洪發美食

營業中

休息中

外賣自取叫左三餸10分鐘後食已經索哂湯！加左辣落左一篤係一邊，但冇哂湯鹹到呢…..伏伏伏貼左張紙專賣牛腩麵35蚊，諗住牛腩應該幾出色。點知……伏伏伏伏伏豬腸好似未洗乾淨….伏伏伏伏伏最後諗唔到食乜叫個魚皮餃，食開車仔麵都知預先烚熟，到你要再放入湯滾返先比係，點知佢冇，就咁放入碗….伏伏伏

朋友推介呢間車仔麵店，話好抵食又多選擇。於是今日行過呢頭就試吓佢啦！見到餐牌之後，又確實幾多選擇。價錢方面都唔算好貴～見到咁多送都有少少選擇困難症😝最後，我揀咗豬大腸、豬皮、西洋菜、同老闆娘推介嘅腐竹，米粉底仲加咗腩汁。四個餸連麵，合共$52，見到個份量都真係好多下！一個女仔未必食得哂～湯底方面雖然加咗個腩汁，但唔算好濃🤏食到腐竹加左蛋，有少少鹹，但係算香口。豬腸呢就夠晒肥美，冇咩豬騷味，味道呢就偏清淡～但真係好多舊，起碼有六、七舊。豬皮就偏淋少少🤏但份量依然好多！強烈建議大家，食嘅時候加左手邊嗰個自家製辣椒醬，辣度就唔算好辣，但真係加左好惹味，成個碗好味勁多！總結：環境呢就唔係好大，有少少擠擁，但服務態度好好，面帶笑容，又會主動同客人推介食物👍🏻我哋叫咗支裝豆漿，仲好好人咁幫我地加熱～態度係超級友善～嘢食方面真係算好抵食，份量又多價錢又唔貴，性價比好高，有機會下次都會再嚟試吓蓮藕餅，見到唔少枱又叫到😋

疫情呢2-3中年冇去，以前有個男人負責整，而家係2個女士，唔知係咪轉手了。見到餐牌好多其他車仔檔冇嘅餸都想試，叫滷腩肉/沙薑鳳爪/另外仲有D問咗都冇，最後就只好揀咗蓮藕餅，辣鳳爪，釀苦瓜配油麵，$38，味道都正正常常😋。 但係就有少少失望😞餐牌特色D嘅餸都冇，只係一般嘅車仔麵先有。同埋較特色餸或者豬腸豬手滷味都幾貴要$15，所以都未必好抵食嘅，視乎配料。湯底比較清，勝在唔會一層油喺面頭👍🏻濃口味可以自己加辣醬，都幾好味🌶🌶🌶

佢地嘅車仔麵做得唔錯，我每次食車仔麵一定叫油麵，可能因為細細個就開始食開，依家個湯底做得幾唔錯，最鍾意食佢嘅魚蛋，配埋可樂，日日食都唔會厭，通常我就叫外賣返屋企慢慢嘆。

最近幾年葵涌很多工業大廈都翻新成商業大廈，區內多了不少打工仔，但區內食肆數量和種類都偏少，大多是茶餐廳，要不就是連鎖店，比較有特色的食肆大多在位置偏僻的屋村，打工仔要食個午餐，可謂R爆頭。洪發美食在光輝圍，距離葵興地鐵站大概十分鐘路程，店鋪細細，店面不起眼，每每經過都有不少人排隊，幾位姐姐（嬸嬸）親切的叫著「食車仔麵丫」，「樣樣都好食架」。今天午飯時間太肚餓就隨著姐姐的叫聲去試試車仔麵。流程大概是：在門口點麵和餸，姐姐煮好麵和夾好餸後會將車仔麵放在其中一張枱，相等於已為你安排好座位，坐低前俾錢，然後坐下安心食麵。兔小姐點了三餸：豬紅，豬大腸，苦瓜+米粉+腩汁 $38每一項的價錢兔小姐忘了，況且食車仔麵就不應該就住就住，盡情的叫才痛快。整碗車仔麵十分足料，每樣餸都有7-8件，而且是大大件，三餸來說女仔一定很飽，份量多之餘每樣餸都很有水準，絕對不hea。每樣餸都很入味，豬紅很滑，不會散，豬腸乾淨又很飽滿，苦瓜大大片，燜得很淋。值得一提是自家製辣汁，整瓶放在枱面任加！辣汁很香但不會太辣，將車仔麵味道再昇華！吃完後是有點口渴，不過車仔麵平民價錢又足料，午餐有多一個選擇了。

這間是我由細食到大的車仔麵店，家庭式經營，看著老闆娘由中年打拼到漸呈老態，由退休不幹到覺得太悶重出江湖做part-time睇檔，而她的兒女由中學階段放長假時會乖乖出鋪面幫忙，到前幾年四個孩子都大學畢業，開始叫阿媽享清福了，真像一個個香港家庭的縮影。(哈哈，老闆娘整天笑瞇瞇的，不過我也有幸見過她兇惡地罵老闆的樣子，真是更典型香港家庭了……)話題扯遠了，其實我想說的是這間車仔麵店有很多種餸都是自家出品來的，例如餃子、蓮藕餅、韭菜餅、麻辣豬耳、釀苦瓜、煎豬扒……，而且餸菜也有很多款選擇，不單好食無味精，而且更有「家」的味道，滿滿都是人情味。個人強烈推介餃子和煎豬扒，真的非常美味，還要試試店內的辣醬，是很容易令人上癮的，我就曾經試過早午晚三餐都食他們的車仔麵，其實想想都有點瘋狂……

當年在光輝圍附近返工，經住在附近的同事介紹之下才有機會認識這家非常低調的車仔麵店。如果你要舖面光鮮又坐得舒服，sorry，佢俾唔到你，呢度連冷氣都好勉強，不過佢d車仔麵餸卻不平凡！佢嘅煎蓮藕餅、煎韮菜餅同釀苦瓜都係心機野，味道唔係超好食，不過當你咬落蓮藕餅時，你會咬到魚肉餅入面有一粒粒嘅蓮藕，真係同就咁剪開膠袋然後就咁搵滾水淥熟佢有好大嘅分別架。除咗上面嗰三樣要試，佢d鯪魚球同炸蓮藕片都唔錯。另外佢有上海麵，喺出面嘅車仔麵店都比較少食到架。

説真的，如果單重舖面的感覺真喺唔會入去試，有種好殘舊嘅感覺，但係一試過就知正。佢每種餸嘅價錢大概係八至十五蚊，除咗一般車仔麵會見到嘅餸仲有啲特別嘅餸，例如：鹵水豆腐，煎釀豆腐，麻辣豬耳等… 味道都幾唔錯

小秘密： 店的墻上掛上十字架，店主可能在實踐善良的教義，所以賣那麼便宜。小故事： 因為老闆是做街坊生意的，叫客人老闆，boss，哥哥"夠鐘食飯啦"更主動問要不要腩汁。意見： 衛生問題，老闆用手碰所有東西，再抓米線下鍋，我吃完馬上肚疼餐廳定位：宵夜人，街坊，長者，毒人如我賣點：價錢，服務價錢: 非常便宜食用方式：只限外賣，堂食Wifi: 無上菜速度：快奉送：茶水，餐具，調味料，小食 膠匙，白筷子裝修：高級版茶餐廳，主題燈光：柔和噪音：一般，可以接受溫度：適中服務質素：兩位家庭式經營的叔叔和婆婆，勞累，敏捷，貼心，親切。點菜:菜式: 瓤苦瓜腩汁米線過敏原：應該沒有優惠：無謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

嘩 ~ 這間食市名乎其實的超級隱世 店面本來就很不吸引, 又不顯眼, 說實話我經過10遍也沒打算進去只是剛考有一次餓極了, 就隨便進去一次入到去, 真的感覺不太良好, 很舊 , 而且感到有點氣味 (可能是心理作用)那一次我先放下手上的背包 , 擺一個位置 , 才跑回外面點餸識食的車仔麵一定要油麵 ... 哈哈 ! 原來這間的餸是比較特別的, 竟然有釀苦瓜, 而且這兒最特色的是蓮藕餅及韮菜餅, 另的地方吃不到那天我叫了三餸, 蝦條 , 韮菜餅  及 豬皮 !蝦條也是很特別的, 像齋的那類食品, 韮菜餅是我至愛 , 香及軟 , 如果你喜歡爽脆的 , 則要蓮藕餅 (但小弟略厭太硬不好消化), 豬皮一般都很厚, 比較有咬口又入味是的, 其他食評也有提及, 這兒有樽自制辣醬, 加一點可以原全提升整碗車仔麵, 我喜歡加一小匙 ! 現在我也算是一個常客, 基本上一個月也有四五晚在吃晚飯

有時食野真係要講食緣~ 有次打的返屋企，同司機大佬吹水吹到講食野。佢問我有無試過光輝圍依間車仔麵，佢話自己由細食到大，話D餸好正好特別，極力推薦我試下。其實我都喺附近住，真係孤陋寡聞，撞岩今日放早，專程去買返屋企同老婆(車仔麵痴)當晚餐~第一眼以前賣現成餸，聽聞老闆係一位老婆婆，相信已子承母業~ 正如司機大佬所講，好多好特別既選擇，當然一般既車仔麵餸都有既~ 而我就梗係嘗新啦~兩碗麵，每人三個餸~我揀左豬手、釀苦瓜同煎韭菜餅~ 釀苦瓜係豬肉餡，再用蠔油煮過，好味喎~ 豬手就多肉入味，韭菜餅也不俗，份量超足~老婆就要左牛肚、豬大腸同蓮藕餅~老婆話蓮藕餅最有驚喜，好爽口。另外兩樣就正正常常~重有好多餸未試，相信會成為我另一外賣之選~ 支持小店~

講起車仔麵，呢間我都食咗有20年啦！每次嚟到，一定要豬大腸，雞翼同魚蛋 (我最鍾意嘅配搭) 佢仲有好多好味嘅餸。配埋我最鍾意嘅甜醬， 冇得輸呀！不過除咗嘢食之外，呢度我最鍾意嘅係佢哋嘅一份嘅人情味。

本身不是太愛車仔麵的我，一聽到為食友大推洪發美食的西洋菜，蓮藕餅及韭菜餅😋😋立即雙眼發亮 👀👀我哋好似一班蝗蟲咁衝入去攻陷"洪發美食"食到反肚😆😆😆叫到一抬都是食物，有蓮藕餅，韭菜餅，水餃，豆腐，豬皮，辣鳳爪，生菜及釀苦瓜🍲🥘喂呀～叫咁多食唔食得晒架😜😜😜 其實我哋5位戰士大約吃光了9成，因為太美味而且分量極之多，根本冇辦法可以完全清光。 真心說真是價廉物美，分量超大材料新鮮， 性價比極之高。呢類型嘅街坊車仔麵店已經買少見少，抵食又好食。 最驚喜就係個辣醬，辣味得來很有層次，首先帶一點鹹味之後再有一股強烈的辣味直衝進味蕾，相當刺激😲😲 滋味無窮😍😍

自從年初車仔麵老闆娘退隱之後（聽說她仍是老闆娘，不過交給別人打理），我已很少去幫襯了，不過這天心血來潮又重食舊麵，看看是否食得番以往老闆娘的味道。去到店面，以往長長的排隊人龍已不復見，只看到新揸fit人與清潔姐姐一邊談天一邊等客到。叫的仍是往日喜歡吃的米線、豬腸、藕餅、蘿蔔等，可是味道已不似舊時，不單沒有過往般美味（食物無以前咁入味），還少了老闆娘那份特有的人情味。雖然已尋不回往日的美味，不過這也沒有辦法，世道總是「一代新人換舊人」的吧，老闆娘也總有退休的一日，惟有把舊味道藏在心裡吧……

懷舊車仔麵，自製蓮藕餅好楚口，釀苦瓜好夠味，又有特色，自製辣椒油又香又辣，因已開業20多年，舊地方舖，地方較少，有時候要排隊，但因多街坊生意，員工親親切，有講有笑。