看見朋友在網上食流水蝦，自己都想去試試～所以上星期約了一位喜歡食海鮮的朋友一齊去，果然沒有令我們失望😊——————————🔸5-7pm 入座 $388 (7折)當日我們五點來到，可以享有七折優惠☺️店員很快就送上刺身，有北寄貝、帶子、甜蝦等等，薄薄一片，不怕很快食飽！🔹流水蝦我們安排坐在水缸附近的枱，可以即夾即燒☺️好玩又新鮮！這裏蝦都好大隻和勁生猛，放在冰水裏仍然會跳出來😂😂而蝦肉爽口鮮甜，還有點膏，超正呀～唔夠食亦可以自行出去夾生猛的蝦。🔸其他海鮮除了任食蝦，還有不少海鮮可以自行夾，有蟶子、帶子、青口、蠔🦪等，整體都算新鮮，燒完不會收縮太多，最重要係沒有沙，正！🔹串燒肉類每次食串燒都一定燒雞翼和牛仔骨，這裏除了可以自行夾外，還有幾種口味可供選擇！咖喱雞翼和黑椒雞翼都encore左幾次，而牛仔骨質素不錯，沒有很多肥膏，啖啖肉，開心🥳🔸熟食這裏另一個賣點就是泰式食物，所以熟食方面都有些泰式炸蝦片、炸春卷、炸流心榴槤，相比起平時自己燒嘢食，會更多選擇😘而炸蝦片炸得脆卜卜，勁香蝦味，拎咗幾次😋🔹 Coco Berry雪糕最後當然要食返啲甜嘢中和下，好開心可以任食Coco Berry雪糕，

活捉生蝦燒烤其實一直都有但係可以喺冷氣房舒舒服服咁食都係第一次今日帶埋個仔呢佢有小童體驗魚缸小朋友超級開心因為可以親手夾啲蝦出嚟燒仲有一次食串燒嘅經驗😁😁真係啱曬親子一加天倫樂.✅現場除咗超大隻嘅大頭蝦之外仲有好多海鮮 有生蠔扇貝，沙白另外仲有好多丸類肉類比你自己燒超級推薦韓式豬腩肉勁入味 非常好食每人仲有刺身無限添加👍👍依家限定嘅鮑魚 滿足曬食肉類同海鮮嘅人✅如果老人家呢到仲有好多熟食有好多唔同嘅炸物炒粉麵同埋泰式鳳爪，木瓜沙律種類繁多非常之多 選擇啱曬唔同階層嘅人最緊要係我個仔有得玩佢非常高興✅另外甜品方面有好多自家製嘅大菜糕配埋cocoberry雪糕波同雪條種類繁多有十幾款唔同嘅味道可以選擇.餐廳嘅抽風系統做得好好返到屋企都冇油煙味又有得玩又有得食最近重有折 價錢好抵性價比夠晒高

約了很久的飯局，六個人終於可以見面啦，yeah😙😙上網見到有一間荃灣新開流水蝦放題幾得意幾特別，即管試一試，5月14號訂咗六位，夜晚19:30食到22:00點，上到去一樓一入到去就見到好多🦐養蝦嘅缸，係比自己釣的，感覺好特別啊，自己釣🦐，自己食。呢度除咗🦐🦐之外，每人送一隻鮑魚元貝，刺身，仲有好多新鮮生蠔扇貝蜆，八爪魚🐙,魷魚，除此之外仲有好多自製...雞翼金沙骨同埋丸類，新鮮蔬菜包括節瓜，新鮮秋葵，金菇...仲有我至愛燒菠蘿，西瓜，最後來一個雪糕球呢個雪糕球好特別第一次食咋好好味。

極讚嘅2.5小時流水蝦燒烤放題！($310)無論服務、火力、蝦生猛度、蝦數量、食物種類、場地空間，真心講以上咁多點「泰.夯蝦」做得都比起競爭對手好👍🏻👍🏻✅爐具火力猛: 限時下非常重要嘅一點！呢度烤盤大，傳統明火圓形格網，乾淨受熱均勻，值得讚❤️✅蝦生猛新鮮: 每枱旁邊都有缸，可以直接夾蝦，蝦係認真生猛新鮮😂游得好快要快恨準挾上嚟！好笑係挾上嚟嘅蝦瘋狂彈跳🤣小心彈濕😆而且食物區都有幾個大水缸，海量嘅流水蝦等緊你😎燒熟入口彈牙厚肉，點少少魚露就好鮮味☺️✅服務好: 現場一位男同事好好禮貌，流程講解清晰👍🏻👍🏻提醒我地要先將蝦放入冰桶，上爐前剪走啲蝦鬚方便燒☺️✅自助區: 有肉類、丸類、蔬菜類，大推雞軟骨串！燒雞肉串！玉子蛋(堅好食)😁！菠蘿🍍！✅即食區: 前菜推介泰式鳳爪😋 熱葷有炒粉絲、炸物、冬蔭公湯😛好豐富✅海鮮: 可以放肆任食自己夾，係開心嘅🥳蠔、帶子(鮮甜)、聖子仔、大蜆、花甲，識食一定要加牛油放錫紙兜煮😍✅甜品: 杯裝甜品+雪糕球😘雪糕口味好多款，食左芝麻味and奶茶味兩個都好香濃✅飲品: 罐裝汽水、包裝果汁、樽裝茶、泰國梳打水🤫

今日係荃灣行街經過見到呢間新開既流水蝦餐廳好似幾好，同埋未係香港食過呢類型嘅餐廳，所以就去試下先，一入到餐廳就聞到好大浸海鮮味，張枱隔離就係一個連住一個嘅玻璃水缸，入面裝滿大量嘅新鮮蝦。入面既蝦非常新鮮生猛，每張枱都有一個冰桶，將水缸入邊嘅蝦夾到冰桶等一陣就可以放落爐燒。蝦肉食落非常爽口，唔會霉，同埋呢到既蝦都幾大隻下。如果覺得枱邊細缸既蝦唔夠大隻仲可以攞個冰桶出去慢慢揀。出面仲有好多款唔同嘅嘢食可以選擇，有雞翼腸仔漢堡扒等等，仲有幾款海鮮可以攞嚟燒。兩個人食完非常滿足，黎到淨係食海鮮都夠回本。

早排有同事去左食流水蝦話幾好玩幾正, 於是今晚小妹就book左嚟試下! 餐廳環境幾大, 劃分左多個區域, 有熟食區, 海鮮區, 肉類區, 飲品區, 冷盤/甜品區, 醬料區, 當然唔少得大蝦池同蝦缸🤣 如果坐中間位置就可以係隔離蝦缸直接夾上嚟!! 餐廳亦有提供圍裙而且設有洗手位置供客人洗手!仲有其他急凍海鮮例如蠔, 蜆, 帶子, 蟶子bb等等……而且店員每隔一陣就會refill蔬菜區有菇類🍄, 菜🥬, 栗米🌽, 茄子🍆, 翠玉瓜🥒菠蘿🍍等等, 肉類方面亦有醃好左嘅豬扒🥩雞翼🐔魷魚🦑同串燒🍢, 整體味道唔錯幾入味!涼拌有青木瓜沙律, 鳳爪, 同一個櫃入面仲有西瓜🍉同椰青🥥!熟食區有台式香腸, 小菜, 粉麵炸物等等, 亦有多款刺身提供每人都會有一份鮑魚同帶子, 味道爽嫩鮮甜蝦池入面嘅蝦好大隻, 夾上嚟之後先放入凍筒將佢先凍暈, 然後店員會幫你剪走腳同鬚, 最後就係放上爐到燒, 新鮮捉嘅蝦再即燒份外鮮味, 蝦肉爽口彈牙, 小妹覺得用牛油蒜蓉同微量嘅粗鹽已經好惹味好正甜品方面有蕃薯糖水, 泰式甜品仲有多款口味嘅雪糕波波🍦, 小妹覺得芝麻同豆腐最好味!

之前去泰國試過流水蝦🦐好耐過去泰國 掛住泰國嘅流水蝦🦐特意去荃灣試吓以放題形式嘅泰夯蝦喺荃灣開咗新分店餐廳中間有魚缸 放泰國大頭蝦 好生猛！每隻都係自己夾 夾完之後放落冰浸住 泰國大頭蝦🦐每隻都大大隻好新鮮 口感爽口！有多款泰式醬料可以沾 魚露、泰式辣醬、青咖喱、豉油等另外任食燒生蠔🦪、青口、元貝、帶子、東風螺等等 款式種類好多！雖然唔算好大隻 不過好新鮮！另外仲有刺身🤤另外燒烤食物有好多款 雞翼有好多種唔同醃製嘅味道 好滋味😚仲有安格斯牛 質素都好高質啊另外仲有熟食 同埋泰式炸物 最後仲食咗泰式甜品 椰汁西米糕🤍好滿足！

近期多左放題餐廳做大蝦任食，隻隻游水大蝦任夾任燒。今日同朋友黎左泰夯蝦！原來佢地係泰國餐廳，好多泰式前菜同甜點，而且燒肉都係泰式醃法，非常特別😋一入門口見到每張枱都有大蝦包圍住，真係隨手都夾到大蝦黎燒👍🏻店員都會示範一次流程，夾起大蝦後要放入冰水凍僵佢地，然後剪哂所有手腳觸鬚就可以正式燒！店員話只需燒到左右兩邊完全變色就可以，如果唔放心既就燒埋中間！大蝦肉質夠哂爽，而且隻隻都有蝦膏！除左呢度提供左好多海鮮！扇貝同蜆真係超新鮮！而且全部都無沙，真係好抵食除左自己燒，仲有小食、炒飯炒粉絲提供，燒海鮮未食得既時候可以食住先～最有趣一定係河粉，可以俾你自己煮！除左海鮮，呢度都有唔同既醃肉，都係泰式風味，第一次食超有驚喜雖然比較肥，豬五花真係超好食！肥而不膩，加上酸酸甜甜既泰式醃料，感覺不停食都唔會厭。咁多海鮮任飲任食，性價比真係好高！

成日聽人講流水蝦好正😛所以一知道荃灣開左泰夯蝦就即刻去朝聖🤣我同朋友大約2:30黎到 唔駛排隊就入得✌🏽我地就坐係”蝦缸”既隔離🍤坐低之後 店員就立即向我地介紹食法：1.首先裝一桶冰水2.將蝦放入冰水大約2分鐘3.之後剪蝦鬚4.最後就可以放落爐燒㊙️溫馨提示:蝦都十分生猛 有機會係冰桶跳返出黎或者掙扎 最好搵隻碟cover住個桶🤗蝦十分肥美😋雖然睇落大大隻不過燒完出黎就會變返細細粒🤣而除左蝦之外 仲有好多種類既燒烤食材我就大推以下食材🤩肉類: 雞翼、雞軟骨(我食左無數串😂)海鮮: 帶子、蜆 (真係仲見到佢地係冰櫃上郁架!!)熟食: 泰式鳳爪、冬陰公湯💯蔬菜: 菠蘿!!!!!非常juicy🥰最後緊係唔少得甜品🥰呢到既雪糕球有超多味道我就揀左milk tea同mint chocolate個人比較鍾意mint chocolate 感覺清新啲😋奶茶味既茶味會比較濃☕️總括黎講🧐午餐黎講佢都算貴(~$310/1 已加一)而佢晚餐都只係貴多少少所以下次我應該會黎食晚餐 抵食啲🤓

呢度主打新鮮蝦，放題形式任食。我哋坐咗個位隔離就已經有個蝦缸，好多蝦，可以自己夾。啲蝦非常新鮮生猛 ，夾完要立即放落冰桶令佢暈咗、然後再剪走蝦觸鬚，放落爐燒熟食。真係幾有特色、幾好玩！情侶、朋友、屋企人嚟都相當適合。呢度嘅蝦爽口，都幾鮮甜，仲有泰式醬汁可以點，辣辣地仲好食。除咗蝦出邊仲有唔少海鮮，有大蜆、小蜆、蠔、扇貝、蟶子等等。而且仲有刺身，三文魚、北寄貝、甜蝦、帶子、榮螺等。刺身味道都幾新鮮，放題來講幾好！佢出邊仲有多款全串燒，燒完好食！串燒我覺得都幾好食😋亦都有其他熟食，例如炒粉絲、炸蝦片、燒台灣香腸、魚餅、炸薯條；甜品仲有雪糕🍦、椰汁糕、水果等等。我幾鍾意食台灣腸熱辣辣又香，炸蝦片卜卜脆。有得玩又有得食嘅放題真係值得去！

❥ Thai BBQ Shrimp✿/我地第一次食流水蝦😆呢間更係全港首間正宗曼谷流水蝦放題荃灣新店面積達6000呎 尖沙咀同銅鑼灣均有分店自助區有多款海鮮 前菜 熟食 飲品 甜品供應 其中蠔 聖子 大蜆都唔錯 😙我地加蒜蓉辣椒放係海鮮上煮 好惹味新鮮大頭蝦係90米長水缸任你夾🤣/✿. 𝚈𝚞𝚖：𝟰/𝟻𝚁𝚎𝚟𝚒𝚜𝚒𝚝﹕𝟰/𝟻𝙿𝚛𝚒𝚌𝚎﹕ $348/𝗵𝗲𝗮𝗱˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 泰夯蝦🦐 荃灣眾安街2-8號周合成大廈1樓.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞