泰‧蘭花 (MegaBox) (已結業)

一直都泰想食泰國野！611 同孖爸，孖寶去了Mega Box IKEA買d野，好彩商場都有泰國菜食，咁就當係慶祝我們15年611的飯局啦！我地都無咩時間睇Menu，所以就直接叫左個二人餐！HK$398加一，我都唔知抵唔抵食！?個二人餐就係有呢D野~食泰菜識飲既一定係飲冬陰公啦！你話係唔係先！?冬蔭功大蝦湯，都幾好味不過有小小辣，飲完我自己都要即時係咁飲水。小食併盤，3樣都OK好食，唔差呀~而炒椰菜苗呢都幾穩陣，算係好食嘅，不過比較多油。紅咖哩牛肉，其實係好好味帶小小辣，好正，點埋包，好得！而佢地的招牌炒金邊粉金邊粉，都幾好味！不過都係一個通病，多油. 仍D粉炒到條條分明！唔會一舊舊咁！可以話係不過不失啦！不過當日真係無啖好食，細佬仔鬧情緒一直哭鬧，而Caydan哥哥就8掛，係咁四圍睇都無心機食野，兩個又係咁搞枱上任何野，包括熱的食物！我諗當日其實食客見到我同孖爸咁耧狼狽如果無生既都應該會重新考慮生唔生呀~嘩哈哈，不過就算係咁狼狽，其實我地都係過得好開心，好快樂的！今年孖寶第一年正式和我們過611呀~巨開心！ 

突然好想食泰國野！係mega box好彩都仲有泰國菜食！今次叫左呢個椰汁雞湯，其實椰汁雞湯係好肥既一個湯！但又超好味！呢間既椰汁雞湯味道岩岩好，正正就係我想要既味道 2個人叫左個細既，大概每人有一碗半到，雞肉都有好多！同好多粒草菇！唔好睇佢好似好清咁....因為椰汁好飽肚，所以飲左一碗都飽飽地食泰國野最鐘意就係食炒椰菜苗！可惜...呢到既椰菜苗太硬！咸肉又唔係咁有味....呢個菜唔合格椰子海鮮飯 今日係椰子日嗎 見到上面既肉鬆就超想食啦！其實肉鬆撈飯係100分架個椰子既肉都起哂出黎，炒埋係個飯到！陣陣椰子香味，飯又夠哂軟熟！加埋腰果，口感十足！超鐘意呢個飯！最後一味驚喜！炭燒baby ribs !!! 超級極之香既炭燒味！完全估你唔到！雖然所謂既泰式只係右邊果碟汁，不過我覺得唔點，就咁食仲香口！燒得岩岩好，又juicy, 又充滿炭火既香味！係下次會想再食既一味小食！唔好睇佢得果4件，每件都幾多肉！都好飽飽的

好粉會黎行街！今次黎到，朋友話呢間泰菜好味！當然食呢間啦，因為我唔熟呢頭！我地一行5人，叫左一個四人餐加一個飯！都幾抵食！泰菜識飲一定要飲冬陰公啦！有個爐一路滾住，熱住咁上台！望到都吸引呀！呢個冬陰公岩我口，無論酸同辣都岩岩好！飲落有好濃既蝦味！飲完唔會想係咁飲水！佢既蝦都好新鮮！佢份量都唔少！ 咖哩牛肉麵包，麵包焗到好脆身！唔會因為啲汁令到佢入面濕哂！個牛肉仲好滑好淋！串燒，雞牛豬都有！每款都好好味！唔會柴肉！仲好滑！肉既熟度岩岩好！佢個汁偏甜！小朋友都岩食！通菜一定要食啦！泰菜點少得佢呀！佢炒得好夠火喉！保留菜本身既爽口！唔會太咸！生菜包！呢個一定要食呀！佢炒到啲豬肉仲有好多肉汁！唔會乾！有少少辣！包埋生菜食！嘩！幸福到呢！金邊粉，好味！粉到條條分明！唔會一舊舊咁！呢個魚真係驚喜之作！香炸爐魚！香脆，魚肉好多汁！佢個粉漿唔會覺得好熱氣！加埋個酸辣汁！真係停唔到口！菠蘿炒飯！另個套餐唔包的！係我地另外叫的！好味！炒得好好，乾濕度岩岩好！食落仲有好多配菜，每一口都好豐富！最後唔少得泰式甜品！真係大滿足！本身佢個四人餐尬好多野食！每款份量都唔少！我地加左個飯食到超飽呀！見意大家可以好

突然想吃泰菜又怕辣，就走到泰蘭花試。lunch 選擇不多，只有幾款。黃咖哩比較不辣，一樣好吃， 比較適合想淺嘗泰風味的我，於是選了黃咖哩牛腩配白飯。黃咖喱牛腩飯一入到餐廳已經被吸引了，咖喱味道香濃，香辣帶有層次，可是椰香味道不足，成為了敗北。牛腩炆得軟身，咬下去軟滑但略為太多筋。

今日食泰國菜, 去了泰蘭花, 原來只淨番呢間店了, 環境都幾靚及舒服的, 叫左午餐及小食, 午餐跟沙律, 泰式鳯爪, 冇骨的, 我記得之前好辣的, 但今次又唔係好辣喎, 有三隻左右, 都幾好味, 有些配菜, 幾開胃呀. 另外有同事是芥菜湯, 佢地話好甜的, 我見都好多料, 芥菜及豬骨.午餐叫左咖喱牛腩飯, 賣相幾吸引, 飯及餸是分開上的, 飯面有些好似蝦米仔, 份量適中, 牛腩好淋, 咖喱唔算辣, 帶甜的, 薯仔好入味及好淋, 都好好味呀. 另外有同事分別叫泰式豬手飯, 海南雞飯, 咖喱軟殼蟹飯等, 豬手我試了一件, 都好淋好入味, 幾香喎, 份量都好足, 豬皮同事都話好淋身好味道的我們另外叫左一些小食, 有炸蝦片, 炸蝦餅, 皮蛋蝦膠, 春卷, 炸蝦片夠脆口, 皮蛋蝦膠好味, 將蝦膠包住原隻皮蛋去炸, 皮蛋仲好流心的, 好味, 蝦膠夠香口.炸蝦餅好好味, 炸到好香口, 鬆化的, 啖啖蝦肉呀, 另外的春卷都係好香口又脆, 都好好味的.

星期天跟親愛的逛街街, 見泰 蘭花餐廳環境雅致, 人不太多便坐下吃個午餐。我們點兩個lunch set跟餐湯-菜乾湯, 很奇怪.. 泰國菜有菜乾湯嗎? 十分的咸… 重味精…冬陰功安格斯牛肉湯河 $72冬陰功湯底夠濃, 夠辣, 但略嫌偏酸, 沒有海鮮味; 牛肉普通, 似是一般打邊爐的肥牛。 份量足夠。豬頸肉荔枝炒飯 $78豬頸肉份量夠, 荔枝味只有飯上面的那兩塊, 炒飯有蛋炒底。 味度淡, 加點魚露才有味~跟餐甜品-椰汁糕沒特別, 淡淡的椰子味, 很一般。整體: 質量跟價錢不成正比, 略嫌貴點, 勝在服務也ok, 環境取勝 (若等小孩子上溜冰堂在這餐廳HEA 也是不錯選擇)

趁住星期六下晝，同打令去MegaBox睇場戲同去大型傢俬店Shopping。見到泰‧蘭花有泰式High Tea，好有新鮮感，二話不說就坐低。咁岩做緊Promotion，戲院會員可以優惠價upgrade 傳統Set去豪華Set，打令喜歡食海鮮，所以upgrade。炸芝士蝦丸、炸日本廣島蠔、香蘭葉包雞、炸軟殼蟹、金柚沙律、青木瓜沙律、牛油虎蝦、椰汁西米糕、千層糕、椰青大菜糕、芒果糯米飯同泰式飲品。食物種類多，份量適中，兩個人食，岩岩好。兩個沙律辣味適中，夠哂開胃。蝦丸彈牙，咬落去芝士即刻流出黎，好味！廣島蠔好有蠔味，Size OK。香蘭葉包雞唔乾身。炸軟殼蟹夠香脆。牛油虎蝦，蝦夠大，燒得岩岩好，唔鞋。4甜品款好新鮮，唔似其他泰菜鋪頭雪到硬哂。呢度坐得舒服，服務態度唔錯，下次會再黎。

星期日 約6pm 係門口 無人理 自己搵位坐底等左好耐 要捕捉到機會叫服務員先拎到餐牌 點左椰汁香芒糯米飯、冬陰功招牌湯河、仲有勁多骨的炭燒風鱔串味道一般 價錢頗貴  未食完已收野趕你走 

由於食早輪晚飯，6點幾左右，所以唔洗點等餐廳裝修得幾好，有泰式風情，又不所時代感，枱同枱之間有距離，唔會太過逼近菠蘿炒飯($80-90不等)有鑊氣，炒得好香，好足料，有菠蘿、臘腸、肉鬆、魷魚、蝦、雜豆、腰果等等份量大約兩碗半飯，兩個人食都幾飽，略嫌欠缺風味特色另外仲叫左個小食魷魚($50-60)個汁幾好食，不過魷魚好似冇乜調味，純粹靠個汁咬落口感似擦膠，咬極都唔斷唔爛咁，再切細條d會比較好價錢稍高，但食物水平唔出色，唔值

襯住起Mega Box睇完戲，醒起有張泰蘭花既餐券，咁就決定晚餐起依度食，點知係一個超錯既決定本來見個二人餐幾好，想食既嘢都有，咁就打算落order，點知佢話用餐卷唔俾叫，我睇曬成張嘢都無唔準叫套餐既條款，不過廢事噪就散叫就算散叫就叫左五樣嘢，叫左海鮮粉絲沙律，干炒豬肉河，豬肉生菜包，炸蝦膠皮蛋同埋米紙卷咁多樣得兩樣係好食，干炒豬肉河夠鑊氣，豬肉份量足，味道好好。另外一樣好食既係海鮮粉絲沙律，海鮮夠足料有大量既蝦同埋魷魚，沙律個汁酸味同辣味調教得好好，食完真係好開胃，好食至於唔好食既係米紙卷，炸蝦膠皮蛋同埋豬肉生菜包。米紙卷個賣相差，舊舊米紙卷放到斜晒，米紙食落完全唔係嗰回事，好似食包皮咁，一啲都唔似食米紙。炸蝦膠皮蛋，啲皮蛋有怪味，食一啖已經食唔落。最後個豬肉生菜包先最離譜，啲豬肉又乾又靭，完全係食緊橡膠咁，可以話係難食服務一樣唔得，差唔多食完時個經理無端端俾張單叫賣單，語氣態度又唔好，真係食到谷氣，一定唔會再嚟食

岩岩睇完戲，就去下泰蘭花泰蘭花d 串燒真係好夠味！可能自己本身中意食重口味！今餐食既野都好夠味！個冬陰工湯又夠味又夠辣！另外，個炸軟殼蟹今次炸到岩岩好，入口仲有一陣蟹味，帶有小小腥味，都算好味！但係，果d 蝦餅，魚餅有小小失色，有小小凍左既感覺，口感就麻麻，希望下次有改善但overall, 普遍野都好味既。睇完戲黎食,都算方便既!

因為是星期三, 基本上也不用等位. 人不多, 食物來的很快, 挺清靜的.只有2個人, 所以只點了3個菜.除了咖哩太咸有點失望之外, 生菜肉碎又有驚喜. 不過總結來說還是一般.我個人覺得朗豪坊的泰蘭花比較好吃. 但人極多.

在MEGA BOX看完電影, 就在旁邊的泰蘭花用餐, 由於周六的關係, 小等了二十分鐘。平時挺喜歡吃泰國菜, 在門口等的時候看了下餐牌, 東西普遍比我平時去的金不換貴, 種類較少, 不過由於只有兩個人, 點不了太多菜, 也沒有關係。1. 明爐烏頭($168): 泰國菜的經典之一, 總体不錯, 不過感覺魚不是太新鮮, 只是因為香料的味道很濃才蓋了過去。2. 黃咖喱猪肉($88): 生平吃過最難吃的咖喱, 椰漿的味道蓋過一切, 味道偏甜, 猪肉用的是瘦肉, 一個字"鞋", 最難得是薯仔也完全沒有味道, 泰國餐庁可以把咖喱煮得那麼難吃, 佩服3. 蒜蓉包($30/5片): 烤得很好, 不會太干, 有蒜蓉味, 又保持面包的鬆軟, 加了單, 可惜到甜品上來都不來, 只好取消4. 芒果糯米飯($58): 還不錯, 就是份量太小周六的人特別多, 但餐庁人手嚴重不足, 舉手平均要兩次才有人可以看到, 建議要請多幾個侍應。

新年我事做就去諗住人少少嘅mega box開餐點知都有吾少人尼...之後就去左高層睇下有咩好食就咁啱見到呢間個境吾錯所以就試下餐牌都系一啲泰國普通菜式所以就叫左啲平時食開嘅我地一家四個人叫左五六樣餸泰式雞串個人就認為吾扺62蚊得四串不過勝左做得幾好所以都吾肉痛炸蝦餅有四件但系切開左做一半...尼個時已經系吾熱食落去系凍嘅令人有啲失望...因為呢一道吾系啲咩難煮嘅餸點少得冬陰功呀叫左個雜菜冬陰功！吾知咩原因個冬陰功一啲都吾辣所以就好似喝啲濃味湯咁仲有辣油系面！！令人難以接受波羅炒飯呢個飯幾好...食落囗有陣陣嘅波羅香食落囗就啱啱好而且放得幾令整體尼講呢間無咩特別 ..吾會特登去食

點解話叫超貴的午餐, 因為唔計強行的加一, 最平可以食到的野都要六十八蚊... 蝦餅過半百, 炒野樣樣連服務費過三位數.好, 咁幾個同事叫啦. 我叫了冬陰功海鮮河粉, 一位同事叫了乾炒牛河, 一位同事叫了紅辣椒加厘飯.冬陰功海鮮河粉,河粉好食, 個湯酸酸的小辣好喝, 海鮮份量都算中等不過味道麻麻, 不過真係太不夠辣了, 明明寫大辣, 我成碗飲晒都不覺得辣.乾炒牛河, 不錯幾香而且油不算多不太油膩, 不會太鹹也不會太油, 剛剛好不錯, 只是太貴, 差不多成舊水食牛河, 有錢都不是這樣花.紅辣椒加厘飯, 過百蚊的飯, 加厘香滑, 海鮮普通, 反而草菇幾好食, 好食不過不特別, 外面五十蚊可以食到呢個水準的店到處都係.總括來講, 太貴. 服務雖然幾好, 座位也幾舒服, 不過, 真的好唔抵. 適合大慶祝或大節日黎食.