泰COOL (英皇道)

營業中

休息中

以前喺太古坊食晏想搵一間可以坐得舒服啲乾淨企理嘅泰國餐廳都冇！嗰日同同事無意中行過見到呢幢新嘅商業大廈裏面居然有餐廳！見價錢又合理所以就上去試吓！ 🤪朋友叫咗泰式雞絲撈檬！雞絲份量都好多！蔬菜都好新鮮！最重要個撈檬汁夠酸我最鍾意！又唔太辣！我就叫咗我最鍾意嘅泰式炒金邊粉！食落去一啲都唔油淋淋！算幾乾身！裏面雞肉份量都唔少！不過就冇蝦！但有我最鍾意嘅豆卜！酸酸甜甜好開胃！美中不足嘅係凍嘅泰式奶茶係要加$6！熱嘅泰式奶茶就唔使加錢 😑不過環境又真係幾舒服又乾淨！啲座位都好闊落！以前去怪獸大廈附近嗰啲食完之後成身油煙味食完仲洗去見客 🤭所以都會再去

近日行過見到新開咗間泰國野，就諗住晏晝去試吓。都幾多人食，去到都要等一兩張枱先有位。入面環境唔錯，好寬敞，露臺有得坐梳化，啱晒幾個朋友去吹吓水。🥢 手撕雞海南雞撈檬 $58味道一般，不過不失。份量搭夠，手撕雞同配料都幾多，配料都幾新鮮，一個人完全食唔晒呀。🍵 熱杞子桂圓茶 (+$6)味道唔錯，好多杞子同龍眼肉，龍眼肉大大粒都幾爽口。😋整體而言，想食幾道菜既話，可以搵埋啲朋友一齊share，因為真係好大份，好抵食！

港島東發現新開的泰式餐廳便去試試，但之後才知道只是其中一家分店！下午茶時段比想像中多人，不想吃飯和浪費便只叫了一碗$48的泰式魚蛋肉碎河+熱檸檬水。一碗簡單的粉麵便可以知道一間食肆的質素和有沒有用心去做。食物送到後呆一呆：兩小粒白魚蛋 + 一小嚿白蘿蔔 + 一小嚿紅蘿蔔(差點用”粒”去形容) + 一片生菜 + 肉碎的河粉求其去一間粉麵店叫一碗雙拼都唔會得咁少餸, 還是應該叫肉碎魚蛋河呢？但又不見得肉碎有好多。如果因為下午茶餐又$48價錢，所以只有咁少餸，咁可能係我要求好高啦，作為消費者我覺得好唔抵食😠！加上不正宗的泰菜亦不會有下次！另外餐廳只收現金或信用卡😣！

呢排都係係呢邊返工多，我知道呢間餐廳都開左沒幾耐，今日先有機會去食到，因為事關一開始個陣餐廳實在太多人去，上過兩次都要排隊等好耐既位，所以都放棄左等。咁岩今日落大雨 ，沒咩上黎食，我地又再把握機會，果然上到去即刻有位食，我思量左一陣，就叫左個雞絲炒金邊粉，等左一陣就有得食，老實講睇個樣係真係好吸引，好有馬來西亞式既正宗感覺，不過食落同想像中有d出入，首先唔夠熱，而且d豆腐乾又太硬，杯檸茶好似沖左好耐，好澀

自從佢8月中開舖，我食咗一次下午茶餐兩次午餐，今日試埋晚市散叫，簡單總結都係大件味正常抵食。大串燒拼盤($118)：豬頸肉正常唔靭，個汁好味。豬雞串燒唔鞋，普通啦，牛串燒有少少過熟，但個汁似乎唔夠香。馬拉盞通菜($68)：好抵！好大碟！質素味道都正常。黃咖哩牛腩($88)加蒜蓉包($30)：蒜蓉包無蒜粒，蒜味唔重，但個包非常鬆脆，點咖哩好正。黃咖哩牛腩，牛腩正常，黃咖喱就看似好稀，但點住個蒜蓉包又幾好味喎。今餐係食唔哂要打包。下午茶餐基本上都$48，除咗豬手飯同海南雞飯$58。我試咗海南雞飯($58)：飯唔太油，不過凍咗有啲硬，雞肉正常，不過無我最喜歡嘅甜豉油汁。午餐都$58。試過咕嚕魚，因為太少肉，仲要係魚，我唔夠飽，但味道正常。另一次試咗香葉肉碎煎蛋，肉碎比較濕，我覺得做生菜包會比較好。外子就試過牛柳粒紅飯，佢話個紅飯嘅酸味同甜味都可以重啲，牛柳粒就有微過熟。跟餐小食試過魚餅同春卷，魚餅香，春卷脆。

難得鰂魚涌開泰cool 點都要去試，今日叫左午市套餐-豬手飯、海南雞飯同咕嚕魚飯同香芒蟹肉炒飯。 上菜速度快，所有野都熱辣辣上菜。豬手連酸菜開胃，海南雞滑，整體一流。值得再光顧！

沒有訂位，星期六的6時半，2位坐外面露天位。不覺熱的，但坐地風扇機，加上音樂開到很大聲、似乎要大聲到可以傳入室內的程度，就不太理想了，對話也聽不到。要求調細聲一點音樂，但後來又恢復。點了豬手飯和蒜蓉炒芥蘭，是可以的，豬手就頗凍。另外，還有雞絲扎肉金邊粉，湯的味道怪怪的。最不妥是燒羊架，等了超過半小時，向店員提出不如取消，不久就來了，但是，超級超級硬，似乎是燒到過了火，卻又不願被取消，便立即拿出來😑

試過好多泰菜，呢款椰汁糕都吾會陌生，好多人食過啦！又咪係椰汁味，但係椰汁味濃吾濃又唔係間間做到，我就個人喜好like比較濃的椰汁糕，又俾泰COOL做🉐️到😋

鰂魚涌新泰式餐廳。 午市餐平均五六十。星期四同同事諗住搵鰂魚涌附近嘅泰國餐廳， 係openrice搵到呢間泰cool. 餐廳喺10樓。 地下無表示，都係靠睇google map 先認到位置。12點40左右已經有好多人喺外面等位，平均等10分鐘就有位入。 星期五應該會好多人， 尤其新開張環境有冷氣室內 同埋露台戶外枱。當日就坐咗出面枱，雖然一開始有啲熱， 坐低嗌咗杯菠蘿沙冰，即刻舒服好多，感覺好似去咗泰國旅行咁。而飯類午餐都頗大份

午餐款色算多 ($58 連飲品)海南雞飯無骨海南雞好滑，黃薑油飯好味，份量適中咖喱牛腩麵包咖喱牛腩唔太辣，麵包外脆內軟，小朋友都食到泰式濕炒河粉呢個麻麻哋，炒出來太濕太碎，味道普通飲品加錢可叫特飲，斑斕椰子奶甜咗少少，但好香椰子味港式奶茶唔夠奶，建議嗌番泰式飲品。掛住食無影相

聽同事講公司附近開左間泰國野,價錢先五六十蚊,味道又唔錯,本身又鍾意食泰國野既我當然要黎試一試啦今日一行三人十二點半黎到,黎到門口時已見有人喺門口等位,好彩等左幾分鐘就已經到我地,被安排於一張四人既半卡位枱,都幾好坐既,呢度地方都算大,環境唔錯,唔會感覺侷促,亦唔算太嘈,都傾到偈既我地分別叫左三個餐share食最推介既係782個巨型麵包釀咖哩牛腩,個咖哩唔太辣既,就算唔食得辣既朋友都唔洗驚,唔太辣之餘,個咖哩味道好香好惹味,個包亦唔會話好硬嗰種,配埋一齊食真係好正☺️👍🏻👍🏻👍🏻另外叫左個767泰式濕炒什菌肉片河,就因為無肉片轉左做雞肉,成碟野個味道因為食完咖哩就即刻被比下去喇,比較淡口,喜歡清淡既朋友都可以一試既再黎一個769黑椒洋蔥牛柳粒炒紅飯,起初以為紅飯係紅米啲朋友,原來紅飯係西炒飯至真,好彩西炒飯我都啱食,飯都算係粒粒分明,都炒得幾乾爽,抵讚,個黑椒汁都惹味,牛柳粒有口感同咬得開既,唔錯😋餐飲叫左凍檸茶,就係一杯普普通通既凍檸茶無特別三個人先食左$186,咁既價錢有咁既質素,呢度絕對可以做食堂😆