津津有味 (嘉湖新北江商場一期)

營業中

休息中

好日都唔去天水圍,點知信錯左啲無良雜誌,去左呢間伏店,本來諗住買彩虹麻糬雞蛋仔，但成$5x,真心覺得貴,咁就改為明治抹茶雞蛋仔啦都成$4x,即叫即整,好似好勁咁,之後我滿懷希望咁去食:嘩!我食緊咩? 好難食囉!首先,冇雞蛋仔味,甜味都冇,零抹茶味,去形容，仲有怪味，麻糬唔似麻糬,唔知咩嚟,食咗幾粒之後，真係頂唔順，叫個女一齊試下,佢立即變臉...就唔再食，完全對不起個價錢,仲收咁貴😡真係好好好過份!

買左伯爵茶味雞蛋仔🤮，我會用 「難食，苦，香精味，冇雞蛋仔味」去形容，連我男朋友都話一浸怪味🤮🤮🤮，食咗幾粒之後，真係頂唔順，同價錢唔成正比，拎反雞蛋仔比老闆，直接好有禮貌同佢講難食，希望比反佢哋試食下，佢講既說話意思係 不嬲d人都係咁買，比我感覺係佢地唔認同難食呢件事，以及無視我嘅說話，我亦都冇要求退錢，直接走左，希望店主重新審視一下自己既產品，連我平時食開既一間唔出名$15既雞蛋仔都好過呢度多多聲，到依家果浸 香精味仲係我口入面散唔走…

哩間記得系東張西望介紹，講得好特別的雞蛋仔，今日其中一個去天水圍目的就是為了它。去到新北江商場，外表仲可以，裡面就真系全部鋪仔。哩間就都系細細間，一個人負責，有好多小食。叫了一個彩色雞蛋仔，以為咁快有，原來前面有一個等緊行開左，可能就系廣告原因吧。老闆都幾好人，吾要乜顏色都可以，又配合拍照。食物最重要- 色是絕對啊，吸睛。- 香，新鮮的也合格- 味 - 算好脆，一粒粒好容易分開 - 幾種味道真系無乜啦。雞蛋香更不要說。

天水圍新北江商場津津有味雞蛋仔今次就叫咗個雙拼，香芋紫薯配芝麻麻糬。之前都食過佢個雞蛋仔係好食嘅，個陣係係食紫薯番薯，但係而家冇賣啦。個香芋味呢就係珍珠奶茶嗰隻香芋粉味嚟嘅，裏面就夾住麻糬餡料，但麻糬有啲過甜。另一隻味呢就芝麻味好好，芝麻味重。款式嚟講呢係所有雞蛋仔黎講偏多嘅。呢間嘅雞蛋仔最符合我想要嘅感覺，香脆得來又軟懦。---## 評分標準食物:3.5/5環境:3/5服務:4.5/5性比價: 👍🏽pp$50回購率:👍🏽地址：天水圍天湖路1號嘉湖新北江商場一期地下A95號舖

好耐冇去天水圍新北江行下，最近發現有唔少報道呢間懷舊小食店。 就同朋友一同去睇下有乜嘢好食嘅。 果然同報道上差唔多，只係雞蛋仔嘅口味選擇都超過30種。 只要經過附近一定會聞到佢嘅蛋香味，我買咗Oreo麻糍雞蛋仔。 口感鬆軟，麻糬軟軟糯糯咁，試一下都係唔錯嘅。

小學食到大 以前食冷麵～大個唔太中意食冷麵～中意食佢雞蛋仔！不過真係好貴…..今日食左個$48 仲貴過餐飯：（好多味道平時食紫薯 今日想食下其他！叫左朱古力抹茶麻薯雙拼 $48等左十分鐘就有好快！我係第一個叫嘅後邊仲有兩個客人因為唔係放學時間，所以都唔係好多人之前食過Oreo麻糬 好好食抹茶味唔中意食佢個味 好假既抹茶味🥲後悔了 朱古力都係一般：（下次都係食返紫薯雞蛋仔同Oreo雞蛋仔麻糬呢兩個味真係超級好食～～～

想扮菲林相迎合舊商場，但舊雞蛋仔顏色怪怪的🤨不過唔緊要啦，我用文字同大家分享🙃淨係睇塊板已經超級多味，但其實右邊仲有另一塊板寫住新出嘅口味，廢事影到店員哥哥入鏡所以先無影到，口味真係海量🤣Oreo麻糬雞蛋仔 $45唔好比個價錢嚇到，其他口味只係大約$28左右🤪但因為太貪心又想oreo又想食麻糬呢啲成品較高嘅口味💸雞蛋仔即叫即整，果然無令人失望，係每一粒都有麻糬同oreo😍超級好食😋另外佢哋嘅黃糖糕都超級正，好煙韌🤩不過黃糖成日好快賣晒🥹津津有味天水圍天湖路1號嘉湖新北江商場一期地下A95號舖

叫左份紫菜肉鬆雞蛋仔，28蚊一份，價錢係媽咪雞蛋仔既價錢，所以期望有果種質素。即整，即食，外皮只是微脆，而入面是微濕的。雞蛋仔本身既蛋香味好淡。。。。。。。。加了芝麻，紫菜，肉鬆。但紫菜肉鬆味比較淡淡，因為放既份量好少，而且肉鬆本身就唔香，同埋有d腥味。。。。。。。。。第一次食依間，失望，咁既質素黎講太貴了。。。點解咁多人買？？？？？？？？？希望天水圍會出現好食既雞蛋仔店，美食沙漠，名不虛傳。。。

細個好鐘意食呢間覺得紫薯好好食到近期開始食媽咪雞蛋仔 覺得根本無得比同可能細個無咁多食物選擇先覺得好食/ 愈大愈yim tsim價錢：平媽咪雞蛋仔幾蚊、衛生： 始終無媽咪咁熱賣 賣唔晒既食材都唔知會重用幾多日 同埋對新北江呢個商場無信心味道： 多味、食過綠茶士多啤原味、紫薯最好（但最近轉為媽味雞蛋仔earl grey 朱古力粉絲）口感： 佢係比較薄身、都唔會脆到好似餅咁乾、但媽咪雞蛋仔厚得黎口感正好味d、薄身比較口感單薄

家附近一直向來多小食但特別的店鋪不多，最近發現了鄰近這間在天水圍的小食店推出了多種口味同多種顏色的吸晴雞蛋仔而我一向都好鐘意食雞蛋仔同會被七彩繽紛既食物吸引住所以慕名而來了這間在小商場內的一間小小外賣小吃店位置不明顯。門口已經有多款口味同種類雞蛋仔標名出來了，款式多到花多眼亂而我最後揀左個《皇牌四色雞蛋仔》$204色分別有4種口味因為即叫即叫做要耐心等待⌛️黑色：朱古力🍫粉紅色：草莓🍓綠色：蜜瓜🍈紫色：香芋🍠雖然吾夠脆但就岩晒我心意我鐘意淋淋地、熱辣辣☺️蜜瓜🍈同草莓🍓味食得出係香精味，好香好甜，香芋同朱古力味就太出，但出到來既效果係靚既而且吾會好易碎尼個價錢食到已經不錯，打卡一流

👫食完個晏就唔多夠飽，為食嘅👱🏻‍♀️又同男朋友👱🏽‍♂️嚟呢到食下甜嘢😋 無錯，都係雞蛋仔，不過今次試下其他味🤣 有興趣睇返呢間小食店嘅食評可以搵返 #ourfoodstoryhk天水圍 🤤 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#4色Oreo <$28>嘩4隻色係幾靚幾盞鬼，又幾創新🤩 顧名思義，雞蛋仔有4隻味：分別係紫薯（唔肯定係咪😂）、朱古力🍫、密瓜🍈同士多啤梨🍓味😗整體嚟講，朱古力味最出，其他都食唔到係咩味，可能比Oreo碎嘅味蓋過咗🤦🏻‍♀️ BTW雞蛋仔即叫即整，所以夠曬熱辣辣，同埋唔算好甜呢兩樣都幾抵讚嘅💁🏻‍♀️一一一一一一一一一一一一一一👾驚喜指數：❗️❗️❗️（5個❗️最高）一一一一一一一一一一一一一一💑提提你：▪️即叫即整嘅雞蛋仔好熱，最好拎張紙巾包住😉

好耐無行過新北江啦！其實新北江商場入面有好多好多唔同類型嘅小食，今日我就黎到呢間津津有味小食店，我簡左個經典原味雞蛋仔，有好多好多唔同嘅味，但我偏用原汁原味。雞蛋仔口感軟綿綿，岩整好嘅時候，滿滿嘅蛋香味，邊係脆脆地嘅，但味道稍稍偏淡，如果蛋香味濃d會更加好。

很久沒吃津津有味的雞蛋仔，這次我就試試抹茶紅豆與oreo雞蛋仔，不過吃完之後都不可以超越我最喜愛的紫薯，南瓜和士多啤梨口味。抹茶紅豆有淡淡的抹茶味，但不夠濃郁，紅豆較生硬也不夠甜美，我覺得紅豆如果可以煮得軟爛些會好吃得多。至於oreo口味味道都不突出，只在雞蛋仔表面上輕輕輕灑上oreo餅碎屑，弟弟認為如果原粒oreo口感會較佳，味道應該比餅碎屑顯現些。雖然是次雞蛋仔的味道很一般，不過它的香脆程度不減，依然脆身~

平時是比較少的機會會無端端買個雞蛋仔來吃, 這次是跟著食友趴趴走, 他帶我們來到元朗平價勝地「新北江」,首站來吃特色雞蛋仔, 這個有紫色亦有橙色的是「紫薯番薯雞蛋仔」, 價錢好似是二十多元一底。特色之處是雞蛋仔皮的顏色都是用回薯汁來調蛋漿, 紫色是紫薯汁, 橙色是番薯汁；在製作雞蛋仔時在每粒雞蛋仔之內部都會加一粒薯做餡。難得是雞蛋仔燒成香脆可以吃的時候, 內裏的薯粒是同步熟, 沒有吃到生薯粒；外頭脆, 內裏綿, 番薯的味道較紫薯為濃, 怎麼說都不失為一份有益的小吃。味道 3.5環境 2.5服務 3衛生 3.5抵食 4

很久沒有來天水圍，今天朋友帶我到新北江商場掃街食野！雞蛋仔選擇甚多，而且亦自創一些特別的口味～貪心想試數款口味的也可以要雙併或三併的味道！最後，選擇了最穩固的紫薯味雞蛋仔！食落既脆身又熱，每粒充滿著不太甜的薯茸，足料之餘亦十分合我口味～