泰COOL (英皇道)

營業中

休息中

呢間舖頭環境可以, 可以坐戶外, 可惜工作人員及食客出出入入, 又唔會閂返個門, 呢啲天氣坐近門會熱到癲咗.食嘢味道非常一般,當然價錢60幾蚊咗右包熱飲, 又免加一都唔可以要求太多. 但係要有心理準備入黎食野要受氣. 因為所有工作人員服務態度都超級差, 我哋一行6人由落單去到用餐，只係用咗半個鐘，杯野都未飲完, 收銀嗰個成日入嚟催我哋埋單，不停望我地, 喺附近行嚟行去, 仲要大力拍枱示意我哋埋單,唔知以為自己去咗問米既地方, 到埋單既時候我用支付寶, 佢冇唔緊要,但態度又係好衰, 要求我用其他方法俾錢都好冇禮貌 , 令到我覺得俾錢食餐飯都好受氣，唔會再有下一次幫襯！嚟緊幫襯嘅人自己心裏有數!！1. 舖頭食嘢味道非常一般.2. 全體員工服務態度超級差.3. 收銀員工成日入嚟敲檯示意我們埋單.4. 沒有支付寶，收銀更無禮貌地示意用其他方法付款.結論：永久列入黑名單！

一間服務態度非常差嘅食店，話説11：53分先落單，12：38分就有位中年亞姐過來話出面人多要執嘢，但當時我哋仲有一位未食晒…我就望下錶，落咗單…都未計啲嘢到嘅時間，都只係45分鐘左右。我就講咗句‘吓…一個鐘都未有喎’。果個亞姐態度極差話‘依家食飯時間…個個食一個鐘邊得呀？’。原來依家係香港食飯…食一個鐘都唔俾。

🇹🇭泰國菜 🚹1-6人 💛——————同棟大廈有幾間餐廳🍴都收8點，嗰日🐻🐻‍❄️ 7點幾先諗食邊間餐廳🤣就揀咗食呢間💯串燒拼盤（大）$118豬頸肉烤得非常香脆😋豬牛雞串燒啖啖肉，表面燒到微乾，入面依然保持本來肉質嘅可口🤤推薦！🍞咖哩軟貝殼蟹釀焗麵包$178軟貝殼蟹好脆，黃咖哩好濃味、完全唔辣😋配上外皮偏硬、接近法包🥖質地嘅麵包🤤一開始食真係覺得好正🤤加上餐廳好細心💛麵包已經切開，擺到好似開花🌼、幾IG-able📸又方便逐塊叉嚟食🤣🐻‍❄️：不過食到尾麵包吸盡咖哩汁🤣就會好濃味～🐻：建議多啲人嚟再叫，可以再加白飯🤤一齊食，會再正啲～🥥香芒椰子奶$36芒果味重過椰子味，不過食濃味菜式係要配返杯飲品嘅～😛當日埋單仲有88折，性價比都ok👌🏽啦～結論：啱一大班人一齊食👍🏽😆

今日突然想食泰國野，就搵到呢間餐廳。食物大份，餸菜好多，自己一個食唔晒，午餐仲有一杯熱飲送。一個餐都係$58，大胃王之選。食物質素方面係好味，我就點左香葉肉碎煎蛋飯同埋巨型麵包釀咖哩牛腩，肉碎好夠味，咖喱唔辣，易入口，就算浸住咖喱汁既巨型面包口感仍然煙韌。環境座位闊落，有戶外座位，有鳥籠特色卡位，亦有大型鳥籠梳發位，好岩多人聚餐。

入座未夠一個鐘，個西臉短髮女員工就趕人走，仲話咩香港地依家食飯冇一個鐘，得半個鐘，服務態度差，仲話咩你投訴我都冇用。一黎半個鐘就趕人走，二黎入座都冇講話得半個鐘，出面又冇人等位，而隔離個枱仲早過我同朋友入座都未趕人走，攞明恰後生女啦。食物質素又勁差，個串燒炒飯上枱係暖唔熱，個串燒又勁「鞋」，超級難食。希望管理層正視問題，特別係員工素質同食物素質，否則等執笠。經過今次以後都唔會幫襯，同埋唔會推薦朋友黎食。

和朋友一行三人第一次嚟泰Cool食lunch, 食到一肚火。12:30分入坐，食咗一個鐘都無13:20就趕人走，短髮女店員態度極惡劣，話「香港餐廳全部都係食得半個鐘，唔會可以食到一個鐘，你哋投訴都無用」。隔離枱早過我哋入座都未離開，店外無人等位，而我哋亦未飲完飲品，希望管理層正視問題，保持服務質素。另外，食物質素亦麻麻，食物只係暖，而牛肉亦太硬，不改善嘅話咁平都無用。

今日同朋友食呢間，食5夠一個鐘就被一個短頭髮女waitress 趕左幾次，都未食完，態度惡劣，仲話香港邊有餐廳可以食一個鐘，只可以整半個鐘，離曬譜，千祈唔好嚟，嘢食又一般，最好笑係講我哋走出邊其實冇客。。。我地都明白lunchtime 好多人，都盡快食，但5係一個鐘都冇，如果真係只俾人食半個鐘，佢應該喺我哋一入門口就同我哋講lol，完全冇通知過，真係好嬲，個waitress仲理直氣壯話投訴都冇用。。。。。。

啱啱喺鰂魚涌打完羽毛球，喺附近揾食，大家本來諗住去呢間泰國餐廳，簡單食個湯河，但波友比泰菜餐牌吸引，叫餸share食。晚市堂食88折，三餸三杯野飲，三個人平均百鬆d消費，已經係一餐美味既泰美食，個咖哩炸軟殼蟹好好味，同行兩位本來細食既女仕都合力"清盤"。環境坐得舒舒服服，好過北上迫人又浪費時間及人生。至於服務方面無問題，落單時仲有講有笑，同我地用d菜單名開玩笑；佢地差唔多要收工，叫我地埋單後，仲叫我地慢慢，唔會話趕收工叫人走。

當日去食lunch叫左碗香茅雞扒湯檬粉，由12:24落單等到13:05，期間催過3次，最後個侍應求其俾左個雞扒撈檬我，成碟撈檬整到好似一碟垃圾咁 。等左大半個鐘俾碟錯既野我，一句唔好意思都無，基本禮貌都無。最誇張係俾錯我個碟雞扒撈檬佢就直接俾另一個客，毫無衛生可言 。我行出去同收銀講要cancel張單，收銀叫我自己搵樓面，我都真心無語 。做到咁差真係趕客，blacklist!

服務態度非常惡劣，出餐又慢，又漏單，催單比人罵，lunch time趕返工千萬唔好去食，等到過曬鐘，但客又唔係多，唔好意思都無句，員工愛理不理的態度，食物好咸，鹽好似唔洗錢，又多味精，食物方面豬肉唔新鮮，一陣怪味，菜又爛的多，炒起油又多，周圍環境同地下污糟，桌子唔抹痴立立根本唔係正宗泰國菜館，連中菜都唔係，服務奇差當客傻仔的餐廳，價錢又唔平，而家香港愈來愈少人想出街食嘢不無原因，服務態度非常惡劣，食物方面無質素的餐廳

約咗朋友去野餐, 叫左外賣. 2個午餐再加串燒拼盤, 埋單$250左右.其實午餐都抵食, 拼盤係散叫所以比較貴. 食物不過不失, 穩陣之選.最好味係個串燒拼盤, 但真係可以大碟少少🙈

岩岩跟同事去呢度食lunch,野食算正常，但啲人服務態度真係差到一個點，但都未係最激氣😩果個收銀機系統垃圾到一個極點😡，我一行3個人，兩個叫lunch set, 1 個人叫散餐，lunch set 可加$12叫杯special drink（原價$36）咁我兩個人都叫左，食散餐果個同事食到中途先再散叫1杯可樂（咁散叫正價$15），點知埋單發現，佢收左可樂$6、1杯特飲$12，另1杯收正價$36…..🤬同服務員講番，佢話電腦系統係咁樣，自動將平價果杯變做跟餐🤬🤬佢地態度仲係覺得自己冇錯，今日真係長見識😨

早幾日食晚餐，最先係見到成間餐廳所有啲橙色皮椅滿佈大量黑色污漬！！淨係呢樣已經可以bye bye，收人咁嘅價錢，都唔去翻新下，失望~🤮之後點左青咖哩食，大家都覺得酸酸地，又無咖哩味，唔知點咁，試下配襯其他食物都係無分別，唔覺得好食左。啲大蝦梅左，唔係實肉，主菜金邊粉都炒唔香，竟然係全甜味嘅，正常係香口帶甜，仲有其他配料嘅香，但佢係純甜味都有嘅..整體價錢都貴，絕對唔值。呢區少泰國嘢都唔會推介呢間考慮越南、馬拉、印度菜好過

早幾日食晚餐，先係見到成間餐廳所以啲橙色皮椅滿佈大量黑色污漬！！淨係呢樣已經可以bye bye，收人咁嘅價錢，都唔去翻新下，失望～之後點左青咖哩食，大家都覺得酸酸地，又無咖哩味，唔知點咁，試下配襯其他食物都係無分別，唔覺得好食左。啲大蝦梅左，唔係實肉，……主菜金邊粉都炒唔香，竟然係全甜味嘅，正常係香口帶甜，仲有其他配料嘅香，但佢係純甜味都有嘅……整體價錢都貴，絕對唔值。呢區少泰國嘢都唔會推介呢間考慮越南、馬拉、印度菜好過

This place offers lunch set during weekdays and weekends, and they offer a lot of options.Pad thai and curry beef brisket are my all time favourite. In terms of flavour, I would say they are just acceptable. But the lunch sets are really cheap and includes a drink, so if you are in budget, this place could be your perfect lunch spot.