泰‧蘭花 (MegaBox) (已結業)

星期六晚去咗Megabox呢間專食泰國菜嘅泰、蘭花開餐! 有卡位坐, 都總算坐得舒服!辣椰醬咖喱雞肉 $ 72- 配香軟薄餅 $ 22- 好貴!BUT 好好味嘅咖喱醬, 我都食咗半碗飯! 冬陰公大蝦湯 $ 56- 個湯太濃太酸, 無想像中咁好食! 青芒果絲香脆魚柳沙律 $ 68- 真係一堆炸粉, 見到好少魚碎, 感覺好新鮮好脆口, 但勁熱氣!先用生菜包住青芒果絲腰果沙律, 再放d炸到鬆脆嘅魚柳喺面..一啖咬落去,食落凍凍地, 感覺好似無咁熱氣! 賣單$ 256- 用信用咭找數仲有85折, 最後連貼士只係比$220-最衰唔包送甜品!

叫左金邊粉,泰式傳統肉片炒飯,黃咖哩牛腩加麵包盅同沙爹串燒雞肉半打.金邊粉：幾好丫，有四隻大蝦，味道都唔錯。泰式傳統肉片炒飯：普通左d，d肉片好鞋口，最重要係入面有我最憎既青豆！　　　　　　　　　完全唔明點解雜菜加蛋絲就係泰式傳統囉。黃咖哩牛腩加麵包盅：超好味，牛腩好入味，咖哩好香，食埋個包即刻飽晒。沙爹串燒雞肉半打：沙爹味甜左d，但係都幾香同好味，雞肉唔會太乾幾好。服務：：：佢肯定請埋d暑期工喇！一d都唔專業呀！埋單既時候由欄杆出面遞張單埋黎，點解唔係行埋客人身邊遞張單呢？仲要擺o係d有咖哩汁既檯面添。

用AsiaMiles D 哩數換左呢間泰菜二人晚餐，睇OpenRice 對呢度評語唔多又唔好，打定輸數，橫掂唔使錢，無期望之下去試下。完整餐單就呢條 Link: http://www.asiamiles.com/tc/redeem/dining/awards/1,,142395,00.html我食乜就逐樣講:醃粉絲海鮮雜錦沙律 - 好味，辣多個酸，係兩隻蝦無乜味竹笙蟹肉魚肚羹 - 我覺得好OK，好有食街邊碗仔翅 Feel，非常穩陣，唔使驚過酸過辣流沙黃金蝦 - 兩隻一般大蝦，同蛋黃一齊整，好一般 Law，食完喉嚨仲幾乾涸原個麵包盅蜜沙交咖喱豬柳 - 賣相好，挖空個飽放咖喱豬柳，用蒜蓉飽伴汁幾好食，但個蒜蓉飽D 牛油有D 怪，似豬油多D。呢個菜正價$107蒜蓉炒芥蘭 - 唔駛講，炒芥蘭有邊間餐廳做得難食呢泰式千層糕 - 唔識欣賞，No comment總括黎講，因無期望，反而唔大失望，起碼食得真係好飽！粗略計計個價錢，起碼五舊水，自已俾錢會唔會食？梗係唔會………食咁多 law

一直都很想試泰蘭花,原因只不過知道UA票尾有折扣.首先點了個青芒果絲沙律拼魚柳. 話明魚柳,那當然expect會是魚柳塊;但來到時卻變成一堆炸粉,完全沒有魚柳塊,只看到丁點魚柳碎. 雖然很鬆脆和嘗到魚柳味,但很熱氣兼有點被人搵笨的感覺.接下來有豬肉碎生菜包. 這個朋友點名要order的生菜包味道OK,似在吃廣東菜的生菜包.最後有招牌海鮮椰青飯. 賣相和味道都不俗;挖空了的椰青裝了很多飯,絕對吃得飽. 朋友說椰漿偏甜,我覺得OK;反而覺得海鮮太少,每樣僅得一至兩粒... 雖然當中有隻大蝦被我吃了... 諷刺的是最後埋單時沒有出示戲票,因為發現其他信用咭的discount仲多...本來想點咖哩,但咖哩連麵包盅竟要百多元... 唔抵食,同樣的價錢到九龍城選擇多的是.

星期五的晚上，只因為被渣打信用卡的優惠吸引，便去試試。上面寫原價HK$520.-的二人餐，信用卡只需HK$260.-，當然加一以原價計。即合共HK$312.-原來他們用"大份量"的價錢去計出HK$520.-，但出來給你吃的是"小份量"，如果用"小份量"的價錢計出來，只不過是約三佰多元，可能散叫原本的菜色，用一般信用卡15%拆出來都是一樣的!!!!被騙都算，只因連食物都"唔店"。整個餐所有食得的，沒有一樣好吃. . . 應該是一般家庭煮都好食過佢！

昨日睇完(jones)7點幾,見有折試一試兩個人叫set($248)9折冬陰功..............勁鹹蝦膏炒通菜.......無味泰色鳳爪.........又偏鹹蒜蓉蒸大蝦..........梅青咖喱牛肉+白飯($72+12)8折......ok椰汁西米糕+紅豆大菜糕........ok總括黎講......又貴又唔好食.......唯獨人少,坐得比較舒服(因megabox都幾吊腳).....不過都無下次!

services ok ... 食物味道得呀 !! 地方很舒服 !! 因為冇咩人呀 !!仲要 ua membership 有 20% off ... 4個人都係480咋 ~~ 炒金邊粉最好味 ~~ 仲有 red curry fish 甜甜地 ... 不太辣 ~~snack set ... 樣樣都有 ... 可以試晒佢地呢 ... 香葉chicken好味呀 ~~ 最差既就係4片薄餅 ... 又小又薄 ... 22 蚊 !!! 超貴呀 !!

Weekday 去食lunch, 等了20mins, 佢話剛才叫的lunch set out of order, 咁叫第二個set, 前後等左45 分鐘先有。Lunch 1個鐘, 好明題唔夠廚房，又唔夠waiters, D人又新，好差。好差，之前3個月前去過都係咁，D雞飯超多油，相信以後唔會去。

今天家人和我慶祝生日,因為家中有老有細,所以諗住這裡環境好可以食得舒服些;坐下冇耐見個侍應震騰騰捧住五杯水過來,我地都已經唔敢郁,點知佢真係捧唔穏把餘下兩杯水倒了落我親友身上,濕左半個人,佢地解釋話這個是新人所以係咁,雖然佢地有講對唔住和換枱,但佢地態度好cool下囉,食物就一般,叫了個套餐,明爐燒魷魚,個火着左都唔知有冇30秒就冇火,併盤冷冰冰,最差隻燒雞,乾到好似牛肉干咁,要扯住來食,咖哩豬肉包最好味,個甜品椰汁榚都好好;整體來講環境好好,食物ok,但佢地服務態度真好...cool囉,之前來過一次下午茶,冇乜人都有漏單情況,冇左隻义叫佢攞都會冇左件事走去同人地落單,唔怪得之這裡咁易揾位;埋單加埋一六舊幾,我親戚都算厚度,比人淋濕都已經冇話佢地,只不過見佢地咁ge服務態度比唔落貼士,但郤比人啤住出門口,如果唔係有老人家係度實話鬼佢地,咁高級的收費,咁cool的服務態度;講多句,之前有去過樓下間"越色",佢地就服務好得多,由於地滑,我9歲姪女跣腳跌低, 佢地好緊問佢有冇事, 我地諗住佢冇事都冇放係心,點知埋單佢地比左個折頭,走時幾侍應走晒出來話唔好意思,唔係話貪佢小便宜,但感覺上真係w

兩個人叫左招牌炒金邊粉、泰式一口豆腐、燒雞同椰青:招牌炒金邊粉-幾好味,份量好夠,料都好足,有5大塊蝦球響裡面泰式一口豆腐-一口豆腐麻麻,好多油,反而豆腐上面o個堆蒜茸洋蔥粒好惹味燒雞-燒雞幾香, 但呢個半隻份量$70貴左d椰青-9點前飲品買一送一所以就order左

星期日下午,見冇野做就同屋企人來megabox食個下午茶,今次比上次來少左好多人,原先想睇下有咩食,但未睇完就入左去坐.坐低睇左餐牌一陣,就決定叫番個下午茶餐,一個係"泰式炒金邊粉",另一個係甜品"椰汁芒果糯米飯",兩個賣相都唔錯,而且味道都幾好,同埋炒金邊粉既份量都幾多,比我預期中多,真係可以一試!不過今日由開始到食完都冇乜人,可能位置較入,睇唔到溜冰場的比賽.

9月1日果日, 係我同d同學仔相識十週年, 一齊去食飯興祝, 一心捻住去mega box 食飯同埋行一陣!!去到捻食咩果陣..見呢間野冇咩人..咁就入去食啦!!我地一坐底就叫左個二人餐加多個小食拼盤再加多三杯飲品, 捻住叫set都會好快架啦!點知我地大約8:15落單, 大約8:30先黎碟炒菜, 之後隔多一兩個字黎埋個春巻, 再過多兩三個字就黎埋個咖哩豬肉包, 我地真係好勁...成個包食哂, 因為個包都真係好大個..係用個包黎放住D咖哩架!!但係我地可以成個食哂, 就係因為佢D野黎得太慢, 我地到9:00 D 野都未黎齊, 仲爭個湯同埋個拼盤, 之後就叫D姐姐追追佢啦!點知佢話冇落到個拼盤, 問我地仲要唔要, 咁我地就話照要啦, 但係叫佢幫我地插單, 佢竟然同我地講話""盡量啦.."", 當時佢都幾黑面架!之後仲落多個椰青焗飯!好快..個湯就黎左啦, 個拼盤都黎埋!!但係等多四五個字, 個飯都仲未黎喎!!咁就再催第二個同事啦..佢話冇落到單喎!!哇~~果下真係嬲到爆呀, 有冇搞錯呀!!又漏單....之後都算數, 個拼盤我地食唔哂, 就叫佢拎個盒比我地啦, 點知果個女仔又唔知係到做咩喎..

一心諗住入mega box 睇下有幾好...原本都諗裡面有無野食架...跟住入到去...嘩好多喎...跟住朋友話食呢間..ok la(但本人不嬲去開九龍城食正宗泰國菜..今次就試下你有幾好食) 一去到佢話無位,就留低左電話,有call我地, 隔左一陣番去睇,就仲有5個度,再隔一陣點知見到個女人話"三位"之後就入左去,嘩我即時嬲爆丫,跟住我地三個坐低,諗住可以忘記唔開心食下野啦,佢竟然話咩都無! (有無攪錯) 十萬個嬲! 如果唔係佢有半價,我地張單四百幾蚊,邊到值丫!

星期六晚，又渣車去咗megabox覓食，而家要消費滿二百蚊先可以兩個鐘免費泊車，所以少咗人。原先諗住去california pizza kitchen食意粉，但唔想等位，就去咗食泰國菜。侍應俾咗近溜冰場既二人檯俾我同男朋友坐，一路食一路睇住d人溜冰，留意到有兩個哥哥仔溜得好勁，佩服！入正題，本人唔食得辣，費事出事，只點了泰式金柚蝦沙津（走辣），蝦只得三大隻，柚子就有大把，不過普普通通啦；椰青海鮮焗飯，呢個OK，d飯有些甜甜哋既椰汁味，食晒d飯仲可以食埋裡面既椰青肉；雜菜粉絲煲，不過不失啦！

第二晚o黎mega box食恆生半價餐,由於我好鍾意食泰國菜,所以約o左朋友o黎呢度,一行六人, 諗住之前先book位,打電話去位小姐聽到我想book位好似有少少唔耐煩同為難,問我幾多位, 幾點, 我答o左之後,佢話唔好意思,一係要九點半後,一係要聽晚.....心諗唔係咁巴閉掛,我話自己去拎位ok唔ok, 佢話可以去到至等位!去到之後見到只係full o左一半,但係都係要拎飛.等o左一陣就叫o左我地, o車........仲以為要有排等,佢可能想等埋book o左位o個d夠鐘無o黎至俾我地掛,但點解唔做o左現成o既客先呢?反正成半都無人坐!不過位姐姐就幾好禮貌,唔似得打電話o個位!半價就梗係豪叫, 叫o左:咖哩炒蟹$12x- 我見張張枱都有叫,但到我地o個時就已經無蟹,不過可以轉蝦,都幾好啦,係成隻有手掌咁長o既大頭蝦, 汁方面就普通, 但唔差!海鮮炒闊河粉$5x-$6x (唔記得)幾好食,而且係我喜愛o既闊河粉,炒得幾香,料都足夠串燒($唔記得, 好似4x)問佢o個時話有六串,但o黎到得四串,仲要係街邊串燒七蚊一串o既一半size,o的汁係好食,但如果唔係半價就好貴喇!燒牛排($唔記