津津食家

營業中

休息中

態度極差！耐性一啲都冇！落單落錯晒！以後唔會再來！食物味道OK！殘舊，裝修下啦！超級污糟！個碗穿窿！我哋都唔平！👎🏻👎🏻👎🏻👎🏻👎🏻👎🏻

✨位於火炭火車站同工業大廈附近有幾檔大排檔仍然有晚市最貼地的大排檔依間出名 《金牌乳鴿》$75隻真係熱辣辣上枱，一班人叫左4 -5隻啖啖都有肉，依個真心好食😋耐唔耐食一次係幾滋味的唔夠味的話可以落椒鹽《招牌雞粥》大$120🍗大廚有落一件件的雞肉😊有出雞油都應該幾補身的同埋有米氣落肚《椒鹽鮮魷》$148鮮魷夠大隻，唔會細細粒雖然唔係平，但係都大碟的坐戶外吸收新鮮生空氣真係好過成日都坐冷氣餐廳🤭😊😊

作為沙田柚梗係睇吓附近有啲咩好嘢食啲人話火炭大排檔係附近必食今日就揸車過嚟試吓佢西檸雞$85一想點仲以為係西寧炸雞皮雞肉完全找不到好似食緊炸粉咁大排檔炒蜆$88大排檔炒蜆原來係辣嘅咖喱魚蛋味道大概有10隻以上係未開殼🥲有點差醬汁比較少見都算特別隔離大排檔會送個菜或者送甜品，呢度就乜都冇總括嚟講，唔使幫襯😂😂😂明明記得呢度係算出名，但係客人比較疏落明明應該係最多人的星期天餐廳直頭小人幫襯到一邊關閉原來同食物質素有關😄😄價錢亦都比隔離餐廳貴好多如果要問我一比幾多個笑哈哈，我會俾返個喊喊佢

火炭大排檔老字號津津必定來過，睇電視都成日見到，佢哋最正㗎係小炒，因為夠晒鑊氣。我都好耐冇嚟過，本來夏天一定未必好想選擇，但突然又好想食，終於嚟到懷念下佢哋嘅地道小菜。最開心原來依家係有冷氣，仲好鬼凍添，依家去大排檔都唔驚熱親。成個餐牌樣樣都好想食，最後揀選豉汁炒蜆，乳鴿，椒絲腐乳通菜，豉油王鵝腸，炸豬大腸，仲有椒鹽鮮魷，樣樣都好食。隻BB乳鴿，真係唔似BB，大大隻，皮香脆，啖啖肉，正。大排檔炒菜真係超級無敵好食，椒鹽鮮油魷，外脆內軟，送啤酒一流。反而豉汁炒蜆，個汁略為甜。豉油王鵝腸可以咸多少少，咁就完美。朋友話好快呢度要拆，所以一定要嚟多幾次，餐牌仲有好多嘢我都好想食㗎。

星期日晚飯時間到個個商場都好多人突然間諗起可以去食沙田雞粥喎，之後就揸車去咗沙田火炭食啦嗰度連住三間佢係第一間到我都唔知邊間好啲不過間間都話有冷氣位我就隨心揀咗第一間🤣我叫嘅嘢食平均有88到128一睇個Menu，就即刻揀咗炸大腸😍😍椒鹽茄子，椒鹽白飯魚，炸豆腐，蜆介鯪魚球等等炸大腸揸得十分之好食，好過外面好多茶樓椒鹽茄子第一次食感覺都幾特別幾新鮮👍🏻仲有椒鹽白飯魚同埋炸豆腐都冇令我失望不過食完依幾個餸好似仲未夠喉叫多個蜆介鯪魚球炸得十分之好食仲有10大粒都係$98姐！總括而言，雖然大部份嘅嘢都係炸嘢但係我以炸物嚟講，全部都好食！味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️⭐️⭐️平地可入🚗: 對面有錶位到但係有位嘅機會好小，隔離商場有泊車，餐廳會比一個鐘泊車優惠卷👍🏻

BB鴿好正，好Juice疫情下好耐冇出街食飯啦，放寬後就約埋班朋友聚聚，大家即時諗起去火炭津津大排檔，疫情下估唔到仍然可以維持水準，尤其是BB 鴿真係冇得輸，今晚個個都食得好開心，仲約緊下次再嚟食

大排檔有某種舊香港八，九十年代嘅情懷依家越嚟越少啦……趁住火炭仲有，就遠啲都去食可惜疫情期間無晚市，只好買外賣返屋企食五大四細，所以都叫咗幾多好多食物都推薦，椒鹽九肚魚，黃金魷魚等好惹味😋乳鴿，雞粥呢啲出名嘢更唔使講，絕不失望

啱啱開返晚市堂食，專登揸車入嚟食大排檔，平日六點三左右黎到有位泊車唔多人👏🏻👏🏻 晏少少7點左右就無哂車位嚕！两個人叫左五個餸好滿足😹😹- 乳鴿一隻可以叫佢幫你一開四，上枱熱辣辣皮脆好味，細細隻肉既份量唔會好多- 椒鹽九肚魚即叫即炸脆卜卜好食👍🏻- 上湯浸雜菜冇咩味下次唔會再叫🫣- 豉椒炒蜆個醬汁辣辣地好似加得太多豆瓣醬嘅感覺麻麻麻地🥺- 雞粥煲到好綿雞肉滑好食😋

雞粥，雞胸比較多，份量多，粥底有雞味, 粥底好綿。乳鴿，肉酥骨軟，好香口, 一直吃，咀邊一直流汁. 好食. 例湯色費的。上桌卻非常大碗。青紅蘿白豬骨湯，例湯足味，喝了一碗又一碗. 

今日同屋企人食生日飯 之後就渣車去咗火炭哩間餐廳度晚飯慶祝 天氣未去到好凍就坐係出面順便可以睇埋部車一舉兩得 溫馨提示泊車都係泊街 不過最好早啲到 因為食飯時間真係幾難搵到車位 附近收費停車場都好爆 叫咗乳鴿 雜菜煲 黃金豆腐 豉椒炒蜆 豉油皇炒麵 串串骨 乳鴿即叫即整 熱辣辣 外脆內嫩 炒麵真正 鑊氣夠 炒得乾身 炸豆腐 雜菜煲 炒蜆 串串骨 都正常操作樣樣野好食 上菜速度都好快 價錢貼地  有小小風坐大排檔真係正 真係代表到香港文化👍🏻👍🏻👍🏻

同朋友黎食下大排檔黎左火炭揀左津津朋友話食過幾好點左~雞粥細窩本如係想叫最細SIZE叫完先知有一碗呀都唔緊要啦如果好味既食多碗無問題既但黎到....唔算好熱辣辣呀(粥係應該好滾熱先好食呀)雞肉就正常啦同埋粥底係名過於實呀唔算好鮮味~乳額一隻係幾香脆既肉質唔會太干咬落去又有少少油美中不足係....係斬唔開既結果每人半隻咁食呀~椒鹽豆腐黎到係狀觀既好大碟好多炸蒜新鮮炸起既做到外邊好脆入邊唔干同幾滑呢個係推介既~炒蜆呢個一般啦大碟既雖然好多得個殼不過D肉都搵得番肉質正正常常呀都惹味既個汁

老實講, 去之前都知呢間嘢評價麻麻。但作為老沙田友, 襯佢未被清拆前點都要嚟試吓佢同影低吓佢D出品, 當同佢作個記錄。嗰晚同個舊同學一齊去食,感覺又其實都OK喎。可能真係如好多人講同以前比係差咗,但個人認為都叫做食得吓。再加上大排檔近年買少見少,宜家唔去遲啲未必再有得去。當回味一吓都係值得嘅。

之前一直都有幫襯開，去火炭必定去津津食乳鴿，但最近呢兩年水準越來越差，只有乳鴿同雞粥可以食，其他蒸煮白灼既餸我就唔講啦，間間都差唔多，但落味粉越嚟越重手，食到口喝不停飲水豬大腸：都唔知翻炸過幾次，燶到hihi , 係燶，唔係脆呀又係好重味粉定係落左華鹽去整，成碟無人食一鍋雞粥：雞份量係比以前少左，但雞都keep得住嫩滑有雞味，但都係食到口喝波蘿生炒骨 ：又係唔知翻炸過幾多次既下等豬肉，啲肉硬到hihi, 出街食飯照牌菜必叫既餸都搞成咁，唔會再去啦你地唔信既可以去試吓

老公突然提議入沙田食雞粥，回憶總是美好的🥰N年之前同班朋友仔食過之後已經好耐未試過津津囉所以我都舉🦶贊成👍一行4人剛剛好唔洗分枱坐😙山長水遠過嚟緊係要食番以前嗰啲名物啦！雞粥呀丶乳鴿呀、豉油皇炒麵走唔甩啦其次有鼓椒炒蜆和蜆芥鯪魚球都係唔錯嘅選擇

我哋嗰日因為是星期五，所以早咗些少去搵食，驚好多人. 結果去咗火炭大排檔，錯揀咗津津，原來佢個店名冇改錯，真係津津冇味。可能因為我哋去得早，結果幫佢哋掃晒啲舊口食物。離晒大譜。啲硯勁唔新鮮，淡而無味，好濃的汁都不能蓋過啲冇味嘅蜆肉。嗰個古老肉，啲肉嚡口到冇人有，肯定係已經擺咗好耐。最離譜係問佢攞熱水因為晚上不能喝茶，佢一直都話喺度煲緊，話個煲係舊式煲要煲好耐，問咗兩三次都唔俾你，到走都沒有熱水喝，簡直係趕客。點解要寫咁差嘅食評，因為我返到屋企立刻肚痾！