泳樺屋

營業中

休息中

略略搜尋過大嶼山小食店，普遍都係呢一類嘅小食店，主打售賣豆腐花、芝麻糊、魚旦、燒賣、腸仔為主。不過間間小食店評價都唔多，有讚有彈，所以我都係抱住唔伏就ok嘅心態去食，順便同屋企人休息下。豆腐花好快就食完，完全唔記得左影相。估唔到豆腐花都算滑，有豆香味，無令我失望，屋企人都好滿意。（豆腐花一碗$20）*初三價錢另外炸墨魚丸係後來見到必食所以買的，墨魚丸好有質素，有口感夠彈牙，而且食得出有墨魚肉👍🏻👍🏻👍🏻再炸更香口，如果加埋蜜糖就不得了，可惜沒有此選項🤣（一串四粒$20）*初三價錢大脆皮腸皮脆，香口，但乾身了一點，小食店黎講算不錯吧！（一串$20）*初三價錢

大年初一食完個q版麵梗係唔夠飽啦！即刻食埋必食嘅芝麻糊、豆腐花先😎我先黎一碗太極鴛鴦豆腐花$25好耐好耐冇食過🥺仲係一樣咁好食！！豆腐花超滑、芝麻糊又香又滑！加埋一齊真係無敵呀！！食完呢碗唔夠喉….仲要咁岩撞正岩岩煮好嘅芝麻糊出爐！！立馬再嚟一碗芝麻糊！！一場嚟到梗係食多啲！！手打墨魚丸$20好食！爽口彈牙！！值得試試～咖喱大魚蛋$20呢個我冇食，聽講話麻麻地😂

🇭🇰泳樺屋·手打墨魚丸$20 l 太極鴛鴦豆腐花$25我地行到去昂坪之後發現佢個市集無咩野睇 所以就決定行埋去天壇大佛個邊 不過我地去既時候個大佛維修緊 所以就無行上去lu🤭🤭之後我地經過見到好多人食呢間就決唔執輸咁試下 佢個墨魚丸燒得幾好味既 熱辣辣咁 而且入面真係好多墨魚🦑不過佢個太極鴛鴦豆腐花就麻麻地啦 佢個芝麻糊好稀 而且味道好淡 個豆腐話都無咩味咁 真係有D失望😭😭·📍大嶼山昂坪村56號地舖

我真估唔到能推動我進來寫評論的居然係因為這小居的一位婆婆服務員，她態度惡劣、待人欠尊重，單單這樣已真不值得光顧這店。更何況它的豆腐花又硬又”鞋”，更沒有豆味，所以不光顧不單沒有損失，更是明智之舉。離開更俾我們見到他們用來蓋住一碗碗豆腐花的哪塊透明膠板上的一個個小孔周圍都是黑色的，真想馬上把剛吃進肚的豆腐花全吐出來。天啊。。為什麼我這麼倒楣，千揀萬揀揀着這一間。。。。本只想開開心心夾吃碗凍豆花消消暑，但結果谷到成肚氣。

芝麻糊墨魚丸都好好食。。。兩樣食物都是自家製造。芝麻糊 $25：好滑溜好香黑芝麻味，甜味適中。墨魚丸 $20/4 粒：燒完熱辣辣，面頭脆脆地，非常彈牙，墨魚味濃之餘，裡面重有粒粒墨魚。臨走經過門口忍唔住要買多串。雖然價錢與銅鑼灣差不多，但真材實料物有所值，同埋 d 墨魚丸是酒店水準，所以價錢合理。其他食物重有豆腐花，咖哩魚蛋，大熱狗腸，燒賣。唔知好唔好食但賣相唔錯。因為最近大佛所以幾間山水豆腐花以呢間生意最好。疫情期間人流不算多，可能無咁忙所以都唔覺其他人提到的服務問題，反而有 d 街坊親切感。地方都算企理，似乎 d 裝修執過吓，同 open rice d 舊相有 d 唔同。老闆，讚完你 d 墨魚丸唔記得建議你可以真空包裝急凍墨魚丸，買兩打以上送乾冰冰袋，方便我呢 d 遊客攞走。希望你生意興隆。

今日去左昂坪360閒遊行行下見到好多豆腐花既小食店，所以想試試多到唔識揀😂見到呢間有啲人流就揀左呢一間～叫左碗熱既豆腐花豆腐花都好滑啊不過環境就一般般可能當日太多客員工語氣就麻麻地好快食完就走了

昂坪市集出面有幾間豆腐花鋪，今日㨂咗泳樺屋試試昂坪市集出面嘅豆腐花店，基本上都冇冷氣，泳樺屋都唔例外，而家開始秋涼都可以。整體上呢度都算乾淨，坐得舒服。呢度都有唔少啱啱行完山嘅人士坐落嚟休息一下，補差體力待應姐姐都幾有禮貌，有簡略介紹呢度有咩小食熱豆腐花 $18豆腐花幾滑，而且都有淡淡嘅豆味，質素算唔錯，老闆聲稱係親自磨豆。其實豆花嚟講價錢偏貴，但遊客區嚟講都可接受

熱食用發泡膠兜裝，唔環保之餘仲會釋放有毒物質。因為咁，所以想要凍豆腐花，但又話無凍既👎店員態度差劣，仲要「差遣」客人自己攞野食返埋位度👎豆腐花用既糖水同黃糖無蓋冚就咁放喺出入口處，一直暴露於空氣中👎