影片
開飯介紹
由泰國廚師主理，菜式分量十足，定價親民，味道正宗，是附近街坊覓食好去處。最推介招牌串燒，即叫即製充滿炭香又惹味；軟殼蟹蟹肉炒飯則是打卡美食。
繼續閱讀
附加資料
提供到會服務
營業時間
今日營業
12:00 - 21:30
星期一至日
12:00 - 21:30
*截單時間: 21:00
以上資料只供參考, 請與餐廳確認詳情
有關餐廳
餐廳告示
有關獎賞計劃
🔥 荃灣享和街泰Grill 必試燒魷魚 & 芒果糯米飯！🥢 燒魷魚外皮燒得微微焦香，內裏爽口彈牙，配搭酸辣嘅泰式醬汁，味道層次豐富，每一口都刺激味蕾！魷魚新鮮無腥味，份量十足，絕對係燒烤控嘅心水之選！🍴 芒果糯米飯芒果香甜多汁，糯米飯煙韌中帶有椰香，甜而不膩，加上椰奶醬提升香濃口感，呢款經典甜品無論飽肚定未飽都忍唔住要嚐一嚐！呢間餐廳將泰式風味玩到極致，無論鹹食定甜品都好值得一試，快啲揪埋朋友去打卡啦！😍
繼續閱讀
今日lunch去左荃灣享和街呢間泰Grill入座後都越嚟越多人幫襯坐滿晒佢紅日都有lunch setLunch set會包青木瓜沙律或者冬陰功湯仲可以優惠價加配嘢飲同小食叫咗其中一個lunch set係蛋包虎蝦炒金邊粉$138大蝦有兩隻兩隻都好大隻金邊粉都好惹味另外我哋仲叫咗兩串燒菠蘿同埋三串串燒串燒嚟講雞同豬最好食！燒菠蘿都好甜！肉碎生菜包少少辣好惹味生菜都好新鮮有好多塊最後食埋個芒果糯米飯，芒果超級甜糯米少少暖暖地加埋椰汁好開胃
繼續閱讀
放假同大佬行開荃灣，發現一間泰式餐廳「泰Grill」，舖面不大，但一到中午就人頭湧湧。見到咁多人流，感覺唔會伏❌我地就入去試試。 最後見午市套餐包了一份前菜、一份主食、一杯熱飲，見份量都幾大份，都幾抵食就嗌左每人一份。 -前菜-⦁青木瓜沙律⦁冬蔭功湯（細份）青木瓜新鮮爽脆，冬蔭功🥘香辣鮮甜。 -主食-⦁原條菠蘿海鮮炒飯 $108⦁牛魔皇船麵 $85炒飯味道香濃乾爽，海鮮都大大粒同多。而牛魔皇🍜的肉量都比想像中多，船麵湯底濃而不膩。 -小食、甜品-⦁泰式酸辣鳳爪沙律 $68⦁串燒（3串，雞、牛、豬）$48⦁芒果糯米飯（跟餐）$38平時出面的泰式酸辣鳳爪沙律🥗先得幾隻，尼度系一大碟，仲要無其他蔬菜墊高，非常足料！🍢串燒三款入面，個人喜歡牛的肉嫩，豬的爽口。最有驚喜系 #芒果糯米飯 ，跟餐份量依然大大份，🥭芒果超甜，搭配兩款口感煙韌的糯米飯，大！滿！足！ -特飲-⦁珍多冰（跟餐）$15⦁凍泰式奶茶（跟餐）$5兩款飲品都可以揀甜度，泰奶茶味好出，珍多冰椰奶香味濃郁不膩。 ✨溫馨提示餐廳設有到會套餐，分別有6-8人、10-12人、16-18人、25人餐，份量都多，最貴果set $3500有找。仲可以免運費，送餐地點就要打電話或whatsapp餐廳。
繼續閱讀
點解會有全好評架？搞到我同朋友係荃灣卻揀左呢間😭 請睇下文PS. 本人不太吃辣 $148 泰式酸辣魷魚偏酸，少許椰菜鋪底，魷魚圈好細下，浸哂酸辣汁，但魷魚完全冇呢個味喎，除非你沾滿哂啦$98 青咖喱 雞肉 少飯呢個上枱以為素青咖哩，原來雞肉係哂底，菜和肉份量都多，菜就正常唔冧。雞肉係雞柳喎，但標價$98，定其實係公價😅之於青咖喱就冇咩特色，就係唔甜嘅咖哩 $128 蛋包虎蝦金邊粉正常味道，粉炒得乾身，冇得揀辣度但全員一致認同全場最辣😰，PS我地撈勻所有配料粉嘅，辣到都食唔出咩味啦$88 蒜香牛油雞翼5隻雞翼收你$88，真係好誇張，雞翼size偏瘦削，冇咩肉咁，蒜香來自面頭嘅$78 炸蝦餅一見就唔抱期望，外邊炸粉唔厚色澤暗黃但少油益味，炸油唔新鮮，呢個都普遍餐廳通病所以好少出街叫炸物食。內裏蝦肉份量少，而且感覺唔新鮮，好似現成炸咁，味道冇咩調味咁，味道來自泰式辣醬。$108 虎蝦冬蔭功 少辣哇，飲完第一啖，馬上倒了，味精湯咁嘅，偏油，叫左少辣，相對合乎標準雖然上枱時，有熱爐熱住，所以温度夠 唔洗擔心，湯底有好多蔬菜，有埋番茄仔點錣都拯救唔到湯底，三隻開邊蝦唔梅雖然價錢好似係香港食泰國菜咁上下，但我覺得會有較好啲？🫣
繼續閱讀
今日下班來了這間泰國餐館，雖然是小店，但食客都不少。點了蛋包虎蝦炒金邊粉，賣相相當吸引，看到有兩隻又香又金黃色的炸蝦放到金邊粉上，然後還有蛋網包裹著金邊粉，賣相相當特別，又精緻又有創意。把蛋拌勻金邊粉來吃，吃起來仲有蛋絲蛋香十分可口。而且金邊粉的味道很好。旁邊還有花生碎和辣椒碎，可因應個人口味加以拌勻。金邊粉炒得乾身，又香又惹味，熱辣辣滋味無比。份量又多相當抵吃。泰式小食拼盤，入邊有多種不同泰式小吃。脆卜卜金黃色春卷，餡料豐富外皮香脆，正。炸蝦餅，金黃色脆卜卜蝦肉彈牙爽口，令人愛不釋手。當然少不了泰式蒜香牛油雞翼，又香又惹味，啖啖肉，雞肉又嫩滑，大人小朋友都很喜歡這個小食拼盤。吃飽飽當然少不了吃甜品，芒果糯米飯，芒果切成了一件件的，又香甜又濃芒果味，用來伴糯米飯吃一流。糯米飯還配上了普通糯米和黑糯米，造成了鴛鴦糯米。配上了椰汁和芒果來吃，煙煙韌韌十分好味，又地道，又滿足又飽肚的一個甜品。
繼續閱讀