泰Cool

營業中

休息中

我中意的餸菜排名榜係咁的炭燒豬頸肉 ($78)外皮烤得恰到好處，肉質也相對嫩、有啲彈竹牙添、適合喜歡燒肉的人。油脂部分唔會偏多，有甜酸汁配搭，微辣、過癮。鮮蝦金柚子沙律 ($78)沙律的搭配十分清新，金柚子的酸甜好開胃、雖然有啲搞笑嘅係佢唔係第一道上嘅菜做 starter。但食住其他比較濃味嘅例如咖喱同埋豬頸肉，可以有沙律清新口味都幾好甜品我叫咗芒果糯米飯 ($58)紫米同埋白米飯口感柔軟，芒果也相當新鮮，去到秋冬季節都有甜嘅芒果都幾難得，但我覺得椰漿可以再加多少少，少少，咁就會味道更加香。但我覺得已經好好食馬拉盞雜菜粉絲煲 ($88)份量都唔少，有唔同種類嘅蔬菜，煮得好腍身，我自己鍾意佢又馬拉盞適量嘅香味，唔會太濃味。，可以似家常菜嘅鹹淡程度。青咖喱牛腩配薄餅 ($118)咖哩香氣幾香，牛腩都軟嫩嘅。但對於喜歡濃郁咖喱的人來說，味道可能顯得稍淡、或者可以再多少少辛香料的。薄餅如加埋咖喱湯汁都ok.

其他都正常水準，所以冇乜特別好講，香芒蟹肉炒飯，反而呢一度炒飯，顆粒分明，蟹肉鮮嫩，每一口都能感受到蟹肉的鮮美。加埋芒果 新鮮又清新，即刻令到呢度再層次感上升呀 不過我諗芒果靚唔靚都好睇彩數😂點都好，係有運仔嘅

九龍灣泰Cool，環境闊落，有鳥籠特色卡位，仲有戶外座位，多人聚餐無難度。甜酸咕嚕魚：魚身輕微炸過，配上切粒菠蘿、番茄仔、洋蔥、腰果及三色椒，再淋上酸酸甜甜既咕嚕醋汁，好食又開胃。咖喱牛腩釀巨型麵包：麵包上面開了一個圓蓋，裡面有牛腩和薯仔，再放左好多三色椒絲做裝飾，上枱真係好巨型好吸睛；咖喱汁香濃而不辣，裝滿整個巨型麵包，牛腩炆得好入味，肉質都算幾腍，一啖咖哩牛腩，一啖麵包，食得好過癮。馬拉盞雞肉炒河粉：好大碟好足料，雞肉鮮嫩，河粉質地Q彈，加上味道咸香微辣既馬拉盞醬汁，真係食到泰國地道既滋味。芒果糯米飯：大半隻芒果，色澤鮮豔，非常香甜，糯米飯有兩款，紫糯米口感更綿密，仲加左脆米，讓人垂涎欲滴。三色冰：整杯加左唔同顏色既涼粉粒，入口爽滑，椰汁味道香濃。熱檸檬柚子茶：香甜好飲。總結，食物大份，價格合理，員工服務友善，食得稱心滿意。

今晚係陶大附近放工經過呢間泰cool感覺有點熟口面原來將軍澳同鰂魚涌都有分店唔怪之得咁熟口面未食過就試吓餐廳內座位都多及寬躺亦分開室內室外兩邊區域選擇本人始終鍾意室內感覺靜啲舒服啲😙值得一提嘅係仲有隻家貓係餐廳入面🤗好可愛的🥰☺️😄泰國菜🇹🇭就一定要食生菜包喇😋***香葉爆炒肉碎伴生菜包$88***一睇就知份量十足👍D肉碎炒得好香亦唔油膩用紫洋蔥同辣椒炒有些微辣🔥好惹味***椰青$46***好fresh好清甜好解辣健康之選😊如果多啲人黎就好，可以叫多啲唔同野食呢度嘅生蝦刺身、冬蔭公明爐蒸烏頭、咖喱農夫包及辣椒膏炒蜆都想食😍Lunch menu同tea set都超級抵食又有好多款選擇

媽媽平時去開呢度打牌，我本身唔信打牌可以有埋泰菜食因為媽媽話味道都唔錯，所以今日同朋友嚟食點知發現真係平日都勁多人都係打牌嘅朋友其實門口都有寫埋有雀會、下次真係可以試吓去打入去就見到有隻小貓咪超可愛同埋都有戶外嘅位置，而家天氣涼涼哋坐喺出面都唔錯呢度可以用手機落單好搞笑仲有送餐機器人佢仲會講，祝你用餐愉快講返啲嘢食先😂介紹咗食泰國菜一定會嗌嘅冬陰公湯先！入面有兩隻超大嘅蝦、仲有啲細蝦、青口、同埋魷魚圈湯好濃夠酸同辣、最欣賞佢有得加熱湯夠熱先好飲佢份量好多，覺得夠4個人飲我兩個人食完全飲唔哂菠蘿炒飯又係超多勁多菠蘿，而且入面都有唔少海鮮馬拉盞通菜推介大家食好惹味又係超大碟覺得個份量係平時食開個啲多一倍仲有呢個巨型米紙卷入面包咗蝦、青瓜、蘆筍、紅蘿蔔、同埋好多沙律菜，加埋個醬都幾清爽呢個小食我都係建議四個人嗌每人一舊都好多😂最驚喜係呢兩杯飲品一杯係芒果椰子奶，令一杯係班蘭椰子奶估唔到咁好飲好飲過出面好多手搖飲品

朋友約先知原來淘大斜路上有間泰國餐廳，用餐環境都幾舒適，就試下佢🙋🏻‍♀️🍽️鮮蝦刺身（ 生蝦）食泰國野緊係唔少得生蝦🍽️香葉爆炒肉碎伴生菜食生菜包最怕生菜唔乾淨或者唔新鮮，呢間係乾淨同新鮮👍🏻，肉既分量都多，比平時食既再酸d，所以更開胃，肥肉同瘦肉比例適中🍽️咖喱牛腩包賣相好吸引，牛腩夠唸同入味，咖喱係唔辣既，朋友特別讚個包好食，個包沾滿咖喱汁，仲好食過牛腩😂🍽️大蝦炒金邊粉賣相同樣好唔錯，金邊粉夠酸味，除左面頭大蝦，裡面都仲有幾多細蝦，足料，同樣係酸味比較重🍽️ 椰汁沙冰+芒果沙冰特別推介椰汁沙冰，好好飲!有機械人餐車除左晚餐仲有午時套餐同下午茶套餐💁🏻‍♀️整體體驗唔錯，上菜速度好快，服務態度好，分量足，味道夠

呢日黎到九龍灣呢間泰COOL 食晚餐~ 都真係估唔到係九龍灣都有咁好味既泰菜食~ 呢度仲有貓貓陪你食hahaa 我地叫左半隻海南雞, 蠔仔蛋, 咖哩農夫包軟殼蟹, 真係好好食! 仲要飲埋椰青! 海南雞真係夠滑唔UN, 點埋D醬真係好好食! 佢半隻雞既份量都真係幾多! 完全食到飽人! 蠔仔蛋係鐵板上, 夠哂熱辣辣, 另外仲好多獲氣, 好好食! 同埋我好中意仍有好多芽菜, D 芽菜好脆口, 仲有個醬點落都好好食, 蠔仔好大粒, 一D都唔腥! 咖哩農夫包軟殼蟹好震撼! D 咖哩汁好好味, 用黎點包都真係一流! 軟殼蟹夠哂脆! 食落真係覺得好yummy, 好滿足! 飲埋椰青真係覺得好有泰國FEEL!

經過淘大近馬路口嘅泰國菜午餐都係$58-62幾抵食，份量十足！海南雞飯$62雞肉嫩滑，有三款醬可以點，豉油，薑蓉，泰式酸辣醬食落好開胃🤤仲有冬瓜紅蘿蔔清湯，清清地唔錯👍🏻特別一提係佢嘅油飯有陣陣斑蘭味好香飯粒分明食落唔會膩泰式豬頸肉煎蛋飯$62流心煎蛋煎得好靚😆豬頸肉都好多件有辣辣地嘅豉油可以撈埋食好正👍🏻加魚餅$25有三大件，食落好彈牙亦唔會太鹹，而且好濃香茅味椰青跟餐叫$30好新鮮解渴亦好清甜，仲可以食埋啲椰子肉😙斑蘭椰奶跟餐$12斑蘭味濃郁，甜度調得幾好唔會過甜可惜椰汁西米糕賣曬🥺下次黎一定要試下仲有下午茶套餐都好吸引款式幾特別而且坐得寬落地方夠曬大👍🏻黎開淘大的話可以再encore！

原來九龍灣淘大近佐敦谷公園有泰菜食！😍1.青木瓜沙律 $68份量不少！青木瓜爽口 酸辣度適中👍🏻👍🏻2.生菜包 $88肉碎惹味，生菜都新鮮👍🏻👍🏻3.炭燒虎蝦 $128幾大隻，燒得幾香👍🏻👍🏻4.香芒蟹肉炒飯 $88份量多！足料，夠鑊氣！👍🏻👍🏻5.椰汁冰 $38, 香芒椰子奶 $36好飲！🫶🏻仲有識講嘢既機械人送餐，仲祝我地用餐愉快😂😂價錢公道，味道不錯！👍🏻👍🏻

今日同朋友去了九龍灣行街，順道去了吃這間泰國餐廳。這間餐廳還有貓貓睇，幾得意。泰王咖喱軟殼蟹釀巨型麵包（$178）：咖喱的香味濃郁，味道適中。軟殼蟹的外皮酥脆，肉質鮮嫩，與咖喱配合相得益彰。巨型麵包外酥內軟，非常適合承托咖喱味道。泰式燒雞（半隻）$128:燒烤的過程中，雞皮烤得金黃酥脆，肉質保持嫩滑多汁，一口咬下去時，既有嚼勁又不失柔軟。炭燒豬頸肉（$78）：豬頸肉肉質細嫩。炭燒後，外層金黃酥脆，內裡保持肉汁豐富，咬下去的瞬間有滿滿的肉香。炭燒牛柳粒（$88）：炭燒牛柳粒選用上等牛肉，外層微焦，內部保持多汁。咬下去的瞬間，肉汁在口腔爆發，令人垂涎欲滴。炭燒的過程能夠帶出肉類的自然香氣，加上炭火和調味料的融合，散發出濃郁的香味，讓人食指大動。

上網見到OpenRice 食評見到好評多過劣評，諗住冇死啦，點知堂食晚飯食完之後勁失望，叫咗個蟹肉芒果炒飯，啲炒飯係濕淋淋嘅，想像下炒飯係濕嘅係會有幾難食？仲叫咗個雞肉粉絲，啲雞肉係鞋恰恰，乾爭爭咁⋯另外仲叫咗串燒，串燒係得豬肉比較好食啲⋯呢間泰國餐廳，夜晚都好少人食咁，除咗座位好坐之外，同埋有隻貓貓坐陣之外，啲食物真係完全唔掂！冇下次了真係唔知係今次唔好彩食到廚師失準之作，定係啲人真係覺得好食🤷🏻‍♀️

蟹肉炒粉絲粉絲煮得恰到好處不會太淋身，吸收了蟹肉的鮮美口感滑溜。蟹肉新鮮且肉質嫩滑，都能品嚐到海鮮的鮮甜豬頸肉沙律這道豬頸肉沙律經過精心烹調，外脆內嫩，搭配清新的蔬菜木瓜絲和甜辣的醬汁，讓整道菜品更加清爽可口。地道火山排骨如果你喜歡重口味，地道火山排骨絕對不容錯過。排骨經過醃製，味道濃郁，微微的辣味刺激味蕾。這道菜品展現了泰國料理的獨特魅力，讓人回味無窮。鹹檸七最後，嘆一杯鹹檸七，清爽又解膩。☺️☺️

以前成日喺將軍澳海旁食泰cool，今晚為了一個返咗嚟香港幾日嘅朋友，四個女仔聚一聚，揀咗去中間點嘅九龍灣呢度食飯食飯。我哋約咗6:00pm,一入到去，最初都有啲懷疑自己係咪去錯地方，因為個場都幾吉下。見到只係得幾台客（已經包括埋出邊可以同寵物一齊食嘢嘅地方。），但係如果坐低之後離開，好似有啲怪，所以我哋就打算試吓先叫個平平地既蝦餅食吓，就算發覺唔對路，要走都唔會咁尷尬麻😅點知個蝦餅一上枱嘅時候，我哋四個女仔「嘩」咗一聲！咁大件嘅！？份量都幾足喎，仲大過成隻匙羹，而且都幾足料，而且又好味。去到差唔多7:00pm左右見到都多咗幾枱客，就諗住：算啦，都喺度食埋其他嘢啦。😆我哋四個人叫咗必食嘅菠蘿炒飯、椰汁蝦湯、燒豬頸肉及芒果糯米飯。燒豬頸肉我個人覺得比較乾身，如果可以多啲汁嘅話會好啲。菠蘿炒飯充滿菠蘿汁，如果可以再炒耐一陣，乾身啲會更好。不過，我哋試個女仔都覺得個椰汁蝦湯超好飲！而且佢隻隻蝦都好大隻，我哋每人都飲到兩至三碗左右😋最後，芒果糯米飯方面，糯米飯好好食，不過個芒果好酸😖我哋四個女仔由6:00坐到夜晚10點（冇俾人趕走🤪），埋單嘅時候每人只係俾咗$123 ，超抵食！

最近去咗呢間位於九龍灣淘大商場四期嘅泰國菜餐廳，環境非常闊落，入面幾個大鳥籠設計嘅座位非常吸睛，啱晒打卡，而且仲有2隻好得意嘅貓貓🐱走嚟走去，勁得意。首先上場嘅食物係馬拉盞炒通菜。馬拉盞醬，味道濃郁鹹鮮，係正宗泰國風味，帶有微辣的香氣，通菜亦炒得恰到好處，保持了原本的脆感，好食。跟住，我哋叫咗一份泰式炒牛河。牛肉切得厚薄適中，醃得幾滑，炒嘅火候控制得幾好，鎖住牛肉嘅咗肉汁。河粉口感滑爽，唔知係咪加咗啲啲泰式魚露，成個炒粉有種豉油鮮香，令人驚喜。然後嚟到主菜——泰皇咖喱軟殼蟹釀巨型麵包。呢道菜真係視覺同味覺嘅雙重享受！軟殼蟹炸到金黃酥脆，搭配濃郁的泰式黃咖喱醬汁，味道香濃，又唔會太鹹，蟹肉鮮甜惹味。巨型農夫包外脆內軟，吸收了咖喱汁，令人食到停唔到口。吃完主菜，當然唔能錯夠錯過甜品。芒果糯米飯係我最愛嘅泰式甜品之一。佢哋嘅米飯香甜軟糯，配合超甜嘅芒果，淋埋椰漿先係精髓啊，口感一流，推薦。講埋飲品，我哋選擇咗椰青和龍眼冰。椰青清爽可口，帶有自然的甜味，飲一啖即刻feel到冰涼清爽；而龍眼冰口感更甘甜，龍眼數量多，十分滿足。

今日同屋企人去九龍灣的泰cool食午餐，真係一個好開心嘅時光！餐廳環境輕鬆舒適，適合一家人聚餐。我哋點咗幾樣好味嘅泰國菜，令人回味無窮。首先，我哋試咗泰式蝦金邊粉，蝦肉鮮嫩，粉條滑溜，配上特製的醬汁，味道絕對夠味。接住，我哋點咗凍泰式奶茶，香濃的奶茶配合冰涼的口感，喺炎熱的天氣中，真係一杯極品。之後，我哋又嘗試咗雞絲扎肉撈檬，雞絲細緻入味，搭配新鮮的撈檬，整體口感清新。還有熱朱古力，甜而不膩，暖心又暖胃。泰式生蝦刺身更係一大亮點，新鮮的生蝦，搭配酸酸辣辣的醬汁，令人一試成主顧。另外，火車頭河粉同鳳爪沙律都非常美味，河粉滑爽，鳳爪沙律則帶有清新的味道，正好消除油膩感。最後，我哋點咗名爐檸檬蒸烏頭，魚肉鮮嫩，檸檬的酸味提升咗整道菜的層次感。最後，我哋仲食咗512蚊，甜品絕對為今日嘅美食畫上完美句號。整體來講，今次午餐真係好滿足，期待下次再來！