津苑粉麵茶餐廳

營業中

休息中

#津苑粉麵茶餐廳 ꧁ 街坊茶記，雲吞大大粒꧂即叫即整新鮮熱辣價錢合理，味道好“#KakaEat食在香港#KakaEat粉嶺#KakaEatX宵夜#KakaEatX糖水—- —-✄—- —- —- ✄—- —- —-“✿原汁牛腩撈麵 $41粗麵爽口彈牙，牛腩肉質鬆軟“✿淨鮮蝦雲吞 $35粒粒雲吞都好大粒之前食開兩粒大蝦而家變咗三粒細蝦覺得兩粒蝦口感好啲“✿腐乳通菜 $14腐乳醬係依度菜嘅靈魂睇吓啲菜幾翠綠“😋味道：4/5✨環境：3/5👍🏻服務：3/5❤️‍🔥抵食：4/5👧🏻回頭：4/5

之前一直喺花都做嘢 基本上一個星期都會叫一兩次佢哋嘅招牌淨雲吞除咗外賣可以送到我哋舖頭之外 佢哋嘅雲吞真係好好食 我記得之前個價錢係$33有八粒 裏面全部都大大粒 冇味精佢哋啲皮真係好薄 裏面嘅餡料滿滿 裏面有蝦肉豬肉等 食落口一啲都唔粉 仲好飽肚添通常食到第五六粒左右 就開始好飽㗎啦😂😂性價比真係好高 其他我就未試過啦不過我見佢哋啲位置都比較細 外賣都唔錯嘅 得閒心思思仲想返去食 皮薄餡多 加上價錢方面出邊真係好少搵到 好推介！！講一講好想返去食添

呢間粉麵喺度屹立咗咁耐,都知唔錯~第一次試到佢嘅雲吞麵,驚覺佢竟然咁大碗,而且價錢咁優惠!佢嘅雲吞真係好大粒,每碗五粒,完全鋪滿個碗面咁滯~而且咬開仲有好大粒蝦,非常彈牙,完全唔會覺得霉爛~不過咁大粒雲吞,要食五粒都真係幾飽~所以,可以揀雙拼麵,食下佢啲魚蛋牛丸之類~不過魚蛋就普通嘢,算係幾爽口,不過唔算好香魚味~佢嘅麵底唔錯,夠彈牙~而且加埋啲醋嚟食,味道剛剛好~如果喜歡佢嘅雲吞,仲可以買啲走~我屋企人都好喜歡買走,平時煮個麵又或者打邊爐食都一流~

我地食過好多次，都會再返黎食😎因為大大雲吞真係好好食👍🏻佢既牛腩都好好味😋仲有檸茶超多檸檬🍋有成5片👍🏻值得推介大家黎食☺️平靚正既大大雲吞河😎

一間好本地既茶餐廳係粉嶺花都/華明個頭。門面唔太起眼，個次唔知想食咩夜麻麻，朋友話津苑仲有開就去左外賣。叫左鮮蝦雲吞米粉，有驚喜，原本佢地既鮮蝦雲吞大大粒好好味，料足同味道正!!! 好多雲吞茶記鋪細細粒食完都唔飽個種。加埋佢地個辣椒油，好好食!!! 我之後都回頭幫襯左幾次，叫左淨鮮蝦雲吞食。價錢合理，外賣等候時間唔會太耐，大家都可以電話落訂既。想提一提落單侍應：熱檸水要檸底係指走水，淨係需要放檸檬係杯到不用加水。每次order都要講一大輪先明😅

每次念唔到食咩個陣 就會叫淨鮮蝦雲吞 真心唔錯 仲可以30幾蚊有得送外賣$32有7大粒粒粒都好大 蝦肉好新鮮 好抵食真心！仲會配埋秘製辣椒醬有少少辣 好香 不過幾好食 唔錯呢間其他就未試過你哋可以去試吓

呢間老店嘅雲吞真材實料😋一粒雲吞應該有3-4隻蝦肉吧滿滿蝦肉配新鮮豬肉～ 食落份外爽口好味💓.淨雲吞有7粒/碗我眼闊肚窄，就叫咗雲吞河😂（有5粒雲吞㗎💕.下次都係食淨雲吞滿足啲😅

呢一間粉面店 係我由細食到大中學時期已經幫襯 由細細個幫襯到而家都冇偷工減料👍🏻👍🏻👍🏻佢哋嘅雲吞真係超級大粒同埋好多蝦😋😋😋我每次嚟到都係食雲吞河或者雲吞米👍🏻👍🏻一碗入邊已經有五粒 仲要粒粒都真係超級大粒其實一碗都可以夠兩個女仔飽佢嘅湯底亦都濃 加埋少少炸蒜 配合得天衣無縫👍🏻👍🏻👍🏻雖然呢度裝修係真係好屋村 同埋環境就真係唔係咁好 但係住咁近可以買返屋企食嘅👍🏻👍🏻基本上一個星期我都會喺度食兩次而且價錢亦都係好優惠👍🏻👍🏻👍🏻

今日Lunch食左牛腩麵加淨溫吞🍜津苑溫吞已成我們一家人必需品😋每星期最少幫襯一次😛本身對溫吞不感興趣的我食話一次後念念不忘🤩🤩仲要每次幫襯都無失心準👍👍食完買多一打返屋企旁身😆😆

正正今日遇上雙11嘅罷工日，等緊無盡嘅交通工具嘅時候，排排下隊肚餓，唯有起站頭附近搵食。之前來過食雲吞麵，就係未食過傳聞會有人起九龍揸番車入來外賣嘅牛腩，所以襯今日有少少時間就嗌左個牛腩河trytry佢。一如既往地都係蔥花另外羹上，幾貼心。湯底清得來唔係得鹹字，有鮮味嘅，而主角牛腩就煲得好淋好入味，入口即散，配搭少少嘅肥膏，又有牛油嘅香味唔錯唔錯，河粉唔會太淋，搭埋細細指肥仔水都係36蚊非常平民。

讀中學時都多次光顧津苑。以前比較出色既係雲吞同令人深刻既辣椒油，但依家已經食唔返個種味道，可能係將貨就價。但最近一次食左碗牛腩米粉，米粉方面就不作太多評論，因為類似依種小店都唔將心機放重係粉面上。先講下牛腩，數量方面係唔少既，但有一半都係肥膏，真係幾過份。而個湯頭，我感覺係一碗正常既湯底加水再煲，唔加豉油食真係食唔落去。衛生方便唔多講裝修同啲枱櫈地下，可能入左夜個廚師都放鬆，大無私樣係廚房吸煙，個廚房仲要對街，我都有啲擔心佢趕客。總括而言，花都依家有另一間都係食依啲粉面既店，衛生同味道加埋員工既態度都好多地方高下立見，唔係為左食小時讀書放左學去幫襯個種情懷都係可免則免。

夜晚晚係區內搵野食真係唔易，呢間面鋪就開到兩點鐘岩哂夜歸人士或者想食個宵夜既人👍🏻基本上黎親都係叫個細蓉，面頭見到既就係大大粒雲吞，仲要有成5粒，絕對唔孤寒🤤雲吞皮薄餡靚，基本上都會見到兩隻蝦係入面，真係大大粒仲大過隻湯羹😍鹼水麵都夠哂爽口，湯底就略為咸左少少，但總括黎講30蚊一碗雲吞面依家真係冇乜邊到有，絕對係良心小店👍🏻👍🏻

曾經聽聞過呢間麵鋪係有人特登揸車入來Wah Ming Estate食，聽落好誇張，既然咁岩有天時地利人和嘅時刻，梗係trytry佢啦。不過事關太早，無影到相。其實出面門面睇係唔覺得有咩咁特別嘅麵鋪，價錢品種都寫曬起門口，望落係一間ok普通嘅屋邨麵鋪。入面係舊式嘅港式餐廳裝修，紙皮石地面，淺色木板砌嘅靠墻卡座，中間有幾張圓檯襯番十大武器之首嘅折櫈，望落坐得二三十個客。時間關係直接嗌左碗雲吞麵，30蚊，等唔洗好耐就有得食，哇，D雲吞係堅大粒，一碗有5粒？6粒？朝早早餐未醒無在意actual數，每粒都好似有兩隻蝦，講真唔食麵齋食雲吞都夠飽，味道係ok嘅，麵就係我中二嘅彈牙銀絲麵，有番陣香港先食到嘅堿水味，湯就真係普通，菜叫做係甘易比你，麻麻地，我會比較中二佢支羹full蔥榨菜，good。整體30蚊一碗雲吞麵已經above average，可以再戰，下次試下牛腩先。

以前十幾歲既時候成日食津苑，但搬左去上水之後已經好少返黎啦。那位老伯伯應該退休了，現在應該是兒子接手。津苑既雲吞都係我至愛，所以黎到食係必點雲吞河，雲吞大大粒，豬肉和蝦肉比例適中，雲吞皮薄餡靚，蝦爽口牙仲要大大隻，而朋友叫了牛雜河，碗中有金錢肚，牛蒡，牛腸，牛肺，厚肉金錢肚，比軟淋，牛膀夠粉，牛腸有少少脂肪，入口有油香，金錢肚，牛蒡，牛腸，牛肺都滷至入味，底湯加埋腩汁非常好味，而河粉入口幼細又滑溜，唔會煮到散晒。

有時候放工回到家附近，已經是凌時十分，肚子已餓得發瘋，畢竟晚餐是在6點開始，算起來都超過6小時，吃個宵夜都不過份吧 !!很奇怪，津苑跟另外一間粉麵店，同樣是營業至凌晨1 點以上，對於在下這等晚歸人未尚不是一種彩數。雲吞撈麵份量自然比一般湯麵大三份一左右，刻意不要蠔油，而改用牛腩汁，只可惜麵底鹼水味實在太重，狂加浙醋的成效不大，而且隱約有苦味，實下難以下嚥。雲吞論味道及包法都比另一間好，但咬開時，發覺內裡是暖的，看來是一早淥好，放到凍晒，有客叫時求其淥幾下就算。又是食到一頭煙，或者都係點牛什米會保險得多。