津味居 (已結業)

朋友仔放工肚餓, 想食呢間我就那那臨打去叫外賣雪菜肉絲麵($17) - 雪菜都幾多, 唔太咸, 雪菜頭咬落仲有d爽口, 而湯分開裝唔駛加錢三鮮餃($26) - 餡料有蝦, 豬肉同韮王, 每隻餃都有隻蝦仔, 而咬落去有肉汁, 豬肉唔會蒸到實一實, 加埋醋同吃都幾鮮味

上2個星期日,同男友2人訂咗位6點半涮羊肉,一眼睇晒地方唔大,但6點幾就爆滿,果然名不虛傳,餐牌都唔駛睇即刻叫咗2人餐,羊肉1斤足夠2個人食,好新鮮好羶,唯美中不足就係其他配料略為齋,同埋個湯底無味似清水,需要混醬彌補,但最緊要主角-羊肉"正正正"咪得囉.

涼拌麵涵料只得青瓜絲, 加左麻醬撈埋一齊食, 麻醬味唔夠, 又唔夠香, 總次呢碗野就麻麻地

昨晚買左個酸辣麵食, 料唔多, 又唔算太辣, 個湯底可能加上左粗麵, 所以比較稀同埋味道會淡左

麵- 第一次食就好香好好味, 但一次食就比一次差, 早幾日食完全唔掂, 好淡, 麵身亦太淋, 下次唔會再叫呢種麵食炸醬麵- 這個賣相麻麻, 但食落反而幾好味, 咸咸地既炸醬配埋青瓜絲一齊食口感都唔錯

唔知點解，究然間很想食麻婆豆腐，可能是看完電視台飲食節目的關係，本來想去附近的小辣椒，但是太多人了，於是轉移地點，見到這間餃子館有麻婆豆腐食，於是就試一下，原來這間食餃子多的菜館做的麻婆豆腐都好好食，外觀都算吸引，而且非常香，食起來又麻又辣，加碗白飯，真係好正，估唔到做餃子出色之外做麻婆豆腐都有一手！

試了炸排骨菜飯. 炸排骨(豬扒)偏乾, 菜飯也比不上藩薯苗的, 但份量卻多很多, 適合"大飯桶"形食友. 排骨湯麵: 不喜歡太多五香粉味, 排骨有點over-cooked. 餃子不過不失.幾款食物好像不夠水準, 但如加些辣醬卻像有不同觀感, 難道大廚嗜辣, 調味以加辣醬為準?隨午餐附送的豆漿淡而無味, 不是講甜度, 而是不夠豆味, 好像開稀了, 較失敗.餐廳打掃得算整潔, 但餐牌卻沒有, 上面黏黏的, 摸完後不洗手絕不敢拿食物吃!

26/11 3pm同同事3個女仔行過黎食lunch,今日星期六無tea set,要左全日套餐A,B,C各1個,A---排骨湯麵+5隻餃子$26(白菜/韭菜),豆漿,B---担担麵+5隻餃子(白菜/韭菜)+豆漿$28,C---上海粗炒+豆漿.排骨湯麵---味道一般,排骨似系肉骨茶果隻排骨,腍得夠腍及入味.湯麵口感一般,湯底亦如是.白菜及韭菜餃---餃皮偏粉,餡料頗少,味道不算特出.担担麵---差!無花生醬味,麵無口感,無配料,得個辣字!豆漿---欠缺豆香,但勝在無渣,合格啦!上海粗炒---最好呢碟,粗麵彈牙,椰菜豬肉頗多,唯略油左D,吾夠乾身.環境頗家庭式,服務一般,埋單$84無加一,每人$28.一次夠晒!

呢度係網友介紹，講真冇人介紹都未必搵到，咁唔起眼一間小店，就算經過亦未必會入去試。見到人地貼既相ｄ食物唔錯，上星期六就去試下。由於我一早知道地方唔大，而我地有七個人，我同其中兩人就6:45先去，見入面已經坐左十幾人（全場唔夠三十個位），我覺得坐得比較迫唔太舒適，不過整體上都幾乾淨企理。由於有四個人要7:15-7:30至到，我地就先整ｄ野食住先，分別有麻辣肚絲、青瓜同羊肉餃子。麻辣肚絲同青瓜，麻辣整得頗佳，辣味適中唔算太辣，頗易入口（不過辣皇就可能會覺得唔夠勁），肚絲整得好爽，青瓜亦幾清甜。因為店員講左個爐要十五至二十分鐘先起到，我就一早叫佢起定，果然7:15人到齊個爐亦剛好攪掂，大家即時可以開始打！我地柯打左一份羊肉火鍋套餐，講真一斤羊肉真係唔少，不過我地有七個人就當然要加碼，咁就另加左半斤羊肉同兩碟餃子。因為呢度係用黃銅炭鍋，唔係GAS爐，炭爐果然強勁好多，整個鍋全無冷場。講番食物，湯底幾清甜，但唔及小肥羊惹味，所以一定要點醬汁；羊肉幾新鮮（除左近碟底有兩三片明顯差少少），食落幾鮮味，至於丸類、黃牙白同豆腐亦好新鮮，但最好都係餃子。除左火鍋，我地仲加左一份三鮮鍋貼、一份羊肉餡餅，相比

兩個人點左個涮羊肉火鍋餐, 羊肉好大羶味, 淥一淥就食好正, 但有成一斤﹐兩個人真係太多, 所以食唔晒覺得有d可惜, 而d 丸只係普通街市貨色, 麻麻地, 再另加一個炸醬麵, 呢樣我朋友就十分之欣賞, 佢話好好味, 加兩支啤酒埋單$257, 飽到上心口, 咁既價錢都食得過。

佢間鋪已經開左幾耐喇，我地一家人成日都幫襯。佢地d 餃子都幾好味呀，又唔係好貴啊~ 佢又有套餐，有一碗麵( 可選扁麵同上海粗麵)，但係我個人比較鍾意食扁麵，幾有口感；又有五隻餃子同一杯豆漿，咁食已經好飽都只係三十蚊到，抵呀！而且去到仲有一樣家庭既感覺，服務態度又好好啊，好過附近有一間茶餐廳以為有一些名氣，服務態度差到不堪啊... 你地去下個到試下呀，不錯啊... 家常便飯啊。

阿鴻冇開，就過隔離幫襯這間啦，見佢又有部plasma可以一路睇一路食。我們叫了兩個套餐，有兩碗麵，一碟韮菜餃，一碟白菜餃，兩杯豆漿，另外叫左雞絲粉皮，仲有羊肉餃同埋豆沙鍋餅，三個人食好飽咯。全部都好食又熱辣辣，招呼都唔錯添^^。小店的環境，都幾乾淨，仲差不多爆滿添!

今次外賣了排骨上海炒粗($28), 排骨麻麻地, 個粗麵就唔錯, 同埋個底唔會好油, 豬肉白菜鍋貼($23), 本身個鍋貼味道都幾好, 但可惜佢地忘記比醋, 所以硬係好似爭緊d野咁

試過一次呢度嚇到怕怕，有次路過，見到傳說中的黑鬼咁大look。忍唔住就入去試下…原址本來係森田地道和風料理，早個月都仲響度…估唔到同滿江紅同一下場…呢頭幫趁完就摺埋都唔比我再去。咩巢咩佔，搬過隔離，加陪扒樹嘛電樹就又新居喇。一個2人前黑鬼餐，有斤羊肉、菜、豆腐、波波、大蔥、粉絲，仲有個沙爹腐乳醬，其實夠4人前食。清湯底，羊肉只需輕輕點一下醬汁就能帶出甜味。波波反而只係為個湯有小小味而設咁。不如6完唔實，加多斤羊好過。

昨晚去到見到坐滿晒人, 而每都是吃火鍋, 好似好好味咁, 但可惜同行朋友不吃羊所以沒有試, 之後叫了外賣三鮮餃子和9 不理, 餃子好好味, 反而9不理就麻麻, 下次有機會一定會試另外款式既餃子